NEW
24-09-2009, 02:16 PM
بسم الله الرحمن الرحيم
السلام عليكم ورحمة الله وبركاته
كل عامٍ وأنتم بخير
هذه تغطيتنا للأمسية الشعريَّة للشّاعران بندر الخنيفر ( هبوب ) و يوسف اليوسف
http://ushiqer.net/ushiqer/Eid1430/IMG_2054.jpg
http://www.ushiqer.net/ushiqer/smilies/f-u.R.png
http://ushiqer.net/ushiqer/Eid1430/IMG_2026.jpg
بندر الخنيفر
من زمن وأنا أتحرَّى ليلة العمر بحرارة = لين راح العمر وأثري قد وصلت أبرد رمادي
حلم يا ما أقساك واقع ما تكرَّمت بزيارة = ما يكفيك أربعين من العمر مثل السِّوادي
يا هجير الوقت يكفي صبر قلبي وانتظاره = وش بعد باقي يجي من زودك اللي ما يزادي
لا حبيبٍ نهتني به باقي العمر بجواره = واهني اللي انقسم له قسم من ربِّ العبادي
العزوبيَّة خذتني والعمر مسرع قطاره = من يرد أيَّامي اللي راحت وشربي وزادي
من قضى عمره وحيدٍ عن يمينه وعن يساره = شاف ما شافه وروَّح ثم عوَّد في جهادي
يا ليال الشَّوق حلمي طال ما بين نهاره = كل ما عدِّيت يوم من العمر عشت بوحادي
يا كثر ما قلت باكر ينكشف ستر السِّتارة = يا كبر حلمٍ رسمته وأترقَّب للهدادي
لا تذكَّرت الرِّفايق كلٍّ وروَّح لداره = كلِّ من حولي تزوَّج بس أنا حظوظي بعادي
يا تُرى وش تالية هالحال لا دار بمداره = دوَّرتني دايرة هالوقت من وادي لوادي
ذا مكاني وأدري إنَّ الله قادر باقتداره = يقسم اللي لي مثل غيري يبلِّغني مرادي
وكان هالليلة عنيدة.. قلتها فآخر عبارة = طِبْت ونفسي منك طابت.. "قلتها" والوضع عادي
http://www.ushiqer.net/ushiqer/smilies/f-u.R.png
ليه تبعد؟؟ وأنت شايفها قريب = أسألك.. رد.. واقترب للمقترب
تصبح الدِّنيا "حلا" قرب الحبيب = فيه حب.. وغيره (أرجي) ما تحب
ليش ترمي "نبضك" بوسط القليب = والهوى (وإن دام ساكن) ينقلب
لا تحيِّرني.. (كثر صمتك) رهيب = حس بي يا قلب.. أنا بك مغترب
منت عايش لا رقيب ولا حسيب = حرِّك إحساسك بصدقك واحتسب
للمحبَّة طعم وإحساسٍ رهيب = عُود للي مقترب لك يرتقب
لا لقيت اللي "على العِشرة" صحيب = قل لغيره "لو دنا لك" ينسحب
خلَّك أقوى.. عيش هالدِّنيا بطيب = خذ بقولي استمع لي واستجب
ما مع اللاهين (لو تدري) مصيب = كيف ودِّك "للمتاهة" تنجذب
درب ضايع.. "وإن بغيت الوصف" عيب = وانشد اللي قد مشى به منطرب
والحسوفة والنَّدم وقت المغيب = وش تفيدك؟؟ والعمر ما يستشب
لا تخلِّيني كذا.. وضعي كئيب = كيف أبتفاءل وحالك مكتئب
ودِّي إنِّك تبعد الشَّيِّ المريب = وبشريك العمر تاجر واكتتب
لا تمادَى.. واختصر قولٍ صويب = اقترب للي قرب لك واكتسب
اقترب.. دام أنت شايفها قريب = واقترب أكثر كثر ما تقترب
http://www.ushiqer.net/ushiqer/smilies/f-u.R.png
جيت أكتبك فأبيات شعري قصيدة = ياللي غلاك أعلى من أغلى القصايد
كل ما كتبت البيت لجلك أعيده = خايف يجيك البيت مبلي وبايد
يا أمِّي ولو بكتب قصيدة جديدة = ما هي بصعبة لكن القَدر زايد
ينزل قصيدي لك وذكرك يزيده = يكفيني اسمك في قصيدي وحايد
يا أقرب قريبة لو تكوني بعيدة = صورتك في عيني تجيني عوايد
أنتي غلا الدِّنيا لقلبي وعيده = أنتي تراك من أمَّهاتٍ فرايد
يرتاح بالي يوم أشوفك سعيده = يا عل ما تقسى عليك الشِّدايد
سجِّيت بك يا طلقة الفكر وقيده = ياللي عليك هاجوس فكري شرايد
لأنِّك بصدري يالصِّحيبة وحيدة = وأدري رضاتك مطلبي بس كايد
شفتي الغرام اللي قصدك فالنِّشيده = صوته يجي مثل المطر والرَّعايد
ينثر قصيدة شوق صفوة رصيده = يرجي ورى مكسب رضاك الفوايد
قولٍ ذكرته فأوَّل القول وأعيده = يا أمِّي غلاك أغلى من أغلى قصيدة
http://www.ushiqer.net/ushiqer/smilies/f-u.R.png
حيِّ الحروف اللي تجيب التِّعاليل = يالله عسى يسلم لنا من كتبها
اللي غسَل تربات الأشواق بالسِّيل = يوم الحنين من المحبَّة ركبها
يا حرف يضوي في ثرى الفكر قنديل = النَّفس.. قل لي (بالجفا) وش سببها
خذ جرح تبريه السِّنين المقابيل = والذِّكريات من الغلا قم وجِّبها
بعطيك من دمع الليالي مراسيل = صفحة.. عسى يسعد بها من قربها
البنت.. وإن فصَّلتها ألف تفصيل = مغرورةٍ بعيونها وبهدبها
كلِّن يجيها حيل ويحط ويشيل = عطشانها اللي بالهوى قد شربها
ضاقت عَلَيْ من بَعَدْ ما جت تساهيل = وتسكَّرتْ في وجه من هو طلبها
شقَّها.. رغم صغر الحدود الغرابيل = يا من تدوِّر بالعشيرة نسبها
مثل البحر والغيم والطِّير والليل = والورد وأحلامٍ بعيدٍ شهبها
هذي العيون النَّاعسة.. لو بها حيل = ما كحَّلت (في عينها ذي) هدبها
http://www.ushiqer.net/ushiqer/smilies/f-u.R.png
يا صَمْت حزني خذ مساحد من البوح = وانطق بحرفي كان تَسْمَع لك العين
صمتك صدى صوت لمشاعرك ويروح = بأقصى الضِّمير يِلِجّ ما جاوز البَين
بيني وبيني باب للحزن مفتوح = يالضِّيقة اللي تقسم القلب قسمين
حنَّا بدون جروح نشكي من جروح = من طعند أجساد البشر في فلسطين
مثل الجسد عشنا ولكن بلا روح = أرواحنا راحت من سنين وسنين
هذي مشاعرنا ولا نقدر النَّوح = وتطيح دمعة وتفجَّر براكين
فينا قزاز احساس وشعور من لوح = وقلوب تنبض بس ما هيب من طين
كم طفلةٍ ماتت بها الدَّم مسفوح = وكم شيخ بات من الحزن يشكي الضِّين
يا للأسف عطر الدِّما فالهوا يفوح = كلٍّ يشمَّه.. بس ما كلٍّ يلين
في ذمَّتي,, وإن قلت ما أخالط مزوح = هي كلمتي لا جت وما هيب ثنتين
العِزَّة بغزَّة.. بنينا لها صروح = أرض السَّلام اللي دنَّسْه العدوِّين
قصَّة زمن.. ما عاد يبغى لها شروح = مثل الأثر للجرح لو طافه الحين
امعاتبٍ نفسي ولا أقول مسموح = لو كان ما لي حيلد وتقصر يدين
يالله تنصرنا على أنذال وقبوح = وتعزّ أمَّتنا هَلِ الصِّدق والدِّين
http://www.ushiqer.net/ushiqer/smilies/f-u.R.png
قيل أشيقر وأبعد الهاجس شمال = للدِّيار اللي تعلا شانها
للأماكن.. للدُّروب وللجبال = كل ذكرى فتَّحت بيبانها
رحت أباخذ مع هوى الدِّيرة وصال = رحت أبسكن بالغرام أوطانها
وأشتكي طول المسافات ارتحال = وأرتجي للنَّفس خِفّ أحزانها
الوداع أثَّر عَلَيّ.. والدَّمع سال = ما قوى قلبي على هجرانها
جيتها بالشَّوق.. ما قالت تعال = وانتبهت لكفَّها وأحضانها
(ما دريت) إلا وهي بنت الحلال = تعترض فكرٍ جفا نسيانها
كيف أوصِّفها؟ وهي مثل الخيال = كيف أبيِّنها؟ على تبيانها
(حبَّها) شمسٍ تشعِّك بالظِّلال = سِعْد من هو ماخذٍ تحنانها
أعذب اللحظات وأمتعها جمال = شوف أشيقر عن جميع إخوانها
كلمةٍ قد قلتها وبلا جدال = هي أشيقر.. يا فخر سكَّانها
http://www.ushiqer.net/ushiqer/smilies/f-u.R.png
من عادتي أكتب تراحيبي أشعار = وأعطي لكل إنسان حقَّه شعور
وأسرق بحرفي من فضل ربِّي أنظار = من هو يعدِّ اللي كتبناله سطور
هذي مشاعر كان توصَّل لك أخبار = يا من يجي وبلهفة الشَّوق مطيور
يا صاحبي,, لا جيت زانت لك الدَّار = تصبح بيوت الشِّعر مبنيَّة قصور
أكتب,, وأحس بداخلي شعلة النَّار = نارٍ تعجّ من الغلا ريحة زهور
أدري شعور الشَّوق تنبت به أزهار = وأسقيه من بير الوفا كاس من نور
يمكن تخيَّلت الأمل لمحة أسرار = وإلا تصوَّرت الألم ضحك مسرور
جيت متلخبط.. والفكر هجّ منهار = خطِّيت ما جا داخل الفكر ويدور
أهلاً هلا بك عِدّ ما جا من نهار = وأعداد بيتٍ ساكنينه ومهجور
http://www.ushiqer.net/ushiqer/smilies/f-u.R.png
يعزِّك الله,, لو تذلِّك خلايق = يا قلب,, ياللي (مثلهم) أنت مخلوق
ما فادتك خوَّة, وكثرة صدايق = لو أنت وافي (في حياتك) ومصدوق
يا ما (على العِشرة) سبقت السِّبايق = الأوَّل أنت,, وصرت (يا قلب) مسبوق
أحسِّك بصدري (بلا ذنب) ضايق = من فقدة اللي بعدهم صرت مضيوق
يا ما (عليهم) شوقك أشعل حرايق = والمشكلة؟! كلٍّ نجا, وأنت محروق
ما قدَّروا ذيك السِّنين العتايق!! يا قلب.. ليتك (بعدهم) صرت معتوق
وللي خذوا هالحب كذب وسرايق = الحب نبض القلب.. يا قلب مسروق
لا تنزعج من غدرهم والنِّفايق = أمَّا جميل الحب (للحب) منفوق
يا قلب,, فيك الحب يفرق فرايق = بينك وبين اللي غدوا عنِّك فروق
(حبك) بحر صافي ولا به غرايق = أنت السَّفينة وأنت بالحب مغروق
يا قلب,, لا يشغلك فتح الغلايق = (كلِّك) عطا.. (تبقى) لكل باب مغلوق
(اللي يبي مسكنك) دلَّ الطَّرايق = (واللي وصل بابك) فما رد مطروق
يا قلب,, عش وقتك؟! ولو هو دقايق = وش بك؟؟ تعيش (بعالمك) رق مدقوق
أنت الوحيد اللي حفظت الوثايق = وأشقاك من هو كان (بالأمس) موثوق
(كذَّبتها فيهم) وجتك الحقايق = (وأبعدتها عنهم) ولا عادت حقوق
صارت (جمايلك العظيمة) بوايق = هذا جزا من يحفظ الحب!! مبيوق
وهذي الدِّنيا,, وذولا الخلايق = وهذا أنت يا قلبي, ((مثل منت)) مخلوق
http://www.ushiqer.net/ushiqer/smilies/f-u.R.png
http://ushiqer.net/ushiqer/Eid1430/IMG_2031.jpg
http://www.ushiqer.net/ushiqer/smilies/f-u.R.png
http://ushiqer.net/ushiqer/Eid1430/IMG_2041.jpg
يوسف اليوسف
لا تربط الجيَّة على حال جوِّي = أخاف تبطي ما حصل منك جيَّة
تعال ويصفي غايم الجو لوِّي = أشوف غيمه ما بدا منه نيَّة
يا كيف أبنسى كل همٍّ مسوِّي = ويا رفيقه حلفٍ أقشر عليَّه
إن جيت أفلِّ اللي عَلَيِّ متطوِّي = لقيت الآخر زايدٍ فيه طيَّة
نخيت صبري عن ظروفٍ اتِّكوِّي = وشفت الصَّبر معقود في ناب حيَّة
مجبور أبقطع راس ذيبً يعوِّي = أخاف يجبرني بقطعة يديَّه
توِّي يا أبو محمَّد على الهم توِّي = حتَّى العمر للحين ما بان فيَّه
أستغفر الله من ذنوبي وسُوِّي = وأستغفر الله ما بدت منِّي سيَّة
تعال ولا تنشد عن حال جوِّي = وجيِّتك أبحسبها ثلاثين جيَّة
وأبحرق همومي على جال ضوِّي = ضوٍّ على شانك من الشُّوق حيَّة
http://www.ushiqer.net/ushiqer/smilies/f-u.R.png
إلى متى تخطي وتبي لي أعذار؟ = وإلا عذرتك يا عنا القلب تخطي
ما كان ظنِّي فيك يا ريم جوَّار = كنت أحسبك يا ريم تاخذ وتعطي
غرِّيتني بالحسن والحسن جبَّار = يحكم شعوب وكلمته دوم تسطي
سلبتني حقِّي وأنا معك صبَّار = ووفِّيت لك شرطك ولا أوفيت شرطي
إلى متى تخطي وتبدي لي أعذار؟ = وإلا عذرتك يا عنا القلب تخطي
ما هيب مرَّة طافت أمرار وأمرار = من وين لك قلبٍ على الظِّلم يسطي؟
شفني على حالي وكنِّي على نار = أبسألك بالله هالحال يبطي؟
http://www.ushiqer.net/ushiqer/smilies/f-u.R.png
آه من قلبي اللي عن هوا البيض ما كف = ما عدل عن هواهن لا ولا قال كافي
يفهق الضِّلع الأدنى وإن خفق كن به دف = يرجي اللي غدا له مبتلاً بالقوافي
إن عرض لي غزالن ينتهض بي إلى رف = كن في جوف صدري لا كفخ حر وافي
طيرٍ أقشر وحش ما قد عرف دس ولا كف = طلعه اللحم البيض ناعم الرِّيش صافي
ساطين به جسارة مير سبق الحيا عف = خوفي لا ينقطع ثم تنكشف به خوافي
واهني من هو قلبه ما عرف بالهوى شف = ولا هوا وسط غبِّه سالمن ومتعافي
لو يشوف القمر مر مرَّةٍ ما تكلَّف = كن ما مر جنبه لا ولا كن شافي
يا فهد وش دوا اللي قلبه أخضر ولا جف = كيف وعرقه على نهر المحاجير ضافي
http://www.ushiqer.net/ushiqer/smilies/f-u.R.png
دام الرِّجا والياس ضد وضديده = ودام الهوى والجرح من مبطي أصحاب
ودامي نزفت الحب وأفلس وريده = ودامك نهاية حب في شرع الأحباب
أحسن لي أبعد وأشري بعدك وأزيده = لا صار قربك ما حصل بقفل الباب
وش لي على طردك ما دامك عنيده = وش لك على صدِّي ب ذنب وأسباب
http://www.ushiqer.net/ushiqer/smilies/f-u.R.png
رحلتي وارتحل حتَّى خيالك = رحلتي وما بقى لي من وصالك
سوى لحظة فراقك والموادع = ومسحة دمعتك بأطراف شالك
بقت داخل عيوني ما تلاشت = تجدِّد كل ما خذني الهوا لك
وكل موقف جمعني بك وذكرى = فقدته والسَّبب صدمة زوالك
رحلتي للغروب وما شرقتي = ومن وقته ووقتي ليل حالك
ذهابك من بلايه هو بلايه = تركني لاني حي ولاني هالك
غيابك عن عيوني يا نظرها = جبرني ما أرى وحدة بدالك
يقولون البكى فيض المشاعر = وأنا دمعي كتبته من خلالك
أخاف أبكي ويمحي الدَّمع صورة = بقت داخل عيوني من خيالك
http://www.ushiqer.net/ushiqer/smilies/f-u.R.png
لو جيت أبعرف صاحبي كيف أعرفه = هو صاحبي ولا رخى الوقت جابه
ملِّيت من هو بالرَّخى يرهي غرفة = ويدني لي حلو الحسو مع زهابة
أبيه لي لو أجهم الوقت طرفه = وبيَّن مخاليبه وكشَّر لي أنيابه
وغدت بي ظروفي مثل من هو ظرفه = من ماتوا إخوانه ولا أحدٍ درى به
http://www.ushiqer.net/ushiqer/smilies/f-u.R.png
يالله جرِّدني ونفسي غواها = ولساني ممَّا يتبعه كل غاوي
أسرفت أنا حمل الذُّنوب وخطاها = حتَّى برك منها الضِّمير متهاوي
ألهتني الكلمة وركضي وراها = من شان أعبِّر بالمشاعر غناوي
وحيث الرَّجل وإن جاز قدر وغطاها = ما ينعرف بطنه ولا ويش حاوي
وكان الغطى عند الرَّجاجيل فاها = لا من تحرَّك بان مَمْلي وخاوي
والهرجة إن قيلت على مستواها = معادلة باللي نطق وش يساوي
وإن ما تهين النَّفس وتترك هواها = نفسك تهينك ثم تصبح دناوي
وأنا نضمت من المعاني عساها = تبقى ويستشهد بها كل راوي
وتعجب رفيقي لا لفته وقراها = الصَّاحب اللي بالمواقف نداوي
أكبر من الخوَّة في لزمة ولاها = وقتٍ به الصاحب يخلف الهقاوي
ووفى من أمواج البحور لثراها = إليا تباطاني يجي ما يراوي
أحرص على الخوَّة معه عن سواها = إلا نويت من المطاريش ناوي
أنا أشهد إنِّه للمراجل حواها = اللي وطينا يم هاك الحراوي
وقتٍ مضى يوم الليالي شقاها = متى تشق الشَّمس ونضرب خلاوي
كلٍّ عطا شورته وناخذ حداها = ما منِّنا اللي جاد علمً نحاوي
وإلا اعتلت شمس الظّهر في سماها = جينا في مجلاس شراح متساوي
ونركي على الدَّلَّة وندني معاها = مَجْنَى عِكِل ما هوب تمرٍ حساوي
وإمَّا طبخنا من عطى اللي عشاها = من أشهب البارود لدوَّى يداوي
ولا فقار اللي شحمها علاها = ونحمد المولى جزيل العطاوي
وعقب العصر نقصد فياضٍ زهاها = روضٍ وزاهر كنَّها له غطاوي
يحلا بها البرَّاد وشمَّة هواها = وأنا وأبو عبيِّد نسجَّ الخطاوي
وإن هاضت القبلة سحابٍ غشاها = وقمنا نخيل البرق فيها يضاوي
ثمَّ أمطرت ماطر يبيِّن سخاها = وكت الأراضي ضيف وجاها عناوي
ذكرى ولكن عالقة من حلاها = بقى لها بشاشة خيالي مراوي
ليت الزِّمان ديار وألحق مداها = لجي زمانٍ مبطيٍ لي وضاوي
http://www.ushiqer.net/ushiqer/smilies/f-u.R.png
ياخوي لا تجفى الصَّبر وأنت خابر = مع الصَّبر كلِّ ضفرٍ ما يودِّه
أشوف لك طبعٍ مع الوقت خاسر = ويا كود من عجل على شنٍّ وبدَّه
حسبت لك وأدري الفتى ما يناظر = بأوَّل حياته خالط المزح جِدِّه
وألحين لك عمرٍ يخلِّيك باصر وتعرف مواثيق الحبل من مشدِّه
يا خوي لو ما للصَّدر من سواتر = بتشوف خوفي ممرحن فيه مدِّه
أخاف أشوفك عن مناويك قاصر = ويخيب مخلابك ويخطي مهدِّه
اجزم على العليا ومن لا يخاطر = يبقى على قاعه ولا أحدن يعدِّه
واحذر يغرِّك جدٍّ أوَّل وعاشر = الرَّب واحد وأكرم الخلق عنده
من زاد بالتَّقوى في سرِّه وظاهر = ما قال من هو فلان جدِّه وجدِّه
واعرف ترى درب الذُّنوب الكباير = خطوة ورى خطوة من إبليس سدِّه
ومن عاشرك بالطِّيب لازم تعاشر = ومن بادرك بالسُّوء أبعد وعدَّه
إلا الخويّ لا جاك منِّه نوادر = لا تنكره وابحث له العذر وبدَّه
والمرجلة ما هي في كثر الخساير = ويا فلان عشِّ فلان يا فلان غدِّه
المرجلة سلعة تبي شخص تاجر = تجارته طيبه وفزعات شدَّه
واعرف ترى رزقك من الله وثابر = والرِّزق مربوطٍ في جنب المكدَّه
ويزيد ربِّي خير من كان شاكر = والفضل له وحده في مسكه ومدِّه
http://www.ushiqer.net/ushiqer/smilies/f-u.R.png
http://ushiqer.net/ushiqer/Eid1430/IMG_2052.jpg
الأستاذ عبد العزيز المسند رئيس المجلس البلدي يشكر الشاعران بندر الخنيفر و يوسف اليوسف على ما قدماه , ويعدهم بتبني أعمال قادمة لهما
اللجنة الإعلامية بمنتديات أشيقر
السلام عليكم ورحمة الله وبركاته
كل عامٍ وأنتم بخير
هذه تغطيتنا للأمسية الشعريَّة للشّاعران بندر الخنيفر ( هبوب ) و يوسف اليوسف
http://ushiqer.net/ushiqer/Eid1430/IMG_2054.jpg
http://www.ushiqer.net/ushiqer/smilies/f-u.R.png
http://ushiqer.net/ushiqer/Eid1430/IMG_2026.jpg
بندر الخنيفر
من زمن وأنا أتحرَّى ليلة العمر بحرارة = لين راح العمر وأثري قد وصلت أبرد رمادي
حلم يا ما أقساك واقع ما تكرَّمت بزيارة = ما يكفيك أربعين من العمر مثل السِّوادي
يا هجير الوقت يكفي صبر قلبي وانتظاره = وش بعد باقي يجي من زودك اللي ما يزادي
لا حبيبٍ نهتني به باقي العمر بجواره = واهني اللي انقسم له قسم من ربِّ العبادي
العزوبيَّة خذتني والعمر مسرع قطاره = من يرد أيَّامي اللي راحت وشربي وزادي
من قضى عمره وحيدٍ عن يمينه وعن يساره = شاف ما شافه وروَّح ثم عوَّد في جهادي
يا ليال الشَّوق حلمي طال ما بين نهاره = كل ما عدِّيت يوم من العمر عشت بوحادي
يا كثر ما قلت باكر ينكشف ستر السِّتارة = يا كبر حلمٍ رسمته وأترقَّب للهدادي
لا تذكَّرت الرِّفايق كلٍّ وروَّح لداره = كلِّ من حولي تزوَّج بس أنا حظوظي بعادي
يا تُرى وش تالية هالحال لا دار بمداره = دوَّرتني دايرة هالوقت من وادي لوادي
ذا مكاني وأدري إنَّ الله قادر باقتداره = يقسم اللي لي مثل غيري يبلِّغني مرادي
وكان هالليلة عنيدة.. قلتها فآخر عبارة = طِبْت ونفسي منك طابت.. "قلتها" والوضع عادي
http://www.ushiqer.net/ushiqer/smilies/f-u.R.png
ليه تبعد؟؟ وأنت شايفها قريب = أسألك.. رد.. واقترب للمقترب
تصبح الدِّنيا "حلا" قرب الحبيب = فيه حب.. وغيره (أرجي) ما تحب
ليش ترمي "نبضك" بوسط القليب = والهوى (وإن دام ساكن) ينقلب
لا تحيِّرني.. (كثر صمتك) رهيب = حس بي يا قلب.. أنا بك مغترب
منت عايش لا رقيب ولا حسيب = حرِّك إحساسك بصدقك واحتسب
للمحبَّة طعم وإحساسٍ رهيب = عُود للي مقترب لك يرتقب
لا لقيت اللي "على العِشرة" صحيب = قل لغيره "لو دنا لك" ينسحب
خلَّك أقوى.. عيش هالدِّنيا بطيب = خذ بقولي استمع لي واستجب
ما مع اللاهين (لو تدري) مصيب = كيف ودِّك "للمتاهة" تنجذب
درب ضايع.. "وإن بغيت الوصف" عيب = وانشد اللي قد مشى به منطرب
والحسوفة والنَّدم وقت المغيب = وش تفيدك؟؟ والعمر ما يستشب
لا تخلِّيني كذا.. وضعي كئيب = كيف أبتفاءل وحالك مكتئب
ودِّي إنِّك تبعد الشَّيِّ المريب = وبشريك العمر تاجر واكتتب
لا تمادَى.. واختصر قولٍ صويب = اقترب للي قرب لك واكتسب
اقترب.. دام أنت شايفها قريب = واقترب أكثر كثر ما تقترب
http://www.ushiqer.net/ushiqer/smilies/f-u.R.png
جيت أكتبك فأبيات شعري قصيدة = ياللي غلاك أعلى من أغلى القصايد
كل ما كتبت البيت لجلك أعيده = خايف يجيك البيت مبلي وبايد
يا أمِّي ولو بكتب قصيدة جديدة = ما هي بصعبة لكن القَدر زايد
ينزل قصيدي لك وذكرك يزيده = يكفيني اسمك في قصيدي وحايد
يا أقرب قريبة لو تكوني بعيدة = صورتك في عيني تجيني عوايد
أنتي غلا الدِّنيا لقلبي وعيده = أنتي تراك من أمَّهاتٍ فرايد
يرتاح بالي يوم أشوفك سعيده = يا عل ما تقسى عليك الشِّدايد
سجِّيت بك يا طلقة الفكر وقيده = ياللي عليك هاجوس فكري شرايد
لأنِّك بصدري يالصِّحيبة وحيدة = وأدري رضاتك مطلبي بس كايد
شفتي الغرام اللي قصدك فالنِّشيده = صوته يجي مثل المطر والرَّعايد
ينثر قصيدة شوق صفوة رصيده = يرجي ورى مكسب رضاك الفوايد
قولٍ ذكرته فأوَّل القول وأعيده = يا أمِّي غلاك أغلى من أغلى قصيدة
http://www.ushiqer.net/ushiqer/smilies/f-u.R.png
حيِّ الحروف اللي تجيب التِّعاليل = يالله عسى يسلم لنا من كتبها
اللي غسَل تربات الأشواق بالسِّيل = يوم الحنين من المحبَّة ركبها
يا حرف يضوي في ثرى الفكر قنديل = النَّفس.. قل لي (بالجفا) وش سببها
خذ جرح تبريه السِّنين المقابيل = والذِّكريات من الغلا قم وجِّبها
بعطيك من دمع الليالي مراسيل = صفحة.. عسى يسعد بها من قربها
البنت.. وإن فصَّلتها ألف تفصيل = مغرورةٍ بعيونها وبهدبها
كلِّن يجيها حيل ويحط ويشيل = عطشانها اللي بالهوى قد شربها
ضاقت عَلَيْ من بَعَدْ ما جت تساهيل = وتسكَّرتْ في وجه من هو طلبها
شقَّها.. رغم صغر الحدود الغرابيل = يا من تدوِّر بالعشيرة نسبها
مثل البحر والغيم والطِّير والليل = والورد وأحلامٍ بعيدٍ شهبها
هذي العيون النَّاعسة.. لو بها حيل = ما كحَّلت (في عينها ذي) هدبها
http://www.ushiqer.net/ushiqer/smilies/f-u.R.png
يا صَمْت حزني خذ مساحد من البوح = وانطق بحرفي كان تَسْمَع لك العين
صمتك صدى صوت لمشاعرك ويروح = بأقصى الضِّمير يِلِجّ ما جاوز البَين
بيني وبيني باب للحزن مفتوح = يالضِّيقة اللي تقسم القلب قسمين
حنَّا بدون جروح نشكي من جروح = من طعند أجساد البشر في فلسطين
مثل الجسد عشنا ولكن بلا روح = أرواحنا راحت من سنين وسنين
هذي مشاعرنا ولا نقدر النَّوح = وتطيح دمعة وتفجَّر براكين
فينا قزاز احساس وشعور من لوح = وقلوب تنبض بس ما هيب من طين
كم طفلةٍ ماتت بها الدَّم مسفوح = وكم شيخ بات من الحزن يشكي الضِّين
يا للأسف عطر الدِّما فالهوا يفوح = كلٍّ يشمَّه.. بس ما كلٍّ يلين
في ذمَّتي,, وإن قلت ما أخالط مزوح = هي كلمتي لا جت وما هيب ثنتين
العِزَّة بغزَّة.. بنينا لها صروح = أرض السَّلام اللي دنَّسْه العدوِّين
قصَّة زمن.. ما عاد يبغى لها شروح = مثل الأثر للجرح لو طافه الحين
امعاتبٍ نفسي ولا أقول مسموح = لو كان ما لي حيلد وتقصر يدين
يالله تنصرنا على أنذال وقبوح = وتعزّ أمَّتنا هَلِ الصِّدق والدِّين
http://www.ushiqer.net/ushiqer/smilies/f-u.R.png
قيل أشيقر وأبعد الهاجس شمال = للدِّيار اللي تعلا شانها
للأماكن.. للدُّروب وللجبال = كل ذكرى فتَّحت بيبانها
رحت أباخذ مع هوى الدِّيرة وصال = رحت أبسكن بالغرام أوطانها
وأشتكي طول المسافات ارتحال = وأرتجي للنَّفس خِفّ أحزانها
الوداع أثَّر عَلَيّ.. والدَّمع سال = ما قوى قلبي على هجرانها
جيتها بالشَّوق.. ما قالت تعال = وانتبهت لكفَّها وأحضانها
(ما دريت) إلا وهي بنت الحلال = تعترض فكرٍ جفا نسيانها
كيف أوصِّفها؟ وهي مثل الخيال = كيف أبيِّنها؟ على تبيانها
(حبَّها) شمسٍ تشعِّك بالظِّلال = سِعْد من هو ماخذٍ تحنانها
أعذب اللحظات وأمتعها جمال = شوف أشيقر عن جميع إخوانها
كلمةٍ قد قلتها وبلا جدال = هي أشيقر.. يا فخر سكَّانها
http://www.ushiqer.net/ushiqer/smilies/f-u.R.png
من عادتي أكتب تراحيبي أشعار = وأعطي لكل إنسان حقَّه شعور
وأسرق بحرفي من فضل ربِّي أنظار = من هو يعدِّ اللي كتبناله سطور
هذي مشاعر كان توصَّل لك أخبار = يا من يجي وبلهفة الشَّوق مطيور
يا صاحبي,, لا جيت زانت لك الدَّار = تصبح بيوت الشِّعر مبنيَّة قصور
أكتب,, وأحس بداخلي شعلة النَّار = نارٍ تعجّ من الغلا ريحة زهور
أدري شعور الشَّوق تنبت به أزهار = وأسقيه من بير الوفا كاس من نور
يمكن تخيَّلت الأمل لمحة أسرار = وإلا تصوَّرت الألم ضحك مسرور
جيت متلخبط.. والفكر هجّ منهار = خطِّيت ما جا داخل الفكر ويدور
أهلاً هلا بك عِدّ ما جا من نهار = وأعداد بيتٍ ساكنينه ومهجور
http://www.ushiqer.net/ushiqer/smilies/f-u.R.png
يعزِّك الله,, لو تذلِّك خلايق = يا قلب,, ياللي (مثلهم) أنت مخلوق
ما فادتك خوَّة, وكثرة صدايق = لو أنت وافي (في حياتك) ومصدوق
يا ما (على العِشرة) سبقت السِّبايق = الأوَّل أنت,, وصرت (يا قلب) مسبوق
أحسِّك بصدري (بلا ذنب) ضايق = من فقدة اللي بعدهم صرت مضيوق
يا ما (عليهم) شوقك أشعل حرايق = والمشكلة؟! كلٍّ نجا, وأنت محروق
ما قدَّروا ذيك السِّنين العتايق!! يا قلب.. ليتك (بعدهم) صرت معتوق
وللي خذوا هالحب كذب وسرايق = الحب نبض القلب.. يا قلب مسروق
لا تنزعج من غدرهم والنِّفايق = أمَّا جميل الحب (للحب) منفوق
يا قلب,, فيك الحب يفرق فرايق = بينك وبين اللي غدوا عنِّك فروق
(حبك) بحر صافي ولا به غرايق = أنت السَّفينة وأنت بالحب مغروق
يا قلب,, لا يشغلك فتح الغلايق = (كلِّك) عطا.. (تبقى) لكل باب مغلوق
(اللي يبي مسكنك) دلَّ الطَّرايق = (واللي وصل بابك) فما رد مطروق
يا قلب,, عش وقتك؟! ولو هو دقايق = وش بك؟؟ تعيش (بعالمك) رق مدقوق
أنت الوحيد اللي حفظت الوثايق = وأشقاك من هو كان (بالأمس) موثوق
(كذَّبتها فيهم) وجتك الحقايق = (وأبعدتها عنهم) ولا عادت حقوق
صارت (جمايلك العظيمة) بوايق = هذا جزا من يحفظ الحب!! مبيوق
وهذي الدِّنيا,, وذولا الخلايق = وهذا أنت يا قلبي, ((مثل منت)) مخلوق
http://www.ushiqer.net/ushiqer/smilies/f-u.R.png
http://ushiqer.net/ushiqer/Eid1430/IMG_2031.jpg
http://www.ushiqer.net/ushiqer/smilies/f-u.R.png
http://ushiqer.net/ushiqer/Eid1430/IMG_2041.jpg
يوسف اليوسف
لا تربط الجيَّة على حال جوِّي = أخاف تبطي ما حصل منك جيَّة
تعال ويصفي غايم الجو لوِّي = أشوف غيمه ما بدا منه نيَّة
يا كيف أبنسى كل همٍّ مسوِّي = ويا رفيقه حلفٍ أقشر عليَّه
إن جيت أفلِّ اللي عَلَيِّ متطوِّي = لقيت الآخر زايدٍ فيه طيَّة
نخيت صبري عن ظروفٍ اتِّكوِّي = وشفت الصَّبر معقود في ناب حيَّة
مجبور أبقطع راس ذيبً يعوِّي = أخاف يجبرني بقطعة يديَّه
توِّي يا أبو محمَّد على الهم توِّي = حتَّى العمر للحين ما بان فيَّه
أستغفر الله من ذنوبي وسُوِّي = وأستغفر الله ما بدت منِّي سيَّة
تعال ولا تنشد عن حال جوِّي = وجيِّتك أبحسبها ثلاثين جيَّة
وأبحرق همومي على جال ضوِّي = ضوٍّ على شانك من الشُّوق حيَّة
http://www.ushiqer.net/ushiqer/smilies/f-u.R.png
إلى متى تخطي وتبي لي أعذار؟ = وإلا عذرتك يا عنا القلب تخطي
ما كان ظنِّي فيك يا ريم جوَّار = كنت أحسبك يا ريم تاخذ وتعطي
غرِّيتني بالحسن والحسن جبَّار = يحكم شعوب وكلمته دوم تسطي
سلبتني حقِّي وأنا معك صبَّار = ووفِّيت لك شرطك ولا أوفيت شرطي
إلى متى تخطي وتبدي لي أعذار؟ = وإلا عذرتك يا عنا القلب تخطي
ما هيب مرَّة طافت أمرار وأمرار = من وين لك قلبٍ على الظِّلم يسطي؟
شفني على حالي وكنِّي على نار = أبسألك بالله هالحال يبطي؟
http://www.ushiqer.net/ushiqer/smilies/f-u.R.png
آه من قلبي اللي عن هوا البيض ما كف = ما عدل عن هواهن لا ولا قال كافي
يفهق الضِّلع الأدنى وإن خفق كن به دف = يرجي اللي غدا له مبتلاً بالقوافي
إن عرض لي غزالن ينتهض بي إلى رف = كن في جوف صدري لا كفخ حر وافي
طيرٍ أقشر وحش ما قد عرف دس ولا كف = طلعه اللحم البيض ناعم الرِّيش صافي
ساطين به جسارة مير سبق الحيا عف = خوفي لا ينقطع ثم تنكشف به خوافي
واهني من هو قلبه ما عرف بالهوى شف = ولا هوا وسط غبِّه سالمن ومتعافي
لو يشوف القمر مر مرَّةٍ ما تكلَّف = كن ما مر جنبه لا ولا كن شافي
يا فهد وش دوا اللي قلبه أخضر ولا جف = كيف وعرقه على نهر المحاجير ضافي
http://www.ushiqer.net/ushiqer/smilies/f-u.R.png
دام الرِّجا والياس ضد وضديده = ودام الهوى والجرح من مبطي أصحاب
ودامي نزفت الحب وأفلس وريده = ودامك نهاية حب في شرع الأحباب
أحسن لي أبعد وأشري بعدك وأزيده = لا صار قربك ما حصل بقفل الباب
وش لي على طردك ما دامك عنيده = وش لك على صدِّي ب ذنب وأسباب
http://www.ushiqer.net/ushiqer/smilies/f-u.R.png
رحلتي وارتحل حتَّى خيالك = رحلتي وما بقى لي من وصالك
سوى لحظة فراقك والموادع = ومسحة دمعتك بأطراف شالك
بقت داخل عيوني ما تلاشت = تجدِّد كل ما خذني الهوا لك
وكل موقف جمعني بك وذكرى = فقدته والسَّبب صدمة زوالك
رحلتي للغروب وما شرقتي = ومن وقته ووقتي ليل حالك
ذهابك من بلايه هو بلايه = تركني لاني حي ولاني هالك
غيابك عن عيوني يا نظرها = جبرني ما أرى وحدة بدالك
يقولون البكى فيض المشاعر = وأنا دمعي كتبته من خلالك
أخاف أبكي ويمحي الدَّمع صورة = بقت داخل عيوني من خيالك
http://www.ushiqer.net/ushiqer/smilies/f-u.R.png
لو جيت أبعرف صاحبي كيف أعرفه = هو صاحبي ولا رخى الوقت جابه
ملِّيت من هو بالرَّخى يرهي غرفة = ويدني لي حلو الحسو مع زهابة
أبيه لي لو أجهم الوقت طرفه = وبيَّن مخاليبه وكشَّر لي أنيابه
وغدت بي ظروفي مثل من هو ظرفه = من ماتوا إخوانه ولا أحدٍ درى به
http://www.ushiqer.net/ushiqer/smilies/f-u.R.png
يالله جرِّدني ونفسي غواها = ولساني ممَّا يتبعه كل غاوي
أسرفت أنا حمل الذُّنوب وخطاها = حتَّى برك منها الضِّمير متهاوي
ألهتني الكلمة وركضي وراها = من شان أعبِّر بالمشاعر غناوي
وحيث الرَّجل وإن جاز قدر وغطاها = ما ينعرف بطنه ولا ويش حاوي
وكان الغطى عند الرَّجاجيل فاها = لا من تحرَّك بان مَمْلي وخاوي
والهرجة إن قيلت على مستواها = معادلة باللي نطق وش يساوي
وإن ما تهين النَّفس وتترك هواها = نفسك تهينك ثم تصبح دناوي
وأنا نضمت من المعاني عساها = تبقى ويستشهد بها كل راوي
وتعجب رفيقي لا لفته وقراها = الصَّاحب اللي بالمواقف نداوي
أكبر من الخوَّة في لزمة ولاها = وقتٍ به الصاحب يخلف الهقاوي
ووفى من أمواج البحور لثراها = إليا تباطاني يجي ما يراوي
أحرص على الخوَّة معه عن سواها = إلا نويت من المطاريش ناوي
أنا أشهد إنِّه للمراجل حواها = اللي وطينا يم هاك الحراوي
وقتٍ مضى يوم الليالي شقاها = متى تشق الشَّمس ونضرب خلاوي
كلٍّ عطا شورته وناخذ حداها = ما منِّنا اللي جاد علمً نحاوي
وإلا اعتلت شمس الظّهر في سماها = جينا في مجلاس شراح متساوي
ونركي على الدَّلَّة وندني معاها = مَجْنَى عِكِل ما هوب تمرٍ حساوي
وإمَّا طبخنا من عطى اللي عشاها = من أشهب البارود لدوَّى يداوي
ولا فقار اللي شحمها علاها = ونحمد المولى جزيل العطاوي
وعقب العصر نقصد فياضٍ زهاها = روضٍ وزاهر كنَّها له غطاوي
يحلا بها البرَّاد وشمَّة هواها = وأنا وأبو عبيِّد نسجَّ الخطاوي
وإن هاضت القبلة سحابٍ غشاها = وقمنا نخيل البرق فيها يضاوي
ثمَّ أمطرت ماطر يبيِّن سخاها = وكت الأراضي ضيف وجاها عناوي
ذكرى ولكن عالقة من حلاها = بقى لها بشاشة خيالي مراوي
ليت الزِّمان ديار وألحق مداها = لجي زمانٍ مبطيٍ لي وضاوي
http://www.ushiqer.net/ushiqer/smilies/f-u.R.png
ياخوي لا تجفى الصَّبر وأنت خابر = مع الصَّبر كلِّ ضفرٍ ما يودِّه
أشوف لك طبعٍ مع الوقت خاسر = ويا كود من عجل على شنٍّ وبدَّه
حسبت لك وأدري الفتى ما يناظر = بأوَّل حياته خالط المزح جِدِّه
وألحين لك عمرٍ يخلِّيك باصر وتعرف مواثيق الحبل من مشدِّه
يا خوي لو ما للصَّدر من سواتر = بتشوف خوفي ممرحن فيه مدِّه
أخاف أشوفك عن مناويك قاصر = ويخيب مخلابك ويخطي مهدِّه
اجزم على العليا ومن لا يخاطر = يبقى على قاعه ولا أحدن يعدِّه
واحذر يغرِّك جدٍّ أوَّل وعاشر = الرَّب واحد وأكرم الخلق عنده
من زاد بالتَّقوى في سرِّه وظاهر = ما قال من هو فلان جدِّه وجدِّه
واعرف ترى درب الذُّنوب الكباير = خطوة ورى خطوة من إبليس سدِّه
ومن عاشرك بالطِّيب لازم تعاشر = ومن بادرك بالسُّوء أبعد وعدَّه
إلا الخويّ لا جاك منِّه نوادر = لا تنكره وابحث له العذر وبدَّه
والمرجلة ما هي في كثر الخساير = ويا فلان عشِّ فلان يا فلان غدِّه
المرجلة سلعة تبي شخص تاجر = تجارته طيبه وفزعات شدَّه
واعرف ترى رزقك من الله وثابر = والرِّزق مربوطٍ في جنب المكدَّه
ويزيد ربِّي خير من كان شاكر = والفضل له وحده في مسكه ومدِّه
http://www.ushiqer.net/ushiqer/smilies/f-u.R.png
http://ushiqer.net/ushiqer/Eid1430/IMG_2052.jpg
الأستاذ عبد العزيز المسند رئيس المجلس البلدي يشكر الشاعران بندر الخنيفر و يوسف اليوسف على ما قدماه , ويعدهم بتبني أعمال قادمة لهما
اللجنة الإعلامية بمنتديات أشيقر