سهمين في قلب عوصا .. روايه شبه مثيره

[هبوب]

الجبل حينا يُرمَى بحجر ماذا تتوقع أن يحدث له ؟؟.. ( لا شيء )

من هنا سنتحدّث عن الحجر فقط لأنه المعني في القصه ...
يحكى أن رجلاً من الوشم يسكن إحدى هذه المناطق المجاوره لعكل وكان يتردد دائماً لتلك الديره الجميله وينهي كافة أعماله الخاصه بها ثم يعود لبيته ، ذات يوم ذهب لوجود معركه رسميه على البساط وكان هو من ضمن مجموعة مقاتلين قد دخلوا الميدان مبكرا ولكن هذا الرجل تأخر قليلا وإذ بالرّجل القيادي لا يعبّره وتركه في القائمه الهامشيّه رغم تسلحه وجاهزيته للموقعه ،، وقد مرّت دقائق المنازعه دون النظر في هذا المقاتل حتى ما أنتهت تلك المعركه ورجع لبيته متحسّرا ..
أصبح هذا الرّجل كالحجره المتعثره التي لا تحدث لذلك الجبل شيئا .. ولكنه عاود يرمي نفسه على الأشجار وأصبحت ترمي عليه الثمار ...

ترى .. متى سيقف ذلك الحجر عن الرّمي وهل سيستفيد من قوّة صلابته التي لا تساوي شيئاً عند ذلك الجبل ؟..

إنها حقاً كارثه غير مهمّه !!..

الكاتب / جد أبو علاء

[رحـّـال]

هبوب ضربت أروع الأمثله
:cool:
:renske:

[أبو علاء]

كاد المريب أن يقول خذوني.

[هبوب]

جحدر
مشكور على الرد
ولا تحرمنا من تواجدك
وذبّاتك الحلوه :bigg:

أبو علاء
مشكور على التواجد

ردّك على هالموضوع أكد قناعتي بالمثل اللي قلته ! :mo13:

[تميم بن أشيقر]

وين الإداره عن هتفاهات

صار المنتدى تصفيت حسابات بين هبوب وأبو علاء

وش الحل لهم يالإداره

ياليت تشوفون لنا حل

أين صقر نجد وهو يقول سأضرب بيد من حديد؟؟؟؟؟؟؟؟؟؟

[أبو علاء]

يا اخ تميم نحن في القسم الخاص بنادي رمحين اذا ما ناقشنا مشاكل النادي هنا متى نناقشها ولا تنسى ان القلم امانه وبه لازم نحرر العالات اللي قاعدين على قلب كل محب للنادي ويحسبون ان النادي ملك لهم :showoff:

[توالي الليل]

معليش يا جماعة اذا كان في تصوركم ان بكتاباتكم هذي هي الي تبي ترجع النادي وتبي تخليه ينافس

اتصور مافيه فرق بينا وبين فرق الحواري ونسحب اسم النادي الرسمي ونشارك في الدوراة الرمضانيه اوفق .

انا اشوف كثرة الكتابات في موضوع اعتزال اللاعبين الي تعدوا الثلاثين انا اقول يمكن

السبب نفسي قبل ما يكون فني يعني ان اللاعبين الي يتمرنون في النادي
وانا اول واحد يتصور ان نادي ينهزم بالخمسات والاربعات اكيد ان ما عندهم لاعبين واذا جيت ابلعب اساسي على طول .
وينصدم اللاعب انه احتياط ويتفاجاء وبعدين يتولد عنده ليش هذولي ما يتمرنون ويلعبون اساسيين .

<<<<< قلب محلل نفسي .

الي ابغا اوصل له انه المفروض من البدايه يحط في باله ان هذا نادي ماهو فريق حواري وان النادي يبغا تعب وتمرين وبعد التمرين يجربونك في اكثر من مركز ...... الخ ( يعني لايحط في باله ان اول مباراة ابلعب اساسي لاني افضل من فلان وعلان ولا ابروح ماني جالس حتياط )

معليش طولت وكثر هذري بس الي ابغا اوصل له تصوروا ان فيه اهتمام اداري ومكافأت ماديه وتشجيع
من قبل الادارة اتصور لو حتى كل اللاعبين اعمارهم طاقه الاربعين راح ينجح الفريق وراح ينافس

<<<<< قهر خلص الحبر ولا ودي اكمل مابعد خلص كلامي :chinese:

تقبل رد ومرور اخوك OO توالــ الليل ــي OO

[هبوب]

تميم بن أشيقر
لازلت أدعي لك بالهدايه والصلاح

أبو علاء
أنا مدري من تقصد
بس للمعلوميه .. فيه لعيبه موجودين بالنادي من كانوا ناشئين
ولا يغيبون عن المباريات حتى اللي في الدوادمي ويجون عانين من سفر وتاركين مشاغلهم
رغم انه فيه لاعبين يقفلون جوالاتهم ذلك اليوم وهم قريبين من الديره ولا أحد تكلم عنهم وأعمارهم صغيره ؟؟؟
عموماً أنا ما جيت اخاصمك
بس أحب أبيّن شي :
أنت ما شفت حال الإداره وش وضعها ؟؟
متى يجون ؟.. وكم يقعدون ؟.. وفي المباريات الرسميه هم يجون والا لا ؟؟.. وش المكافئات اللي يقدّمون ؟؟..
والله ما عز النادي الا اللعيبه رغم أن بعضهم مقصّر ..
وانا نصيحتي للجميع
تروحون للنادي وتشوفون الواقع
ما أحب القال والقيل على شان فلان وفلان

ردّيت عليكم وبكل صراحه وصدقوني هذا هو الواقع

[صقر نجد]

شكرا لكم :)


الوعد الليله

[تميم بن أشيقر]

عساك على القوه ياصقر نجد

لك أجمل تحيه وتقدير

[هبوب]

تميم ين أشيقر

أقصر الشر أحسن لك




صقر نجد

قدامك الأمور واضحه
فالرّجاء العدل ولا تأخذك كلمات بعض الناس

[تميم بن أشيقر]

انا مافيني شر

والإداره أدرى مني ومنك

[رقيشا]

مدري .. بس أحس ان هبوب هو الصّح ؟؟؟

أعذروني ... أنا ما لي في الكوره
بس ردود الاخوان تدل على تقصد هبوب بالاساءه !!!


وحسب علمي من كلام اخواني في نادي رمحين
ان اللاعبين مضيعين وقتهم على الفاضي
يعني الاداره ما عندك احد
والمدرب يخاف من كلام الناس اللي برا
عشان كذا يتأثر ببعض الناس

هذا ما سمعته وسمعته كثير ....


ارجو المعذره على المداخله
وكاني اخطيت سامحوني

.............. أختكم رقيشا