أهلا بكم في الباص

[زائر]

بسم الله الرحمن الرحيم
السلام عليكم ورحمة الله وبركاته


الحقيقة اكتشفت أن الأعضاء في المنتديات بينهم اختلاف كبير في الرغبات ، مع انني داري من قبل لكن زادت معرفتي بذلك أكثر .
قرأت ملاحظة ترغب في أن يكون الرد مني على المشاركات مرة واحدة ودفعة واحدة في نهاية وختام جميع المشاركات ، لأنه أريح للقارئ كما تقول الملاحظة ، و لأنه طفش من ردودي على واحد واحد مثل الصامولي اللي نأخذه كل يوم ، يعني نجمع الركاب كلهم في باص واحد ، بدل كل شوي نوصل طلب خاص
ووجدتها ملاحظة قيمة و مريحة ، وإن شاء الله نجيب الباص من هذا الموضوع ، وتراه مكيف .
ونرد على الجميع رد واحد .

:wave:

سلمتم

[بنت أشيقر}~]

هــو اريـــح اذا كان كذا رد من الاعضاء ورا بعض



اما اذا دخلت وما كان فيه إلارد واحــد فــرد علـــيـــه مهــوب تصبــر،،


=)

[Ǎ š M ẫ]

وعليكم السلام ورحمة الله وبركاته
هلا اخوي زائر
والله من ناحية اسهل واريح فأنت صادق الرد مره وحده اريح
وحتى الصفحه تكون اخف في التحميل ..
لكن المشكله اذا راس العضو يبس ومابغى الا انه يرد على كل شخص برد لحاله :bigg:<< اغلب الأحيان تصنف معي :bigg:
وان شاء الله كلنا نركب معك بالباص ونتأخذ المجرى اللي انت بتسويه
اللي هو الرد على الأعضاء مره وحده برد واحد ..
يعطيك العافيه زائر
دائماً تتحفنا بكل ماهو جديد
بارك الله فيك
مسرعه بشويش

[هبوب]

وعليكم السلام ورحمة الله وبركاته


أخوي زائر


كلامك جميل جدّاً



بس هذا يصلح لشخصين من الناس




إمّا يكون الشّخص مسجّل في منتدى عدد زوّاره والمشاركين فيه عدد كبير

يعني مو زي منتدانا هذا !



أو يكون الشّخص مهوب متواجد بكثره في المنتدى نفسه


عشان كذا تلقاه يناسب له الباص اللي جبت له





من ناحيتي .. لو كنت أقدر أرد على كل واحد رد منفرد كان أفضل
من ناحية إعطاء حق المشارك بـ رد مناسب ويليق
ومن ناحية زيادة مشاركات للعضو صاحب الطرح ... وهو يستاهل ..




زائر .0.0. الله يوفقك
:56:

[بنت عز]

يا هلا بك يا زائر...

كلامك حلووووو بس انا اشوف الرد على الموضوع على حسب الموضوع كان الموضوع معلومه دينيه او ثقافيه افضل الرد مره وحده ...

وذا صار الموضوع للنقاش ما يصير الواحد يتكلم مع نفسه لازم احد يناقشه ويرد عليه شخصيا مو جالس يبدي رايه واخرتهااا شكرا لكم جميعاااااا
وين النقاااش ...كذا الواحد ما يتشجع يبدي رايه يقول كلمتين وخلاااص...
الف شكر لك اخوي زائر...

[خضراء اليمامة]

وعليكم السلام ورحمة الله وبركاته ..

هلا أخوي زائر ..
فتحت موضوع مهم وحلو ونعاني منه ..

وقبل لا أبدأ بالرد .. باقول قصة ..
فلان من الناس ..
في اليوم الواحد يحط ثلاث مواضيع ..
وإذا جاء بكرا لقاء ذا الثلاث المواضيع مردود عليها 5 ردود .. << من نفس الأشخاص غالباً ..
ويجي يستقعد عليهم ..
يمسك كل رد ويحطه في رد مستقل .. حتى لو كان الرد كلمة شكر .. يرد عليه بكلمة عفو .. وانتهى الموضوع ..
وبالتالي حُسب على الموضوع ردين ما لهم سنع ..
لأن الأول مختصر .. والثاني أكثر اختصاراً ..

وبالتالي ..
وصلت هالمواضيع " العاديّة " صفحة ثانية وثالثة على غير سنع ..
وبسبب صاحب الموضوع .. :yucky:

طيب ليش ..؟
لأنه حط لكل عضو رد .. ووصل الموضوع للصفحات الكثيرة ..
بينما لو إنه جامع الشكر في رد واحد ..
وإلا جامع الاقتباسات في رد واحد ..
كان وصل المطلوب بصورة حلوة .. ومن غير لا يضيّق على خلق الله ..
ومن غير لا يكون الموضوع له .. والردود له بعد .. :rolleyes:

أنا أقول للعضو صاحب الموضوع ..
إذا حطيت موضوع رد على كل من رد ..
بس حطهم في رد واحد ..
ما له داعي تحط كل رد في رد ..
ويضيع الموضوع في معمعة الردود ..

طيب لنفرض إنه موضوع نقاش ..
وأنا كقارئ أبي أشوف رأي الأعضاء ..
والموضوع وصل 7 صفحات .. << شي جميل ..
فتحت الصفحة الأولى عشان أقرأ الموضوع .. وقرأت الرد الثاني .. والثالث والرابع والخامس ..
وبعدها أضطر أنزل خمس ردود بعد هالردود الخمس عشان أقرأ الرأي السادس ..
ما تشوفون إنها مملة ..؟

وعلى قول بنت أشيقر :
" اما اذا دخلت وما كان فيه إلا رد واحــد فــرد علـــيـــه مهــوب تصبــر،، "

وكلام مسرعة رهيب .. وفي الصيم ..

تراني وربي ما أقصدك يا زائر ..
ويا ليت كل الردود مثلك .. اللي كل رد منها موضوع بحد ذاته ..
أقصد الردود اللي تكون بكلمة شكر للي رد .. << متعّب عمرك ليش ..؟




بعد إذنك ودي أناقش بنت عز ..



وذا صار الموضوع للنقاش ما يصير الواحد يتكلم مع نفسه لازم احد يناقشه ويرد عليه شخصيا مو جالس يبدي رايه واخرتهااا شكرا لكم جميعاااااا
وين النقاااش ...كذا الواحد ما يتشجع يبدي رايه يقول كلمتين وخلاااص...
الف شكر لك اخوي زائر...

صح أنا معك ..
ولازم نعطي كل من رد حقه في الشكر والمناقشة ..
بس القصد هنا إننا نجمع كل الاقتباسات في رد واحد .. بدل ما تتملى الصفحة ردود من صاحب الموضوع ..
يعني ناقشي كل من رد .. بس في رد واحد ..
وإذا تحبين تقتبسين .. اقتبسي كل الردود في هالرد ..
عرفتي ..؟ :vora:


يعطيك العافية ..
خضراء اليمامة ..

[هبوب]

ترى ما كل واحد يعرف يجمع الاقتباسات مع بعض

وما كل واحد عنده أسلوب رد



وما كل واحد يقدر يصبر على خطأ يشوفه ويرجع يتحسّن وضعه



أنا أقول كلن يصلح حاله قبل غيره

[زائر]

هاه ، باقي أحد وإلا يمشي الباص؟!

[خضراء اليمامة]

هاه ، باقي أحد وإلا يمشي الباص؟!

هههههههههههههههههههه
لا مو كذا يا زائر ..
إذا أنت جيت وفيه ردود رد ..
حتى لو كان واحد ..

القصد إن الباص يجي ويركّب واحد بس ..
ثمن يرجع ويركّب الثاني ..
مع إنه جاء ولقى اثنين ..

[ŖAįYAЙţ _ ǻĿ3OOD]

هاه ، باقي أحد وإلا يمشي الباص؟!

هلا أخوي زائر
وش دعوه بتمشي الباص وتخلوني بلحالي والله ماهقيتها منكم
أكيد خضوره هي اللي قالت خلاص مابقي احد :ranting:
أستنوني ومعليش تأخرت عليكم وعطلتكم في عز القايله :bigg:

بسم الله الرحمن الرحيم
السلام عليكم ورحمة الله وبركاته


الحقيقة اكتشفت أن الأعضاء في المنتديات بينهم اختلاف كبير في الرغبات ، مع انني داري من قبل لكن زادت معرفتي بذلك أكثر .
قرأت ملاحظة ترغب في أن يكون الرد مني على المشاركات مرة واحدة ودفعة واحدة في نهاية وختام جميع المشاركات ، لأنه أريح للقارئ كما تقول الملاحظة ، و لأنه طفش من ردودي على واحد واحد مثل الصامولي اللي نأخذه كل يوم ، يعني نجمع الركاب كلهم في باص واحد ، بدل كل شوي نوصل طلب خاص
ووجدتها ملاحظة قيمة و مريحة ، وإن شاء الله نجيب الباص من هذا الموضوع ، وتراه مكيف .
ونرد على الجميع رد واحد .

:wave:

سلمتم

وعليكم السلام ورحمة الله وبركاته
حياك الله أخوي زائر
أول شي الحمد لله إن الباص مكيف وراح اركبه مع إني
ماأحب الباصات ولا اايد وجودها لا في مدارس ولا غيرها
اما الرد الواحد بجمع الإقتباسات مع بعض يكون افضل
من الرد على كل واحد لوحده .
وتكون اجزاء الموضوع مترابطه مع بعض ويسهل قرائتها
والربط بينها.وخاصة في المواضيع المهمه واللي تحتاج لنقاش
مثل المشراق والعام اما باقي الاقسام مثل الصور وسع صدرك
مايهم الرد يكون كل واحد لحاله او ردود مقتبسه لانها مو مناقشات
جاده ومهمه مثل المشراق
لكن مشكلتنا إننا مانعرف للإقتباسات ولانعرف نطبقها
لكن تفاجأت بوجود موضوع لخضراء لطريقة الإقتباس
والحمد لله طبقتها في الرد على موضوعك ونجت فيها والعمليه
سهله جدا ومايبيها اي شي ولا تاخذ وقت

والله يعطيك العافيه يازائر
الشكر موصول لخضراء اليمامه

[زائر]

الرد الواحد بجمع الإقتباسات مع بعض يكون افضل
من الرد على كل واحد لوحده .
وتكون اجزاء الموضوع مترابطه مع بعض ويسهل قرائتها
والربط بينها.
لكن مشكلتنا إننا مانعرف للإقتباسات ولانعرف نطبقها
لكن تفاجأت بوجود موضوع لخضراء لطريقة ألإقتباس
وإن شاء الله نطبقه ونشوف النتائج .

والله يعطيك العافيه يازائر
الشكر موصول لخضراء اليمامه

بما أنك لا تحبين ركوب الباصات لذا فقد وضعت لك تجاوباً لوحدك ، والله يعينا على خضراء اللي تبي تركب معهم في الباص ، لكن كود إنها ما تمر على الموضوع اليوم وتنسى .
وبالنسبة للاقتباسات فهي ليست ضرورية مادام الموضوع عادي ، والاقتباس للأشياء المهمة أو للتعليق على فقرات متتابعة أو مفصلة .
أشكر لك حضورك بوركت وبورك قلمك

[زائر]

خضراء اليمامة / هبوب / بنت عز / بنت أشيقر/ مسرعة بشويش

يا سلام على النقاش المفيد البناء والحراك المؤدي إلى تحسين الأداء
أشعر أنكم أقلام متميزة
حضوركم اسعدني في باص السعادة
تقديري لأقلامكم

[خضراء اليمامة]

بما أنك لا تحبين ركوب الباصات لذا فقد وضعت لك تجاوباً لوحدك ، والله يعينا على خضراء اللي تبي تركب معهم في الباص ، لكن كود إنها ما تمر على الموضوع اليوم وتنسى .
وبالنسبة للاقتباسات فهي ليست ضرورية مادام الموضوع عادي ، والاقتباس للأشياء المهمة أو للتعليق على فقرات متتابعة أو مفصلة .
أشكر لك حضورك بوركت وبورك قلمك

زائر ..
ليش بيلسان لها سيارة لحالها ..؟ :tong1ue:
خخخخخخخخخخخخخخ :funny2:
لا والله أستهبل .. :weight_lift:

بس ترى بيلسان ودّها بركوب الباص ..
بس ما تقدر ..
ومن موضوعي تقول صارت تعرف .. :vora:

يعطيك العافية ..
وما قصرت يا زائر ..

خضراء اليمامة ..

[ŖAįYAЙţ _ ǻĿ3OOD]

زائر ..
ليش بيلسان لها سيارة لحالها ..؟ :tong1ue:
خخخخخخخخخخخخخخ :funny2:
لا والله أستهبل .. :weight_lift:

بس ترى بيلسان ودّها بركوب الباص ..
بس ما تقدر ..
ومن موضوعي تقول صارت تعرف .. :vora:

يعطيك العافية ..
وما قصرت يا زائر ..

خضراء اليمامة ..
ياشين اللي يحتكون بالشخصيات
علشان يصير لهم سياره بلحالهم ياملقوفه :ranting:
وش دخلك ياإختي هذي سياره خاص للي مايحبون الباصات :bigg:
يعني للشخصيات اللي مثلي :cowboy2:
وسيارتي قدام وباصكم وراي وياويلكم إن سقطتوا علي
مخالفه على طول وزائر هو اللي بيطلع المخالفه لكم :vora:
ويحرمكم من المشاركه في مواضيعه والركوب في باصاته :vo1ra:
زائر الله يعافيك ركبها سياره خاصه وفكنا منها بس لاتطول
شوي ورجعها للباص مره ثانيه :sticktongue:
وإي والله الله يعطيك العافيه على طريقة الإقتباس هالمره فهمتها
عكس ذاك اليوم خخخخخخخخخخ تذكرين ياخضوره يوم أهزئك .:bigg:

[بنت عز]

ترى ما كل واحد يعرف يجمع الاقتباسات مع بعض

وما كل واحد عنده أسلوب رد



وما كل واحد يقدر يصبر على خطأ يشوفه ويرجع يتحسّن وضعه



أنا أقول كلن يصلح حاله قبل غيره

ياسلام عليك يا هبوووب ...صح لسانك ...عين العقل ..

فعلا كلن يصلح حاله قبل غيره...

وبس مااح ازيد وزعل خلق الله وتشين النفوس

[وشيقر ديرتي]

مشكوووووووور يازائر على موضوعك . .

وانا اايد كلام اختي خضراء . .

. . وشيقر ديرتي . .

[ولد برهمه]

اسمحوا لي ولو اني متأخر عن الموضوع


انا سياستي في الرد والتى اعتقد انها مناسبة
هي الجمع بين الاسلوبين
عدة ردود في رد واحد
ورد مستقل لكل رد
كيف ؟؟

بعض الردود تكون
شكرا ، جزاك الله خير ، مشكور ، يعطيك العافية ، موضوع حلو

هذه الردود تجمع في رد واحد مني بالتشكر لهم

اما من تعب في الرد واضاف اضافة قيمة للموضوع
فمن حقه علي ان اكرمه برد مستقل
وافند مشاركته

الجزاء من جنس العمل

[--A--]

بسم الله الرحمن الرحيم
السلام عليكم ورحمة الله وبركاته

الصراحة انا لا اوافقك الرأي

فكل شخص يريد ان يتميزرده عن البقية

اضرب لك مثال العضو كان
عنده بعض الاخطاء

والاول مابينها

لازم الثاني يبن اخطائه

ويعطيه نقد بناء

شكرالك على الموضوع

--A--

[منتهى السعاده]

http://www.ushiqer.net/vb/mwaextraedit4/extra/101.gif

[أنشودة]

موضوع مميز ومهم جدا أخوي زائر ,وبعد لو عندك عبارة ولا قطار كود ياخذ اكبر عدد من الردود:gathering: في رد واحد ,وأنا فعلا أسوي كذا قدر المستطاع ,بحيث ارد لكل مجموعة برد واحد ولمن يحتاج نقاش اعلق واناقشه بنفس الرد (تبي توفر صفحات الاخت تحسب انها قاعدة تطبع على A4) خخخ ,مع الشكر على ملاحظاته وتميز رده ,وأكرر شكري لطرحك لهذا الموضوع ,وأشكر كل من علق ودون ملاحظاته في هذه المشاركة المميزة