تخيلوا البنت ولد و الولد بنت لوووووول

[b l u e]

تخيلوا البنت ولد و الولد بنت loooooooool



تخيلو العكس الحرمه تقوم بنفس اعمال الرجال والرجال يقوم بنفس اعمال الحرمه... علشان تعرفون انا مقصرين في حقهم ...

1
ــــــــــــــــــــــــــــــــ
ــ
سعد عمرة 26 سنة خلص دراسته وقاعد ينتظر بنت الحلال الي تضفه (الله من واحد بيقعد بها لو الوضع كذا )... سعد تعبان نفسيا كل ماجو ناس يخطبونه لبنتهم وشافته بنتهم راحو ومعاد رجعو (وجه واحد رايح في خرايطها)...واخر وحده جتهم ام فهد تبي تخطب سعد لبنتها نوره ... نوره شارطة انها لازم تشوف سعد (الحمد لله على النعمة الي انحن فيها )... جت نوره وقعدت في المجلس ودخل عليها سعد ومعه العصير ... حط العصير عند نوره ... وطلع يركض لغرفته ... صك باب الغرفه وتسند عليه وخدوده حمر وهو يدعي يارب اعجبها وتاخذني .. .. وراحت نوره تشوف غيره... وجلس سعد اسابيع ينتظر رد نوره ؟؟؟؟؟
ـــــــــــــــــــــــ

2
ـــــــــــــــــــــ
ابو محمد يقوم من الساعة 6 الصباح …. ويسعى في فطور ام محمد واذا زهب الفطور راح لام محمد يصحيها …

ابو محمد/ قومي يا ام محمد … قومي يابعد عمري افطري وروحي للدوام …

وبعد ربع ساعه من التدليع والتخقيق قامت ام محمد ….

التفت عليها ابو محمد وقال/ صباح الخير ….

ام محمد/ ردت برومانسيتها المعتاده كل يوم أي خير هو الي يشوف وجهك يشوف خير زهبت الفطور والشاهي يالدبشه والا لا ….

ابو محمد/ يرد ويقول نعم ياحبيبتي كلش زاهب ….

ام محمد / طيب اقلب وجهك عني ابغسل وجهي واجي افطر هاالحين ....

ابو محمد/ شوفي يا ام محمد هذي الوريقه فيها بعض المقاضي للبيت

ام محمد / هذا الي انت فالح فيه يالثور

ابو محمد / الله يسامحش ياام محمد ويخليش لي ولعييلش … وش انحن بدونش.

ام محمد / المهم بكره انا عندي مشوير قريب وبوديك عند اهلك يومين .

ابو محمد / وين بتروحين … (خايف تعرس عليه )

ام محمد / ابروح لجهنم … هماني اقولك لا تسالني وين ابروح وين ابجي … وان عاد سمعت كلمة وين رايح منك … ترى والله مايردك الا بيت اهلك …. والا والله لاصك لك جار او ضر اعصر به قلبك .

ابو محمد / العذر والسموحه طال عمرش … وش تبين اصلح لش على الغدا طال عمرش …

ام محمد / صلح سم … طرقع (لطخت بالباب وطلعت)؟؟؟؟
ــــــــــــــــــــــــــــــــ
ــــــــــ

3
ــــــــــــــــــــــــــــــــ
ــــــــــ
ناصر قاعد في غرفته ... منسدح على بطنه يقرا مجلة سيدي ولك انتَ ...وفجئه التلفون ترررررررررررررررررررررن

ناصر / الو مين

ساره/ هلا ومرحبا بها الصوت .. انا ساره

ناصر / عفوا من تبغيين

ساره / ابغاك انت

ناصر / قلة حيا … مالش اخوان تخافين عليهم وعلى سمعتهم بعدين ترضين وحده تكلم اخوانش يا قليلة الادب طوط طوط طوط

ترررن ترررن

ساره / اسمع لاتسكر السماعه انا اعرفك واعرف كل شي عنك … وانت بعد تعرفني زين

ناصر / انا ما اعرفش ولا ابغى اعرفش. طوط طوط طوط

تررن تررن

ساره /الو اسمع انت تتذكر رسايلك الي عندي وصورك ايام الثانوي … تراها موجوده لحد الان عندي محتفظة بها كل ها السنين

ناصر / ارجوش انا عرفتش هالحيين ارجوش انا كبرت وعقلت وذيك الحركات كانت ايام المراهقه … ارجوش رجعي صوري ورسايلي ارجوش والله لو يدرون اخواتي ان يقطعون راسي .

ساره / انا ابعطيك كل شي بس ابغاك تواعدني في محل اعطيك فيه الصور … والا والله لانشرها في كل مكان …

ناصر / ارجوش لا تفضحيني … ارجوش … وين طيب اواعدتش علشان تعطيني الصور والرسايل .

ساره / اسمع انا اعرف ان عندكم زواج الخميس الجاي بتروحون له … سو نفسك مريض ولا تروح معهم وانا اجيب الصور والرسايل لك

ناصر / طيب خلاص الخميس (مكسور الجناح)

وفي يوم الخميس ماراح ناصر مع اهله للزواج تعذر ان هدومه خربها الخياط … وقعد ناصر لوحده في المنزل …. وفي تمام الساعه 10 واذا بجرس الباب
تررررررررررررررررررررررررررررررن

ناصر بخطوات متثاقله وبصوت يشوبه الخوف من المجهول يرد ويقول / مين

ساره / انا ساره افتح الباب

ناصر / لا استطيع لايوجد في المنزل سواي … ادخلي الرسايل والصور من تحت الباب

ساره / اذا لم تفتح الباب فستندم طول عمرك وبتصير سمعتك على كل لسان هذا اذا ماذبحوك خواتك .

فتح ناصر الباب … ودفعته ساره بقوه …. ودخلت المنزل لتستفرد بهذا الضعيف المسكين اللذي لاحول له ولا قوه … اخذ ناصر يرجع للخلف وهو خائف من ساره حتى دخل الى داخل المنزل هربا منها ولكنها لم تتركه في حاله … وبعد ان اخذت مبتغاها … همت بالخروج … وقال لها ناصر والدموع ملىء عينيه لماذا لماذا انهيت حياتي ماذا تريدين مني ارجوك اخرجي اخرجي ولكن قبل ان تخرجين اعطيني الصور والرسايل …

ساره / أي صور واي رسايل … هل جننت حتى اعطيك اياها ؟؟؟؟؟

لقد اصبح ناصر ضحية استهتاره ايام المراهقة ؟؟؟؟؟؟؟؟؟
ــــــــــــــــــــــــــــــ

4
ـــــــــــــــــــــــــــــ
الساعة 3 من الليل …. أبو محمد سهران ماجاه نوم … محمد مريض مرتفعه حرارته وملتهبه لوزه … والصغيره حصه جيعانه ولكن ثمها منفر ماتقدر ترضع … وابو محمد ضام بزرانه لصدره ويصيح معهم مايقدر يسوي لهم شي … يوم جت 3.15 اليين باب البيت يفتح ام محمد توها جايه من الاستراحه …

ام محمد / اسمع انت ووجهك ضف بزرانك … ورح نم انت وياهم في الغرفه الثانيه انا تعبانه وواصله معي مافزت في الورقه ولا مره … وابغى انوم وما ابغى احد يزعجني .

ابو محمد / سمي طال عمرش ما لش الا طيبة الخاطر …

وخذ ابو محمد بزرانه وراح للغرفة الثانيه … وهو يبكي بحرقة على حاله وحال اطفاله … ووضع الصغيرة حصة في حضنه واخذ يهزها علها تنام … وفي يده منديل مبلل يضعه على راس محمد لخفض الحراره .

ام محمد قبل ان ينام اخذ يتحدث مع ام راشد في التلفون … اسمعي ياام راشد بكره تكفين لا يفوزون علينا … واستمرت المكالمة اكثر من 20 دقيقه كانت الضحكات تتعالى وكأن المرضى الموجودين في البيت لايعنونه بشيء؟؟؟؟؟؟؟
ــــــــــــــــــــــــــ

5
ـــــــــــــــــــــــــ
لطيفه توها ماخذة لها واحد اسمه صالح ....
اليوم يوم الخميس ليلة الجمعه الساعة 1 بعد منتصف الليل.... صالح يبغى يتزيين للطيفه قبل ماتجي … لبس صرواله الطويل المشقق … وفنيلته ام دلاع … وعدساته الفسفوريه …. وطفى اللمبات وولع شمعه وقعد على السرير …. وفجئه سمع صوت الباب … فرح وانبسط وقال / اكيد بتشوفني متزيين لها وبتنبسط .
دخلت لطيفه يوم فتحت غرفة النوم صرخت وقالت اعوذ بالله روعتني انت وهالعيون صاير كنك قطو ؟؟؟؟
ـــــــــــــــــــــــــ

6
ـــــــــــــــــــــــــ
ابو خالد يترجى ام خالد انها توديه لهله …. يشوف اخوه مصخن … ام خالد رافضه ... تقول انا تعبانه وماني فاضيه لك ... وفجئه رن التلفون
تررررررررررررررررررررررررررررن
ام خالد/ الو مين
ام حمد / هلا ام خالد انا شاريه نخلتين خلاص من الحسا وابغى نروح انا وياش نجيبها بكره على سيارتش
ام خالد / ابشري والله لو تبين للقمر ؟؟؟؟؟؟؟؟
ــــــــــــــــــــ

7
ـــــــــــــــــــ
ام عبدالله جايه من العمل … حطت شيلتها على الكنب … وقعدت تقرا الجريده … ثم صرخت … ابو عبدالله … ابو عبدالله ابو عبدالله وينك فوجع يوجعك وراك ماترد علي ….

ابو عبدالله / هلا ام عبدالله كنت في الحمام افرق ركيباتي واشيل يدياتي ورجيلاتي …. مادريت انش جيتي

ام عبدالله / وش تشيل وش تفرك يا رامي عياش

ابو عبدالله / الله يكرمش ياام محمد تقارنيني بذولي الي مايخافون الله .

ام محمد / اقول احمد ربك بس انهم مانعين الزواج من الخارج ؟؟؟؟؟؟؟؟؟
ــــــــــــــــــــ


ابيكم تقولون اي وحده اعجبتم

[خضراء اليمامة]

مراااااااااااااااحب ..

هلا أخوي Blue ..

أول شي .. وقبل كل شي .. بأقول شي ..

ما فيه أمل الرجل يعيش دور المرأة ..

لأنها مخلصة ووفية وعاطفية وكل شي فيها حلو .. بعكس الرجل تماماً ..

موقفك الأول وانا أختك ممكن يصير " لو " انقلبت الأدوار ..

لكن .. ما فيه شاب يشوف بنت ويهوّن عنها ..

لأننا أقمار وحلوين ونهبّل .. << أقمار = جمع قمر ..

أما الموقف الثاني فـ فيه مصداقية ..

وهي إن الرجال دايم نفسه في طرف خشمه ..

وما عنده أسلوب ..

أما الموقف الثالث وربي صاااااااااادق ..

أزعجونا .. كل يوم رقم جديد وصوت أجدد ..

ما أدري ما وراهم شغل ..؟

والله يكون في عون ناصر .. << بغت تصيح من اللي صار له ..

والموقف الرابع يبين لكم قد إيش احنا نتعب في كل شي ..

بس ماااااااااا عرفوا قدرنا ..

والموقف الخامس ..

لا تعليق ..

بس بأقول إن الرجال خالين من الرومانسية ..

والموقف السادس ..

الرجال كلهم كذا ..

رافعين يديهم من مسؤولية بيتهم ..

بس لغيرهم لو يأمرون أمر .. << ارتفع ضغطي ..

والموقف الأخير ..

برضو لا تعليق ..

أخوي Blue ..

ما قلت لك أي وحدة أعجبتني ..

بس رديت على كل وحدة ..

يسلمووووووو على هالموضوع ..

ولو تفحطون وتطيرون وتوقعون ما رح تقدرون تسوون اللي تسويه البنت ..

ولو مهما سويتوا لها ما رح توفونها حقها ..

خضراء ..

[b l u e]

مرحبا green

مشكوره على مروورك

بس لحظه لييه حاطه كل الرجال بصوره وحده

الناس اجناس
والرجال اجناس

ممكن الرجال ما يقدر يسوي الي تسويه المرأه

بس في نفس الوقت الحرمه او البنت ما تقدر تسوي الي يسويه الرجال



اما بالنسبه ان الرجال مايهون بعد مايشوف الحرمه خطا ياما صارت




أما الموقف الثاني فـ فيه مصداقية ..

وهي إن الرجال دايم نفسه في طرف خشمه ..

وما عنده أسلوب ..
^
^
^
زي ما قلتلك موكل الرجال كذا



لا تعليق ..

بس بأقول إن الرجال خالين من الرومانسية ..
^
^
^
حرام عليك انتي تعرفين كل الرجال ؟؟؟؟؟؟!!!!!!!!!!!!!!







واسفين اذا زعلناك بس الحق حق





تحياتي لك خضراء

[نواف]

كرككركركركرك

يسلموووو حبيبي بلو

[b l u e]

الله يسلمك نواف

ومشكور على مرورك

[kha_sa_ab]

تسلم بلوو

على الفكرة والخيال الرائع

وأنا معاك ومع خضراء اليمامه أن كل واحد منا يرى الناس بعين (مجتمعه) أقصد المجتمع الي يعيش فيه

فمثلا البنات الي أخوانهم أو أخوالهم أو عمانهم أو حتى أزواج خواتهم ولا ننسى الأب هاؤلاء البنات
سيحكمون على الرجال بحكمهم على محيط الرجال المحارم لهن

وكذلك الكلام نفسه ينطبق الشبان.

وأرجوا أن نلاحظ أن هناك حكما عادلا لاجدال فيه
وهو كتاب الله وسنة نبيه وهدي السلف وكذلك من هم أهل بأن نقتدي بهم في هذا الزمن

أدري طولت

وأعتذر لك أخي بلوو
وكذلك أنتي أختي خضراء اليمامه

[خضراء اليمامة]

مراااااااااااحب ..

أنا رجعت للرياض اليوم ..

وبارجع اليوم بعد ..

بس حبيت أعلق على كلامكم وأنا أختكم ..

أخوي Blue ..

احنا في قسم " وسع صدرك " ..

والكلام اللي ينقال لا يخلو من " الدعابة " وسعة الصدر ..

بس كل ما في الأمر إننا تعودنا على مثل هالهوشات بين الشباب والصبايا في كل المنتديات ..

والكلام اللي ينقال مجرد كلام خالي من المصداقية ..

وأنا أقول ..

اللي يدخل منتدى الصرقعة أو " وسع صدرك " يرمي الزعل برا ..

ومثل ما قلت الكلام خالي من المصداقية ..

أما أنت يا أخوي Kha Sa Ab ..

أقول لك نفس الكلام ..

بس أزيد إنه وربي إن محيطي الأسري جداً رائع ..

بس ما يخلو أي أحد من السلبيات .. لكنها مو كثيرة .. والإيجابيات تغطي عليها ..

تمنيت إن الموضوع ما يقلب جد ..

بس أرجع أذكركم إننا في منتدى " وسع صدرك " .. فـ من جد وسعوا صدوركم ..

خضراء اليمامة ..

[kha_sa_ab]

أقول يا خضراء اليمامه

شكلتس شاريه جمس
وقاعدة تكدين على الخطوط <<<< كل أشوي جايه تقول أنا أبسافر

أقول ترى المهر على الرجل مهوب عليكن

[NEW]

هههههههههههههههاااااااااااااااااااااااي >>>> عشان يعلمكم إنه موسع صدره

هعهعهعهعهعهعهع

الله يعطيك العافية أخوي Blue

مشكووووووور على موضوعك

أخوك: NEW

[b l u e]

وسع صدرك

لا زعلت ولا شي بس حبيت احتك (لووول) <<<فضح عمره

..............................
والحمد لله على سلامتك خضرااء
...................................

تسلملي اخوي خالد على مرورك وعلى كلامك
..................................

اخوي نيو تسلمل على مرورك المنور

[خضراء اليمامة]

خوييييييييييلد ..

اعقل وانا أختك ..

أشوى إنك مو أنت اللي تجيبني وترجعني .. كان جتني حالة فسيلوجية عصبية مستمرة منك ..

بابا راضي يوديني ويجيبني .. أنت ما لك دخل .. http://www.asmilies.com/smiliespic/crazy/040.gif

أخوي Blue ..

أحلى احتكاك ..

حياك أخوي ..

ومشكور على سعة صدرك ..

أما أنت يا NEW ..

مو غريبة عليك سعة الصدر ..

خضراء اليمامة ..

[دودي]

هاع مشكور بلو