تمارين بدون ؟؟؟

[نجم سهيل]

إنطلقت منذ ايام تمارين الفريق الرمحاوي الأول

وسط غياب تام من عناصر الخبره ومن يعتقدون أنهم > نجوم النادي <

العجيب بالأمر اننا نراهم يعتلون قوائم المباريات رغماً عن عدم حضورهم واستعداهم الجيد .

وكأن مدرب الفريق يقول ( المخرج عاوز كده ):busted_blue:


السؤال الكبير متى نرى شخصيه قياديه لا تفرق بين القريب والبعيد بل تفكر فيمن يخدم الفريق ؟؟

[ابن عبداللطيف]

ان شاء الله تظهر الشخصيهـ القياديهـ دامـ الوضع مثل ما تقول


طف طف :cool:

[هبوب]

أخيراً

خرج لنا نجم ( سهيل )

ذلك النجم ( الرّياضي )

وما أكثر النجوم ..

ولكن سرعان ما تختفي آثارهم


أحب فيك عودة ( توهّجك )
وكأنك تلتمس بك جمال ( اللمعه ) قبل ( هلال ) شهر رمضان

ألم تنظر إلى الإداره أين هي ؟!

عرفتك ( نجما ) .. فلماذا لا ترى الا قاعدة الهرم وتركت الرأس !!


ستغيب عمّا قريب
ولن يبقى لك الا الذكر الطّيّب
فانظر ما أنت فاعله وكاتبه ومستقصده في خطابك !!

[نجم سهيل]

هلا هبوب

اشكرك على المقدمه الحلوه

لكن يجب ان تعلم ان الإختلاف ضروري بين البشر


ويجب ان الواحد ما يفسر كلام احد غيره على كيفه


انا لا اعتبر الإدارة هي سبب السقوط

نعم احملها بعض الشيء لكن يجب على عيال الديره كما يسمون انفسهم إلا يعتبرون النادي ملك خاص لهم


النادي مفتوح للجميع .. ومسأله اني العب اساسي ( عشاني .... ) هذي الكارثه


لاعب وصل عمره 38 سنه ما يطقها إلا بالنادي ولا عمره تمرن .. ؟؟
وش نسميه

ولاعب يزعل عشانه ما طب اساسي ويدق سلف ويزعل ويرفض النزول :ranting: لان سيادة الكابتن ما ينزله ..


وعقبها ..


تلقاه


اساسي في المباراه المقبله ..


هذ الكوارث ..


وإلا شرايك ؟؟؟

[صقر الجريفة]

ووالله أني سمعت مثل كلامك



أ

أتمنى لكم التوفيق
أ

[هبوب]

هلا هبوب
اشكرك على المقدمه الحلوه
تستاهل يا نجم !
لكن يجب ان تعلم ان الإختلاف ضروري بين البشر
ويجب ان الواحد ما يفسر كلام احد غيره على كيفه
لا .. ش دعوى ؟؟.. كلامك ما يبي له تفسير !!
انا لا اعتبر الإدارة هي سبب السقوط
تكفى يا المدير الفني ؟!!...
نعم احملها بعض الشيء لكن يجب على عيال الديره كما يسمون انفسهم إلا يعتبرون النادي ملك خاص لهم
عيال الدّيره من صغرهم وهم في النادي
وأنواع الخساير من طقم وكنادر وبنزين
ومع هذا يجي من يتكلم مثلك بكلام فاضي !
النادي مفتوح للجميع .. ومسأله اني العب اساسي ( عشاني .... ) هذي الكارثه
أحد قال لك أن باب النادي مصكوك ؟؟!!!!......
كل واحد يجي ويثبت جدارته ونقول له " الله يوفقك "
لاعب وصل عمره 38 سنه ما يطقها إلا بالنادي ولا عمره تمرن .. ؟؟
وش نسميه
أنا مدري وش اللي قاهرك من اللاعب .. بس عشانه كبير
أنت تدري أن أكثر أهداف العام هو اللي مصلحها للمهاجمين .
وبعدين اللاعبين الصّغار وش مستواهم حتى تتطالب بهم ؟!
ولاعب يزعل عشانه ما طب اساسي ويدق سلف ويزعل ويرفض النزول لان سيادة الكابتن ما ينزله ..
وعقبها ..
تلقاه
اساسي في المباراه المقبله ..
هذ الكوارث ..
وإلا شرايك ؟؟؟
وناقد نجم له سنه مسجّل بالمنتدى
ومشاركاته تعد بالأصابع
وللأسف ( كلها نفس الموضوع ) !!!!!!!!!

[تميم بن أشيقر]

كلامك سليم يانجم سهيل:vora:

[نجم سهيل]

هبوب اتمنى أن تكون منطقي وتبتعد عن العاطفه

عيال الدّيره من صغرهم وهم في النادي
وأنواع الخساير من طقم وكنادر وبنزين

هالحين عيال الديره ...هم الي يلبسون كنادر! والباقي يجون حافين ؟؟
وعيال الديره بس الي يعبون بنزين ؟؟ والباقين يجوب بسياكل !


أنا مدري وش اللي قاهرك من اللاعب .. بس عشانه كبير
أكيد لاعب كبير ,, سناً لا فنياً
أنت تدري أن أكثر أهداف العام هو اللي مصلحها للمهاجمين .
اي اهداف الله يخليك ؟؟
العام كله مصايب !!
وبعدين اللاعبين الصّغار وش مستواهم حتى تتطالب بهم ؟!
اي لاعب يحافظ على معدله اللياقي افضل من الي ما يجي إلا بيوم المباراة , ويركض له ربع ساعه ثم يتمشى بالملعب ؟


وناقد نجم له سنه مسجّل بالمنتدى

:busted_cop::busted_cop:

[هبوب]

هبوب اتمنى أن تكون منطقي وتبتعد عن العاطفه
وليـــــــــــــه ما تبعد عنك العصبيّه ؟!!...

هالحين عيال الديره ...هم الي يلبسون كنادر! والباقي يجون حافين ؟؟
وعيال الديره بس الي يعبون بنزين ؟؟ والباقين يجوب بسياكل !
عيال الديره وغيرهم يخسرون ومكافآت النادي قليله وهذا أمر طبيعي
أنا كلامي واضح ومفاده باختصار اللاعبون كثر الله خيرهم يجون ويلعبون

أنت تدري فيه ناس يجون للمباراة نصّهم نوم
أو يجي توّه قايم من النوم ويلعب أساسي !!
تبي اللي عمره كبير ما يلعب !

اي لاعب يحافظ على معدله اللياقي افضل من الي ما يجي إلا بيوم المباراة , ويركض له ربع ساعه ثم يتمشى بالملعب ؟
واذا ما عندك أحد لياقته تسعفه طول المباراة ؟!!...

شكراً على تكرار الموضوع

إلى اللقاء مع طرح نفس الموضوع :face3:

[صقر نجد]

إلى متى هالنقاشات والكلام الفارغ !!

مشاكلكم برى المنتدى الله لا يهينكم ..


المره الجاية لي تصرف ثاني مع الطرفين بدون النظر إلى من هما وماذا فعلا للمنتدى !!