موضوع يهم النادي للنقاش ؟؟؟!

[توالي الليل]

بعد التحيه والسلام
انا عندي موضوع يمكن البعض منكم يقول وش دخلنا بس انا اشوف انه يهم
سمعت ناديكم وطبعا سمعت النادي بسمعت الديره ماني مطول ابدخل في الموضوع

انا سمعت ان دوري المناطق صارت له توسعه( صار شارع مو دوري :funny2: ) وصارت الانديه المشاركه اكثر
وضم ا لدوري مناطق ثانيه مثل الدوادمي وعفيف .....

النقطه الي ابغا اوصل لها هي حنا في نادي رمحين وانا محسوب عليهم كنا اذا صارت المباراة في
ساجر ولا في السر يالله يكمل الفريق 11 لاعب بدون احتياط وبعض المرات نكمل بلاعبين يا مصابين

او معهم اكثر من كرت ( موقوفين ) او نلعب ناقصين وتجي النتائج كارثيه زي العاده .

الي ابغا اوصل له هو ان النادي في ساجر والسر,في بعض المباريات ما يكمل الفريق
وش يبي يكون حال الفريق في عفيف والدوادمي اتوقع مو رايح الا المدرب والاداري

لاني سمعت اكثر من لاعب يقول لو فيه نتائج تشجع وان حنا ننافس معليش ممكن نروح ونعني لعفيف
والدوادمي . ( وطبعا هذا الكلام ينطبق على كل الانديه المشاركه بس حبيت اشوف رايكم )

المهم سؤالي هو :

في وجهة نظرك هذا الاندماج وجعل اندية الدوادمي وعفيف مشاركه في الدوري هل هو في مصلحة
المنطقة وتطور الكوره في المنطقه ؟ او هل هذا القرار يخدم الكوره في المنطقه ؟؟؟؟

وفي وجهة نظرك ايضا ماهي الحلول لمشكلة عدم اكتمال الفريق في حال السفر لهذه المناطق ؟؟؟

:gathering:

[هبوب]

في وجهة نظرك هذا الاندماج وجعل اندية الدوادمي وعفيف مشاركه في الدوري هل هو في مصلحة
المنطقة وتطور الكوره في المنطقه ؟ او هل هذا القرار يخدم الكوره في المنطقه ؟؟؟؟
لا .. ليس في مصلحة المنطقة وتطوّر الكوره ،، بل في تدهور الكوره !!
........ عاد الله أكبر وش هالتطوّر ؟!!...
وفي وجهة نظرك ايضا ماهي الحلول لمشكلة عدم اكتمال الفريق في حال السفر لهذه المناطق ؟؟؟
عدم وجود الدّعم المادي - فلسفة بعض الناس بالنادي - عدم اهتمام بعض اللعيبه - وأشياء أكثر بس خلها مستوره !

[توالي الليل]

انا اتفق معك اخوي في مسالة عدم وجود الدعم المادي لان الاداريين في النادي يطالبون بالفوز واقل متطلبات

اللاعبين غيرمتوفره حتى الدعم المعنوي غير موجود وانا اعتبره اهم من المادي يعني وجود اداري في النادي

في اوقات التمارين مافيه الا واحد يجي يتفرج على التمرين ومو كل التمارين متى ما مسكت معه جاء وبالعكس

الله يعطيه الف عافيه وماقصر لانه يعتبر متطوع بس اسال عن باقي الاداريين ما نشوفهم حتى لو تسال اللاعبين

من هو رئيس النادي يمكن ما يعرفونه .

اخوي هبوب الله يعطيك الف عافيه ومشكور على التفاعل والرد