استجواب في المطبخ ..

[ملاك]

السلام عليكم ورحمة الله وبركاته ..


هذي فكرة أعجبتني و نقلتها من أحد المنتديات ..


عباره عن استجواب احد الأعضاء أوالعضوات في المطبخ ونسألهم أسئلة خفيفة وظريفة ،،

العضو الأول أنا راح أختاره .. وبعد ماينتهي من حل أسئلته .. يختار هو بدوره العضو التالي .. وهكذا :56:

ان شاء الله تعجبكم ..

نبدأ بالاسئله ،،

/ متى أول مره بديتـ(ي) تطبخـ(ين)؟


2/ وش أول شي طبختـ(ي)ـه؟


3/ ماردة فعل اللي طبخت(ي) لهم وكلوا من أكلك لأول مره؟


4/ ماهو شعورك من خلال أول ردة فعل؟


5/ هل مازلتـ(ي) تطبخـ(ين) حتى الأن؟


6/ تحبـ(ين) المطبخ ولاّ لا ؟


7/ موقف طريف مر عليك أثناء الطبخ ؟


8/ هل تؤيد(ين) دخول زوجـ(ـتـ)ك او اخوك او ابوك للمطبخ لمساعدتك او ليطبخ عنك ؟


9/ احسن طبخه تحبـ(ين)ها وتنصحـ(ين) بقية الاعضاء بتجبربتها؟



10/نصيحه منك للمبتدئين في المطبخ؟


ضعـ(ي) لنا أحد الطبخات اللي عملتـ(يـ)ها لو السلطه "سواء صورة أو طريقة ..


*اختار(ي) ثلاث من الاكلات او المشروبات واهد(يـ)ها لأحد الاعضاء ..


1- اهداء للعضو الاول

2- اهداء للعضو الثاني

3- اهداء للعضو الثالث


بداية أختار ولد برهمة .. علشان هو صاحب إقتراح مسابقة السنعين والسنعات :bigg:

[شيختهم تميميه]

بصراحه فكره حلووه مرره :bigg:

تسلمين ملاك
بانتظار ولد برهمه

[ŖAįYAЙţ _ ǻĿ3OOD]

وعليكم السلام ورحمة الله وبركاته
أهلين ملاك وش هالمواضيع الجديده اللي بدت تهل علينا ماشاء الله الله يزيد
ويبارك يله في إنتظار ولد برهمه للرد على الأسئله ,
عافاك الله ملاك تراني ماقلت ريما :bigg:

[ملاك]

شيختهم تميمية ..

الله يسلمك يالغلا ..

أسعدني مرورك ..:56:

[ملاك]

هلا والله بيلسان ..
شفتي عاد :bigg:

ههههههههههههه
أجل ريما هاه ..:ranting:
أساسا لو قلتيها كنت سميتك ............
أممممممممممممممممممممم

جحدر :heh:

[ريما]

فكـــــــره رائعه يا بيلسااااااااااااااااان يؤيؤيؤيؤيؤ قصـــــدي مـــلاك هههههههههههههههههه


أتمنى تثبيتهاااااااااا

بإنتظار ولد برهمه

يعطيك العافية

[بنت عز]

يسلموووووو يا ملوكه..فكره حلوووووه:vora::vora:
الله يعطيك العافيه

[رحـّـال]

يعطيك العافية أخوي برنس على هالموضوع الرائع
كما عودتنا

:funny2:

:funny2:

:funny2:


قصدي ملاك:sticktongue:


وبأنتظار الشيف برهوم:vora:

[ŖAįYAЙţ _ ǻĿ3OOD]

ههههههههههه
والله ردودك ردود مجانين مو طباخين ماصارت غلطه بسم الله علي :bigg:
ضحكت عليكم ضحك الله لايوريكم وخاصه جحدر الظريف :vora:
الله يوسع صدوركم بالإيمان

[ملاك]

:busted:

:busted:

:busted:

:busted:

:cry:

:cry:

:cry:

:cry:

ريمـــــوه

جحدروووووه

وش بلاكم هبّيتو عليّ ..:eek:

تراي امزح الله يسلّمكم ..:bigg:

كله من بيلسانوه :cool:

بنت عز ..الله يسلمك يالغلا ..

شرّفتي :56:

[ملاك]

:gavel:

ولد برهمة ..

وينك يااخوي

أبطيت علينا

:56:

[ولد برهمه]

:gavel:

ولد برهمة ..

وينك يااخوي

أبطيت علينا

:56:
والله ما دريت عن موضوعكم الا الحين

المعذرة على التاخير



والله فكرة فلته اختي ملاك

بس ليش اخترتيني كان اخذتي وحدة من البنات
هم اقرب مني للمطبخ


على العموم ماني مفشلك ابا ابدأ ان شاء الله

[ولد برهمه]

ان شاء الله تعجبكم ..
:bigg:


فكرة حلوة ما فيها كلام
بس الله يعين على الاحراج
مهوب علي ترا
الاحراج على الرفلين والرفلات



1/ متى أول مره بديت تطبخ؟
بديت الطبخ بعد الجامعة

قبل الجامعة في البيت امي الله يسلمها تطبخ
وفي الجامعة مدلع نفسي اكل في مطاعم
لاني عزوبي ماعندي احد
في جامعة البترول




2/ وش أول شي طبختــه؟
اول ما طبخت من النوشف البيض
ومن الدسم مكرونه




3/ ماردة فعل اللي طبخت لهم وكلوا من أكلك لأول مره؟
يقولون زينه
وهم يرقلون
شكلهم ما جازت لهم مرة
بس اكلوها




4/ ماهو شعورك من خلال أول ردة فعل؟
ما علي منهم
تجربة واقول انها جيدة
اول طبخة وكانت عادية يعتبر انجاز





5/ هل مازلت تطبخ حتى الأن؟
في البر فقط





6/ تحب المطبخ ولاّ لا ؟
اساعد واوجه الاهل ببعض النصائح
وما عليهم قصور ما شاء الله عليهم




7/ موقف طريف مر عليك أثناء الطبخ ؟
ما اتذكر الحين





8/ هل تؤيد دخول زوجـتـك او اخوك او ابوك للمطبخ لمساعدتك او ليطبخ عنك ؟
الله يسلمها كل عمرها في المطبخ





9/ احسن طبخه تحبـينها وتنصحـين بقية الاعضاء بتجبربتها؟
انا متخصص ومتفنن شوي
وفي البيت متخصص مندي




10/نصيحه منك للمبتدئين في المطبخ؟
جررررررررررررررررب ولا يهمك احد





ضع لنا أحد الطبخات اللي عملتـها لو السلطه "سواء صورة أو طريقة ..
في موضوع المسابقة تشفون كل شي

*اختار ثلاث من الاكلات او المشروبات واهدها لأحد الاعضاء ..


1- اهداء للمشرفين وعازمهم عل مندي بيتي

2- اهداء للاعضاء وعازمهم على شوي سبشل

3- اهداء للتحالف اللي يبي يشارك معي في المسابقة عصير مشكل شقف
لانه يحب البرتقال

:bigg:


وفي الاخير اشكر الاخت ملاك علي اختياري







واختار من ياربي ...... من يا ربي ....












صح تذكرت





















اختار ملاك

[ملاك]

والله ما دريت عن موضوعكم الا الحين

المعذرة على التاخير

ماصار الا الخير وانا اختك :56:

والله فكرة فلته اختي ملاك

بس ليش اخترتيني كان اخذتي وحدة من البنات
هم اقرب مني للمطبخ

لا تخاف بيجيهم الدور إن شاء الله :bigg:
على العموم ماني مفشلك ابا ابدأ ان شاء الله

أخوي ولد برهمة ..الله مير يسلّمك :redface:

[ملاك]

فكرة حلوة ما فيها كلام
بس الله يعين على الاحراج
مهوب علي ترا
الاحراج على الرفلين والرفلات


هههههههههههه
ياعيني على الثقة بالنفس ... قول وفعل ياولد برهمة :funny2:


وفي الاخير اشكر الاخت ملاك علي اختياري


وشكرا لك أيضا على سعة صدرك ..:56:




واختار من ياربي ...... من يا ربي ....












صح تذكرت





















اختار ملاك

يؤ يؤ يؤ يؤ

وهقة :wounded1:



لا والله عادي وش وهقته :bigg:

كلّها أسئلة عادية ..

:eat1:نبدأ بسم الله ..

1/ متى أول مره بديتـ(ي) تطبخـ(ين)؟
أول طبخة سوّيتها كانت في رابع أو خامس ابتدائي .. أخذنا في مادة التدبير طريقة عمل ساندويتشات الجبن مع المربى .. ومن رجعت للبيت وانا أبدّع :redface:



2/ وش أول شي طبختـ(ي)ـه؟
الدرس الي بعد ساندويتشات الجبن والمربى .. وكانت البيض المقلي :funny2:


3/ ماردة فعل اللي طبخت(ي) لهم وكلوا من أكلك لأول مره؟
أمي لحقتني بالعصا وقالت لاعاد أشوفك في المطبخ :ranting:
الله لايلومها سويت ملح بالبيض مو بيض بالملح :eek:


4/ ماهو شعورك من خلال أول ردة فعل؟
شعوري .. ماعندي إحساس .. لأن الي شافني ماشاف الا غبرتي وانا منحاشة من المطبخ :bigg:

5/ هل مازلتـ(ي) تطبخـ(ين) حتى الأن؟
أكيد .. فلا يأس مع الحياة :vora:

6/ تحبـ(ين) المطبخ ولاّ لا ؟
إي والله احبه .. بس ماأحب غسيل المواعين :tongue:


7/ موقف طريف مر عليك أثناء الطبخ ؟
ياكثر المواقف ..
أتذكر اني أحرقت غداء عائلة كاملة .. يعني قبل ما أحط الرز في موية سلق اللحم .. كان اللحم ناشب في قاع القدر <<طبعا من الإحتراق ..
المهم اني قررت أكمّل والي يصير يصير ..
وكمّلت



وش تتوقعون ردّة الفعل ..
الجميع قال واااااو ..

ريحة شواء ..
قلت إي عازمتكم على حفلة باربيكيو :kicking:
وكل اليوم وانا أدهر اشوي ..
ولمّا ذاقوه أعجبهم حيييييييل
وطلبو مني أعيدها مرة ثانية :vora:<<إي هـــــيّن:cool:
وبس :redface:

8/ هل تؤيد(ين) دخول زوجـ(ـتـ)ك او اخوك او ابوك للمطبخ لمساعدتك او ليطبخ عنك ؟
يساعدني .. مافي مانع
بس يطبخ عني ..... ودي بس من يطيع :wounded1:


9/ احسن طبخه تحبـ(ين)ها وتنصحـ(ين) بقية الاعضاء بتجبربتها؟
اللازانيا بلحم الغنم والباشاميل ..


10/نصيحه منك للمبتدئين في المطبخ؟
وربي الطبخ سهل بالمرة .. ومافي أحد مايعرف يطبخ .. بس محتاج العزيمة والإصرار
إذا توهّقتـ(ي) بنقص أحد المقادير دوّر(ي ) بديل مقارب له ..وإذا مالقيتـ(ي ) كمّلـ(ي) ولا عليك ..وبتصير الطبخة ولا أحلى :bigg:


ضعـ(ي) لنا أحد الطبخات اللي عملتـ(يـ)ها لو السلطه "سواء صورة أو طريقة ..
http://www.gulfup.com/uploads3/12386391370.gif (http://www.gulfup.com/)
هذي صورة حلا .. أما الطريقة .. فالي يبيها يقول لي وأكتبها له << عجّازة :tongue:

*اختار(ي) ثلاث من الاكلات او المشروبات واهد(يـ)ها لأحد الاعضاء ..


1- اهداء للعضو الاول
سوشي بالضبّان لجحدر :bigg:<< علشان إذا راح لليابان يعلمه للطبّاخين حقينهم :funny2:

2- اهداء للعضو الثاني
طبقات الأرز بالذجاج والكاري لخضراء اليمامة لأنها تسوية وماتذوّقني :wounded1:


3- اهداء للعضو الثالث
قهوة من غير قدوع .. لبيلسان .. علشان تروّق وتتحضّر لحلّ الأسئلة الماضية :vora:


شكرا اخوي ولد برهمة مرتـ(ن)ثانية :bigg:


بانتظارك بيلسونة :56:<< آآآآبو الدلع

[بنت أشيقر}~]

ننــتــظــر،،




الله يسـتـر:sweatingbullets:

[ملاك]

:shades:

بنت أشيقر راعية الفزعات ..

وش بلاك ياوخيتي مرتاعة ..

هذا ودورك مابعد جا :bigg:

ننتظر بيلسان ..

الله يصلحها ... لاهية في الويك إند :tongue:

[ŖAįYAЙţ _ ǻĿ3OOD]

السلام عليكم ورحمة الله وبركاته
اهلين ملاك معليش تاخرت عليكم توني ادري عن إختياري لإجابه
ومشكوره على الإختيار .ولو إني زعلانه منك :ranting:
أجل قهوه بدون قدوع وغيري له الزين والضبان والبخاري :bigg:
على الاقل توكس وإلا جالكسي ويكفيني مو طماعه :vora:
حبيبتي ملاك هذي إجاباتي على الأسئله بسم الله .
/ متى أول مره بديتـ(ي) تطبخـ(ين)؟
ب اول مره بديت ثالث متوسط واذكر ابوي هاوش امي
علشاني خايف علي من الفرن ( بس لاتعلمون احد ) :Lighten:2/
وش أول شي طبختـ(ي)ـه؟
طبعا الكبسه وكانت تجنن واذكر كان عندنا عمي متعشي وأكل
كل الصحن من زينه نثري بسم الله علي :bigg:

3/ ماردة فعل اللي طبخت(ي) لهم وكلوا من أكلك لأول مره؟
والله والحمد لله من اول طبخه كنت ناجحه وموفقه فيها
مع إني كنت صغيرد وجديده على الطبخ .
/ ماهو شعورك من خلال أول ردة فعل؟
والله كنت مبسوطه انهم مدحوي شغلي واكلوه وماقالوا فيه شي
وكان تشجيع لي على الإستمرار ولو إن المطبخ غثيث .:cool:5/ هل مازلتـ(ي) تطبخـ(ين) حتى الأن؟
والله في الفتره الاخيره صرت متكاسله مره عن المطبخ والطبخ
وصرت مااحب اطبخ وفيه سبب احتفظ به لنفسي والله يعين .6/
تحبـ(ين) المطبخ ولاّ لا ؟
احبه احيانا إذا صرت مروقه وإذا صرت طفشانه مااحب ادخله
نهائيا .
7/ موقف طريف مر عليك أثناء الطبخ ؟
فيه موقف بس مو طريف بصراحه كان مخيف جدا
كنت اسوي معجنات وبعدين شغلت الفرن واثر الصاجه منكب
عليها زيت ومع حرارت الفرن إحترق الزيت وغطانا الدخان
وصارت حريقه في المطبخ وراحت المعجنات علينا:bigg:
8/
هل تؤيد(ين) دخول زوجـ(ـتـ)ك او اخوك او ابوك للمطبخ لمساعدتك او ليطبخ عنك ؟
اخوي وابوي وامي طبعا لا اؤيد نهائيا مع إن ابوي طباخ
اخوي مفسد يحرق القدور والقهوه التركيه دايم على الفرن مكبوبه
اما زوجي في المستقبل اتمنى يكون طباخ ومحترف بعد في الطبخ
علشان يطبخ لي ويدلعني ويكون فيه نوع من التغيير :Lighten:9/
احسن طبخه تحبـ(ين)ها وتنصحـ(ين) بقية الاعضاء بتجبربتها؟
صينية المكرونه بالباشميل طبقي المفضل
/نصيحه منك للمبتدئين في المطبخ؟
نصيحتي لااحد يدخل المطبخ إلا وهو قد المسؤوليه ويحاول بقدر
الإمكان يكون دقيق في عمله وشغله علشان كل شي يصير مضبوط
ولايطلع من المطبخ إلا وهو منظف كل شي وخاصه الفرن :vora:
ضعـ(ي) لنا أحد الطبخات اللي عملتـ(يـ)ها لو السلطه "سواء صورة أو طريقة ..
في الحقيقه عندي مجموعة صور لكن البلوتوث في كمبيوتري
مايشتغل معليش المعذره .
اختار(ي) ثلاث من الاكلات او المشروبات واهد(يـ)ها لأحد الاعضاء .
ابشري راح اختار اشياء خفيفه .ومن شغل يدي مو جاهز .
1- اهداء للعضو الاول
عصير برتقال فرش وبارد لولد برهمه وبالعافيه على قلبه .:vora:2-
اهداء للعضو الثاني
تشكيله حلوه من المشويات لهبوب :vora:3-
اهداء للعضو الثالث
همبرجر من هرفي لوشيقري تميمي لانه دلوع مايبي شغل البيت :love2:
وعافاك الله ياملاك على هالاسئله .والموضوع الحلو مثلك .
واختار بعدي .,,,والله محتاره
طيب اختار أخونا ابو الزيون

[ملاك]

بيلسان ..

يسلمو عالإجابات ..

بس كلّش الا زعلك يالغالية ..

أنا كان قصدي .. ان القهوة مع القدوع ماتفتح المخ ..لأن القدوع يعني حلويات والحلويات تسمّن .. وتخرّب الأسنان ..وتطلّع حبوب في البشرة .. وتجيب النوم ..

ونستنتج من كل الكلام أعلاه :love2:
ولو اني مب :love2: كان أهديتك قهوة بقدوع ..
وخلّيتك تسمنين ..
وأسنانك تسوّس ..
ويطلع بوجهك حبوب ..
وتدوخين ..

وبالتالي ماتحلين الأسئلة ..:bigg:

فهمتي شي ؟؟:shades:

أنا مافهمت :56:

[ملاك]

بانتظارك أخوي أبو الزيون

:vora:

[ابوالزيون]

وعليكم السلام ورحمة الله وبركاته


أشكر أختي بيلسان لترشيحي لموضوعك الكريم أختي ملاك

والشكر موصول لولد برهمة




نبدأ بالاسئله ،،

/ متى أول مره بديتـ(ي) تطبخـ(ين)؟

في المتوسطة

2/ وش أول شي طبختـ(ي)ـه؟

ماعندنا غير الكبسة (للمبتدئين)طبعا

3/ ماردة فعل اللي طبخت(ي) لهم وكلوا من أكلك لأول مره؟

مبسوطين عالآخر
4/ ماهو شعورك من خلال أول ردة فعل؟

شعور اي مواطن لالا تمزحين والله لوني مقدم على اختبار الشيف

5/ هل مازلتـ(ي) تطبخـ(ين) حتى الأن؟

تصنيفات على حسب المزاج والمكان(بلا تلميح للطبخ)
6/ تحبـ(ين) المطبخ ولاّ لا ؟
أحب اشرف وأقترح

7/ موقف طريف مر عليك أثناء الطبخ ؟

؟؟؟؟؟؟؟؟؟؟لالالالالالا فضيحة

8/ هل تؤيد(ين) دخول زوجـ(ـتـ)ك او اخوك او ابوك للمطبخ لمساعدتك او ليطبخ عنك ؟

الله لايهينها وش شغلها وبعدين الزوجة حلاوه البيت كله
9/ احسن طبخه تحبـ(ين)ها وتنصحـ(ين) بقية الاعضاء بتجبربتها؟

لا عشان ما أتوهق معكم.

10/نصيحه منك للمبتدئين في المطبخ؟

ـــــــــــــــلايوجدـــــــــ
ضعـ(ي) لنا أحد الطبخات اللي عملتـ(يـ)ها لو السلطه "سواء صورة أو طريقة ..

وربي ماعندي من زمان الصبا

*اختار(ي) ثلاث من الاكلات او المشروبات واهد(يـ)ها لأحد الاعضاء ..


1- اهداء للعضو الاول معكرونة بالباشميل لبيلسان عصير

2- اهداء للعضو الثاني كبسة لهبوب سفن أب
3- اهداء للعضو الثالث الكاري للعضوة الي تحب الفلفل

والعذر والسموحة من البقيه والله يحييكم في محلكم

[ولد برهمه]

ابو الزيون

طيب من بعدك نستجوبه

[ابوالزيون]

ابو الزيون
طيب من بعدك نستجوبه


بصراحة حاب يكون اللي بعدي

جحدر السيف (شيخ المنتدى)

:phone2::phone2::phone2:

[ابوالزيون]

وين جحدر ماوصل مع اني بلغته عالخاص

الظاهر انه يتهرب بس بجيبه الله يصلحة لايفشلني :sweatingbullets::whistle1::zipped:

[ملاك]

ههههههههههههههههههه

شكرا أبو الزيون ..

وبانتظار شيخنا ..

أنا أشم ريحة ضبّان مشوية ..

شكله بيصوّرها ويجي يجاوب :bigg:

[رحـّـال]

جحدر موجود ما راح بعيد

عطوني وقت شوي:love2:

[ريما]

بإنتظااااار جحدر


أحلى كبسه بالضباااااااااان بصحن الهايلوكس

هههههههه

[رحـّـال]

السلام عليكم
اعذروني عالتأخير
ماعاد معي راس
مدري اذاكر مدري أطبخ <<صدق نفسه:bigg:

لاتستعجلون علي ياجماعة الخير:funny2:
ريما /ملاك
تونا على الضبان:bigg:

/ متى أول مره بديتـ(ي) تطبخـ(ين)؟
قبل 3 سنوات تقريبآ

2/ وش أول شي طبختـ(ي)ـه؟
طبعآ غير البيض:bigg:
طبخت شكشوكة فطور في البر:bigg:


3/ ماردة فعل اللي طبخت(ي) لهم وكلوا من أكلك لأول مره؟
جازت لهم بس يقولون لوك مالحها زود:spoton:

4/ ماهو شعورك من خلال أول ردة فعل؟
مبسوط (متشقق)

5/ هل مازلتـ(ي) تطبخـ(ين) حتى الأن؟
على خفيف

6/ تحبـ(ين) المطبخ ولاّ لا ؟
اي والله بس مالقيت الي يساعدني :ranting:

7/ موقف طريف مر عليك أثناء الطبخ ؟
ما أذكر

8/ هل تؤيد(ين) دخول زوجـ(ـتـ)ك او اخوك او ابوك للمطبخ لمساعدتك او ليطبخ عنك ؟
احسن شيء التعاون وسعة الصدر


9/ احسن طبخه تحبـ(ين)ها وتنصحـ(ين) بقية الاعضاء بتجربتها؟
طبخة سويناها في البر
حطينا التونه والفول الي يجي في المعلبات والبيض والبصل والطماط
في القلاية وطلعت احلى طبخة في العالم

انصحكم بتجربتها:spoton:



10/نصيحه منك للمبتدئين في المطبخ؟
الثقة في النفس
ولا تفتشون القدر كل شوي:redface: <<اول مرة انصح في حياتي



ضعـ(ي) لنا أحد الطبخات اللي عملتـ(يـ)ها لو السلطه "سواء صورة أو طريقة ..
ماحولي صور حاليآ:56:

*اختار(ي) ثلاث من الاكلات او المشروبات واهد(يـ)ها لأحد الاعضاء ..


1- اهداء للعضو الاول
بروستد حراق للشاعر هبوب:redface:

2- اهداء للعضو الثاني
جريش لبرنس الرياض

3- اهداء للعضو الثالث
مقلوبه واهديها للحلو الي اختارني (ابو الزيون)

[ملاك]

شكرا جحدور على النصائح القيّمة ..:bigg:

لكن ما قلت من تختار بعدك ؟؟

[ابوالزيون]

السلام عليكم
اعذروني عالتأخير
ماعاد معي راس
مدري اذاكر مدري أطبخ <<صدق نفسه:bigg:
3- اهداء للعضو الثالث
مقلوبه واهديها للحلو الي اختارني (ابو الزيون)

:ermm:ياعل عيني ماتبكيك:blush-anim-cl:

:thumbsupup:ماقصرت تسلم يديك:thumbsupup:

[بنت عز]

محد أهدانااا طبخه ..يا الله لنا الله..:ranting::ranting:

[هبوب]

محد أهدانااا طبخه ..يا الله لنا الله..:ranting::ranting:

هههههههههههه

رحمتك عاد .. تصدّقين ..!!


وش رايك في اللي ما درى عن الموضوع الفلته :bigg: .. وزي ما يقولون .. فلتت من يديني هالاكلات والطبيخ السّنع :toothbrush:

أثر الشّباب مجتمعين وعليهم هاله إعلاميّه في هالمطبخ وحنا ما ندري بهم :bigg::bigg:



>> أشكر <<
> كل من قدّم لي وجبةً ولو كانت مشروبا <
:bigg::bigg:
>> وأعتذر عن الجلوس طويلاً في هذا المطبخ المليئ بالأعضاء <<


ممكن اخذ بيالة شاهي على الماشي
:bye1:

[اشيقري تميمي]

لحد يسالني ترى مالي في المطبخ :bigg:


جحدر اختر الي بعدك :vora:

[ŖAįYAЙţ _ ǻĿ3OOD]

لحد يسالني ترى مالي في المطبخ :bigg:


جحدر اختر الي بعدك :vora:

خخخخخخخخخخخخ
ضحكتني ياابو صقر
انت اول شل الكاس اللي تحطه في مكانك ثم فكر
في الطبخ والمطبخ :bigg:
كني فضحتك يالعجاز :kicking:

[رحـّـال]

استضيف

أخوي
حكمة الصمت

[اشيقري تميمي]

[QUOTE=بيلسان;165723]خخخخخخخخخخخخ
ضحكتني ياابو صقر
انت اول شل الكاس اللي تحطه في مكانك ثم فكر
في الطبخ والمطبخ :bigg:
كني فضحتك يالعجاز :kicking:[/QU

الله يخليك لنا ذخر يا رب :bleh:(( اذا صرنا عندكم ))


عاد انتي لا تدققين :bigg:

[ملاك]

مابغيت ترجع للمطبخ ياجحدور وتقول من عليه الغدا اليوم !!
كنّك ماصدّقت تطلع منه :bigg:

بانتظار أخونا.. حكمة الصّمت .. ترانا جعنا :tongue:

[..حكمة الصمت..]

وعليكم السلام ورحمة الله وبركاته

ملاك شكرا على الموضوع
وفكره والله حلوه

ومعليش توني اشوفها الحين

واشكر اخوي جحدر على اختياره لي.

/ متى أول مره بديتـ(ي) تطبخـ(ين)؟
بديت الطبخ يوم كنت في أول ثانوي

2/ وش أول شي طبختـ(ي)ـه؟
كبسه رز مع الدجاج

3/ ماردة فعل اللي طبخت(ي) لهم وكلوا من أكلك لأول مره؟

طبعاً اكيد مدحوني بس انا داري انها مجامله :56:

4/ ماهو شعورك من خلال أول ردة فعل؟

تحمست بعدها ومصر على الطبخ

5/ هل مازلتـ(ي) تطبخـ(ين) حتى الأن؟

ايه بس في كشتاتي للبر وقليل في البيت

6/ تحبـ(ين) المطبخ ولاّ لا ؟

ايه بس امي اكثر شي تطردني منه

7/ موقف طريف مر عليك أثناء الطبخ ؟

الوالدة الله يخليها كانت تعلمني كيف اسوي القرص .اختصر الموقف الكم
يوم جيت احط القرص قالت حط في يدك مويه على شان تتحكم فيه
وتوزعه انا حطيته على المقرصه ورحت اصب المويه فوق القرص وراح قرصنا كله مويه .

8/ هل تؤيد(ين) دخول زوجـ(ـتـ)ك او اخوك او ابوك للمطبخ لمساعدتك او ليطبخ عنك ؟

ايه .اذا كان بيقطع بصل وطماط بس .

9/ احسن طبخه تحبـ(ين)ها وتنصحـ(ين) بقية الاعضاء بتجبربتها؟

(المرقوق )

10/نصيحه منك للمبتدئين في المطبخ؟

سو الي تبي وما عليك من احد .

ضعـ(ي) لنا أحد الطبخات اللي عملتـ(يـ)ها لو السلطه "سواء صورة أو طريقة ..

..............................

*اختار(ي) ثلاث من الاكلات او المشروبات واهد(يـ)ها لأحد الاعضاء ..


1- اهداء للعضو الاول
كبسة حمام محشي . وهو أول من رحب بي.(( جحدر ))
2- اهداء للعضو الثاني
مكرونه بل بشمل. وهو ثاني من رحب بي .(( بيلسان ))
3- اهداء للعضو الثالث
مقلقل لحم . وهو ثالث من رحب بي .((ملاك ))

والأختياااار أختاار
.
.
.
.
.
.
.
رابع واحد رحب بي .:funny2:

بنت أشيقر (راعية الفزعات)
وشكرا
اخوكم / حكمة الصمت

[ملاك]

تسلم اخوي حكمة الصمت ..

الأحلى مشاركتكم في هالموضوع

الموقف الي صار لك مع الوالدة الله يحفظها فللللللته :vora:

مشكوووور على المقلقل ..

وش زين طعمه :bigg:

بانتظار راعية الفزعات :56:

[الذواقة]

فكرة رائعه جدا تسلمين
اقبلوني معكم ويشرفني مروركم على مواضيعي في المطبخ بذات والباقي طبعا اختكم الذواقة

[رحـّـال]

راعية السحبات (الفزعات)وينها:sweatdrop: