اللي يكذب يحطه ربي في النار ..

[خضراء اليمامة]

تعودنا من واحنا صغار هالجملة دايم على لساننا ..

" اللي يكذب يحطه ربي في النار .. "

كانت تسوي لنا رعب .. لأن النار مو شويّه .. بس مع ذلك كنا نكذب ..

لا تقولون كانت طفولتنا بريئة .. وربي لو مهما كنت فانت تكذب وتسرق وتسوي بلاوي ..

المهم ..

مشت معنا هالمقولة اللي سببت لنا أزمات وأزمات ..

بس هل يا ترى فيه ناس كبار يكذبون ..؟!!

ليش لا .. أنا ما أستبعد شي على الشباب ..

والدليل هالقصة الواقعية اللي صارت لمجموعة من الشباب أيام الاختبارات ..

يقول لكم موعد الاختبارات بدا ..

وما بقى إلا كم يوم ويبدا القلق النفسي والامتحانات .. وحجز الأدوار لدورات المياه .. << مما يصاحب جو الامتحانات من اضطرابات نفسية .. وجسدية ..

اتفق أربع طلاب في كلية من الكليات إنهم يقضون يومين أو ثلاثة أيام في مكان بعيد .. يتنزهون .. ويوسعون صدورهم .. وينبسطون قبل الامتحانات ..

عشان يرجعون بذهن صافي .. وبال رايق .. عشان يقدرون يحلون ..

وحطوا في بالهم إنهم يرجعون قبل موعد الامتحان الأول ..

بس لما راحوا أغرتهم المناظر الحلوة .. والسيول .. وغيرها ..

تأخروا .. ولقوا أنفسهم ما يقدرون يحضرون الامتحان الأول ..

ففكروا في حيلة يلعبون على دكتورهم فيها عشان يعيد لهم الامتحان ..

وفعلاً هذا اللي صار .. قالوا له إنهم كانوا مسافرين .. وهم في طريق الرجعة انفجرت كفرات سيارتهم .. وكان الوقت الليل .. والمكان مظلم وما فيه أحد ممكن يساعدهم .. فاضطروا يجلسون للصباح .. وفاتهم الامتحان ..

وافق الدكتور يأجل الامتحان لهم ..

وفي اليوم ‏المحدد للامتحان طلب الأستاذ من الطلاب الأربعة أن يجلس كل واحد منهم في زاوية من قاعة ‏الامتحان .. عشان ما يقدر أي واحد منهم يشوف وش كتب زميله ..

بس كانت المفاجئة لما وزع الأستاذ ورقة الإمتحان اللي ما كان فيها إلا هالسؤال وهو :

" أي إطارات السيارة الأربعة انفجر ..؟

وكم كانت الساعة وقت حدوث ‏الحادث ..؟

ومن منكم كان يقود السيارة في ذلك الوقت ..؟ "

وش رايكم ..؟

الدكتور ذكي ..

والطلاب راحوا فيها ..

ومن جد .. اللي يكذب يحطه ربي في النار .. بس مو النار المعروفة .. لا نار الرسوب وحمل المادة ..

ههههههههههههههههههه ..

أتمنى الموضوع أعجبكم ..

خضراء اليمامة ..

[نهر الوفا]

.

.

.


تعودنا من واحنا صغار هالجملة دايم على لساننا ..

طيب وين السلام :D


ماشالله عليك اختي خضراء اليمامه مبدعه ماشالله عليك


موضوع جميل ومثير يحتاج لكلام كثير وكثير

ليش لا .. أنا ما أستبعد شي على الشباب ..


ملاحظه : كلمة شباب تنطبق على الجنسين ( للمعلوميه :D )

بالنسبه للكذب اختي خضراء اليمامه انا اعتقد ويمكن اكون على خطاء


ان السبب الوحيد للكذب هو الخوف من قول الحقيقه

هذا يدفع الطفل او غير الطفل على الكذب

ايضا هناك اشياء اخرى تدفع الشخص سواء كان طفلا او كبيرا على الكذب

منها التعود على الكذب

فالتعود على الكذب تجعل الشخص صعب يترك هذه العاده ( ابو طبيع ما يجوز عن طبعه )


قال الرسول صلى الله عليه وسلم "ولا يزال الرجل يكذب ويتحرى الكذب حتى يكتب عند الله كذاباً "

هذا اذا كنا نبحث عن اسباب الكذب


ايضا يمكن اللي يكذب يكذب لاجل التسليه وهذا هو المنتشر في وقتنا الحالي بين الناس


اما عن العقاب فهو معروف فقد وصف الكذب وذكر مع شعب النفاق

اسف على الاطاله اختي خضرا اليمامه


لكي خالص التـــ ح ــــــيه


اخوكـ بــــينو


.

.

.

[azizo]

هههههههههههههههه

موضوع حلو وقصة حلوة والله ..

بس فيه ملاحظتين لاحظتها ..

( انفجروا إطارات سيارتهم ) ولا " انفجر إطار من إطارات سيارتهم " <<===== يدقق ..:p

والثانية هي تعقيب على كلام بينو أن الشباب يشمل البنات بعد :D

لا

وبعد كذب البنات اكثر ..:D

.

تراني أمزح .. <<===== خاف من مو مصدقة .. <<==== مصدر رعب ..

يعطيك العافية على هالموضوع ..

.

[جمعت الشووق]

مشوكره ياختي مو مصدقه على الموضوع بسراحه حلوووو مره والله لا يجعلنا من الكذابين لان الرجل يكذب حتى يكتب عند الله كذابا

[نهر الوفا]

.

.

.


طيب وراتس حاطه الموضوع في قسم وسع صدرك ؟


الظاهر انه في القسم العام انسب والا ؟

مجرد اقتراح

بـــــــينو
.

.

.

[b l u e]

مشكوووره اختي خضراء عل الموضوع الحلو

اما الدكتوره فاكيد انه ذكي ولا ما صار دكتور


ولله يعطيك العافيه

[صدوقة]

هههههههههههههه

الله يرج بليسك يا خضرا

من جد الضحكة تقصص قصدي القصة تضحك

المشكلة مو الكذب بحد ذاته لأن اللي تعود على الكذب مشكلته تكون كيف يتخلص من الكذب وهو صار جزء من حياته


جمعت الشوق

عفوا بس ترى موب انا اللي كاتبه الموضوع ههههههههههههه

http://www.asmilies.com/smiliespic/crazy/121.gif كااااااااااااااتم

خيييييييييييير ان شاء الله

احنا أكثر كذب

يالله عيني بعينك

[جمعت الشووق]

يووووووووووووووووه ايه والله انا غلت فسي الرد لاني قاعد اخطط للحرب شكرا لك يم عيون كحليه وفيها خضار

[خضراء اليمامة]

مرااااااااااااحب ..

هلا وغلا أخوي PINO ..

عشان ما تزعل هذا السلام ..

" السلام عليكم ورحمة الله وبركاته .. "

معليش اعذرني لأني مستعجلة ..

مشكور على ردك الرايق .. وأتمنى أكون من جد قد الكلام ..

وعندي تعليق على كلمة " شباب " ..

يمكن إنها يُقصد فيها الجنسين ..

بس المعروف وخصوصاً في عالم النت إن كلمة " شباب " للشباب ..

وكلمة " صبايا " أو " شابات " للبنوتات ..

عشان كذا أنا قلتها ..

كلامك صحيح وما أختلف معك فيه ..

وفعلاً " من شبّ على شيء شاب عليه " ..

هو على تعودنا من واحنا صغار ..

واحتمال احنا نأثر على أطفالنا بالكذب بدون قصد ..

مثلاً نقول لهم : " تعال بوسني وأعطيك حلاوة .. "

يجي يبوس بس ما يلقى مننا شي ..

فتنعدم ثقته في الي حوله .. وينزرع فيه الكذب ..

أخوي العزيز PINO ..

الله يعطيك العافية على ردك ..

وأنا ظربت عصفورين بحجر ..

طرحت الموضوع لأجل الفائدة والتسلية ..

ولكنه أقرب للصرقعة من الجد .. عشان كذا حطيته في " وسع صدرك .. "

وإذا أنت شايف إني أنقله للعام ولا يهمك .. أنقله ..

كم عندنا من PINO ..

يسلموووووو ..

ويعطيك العافية ..

[خضراء اليمامة]

هلا وغلا أخوي كاتم الود ..

دوم الضحكة ..

وأحسن شي إن الموضوع أعجبك ..

وملاحظاتك على العين والراس ..

بس أكيد بأعلّق عليهم ..

الملاحظة الأولى وهي : " انفجروا إطارات سيارتهم "

لا تدقق كثير .. أنا قصدي خربت سيارتهم وبس ..

أما ملاحظتك الثانية ..

اقرا الرد أعلاه وبتعرف تعليقي على كلامك ..

واحنا ـ ولله الحمد ـ ما نعرف للكذب طريق .. مو مثلكم الحمد لله والشكر ..

يجيك الواحد يفقش آآآآآآبو الفقش ..

والا نسيت يا كاتم " فقشة .. "

وإذا مو مصدقة مسوية لك رعب إن شاء الله دوووووم هالرعب عشان ما تغلطون علينا ..

يالله رح ..

قصدي مشكور على ردك ..

ويعطيك العافية ..

خضراء اليمامة ..

[خضراء اليمامة]

هلا والله أخوي جمعت الشوق ..

أنا اسمي " خضراء اليمامة " ..

هالـ " مو مصدقة " ماخذه عقولكم .. << تستاهل .. :)

مشكور أخوي على ردك ..

ويعطيك العافية ..

خضراء اليمامة ..

[خضراء اليمامة]

هلا والله أخوي blue ..

هلا بالأزرق ..

أنت اللي مشكور على ردك ..

ويعطيك آلاااااااف العافيات ..

والله يرزقنا لقب الدكتور .. << تأمل على سراب .. خخخخخخخخخخخخخ

والله دام إني داجة في هالمنتدى وفي دراستي ما جبنا النجاح ..

خضراء اليمامة ..

[خضراء اليمامة]

هلا والله وغلا بحبيبة قلبي مو مصدقة ..

تقولين الله يرج بليسي ..؟

وأنا أقولك بليسك أقرب .. << ما تعرف ترد .. >> الظاهر بليس يصير لها ..

أهم شي إن العجبة قصصتك .. قصدي القصة أعجبتك ..

يعطيك العافية على الرد ..

ومشكوووووووووورة ..

خضراء اليمامة ..

[نواف]

وقسم بالله الموضووووع رووووعة

وعجبني

بس الطبيب هذا <==== لا قل سستر احسن

اذكى مما تصورت

كركركركركر

[خضراء اليمامة]

هلا والله أخوي نواف ..

يسلموووووو على ردك ..

وأهم شي إن الموضوع أعجبك ..

والدكتور هذا مقتبس الذكاء من محاكيتك .. << اللي هي أنا ..

مشكووووووووووووور ..

ويعطيك العافية ..

[نواف]

الله يسلمتس وكثري من المواضيع الي كذا

[دودي]

مشكووورة اختي خضراء اليمامة على الموضوع واللي متعود لسانه على الكذب هذي مشكله كبيره

يسلمووووا ختي خضراء اليمامة

[خضراء اليمامة]

هلا أخوي نواف ..

حياك الله مرة ثانية ..

ويسلمووووو ..





هلا أخوي دودي ..

من جد الواحد إذا صار متعود على الكذب مشكلة كبيرة ..

وخصوصاً إذا كذب وقال إنه بنت وهو ولد .. لا واسمه نوف بعد .. صح ..؟

خضراء اليمامة ..

[العنقري]

مثل ما قالو .. حبل الكذب ( ( .......... ) ) ..!!



لكن ..


مهما كان الكذاب يبين عليه انه يكذب من شكله .. من اسلوبه .. من سرده للموضوع ..

[دحومي]

مشكورة اختي خضراء

وكثري من هذي المواضيع المنسمة