طلبتك أكفلني!! [الأرشيف]

مشاهدة النسخة كاملة : طلبتك أكفلني!!

رحـّـال

20-08-2009, 10:46 PM

السلام عليكم ورحمة الله وبركاته
.. الكفالة ..

أصبح الرأي السائد عند الناس أن "أعز صديق" ستفقده بمجرد أن تكفله في شراء سيارة، أو اخذ قرض من بنك، أو ما شابه ذلك،
والمؤسف أن كثيرا من المقترضين يتنكرون لمن كفلهم ووقف معهم من الأقارب والأصدقاء عند حاجتهم للقرض،
كما يتنكرون لهم ويجعلونهم مطالبين بتسديد أقساط تلك القروض نيابة عن كفلائهم الذين تأخروا في سدادها وتجاهلوها بعد أن حصلوا على ما يريدون ..

وأكد عدد ممن التقت بهم "الرياض" أن الكفالة هذه الأيام أصبحت شراً وسببا للعداوة والبغضاء والقطيعة بين الأقارب والأصدقاء،
لأن معظم الناس لم يعد لديها وفاء أو تقدير للمعروف.

آرائكم يا أعضاء ..
ولا تنسون تجيبون على:

* لو جاك شخص عزيز عليك (قريب أو صديق) وطلبك أن تكون كفيله من أجل قرض أو سيارة أو ..
وش بيكون رّدك له؟
*فرضآ كفلت هذا الشخص وحلّت عليه الأقساط وما سددها طبعآ أنت الضحية وش بيكون موقفك منّه ,وكيف بتتعامل معه؟
* لو أحتجت ذاك اليوم وقررت أن تأخذ قرض من سترجح و تختاره ليكون كفيلك ؟

جحدر السيف

ولد برهمه

20-08-2009, 11:08 PM

الاخ جحدر

بما ان الموضوع نقاشي فسينقل الموضوع للمشراق
لاستكمال نقاش نقاطه

ولد برهمه

20-08-2009, 11:14 PM

الكفالة شر لابد منه

يكاد لايخلو بيت منه ( كافل او كفيل )

المشكلة ان انفس الناس تغيرت
ولم تعد تقيم معني وقفة الصديق مع صديقه
الان تكفل صديقك وبعد فترة يتخلى عنك ويتناسى وقفتك معه

الان الناس اتبعت نظام العكس
اذا اردت قرض وتريدني اكفلك
حط القرض باسمي وانت اكفلني

علشان لو ما سددت يبي يسحبون الكفيل اللي هو الثاني

هبوب

21-08-2009, 12:28 AM

السلام عليكم ورحمة الله وبركاته
.. الكفالة ..
أكفلني يا جحدر :sticktongue: << مزحه من البدايه عشان تضحك يا حلو :01q1s6:

أصبح الرأي السائد عند الناس أن "أعز صديق" ستفقده بمجرد أن تكفله في شراء سيارة، أو اخذ قرض من بنك، أو ما شابه ذلك،
والمؤسف أن كثيرا من المقترضين يتنكرون لمن كفلهم ووقف معهم من الأقارب والأصدقاء عند حاجتهم للقرض،
كما يتنكرون لهم ويجعلونهم مطالبين بتسديد أقساط تلك القروض نيابة عن كفلائهم الذين تأخروا في سدادها وتجاهلوها بعد أن حصلوا على ما يريدون ..

وأكد عدد ممن التقت بهم "الرياض" أن الكفالة هذه الأيام أصبحت شراً وسببا للعداوة والبغضاء والقطيعة بين الأقارب والأصدقاء،
لأن معظم الناس لم يعد لديها وفاء أو تقدير للمعروف.
كلام مفهوم بسسس لازلنا نكفل بالرّضى وبالزّعل :nea:
آرائكم يا أعضاء ..
ولا تنسون تجيبون على:

* لو جاك شخص عزيز عليك (قريب أو صديق) وطلبك أن تكون كفيله من أجل قرض أو سيارة أو ..
وش بيكون رّدك له؟ :whistle1: تبي الجد .. إحراااج تقول له لااا :yes3:
*فرضآ كفلت هذا الشخص وحلّت عليه الأقساط وما سددها طبعآ أنت الضحية وش بيكون موقفك منّه ,وكيف بتتعامل معه؟ إيه .. بدا الجد في الموضوع :sly: ساعتها ودّك احد يكفلك :party: ولو يكفلك نفس اللي كفلته :sticktongue:
* لو أحتجت ذاك اليوم وقررت أن تأخذ قرض من سترجح و تختاره ليكون كفيلك ؟ ههههههههه ما قلنا لك .. اللي كفلته ودّي يكفلني ولو مرّه :UFO-guy:

جحدر السيف

التعليقات والإجابات في الدّاخل

والشّكر لك على هالموضوع السّاخن

رحـّـال

21-08-2009, 02:15 AM

الاخ جحدر

بما ان الموضوع نقاشي فسينقل الموضوع للمشراق
لاستكمال نقاش نقاطه

عافاك الله
!

الكفالة شر لابد منه

يكاد لايخلو بيت منه ( كافل او كفيل )

المشكلة ان انفس الناس تغيرت
ولم تعد تقيم معني وقفة الصديق مع صديقه
الان تكفل صديقك وبعد فترة يتخلى عنك ويتناسى وقفتك معه

الان الناس اتبعت نظام العكس
اذا اردت قرض وتريدني اكفلك
حط القرض باسمي وانت اكفلني

علشان لو ما سددت يبي يسحبون الكفيل اللي هو الثاني

حياك الله ولد برهمه
ونوّرت الموضوع بمشاركتك
تصدق أعجبتني هالحركة (إذا يبيني أكفله أسجل القرض بإسمي وأخليه الكفيل)
حركة عكسيه بس هل هي مدروسة ..؟
والا في كلا الحالتين متوهق..؟
يعطيك العافية على تعليقك
ولو أنك تهربت عن الإجابة على الأسئلة

رحـّـال

21-08-2009, 02:22 AM

التعليقات والإجابات في الدّاخل

والشّكر لك على هالموضوع السّاخن

هبوب
هلا والله وغلا
تبيني أكفلك أجل
نقفل الموضوع أجل
هههههههههههههههههههه

الله يعافيك على التواجد في الموضوع والرد على النقاط
نوّرت

بن عاقول

21-08-2009, 05:13 AM

موضوعك جدآ حساس...........أنا راح اذكر لك قصه حصلت لواحد من الزملاء توفي الله يرحمه
الشاهد قبل وفاته(فهد) بفترة راح للبنك يقدم على قرض بس رفض البنك اعطاءه القرض بحجة ان راتبه مايكفي !
اتفق فهد مع احد الزملاء راتبه اعلا بأخذ القرض بأسمه ويقوم فهد بتسديد الأقساط, بدلآعنه.......تمت العمليه استلم فهد القرض
عن طريق زميله وبدء بتسديد الأقساط كل نهاية شهر لكن بعد عدة أشهر توفي الأخ فهد الله يرحمه في حادث....
والقرض بأسم صديق فهد ! ! ! ! ! ! ! !

ولد برهمه

21-08-2009, 05:35 AM

عافاك الله
!

ولو أنك تهربت عن الإجابة على الأسئلة

عاد تصدق ما دققت في الاسئلة اخذت الموضوع بشكل عام

رحـّـال

21-08-2009, 05:49 AM

بنت عز

21-08-2009, 06:49 AM

يا هلا بك يا جحدر....موضوعك حساس...ويوهق ناس.....خخخخخ
بتقول شنو دخل ها البنت.....ههههه
بس بقول رايي...
الكفاله مشكله والله..اعرف واحد ما ادري شسميه ..طيب طيبه مو طبيعيه ..كل من جاه واحد كفله ما دري طيبه ولا سذاجه..ما ادري والله شسميها.....ما راح اقولكم اسمه عشان ما تروحون لمه...انتم بعد..المشكله انه توهق ...ويا كثر ما سحبوه ...خخخخ,,,احيانا اقول يستاهل ليش ما يتعلم...
ويتوهق في العالم محد يسدد ...في الاخير هو الي يسدد عنهم طبعا مجبور..غصب عنه مو كفيل يتحمل...

والناس في ها الوقت معاد عندهم وفاء ولا تقدير للمعرف....انا ما ادري وشلون يجيهم النوم وهم مديونين ...الله المستعان...

* لو جاك شخص عزيز عليك (قريب أو صديق) وطلبك أن تكون كفيله من أجل قرض أو سيارة أو ..
وش بيكون رّدك له؟
والله شوف اذا صرت اعزه وغالي عندي سواى قريب او صديق اكفله من عيوني..
واحط في بالي كل الاحتمالات ...ان جاء شيء ولا العوض من الله..بس مو دايم....
*فرضآ كفلت هذا الشخص وحلّت عليه الأقساط وما سددها طبعآ أنت الضحية وش بيكون موقفك منّه ,وكيف بتتعامل معه؟ اولا اكيد بسدد عنه....بس باخذ درس ماراح اكفل احد لو كان ما كن....توبه
* لو أحتجت ذاك اليوم وقررت أن تأخذ قرض من سترجح و تختاره ليكون كفيلك ؟
بقولك ...ترى ها الوقت محد يكفل احد ..والكل يتهرب ..والناس ما تنعطاء وجه...
والله لا يحدني لحد يكفلني....

جحدر السيف

[/FONT][/B][/SIZE][/COLOR]

[/COLOR][/B][/SIZE][/CENTER][/CENTER][/QUOTE]

رحـّـال

21-08-2009, 03:33 PM

بنت عز ما تهتز

هلا والله ومسهلا
لا لا منيب قايل وش دخل هالبنت بالعكس ردّك أفضل الردود
وكلامك واقعي وإجاباتك عالأسئلة منطقية
مشكورة على مرورك الرائع
:yes3:

برنس الرياض

21-08-2009, 03:38 PM

جحدر جبتها على الجرح وكنك مادريت

الكفالة مشكله بس مانلوووووم المؤسسات التمويلية في طلب الكفيل لأن الناس اليوم ماعاد تفرق في أكل الحلال والحرام الله لايبلانا إلا مارحم الله يجونك وياخذون قرض بدون كفيل واذا طلع الوجه من الوجه ابيض
وبهذا السبب الناس ماصارت تكفل احد من شان انهم يخافون انه مايوفي

الله ييسر كل ماهو فيه خير لنا

اخوك الصغير
برنس الرياض

رحـّـال

21-08-2009, 03:45 PM

برنس الرياض

يا هلا ومسهلا
كلامك صح وماايجرح:yes3:
أكيد البنوك أو غيرها تبي تضمن حقها
عاد أنت أبخص مني:whistle1:
نورت الموضوع بردّك
ومشكور على تواجدك

ŖAįYAЙţ _ ǻĿ3OOD

22-08-2009, 01:54 AM

هلا أخوي جحدر

أنا بصراحه ضد هالكفالات بجميع أنواعها
اول شي مالها داعي مهمها كان الشخص قريب أو عزيز لأن وقت الجد
الكل راح ينكر خدماتك ووقفتك معاك ويركبك ديون ومشاكل أنت في غنى عنها
وأنا أقول رايي من تجربه عشتها مع أخوي والكفالات والله العظيم إلى الأن واحد
كافله أخوي طبعا هو أجنبي وأخوي يطلبه 40 ألف وله إظاهر 11 سنه ومبعد سددها
إلا الأن ... وهذي نتيجة الكفاله ....وخاصه الأجانب ...

وذكرتني بموقف صار لي مع ابو يمن ...
رحت الأسبوع اللي فات أشتري جوال وكان معي أشيقري تميمي
وتفاجأت بصاحب المحل طبعا يمني يقول لي عطيني الإقامه
قهرني رديت عليه وقلت له إلا ماودك تكفلني مره وحده ....
قال أسف انا متعود على اليمنيه والبنقاليه ..قلت طيب يصير خير ..
المشكله إني شريت منه الجوال والمفروض أزعل وأروح لمحل ثاني ..

الزبده لا للكفاله لانها تسبب مشاكل كثيره إحنا في غنى عنها ..

ويعطيك العافيه على الموضوع الحساس والمهم جدا ..

Ǎ š M ẫ

22-08-2009, 07:18 AM

وعليكم السلام ورحمة الله وبركاته
الصرآحه الموضوع مره مهم ..
والله الناس ليسو سواء فيه ناس تكفله وتسعد لكفالته ..!
و ناس مالك الشرف بان تكفله وتسوي فيه معروف..!
والخبيث الأن خرب على الطيب والناس المماطله خربت على الناس الاوفياء ..
ولكن من وجهة نظري اذا كفلت احد الله يعينك اعتبر نفسك انت المسدد للمبلغ المطلوب
ولكن اذا جاني صديق وعزيز علي ونا واثقه منه ليش مااكفله بالعكس يمكن الله سبحانه وتعالى يفرج عني كربه
لانه من فرجه كربه عن اخيه المسلم فرج الله له كربه من كرب يوم القيامه ..
ولكن احذر من ان كون امعه اكفل كل من هب ودب واي واحد يجيني اكفله ..!
وعافاك الله على هالموضوع المهم ..
بارك الله فيك .
مسرعه بشويش

خضراء اليمامة

23-08-2009, 04:00 PM

وعليكم السلام ورحمة الله وبركاته ..

هلا أخوي جحدر ..
وربي صرنا نشوف مشاكل من ذا الكفالات ..
يجيك واحد يقول اكفلني .. إذا كفلته توهّقت .. وإذا ما كفلته زعل ..

إلا ليش ما يشيلون سالفة الكفل هذي من الأساس ..؟
وليش إذا الواحد ما سدد راحوا للكفيل .. ليش ما يروحون لصاحب القرض ..؟

بالنسبة لأسئلتك :

لو جاك شخص عزيز عليك (قريب أو صديق) وطلبك أن تكون كفيله من أجل قرض أو سيارة أو ..
وش بيكون رّدك له؟
والله إذا صار عندي وظيفة .. ذيك الساعة أعتقد إني باعرف أنتقي من أعطي ..
مع إن الأغلبية فيهم خير إن شاء الله ..

فرضآ كفلت هذا الشخص وحلّت عليه الأقساط وما سددها طبعآ أنت الضحية وش بيكون موقفك منّه ,وكيف بتتعامل معه؟
بادق عليه طبعاً .. وأعطيه خبر باللي صار ..
وإذا تكرر الموقف باخذ درس إني ما عاد أكفله ..

* لو أحتجت ذاك اليوم وقررت أن تأخذ قرض من سترجح و تختاره ليكون كفيلك ؟
أمي أو أبوي أو وحدة من أخواتي ..
وما أعتقد باطلب من غيرهم ..

بس بشكل عام ..
الدنيا لسا بخير ..
وفيه ناس كثير يوفون بوعودهم .. وما يبون أحد يتوهّق معهم ..
تلاقيه يسدد قبل الوقت عشان ما يحرج المكفول ..

يعطيك العافية جحدر ..
خضراء اليمامة ..

منتهى السعاده

15-06-2010, 11:53 PM

http://www.ushiqer.net/vb/mwaextraedit4/extra/101.gif