إلى متى تضارب الإعلام لدينا ؟

[برنس الرياض]

السلام عليكم ورحمة الله وبركاته

يالله حيهم مع نهاية الإجازة انشاء الله استمتعتو بها:vora:

ودنا ندردش معكم بموضوع الي هو الإعلام عندنا وبعض التضارب في النشر !

ممكن نتكلم عن هذا الموضوع عن طريق طرح تساؤل محيرني والي نتناقش ونتحاور من خلال إجاباتكم على هذا التساؤل وهو :
س1/ في الإعلانات التجارية ( غالباً ) يكون ظهور العنصر النسائي بالحجاب ، وجميع المسلسات العربية نشاهد العنصر النسائي وقد أظهر الساقين إلى مادون الركب واليدين وناهيك عن الصدر ؟ لماذا هذا التضارب ..

وهذه ظاهره من عدة ظواهر نشاهدها

وجل من لا يخطي



أخوكم الصغير
برنس الرياض

[هبوب]

وعليكم السلام ورحمة الله وبركاته


برنس الرياض



قوّاك الله .. والله لا يهينك على هالطرح الحلو

س1/ في الإعلانات التجارية ( غالباً ) يكون ظهور العنصر النسائي بالحجاب ، وجميع المسلسات العربية نشاهد العنصر النسائي وقد أظهر الساقين إلى مادون الركب واليدين وناهيك عن الصدر ؟ لماذا هذا التضارب ..


تبي الصّدق .. مدري ليه هالتضارب

بس اتوقع انه نوع من التسكيت وتمشية الحال قبل المسلسل :blow:



عافاك الله يا الحبيب

[برنس الرياض]

هلا بك هبوب
بس مااقتنعت بالتسكيت هذي أو اني مافهمت وش تقصد

وشكراً

[خضراء اليمامة]

وعليكم السلام ورحمة الله وبركاته ..

هلا أخوي الرائع برنس ..
الهدف الواطي يا برنس ..
خلّنا نرجع كم سنة ورى ..
قبل ..
ما كان التلفزيون يطرح أي صورة للمرأة ..
وكان الرجل محتكر كل شي ..
وكان كل شي ناجح .. ما عدا بدائية التصوير والإخراج ..

الأخبار كنا نسمعها براحة .. << بدون تغنّج ومكياج ..
والمسلسلات كنّا نتابعها بوناسة .. مثل طاش ما طاش أول ما طلع .. << لأنه احتكار على الرجل .. وفيه احترام للمشاهد ..
والدعايات كنّا ما نشوف طرف للمرأة ..
أما الآن ..
بدينا نتخاذل في هالمسألة ..
ودخلت المرأة في كل شي ..

لعبوا علينا بقولهم :
بندخل المرأة في الإعلانات محجبة .. لأنه ما يصلح نحط منتج نسائي يعلن عنه رجل ..
وطبعاً .. رضخوا المسؤولين في هالشي .. وقالوا صح عليكم .. وصرّحوا لهم بهالشي ..

وبعدها قالوا :
الضغط على المسلسلات البريئة اللي نسويها كثير .. ومانقدر كل شهر ننتج ونخرج مسلسل .. عشان كذا اسمحوا لنا نجيب من برا .. وبتصير مسلسلات بريئة .. فيها نساء محتشمات ..
ومشت عليهم ..
وبعدها ..
شف الوضع الآن .. << وهو الوضع اللي قلته ..
المرأة تطلع ولابسة تنورة للركب .. عاااادي ..
والأخبار تقولها وحدة وهي تتغنّج وتتمايل يمين ويسار ..
والإعلانات عشانها بيدهم ما فيهم يجبرونهم عليها ..
بس شوي ويقتنعون إن المرأة المحجبة متخلفة .. وشي مو مواكب للحضارة .. ولازم نحط إعلانات بدون حجاب ..
وصارت الآن في بعض الإعلانات .. عموماً ..
يعني مو بعيدين مرة على تحقيق هالشي ..

وسع صدرك ..
بس خوفي نصير مثل غيرنا من الدول ..
ما فيه محافظة .. ما فيه حجاب .. ما فيه أمر بالمعروف ونهي عن المنكر .. ما فيه سلطة للدين ..

الله يستر بس ..
يعطيك العافية يا برنس ..
مبدع كالعادة ..
خضراء اليمامة ..

[برنس الرياض]

هلا وسهلا بخضراء اليمامة (( أميرة الإبداع ))

يشرفني مرورك على الموضوع ومشاركتك فيه .

أما بالنسبة لكلامك لما قلتي انهم شوي ويقتنعون ان المرءة المتحجبة متخلفة للأسف حبيت اقولك انه الحين منتشر بنسبة كبيرة الي يقولون ان الحجاب تخلف وللأسف انه فيه نسبه منهم من عندنا من بلدنا .. من ديننا .. من جتمعنا .. للأسف.

يعني بالعقل (( الله ماشفناه بالعقل عرفناه))
ليش على قولتك الوحده في التقديم كوكتيل تغنج وتمايل يمين ويسار شوي وتطيح ... الخ

ولكن يبقى السؤال :
من المسئول؟؟؟

[منتهى السعاده]

http://www.ushiqer.net/vb/mwaextraedit4/extra/101.gif