المساعد الشخصي الرقمي

مشاهدة النسخة كاملة : وش في الصندووووق ..؟!!

خضراء اليمامة
27-11-2005, 12:32 AM
السلاااااااام عليكم ..

هلا والله بكل عضو وعضوة .. ومشرف ومشرفة .. ومدير وفرّاشة .. << أقصد الليدي طبعاً ..

عندي لكم لعبة جديدة .. وإن شاء الله تعجبكم ..

اللعبة تقول .. إني أنا يا خضراء اليمامة أحط في بالي شي .. ما يعرفه غيري ..

وأنتم دوركم تسألون أسئلة حول هالشي ..

يعني مثلاً أنا حطيت في بالي " فرشاة أسنان " ..

طبعاً ما أعلم أحد عنه ..

تجون أنتم تسألون أسئلة عامة .. لما تتوصلون للإجابة ..

يجي واحد يسأل : " يستخدمه الرجال وإلا النساء ..؟ "

أرد أنا أقول : " للرجال والنساء " ..

واللي بعده يجي يسأل : " يستخدم لحاله وإلا لازم معه شي ..؟ "

أجي أرد أقول : " لازم يستخدم معه شي ثاني .. وإلا يكون بدون فايدة " ..

يجي اللي بعده يسأل : " يستخدم في أي مكان ..؟ في الصالة وإلا في المطبخ وإلا في دورات المياه وإلا في غرفة النوم ..؟ "

أجي أرد : " في دورات المياه " ..

يجي اللي بعده يسأل : " حجمه كبير وإلا صغير ..؟ يعني ينشال وإلا لا ..؟ "

أجي أرد : " حجمه صغير .. وينشال باليد " ..

وهكذا ..

فهمتوا ..؟

إذا إيه .. أنا حطيت في بالي شي .. وما عليكم إلا السؤال ..

وإذا لا .. قولوا لي أوضح لكم أكثر ..

أتمنى تفاعل من الجميع ..

يعطيكم العافية ..

خضراء اليمامة ..
صقر أشيقر
27-11-2005, 01:18 AM
يالله يا خضراء أنا أول واحد أدرى

أنى عدو بس أنا أول واحد يتفاعل معك

س : يوجد فى البيت ؟
الليدي عمشاء
27-11-2005, 01:43 AM
مرااااااااحب خضورة ..

أنا ثاني المشتركات .. وإن شاء الله إني بحاول أعرف وش في صندوقك ذا ..


سؤالي هو :

يستخدمه الرجال والنساء والأطفال ؟


<< زدت الأطفال عشان ما تقولين إني غشيته من توضيحك أعلاه

>> يا ويلي على هالأعلاه .. قايلة لكم إني مثقفة .. بس ما تفهمون !!




إلا على فكرة .. أقدر أسأل أكثر من سؤال ؟

وياليت لو اتضحت أي فكرة ترفقينها مع كل رد لك ..



يسلمووووووووووو خضورة على هالمسابقة الحلوة ..
صقر نجد
27-11-2005, 02:52 AM
لعبة رائعة جدا ..

وفية من الفائدة مافيها ..

أشكرك لطرحها ويشرفني المشاركة فيها


سؤالي هو / هل يستخدمها احد الجنسين فقط أم جنس واحد ؟
فتى سدير
27-11-2005, 09:45 PM
هلا بخضرا ووكل عام ونتي بخير وسؤالي هو ------- هل هالشي سعودي ويطلع بالتلفزيون هههههههههه اسف راح بالي لاختيار شخصيه اللي هي اضمار


اجل سؤالي هو هل هالشي محمول باليد ام لا ؟

مدري لي سؤال ثاني او لا
خضراء اليمامة
27-11-2005, 10:02 PM
:)

:)

:)

مراااااااااااااااحب ..

هلا والله فيكم كلكم ..

أعتذر على هالتأخير ..

بس كله من جهازي وربي ..

إذا بغيتوا تدعون على أحد .. ادعوا عليه يكون عنده جهاز مثل جهازي ..

<< وصدقوني الدعوة بتجيب مفعول ..

يعني كأنكم دعيتوا على الواحد بالضغط والسكر والجدري بعد .. << ما له علااااقة ..



يالله .. الحين أجاوبكم ..

هلا والله أخوي صقر أشيقر ..

وش دعوى عدو ..؟

إلا أنت عدو العدو .. << يعني الصديق .. لا تفهم خطأ .. :)

وجوابي هو : ايه موجود في البيت .. أو بالأصح أنت تقدر تخليه موجود وتقدر لا ..



هلا والله بعميشاء ..

يالله شدي حيلك وبتعرفين إن شاء الله ..

أما جوابي هو : يستخدمه الرجال والنساء .. ومؤخراً زادوها شوي وخلّوه للأطفال بعد .. :)

وبالنسبة لاستفسارك ..

لا ما يصلح تحطين إلا سؤال واحد بس ..

وأي استفسار تبينه اسألي عنه ..

يعني حددي وش تبين بالضبط ..؟

يسلموووووووووووو ..

ويعطيك العافية ..



هلا والله أخوي صقر نجد ..

تسلم والله ..

وإن شاء الله الكل يشغّل مخه ويستفيد ..

وجوابي : يستخدمه كل الجنسين ..

يعطيك العافية ..



هلا والله أخوي فتى سدير ..

هلا بالغاااااايب ..

وينك ..؟

يالله .. أهم شي إنك متواجد الحين ..

ونتمنى ما عاد تغيب أنت ووجهك .. << ما فيه أسلوب ..

بالنسبة لجوابي : ايه محمول باليد ..

يعطيك العافية ..

خضراء اليمامة ..
قبون صحصح
28-11-2005, 01:48 AM
يسلموووو خضخوضه


وش هاللعبه الفله والوناسه


ليش بس سؤال واحد من كثر الأعضاء اللحين


زوديهم .. عشاني << يعني بيحرجك اللحين خخخخخخخ




احس انه ساعه بس منيب قايل

اخاف اقول وتقولين لي اقلب وجهك ولا عاد لك أسئله




طيب سؤالي ... <<< اذا لي


يستخدم ملبوس ؟؟ يعني ينلبس والا زينه



:)



يعطيك العافيه


عساك عالقوه
صقر أشيقر
28-11-2005, 02:05 AM
أنا أتوقع أنه الجوال

إذا كان جوابى صح أبى عزيمه فى الجبال <==== ما تبيه فى فندق

ترى أمزح موقصدى عداوه بالشكل اللى فى بالك أنا قصدى تحدى

بس خاننى التعبير <==== أصلح متحدث رسمى صح <===== ما عندك ما عند جدتى

وإذا كان الجواب خطاء

س : هل هو ضرورى فى الحياه
الليدي عمشاء
28-11-2005, 04:13 AM
موجود في البيت .. أو بالأصح أنت تقدر تخليه موجود وتقدر لا ..


يستخدمه الرجال والنساء .. ومؤخراً زادوها شوي وخلّوه للأطفال بعد ..


يستخدمه كل الجنسين ..


ايه محمول باليد ..










نقدر نقول إنه الجوال ؟؟؟؟؟؟؟؟
NEW
28-11-2005, 12:41 PM
و عليكم السلام و رحمة الله و بركاته

ما شاء الله عليك أختي خضراء اليمامة

كل مرة فكرة جديدة.. و تكون أحلى من الي قبلها ;)


أعتقد أن الجواب مثل ما قالوا

الجوال


و يعطيك العافية على المسابقة الرائعة :)

شكركر

أخوك: NEW
b l u e
28-11-2005, 04:35 PM
^_^


>>>???<<<
جاي بدري مررررررره


اكيد انه الجوال بعد ما قلتي

ومؤخراً زادوها شوي وخلّوه للأطفال بعد ..



شكلك حاقده هههههههههه
الليدي عمشاء
28-11-2005, 07:36 PM
والله ثم والله ثم والله إني ما شفت رد صقر أشيقر ..


حتى إني كنت ناوية أهاوش بلو وأقول له : لا يا شيخ ؟


على بالي إني أنا أول من حلّها .. << الحين جزمت إنها هي الإجابة الصحيحة ..


بس يا فشلتنا لو جت خضيروه وقالت الإجابة غلط ..


عجلي علينا يا خضروه ..
صقر نجد
29-11-2005, 01:05 AM
الأجابة : غلط

















































لا أحد يصيح خخخخخخخخخ


بس تصدقون طلع صقر أشيقر ذكي :D


أول مرة انتبه للشي هذا ..


يصير خير يا أبو عبدالعزيز


:D
خضراء اليمامة
29-11-2005, 02:24 AM
هلا والله بقبون صحصح ..

تسلم والله ..

أهم شي اللعبة أعجبتك ..

بس معليش .. البند 55 يقول سؤال واحد يعني سؤال واحد ..

ولا نقدر نزيده ..

بالنسبة لجوابي هو : ما يلبس .. ولا هو زينة ..

يمكن يلبّس .. ويزيّن ..

يعطيك العافية على المرور ..




أضفنا قانون جديد .. :)

اللي كل واحد ما له إلا إجابة وحدة ..

يعني اللي يقول إجابة وتصير خطأ يطلع ..

واللي تصير صح عليه له باونتي ..




هلا والله أخوي صقر أشيقر ..

http://www.asmilies.com/smiliespic/happy/022.gif (http://www.asmilies.com) مبرووووووووووووووووووك يالدوبي .. http://www.asmilies.com/smiliespic/happy/022.gif (http://www.asmilies.com)

http://www.asmilies.com/smiliespic/happy/005.gif (http://www.asmilies.com)

ما أحد قدك ..

وربي ما توقعتكم بتحلونه بهالسرعة ..

عشان كذا شكلي بأصعب اللي في الصندوق ..

بس بداية رائعة منكم وتوسع الصدر ..

تخلي الواحد غصب يستمر .. :)

أقول يا صقر .. رح لأقرب بقالة واشتر لك باونتي .. واعتبرها هديتك .. :)

يعطيك العافية ..





هلا والله بعميشاء ..

يالغشاااااااشة .. :)

صرقتي الإجابة من صقر أشيقر ..؟

:)

عموماً .. هو جاوب قبلك ..

والباونتي بيصير له ..

كنت ناوية أنزل المعلومات اللي جمعتوها .. بس سبقتيني ..

يعطيك العافية ..



هلا والله بـ NEW ..

تسلم والله ..

وهالأفكار بعضاً ما عندكم وأنا أختك ..

:)

والجواب على قولك .. مثل ما جاوبوا هو الجوال ..

يعطيك العافية ..

ومشكور على التشجيع ..



هلا والله أخوي Blue ..

آخر مرة تتأخر طيب ..؟

ومثل ما قلت .. الجوال ..

وأنا صادقة .. الحين الواحد من ينولد يكون معه جوال ..

وحاقدة من قلب .. :)

يعطيك العافية ..




هلا والله بالـ Back يا عميشاء ..

مصدقينك يا وخيتي بدن حلف ..

بس آخر مرة ..

هذا وأنتي DSL .. أجل أنا ما ينشره علي ..

يعطيك العافية ..



هلا والله أخوي صقر نجد ..

شفت عاد ..؟

يطلع منهم والله ..

أنا بعد انصدمت في عميشاء .. ما توقعتها كذا ..

بس المنتديات تطلع المواهب .. :)

يعطيك العافية ..



يالله .. لا أحد يشوف .. http://www.asmilies.com/smiliespic/happy/141.gif (http://www.asmilies.com)

باحط شي في الصندوق ..



خلاص شوفوا .. http://www.asmilies.com/smiliespic/happy/122.gif (http://www.asmilies.com)

وهااااااتوا أسئلتكم .. http://www.asmilies.com/smiliespic/happy/121.gif (http://www.asmilies.com)

ودي اسأل سؤال ..

من اللي ثبت الموضوع ..؟ << أبي جواب ..

بس باقول له .. الله يجزاك كل خير ومشكوووووور ..

والله لا يحرمني منكم ..

يعطيكم العافية ..

خضراء اليمامة ..
الليدي عمشاء
29-11-2005, 03:11 AM
خضرووووووووووووووووه


هذي عيونك يا الماصلة .. دي إس إل .. دي إس إل .. وآخرتها صكيتني بعين وخليتي غيري يسبقني بالحل ..

خلاص ارتحتي ؟

وبعدين ترى أبوي شاله من البيت .. ورجعنا للنت الأول .. يعني مافيه دي إس إل ولا هم يحزنون ..

تصدقين .. حتى الكمبيوترات شالهن .. يعني لا نت .. ولا كمبيوتر .. ولا حتى تلفون .. ارتحتي ؟




يا الله ما علينا ..

نسأل سؤالنا .. والله يصبرني ..


إنه له مكان مخصص يوضع فيه .. والا في أي مكان ؟







مع السلامة ..

وياليت ترسلين لي قنيمة خلاقين من عندك أبغسلهن وأرش روحي كودي أطيب !!



انقلعي ،،
صقر أشيقر
29-11-2005, 10:54 AM
الله يبارك فيك هذا شى طبيعى أنى أعرف الأجابه

تدرون ليه ؟ خضراء علمتنى الأجابه <======= هذا اللى يبي ينطق

يسلمووووو خضراء

أنا قلت الهديه تستاهل من يتعب عليها

وأخرتها طلع باونتى لا وعلى حسابى بعد والله من زين البرنامج

بس لا تتأخرين علينا فى الرد وإلا سحبنا منك الموضوع <===== مسوى بيده شى

الليدى عمشاء تبين الباونتى تامرين امر وما عليك من خضراء الأجابه الثانيه أبعلمك عليها

طيب نرجع إلى الصندوق وما أدراك ما الصندوق

س : هل هو ضرورى من ضروريات الحياه ؟
خضراء اليمامة
29-11-2005, 11:46 PM
هلا والله بعميشة ..

ههههههههههههههههههه ..

أحسن تستاهلين ..

ما أحد قال لك ما تمدين لي سلك ..

عموماً ..

جوابي :

له مكان محدد .. بس فينا نغير مكانه .. << إذا عرفتوا الإجابة وضحت ..

وما له داعي خلاقين ..

إذا شفتك قلت " تففففف " وانتهى الموضوع ..

يالله روحي ..

<< روحي يعني انقلعي مو روحي الروح ..






هلا والله بالفايز ..

بس يكفيك غرور ..

وعشاني عارفة إنك مغرور ما عطيتك الهدية اللي مخبيتها للي يفوز ..

بالنسبة للجواب ..

هو مو ضروري .. بس نحتاجه في حياتنا ..

يعطيكم العافية ..

خضراء اليمامة ..
NEW
30-11-2005, 12:02 AM
السلام عليكم..

مبروك للي جاوب :)


و الحين سؤالي:

- مصنوع من ماذا؟


يعطيك العافية

شكركر

أخوك: NEW
خضراء اليمامة
30-11-2005, 12:26 AM
وعليكم السلام ..

هلا والله أخوي NEW ..

وش أخبار الـ DSL ..

طمنا عنه ..

بس وربي فاقدينكم ..

بالنسبة لجوابي :

مو مصنوع أصلاً ..

يعطيك العافية ..

خضراء اليمامة ..
NEW
30-11-2005, 12:42 AM
هلا و الله أختي خضراء اليمامة

الـDSL إلى الحين متعطل و أنا أحاتسيكم من مقهى :(

الشكوى لله.. الله ياخذ شركة الاتصالات

المهم ما علينا.. :D



مب مصنوع أصلاً..!

طيب..

- من يستخدمه، الرجال أم النساء أم الأطفال؟

شكركر

أخوك: NEW
يكفيني غــ ـرور
30-11-2005, 02:23 PM
هلا خضوره

وش هالحركتات ؟؟

صندوق وتوزين به شي .. والله حركه

المهم .. ترا جوابي على الاول هو الجوال << قولي ق

وسؤالي للثاني

هل يحط على طاولة ؟؟؟؟؟؟؟؟؟؟؟؟
يله روحي << روحي الثانيه ما هيب انقلعي
صقر أشيقر
30-11-2005, 06:54 PM
أنا أتوقع الأجابه هى الأنترنت

وإذا كان جوابى خطاء

سؤالى هو

هو جامد أو لا ؟
صقر أشيقر
30-11-2005, 06:55 PM
أنا أتوقع الأجابه هى الأنترنت

وإذا كان جوابى خطاء

سؤالى هو

هو جامد أو لا ؟
خضراء اليمامة
02-12-2005, 05:31 PM
هلا والله أخوي NEW ..

الله يرجعه لكم سالم ..

ومو شي جديد على الاتصالات .. :)

بالنسبة لسؤالك .. جوابي هو :

مو محدد من يستخدمه ..

ومو شرط يستخدم ..

باختصار ممكن الكل يستخدمه .. بس الأطفال الصغار مرة لا ..

يعطيك العافية ..




هلا والله بميو .. وإلا اشيقر يا بعد تسبدي .. وإلا مهاوي .. << هي قالت لي سميني كذا .. :)

شفتي عاد ..؟

عشان تعرفين إني ما ألعب ..

المهم جوابي :

ممكن ينحط على الطاولة فترة .. وبعدها ينشال ..

بس مو مكانه الأصلي الطاولة ..

يعطيك العافية ..




هلا والله أخوي صقر أشيقر ..

جوابك للأسف خطأ ..

بالنسبة لجوابي ..

هو مو جماد .. نبات .. << قرّبت لكم مررررررة ..

يعطيك العافية ..


من جد .. من جد .. أعتر على التأخير ..

بس الله لا يبلاكم بجهاز مثل جهازي ..

قولوا آمين ..

خضراء اليمامة ..
b l u e
02-12-2005, 09:53 PM
ااامين

وان شاءلله ربي يعوضك بأحسن منه ^_^


ممكن الشمعه ؟؟! يعني او النـار !! بس ما ادري



طيب انتي قلتي مو جماد .. نبات ؟؟ كيف قصدك واذا قصدك انك قربتي لنا ترك بعدتي لنا


المهم

اذا كان خطا #_#

سؤالي يقول


هو للتسليه ؟؟ ولا للحاجه ؟؟
قبون صحصح
02-12-2005, 10:55 PM
<<< انلحس مخه


خضخوضه شكلك تستهبلين


على حتسيك أقرب ماله التمر


:)


<< ماعنده سالفه


صح :(




الله يعطيك العافيه
خضراء اليمامة
03-12-2005, 04:04 AM
إييييييه يا Blue ..

ادع لي ربي يرزقني بجهاز .. :)

بصراحة ودي أقول جوابك صح .. خصوصاً إنك دعيت لجهازي ..

بس للأسف خطأ ..

أما جوابي على سؤالك :

هو لا هو للحاجة .. ولا للتسلية ..

يمكن للتزيين ..

يعطيك العافية ..





هلا والله بقبون صحصح ..

وش دعوى أستهبل ..؟

أنا أعرفكم أستهبل عليكم ..؟ << تبرّت ..

المهم ..

جوابك خطأ وأنا أختك .. حاول مرة أخرى ..




عموماً ..

الإجابة جتني عن طريق الرسائل الخاصة ..

ما رح أقول مين .. بس أشوى فيه أحد عرفها ..

يعطيكم العافية ..

خضراء اليمامة ..
الليدي عمشاء
03-12-2005, 04:16 AM
نقول مثلا شجر الزينة ؟

شجر ورد ؟








منيب مسلّمة مستحية تصير الإجابة غلط !!
صقر أشيقر
03-12-2005, 04:45 AM
ما عليش الليدى أنى أقول أن أجابتك غلط

بس خيرها فى غيرها حولى مره أخرى
خضراء اليمامة
03-12-2005, 04:53 AM
عميشاء ..

خطأ عليك ..

بس كأن قربتي .. :)

<< ما بقي إلا أقول الإجابة ..




صقر أشيقر ..

يا حليلك والله ..

يعطيكم العافية ..

خضراء اليمامة ..
الليدي عمشاء
03-12-2005, 04:56 AM
هيه يا خضراء اليمامة ؟

أنتي غيرتي اسمك لصقر أشيقر ؟
الليدي عمشاء
03-12-2005, 07:15 PM
طيب نقول الوردة أو الورود مثلا ؟

:D







برضو مستحية أسلم عليك !!
صقر أشيقر
03-12-2005, 07:38 PM
الليدى عمشاء أنتى كل مره تبين تاخذين الباونتى

يكفى المره اللى راحت




خضراء اليمامه ما عليش أنى تعديت على موضوعك بس هذا من باب الدعابه

أتوقع ما فيه أحد راح يعرف الحل قوليه أنتى وخلاص خليهم يرتاحون
*حلا أشيقر*
03-12-2005, 09:21 PM
وعليكم السلام ورحمة الله وبركاته ...


مشكككوووووورة اختي خضراء اليمامه على اللعبه ...
b l u e
03-12-2005, 09:33 PM
مزهريه ؟


بس مو مصنوعه

يعني

نبـات ؟؟

وش يكون

لا وينحط على الطاوله ؟؟

الاطفال الصغار ما يستخدمونه

ماهو للتسليه ولا هو للحاجه ؟؟



ورد ؟



^
أحلف

بتجي الحين وتصفقني عمشاء << حااااااااااااف ركزو ما قلت الليدي ولا راح اقول


مافيه ليدي الا ليدي وحده

واختها الكبيره كان اسمها ساره

وحصاانها الابيض كاان يجنن

وشعرها اللي كشه صفرا ههههههههه


يلله

نستناك ..
خضراء اليمامة
04-12-2005, 02:59 AM
عميشااااااااااااااااااء ..

كونقراتوليشن .. http://www.asmilies.com/smiliespic/psmilie/002.gif (http://www.asmilies.com) << بالإنجلش ..

مبارك هي .. http://www.asmilies.com/smiliespic/psmilie/005.gif (http://www.asmilies.com) << بالهندي ..

ألف مبروك .. http://www.asmilies.com/smiliespic/psmilie/010.gif (http://www.asmilies.com) << بالعربيك ..

شيييييييييييييي .. http://www.asmilies.com/smiliespic/psmilie/006.gif (http://www.asmilies.com)

من علمك الإجابة .. لأني عارفتك ما يطلع منك شي .. http://www.asmilies.com/smiliespic/psmilie/004.gif (http://www.asmilies.com)

كان ودي أملى الصفحة أيقونات ورقص وهبال .. بس مثلك عارفة .. جهاوي الحلو يطلعهم بسرررررعة ..

فاكتفيت بهالشويين .. << جمع شوي .. :)

يعطيك العافية ..

وإجابتك صحححححح .. << لا والله ..؟ http://www.asmilies.com/smiliespic/psmilie/003.gif (http://www.asmilies.com)

يالله روحي ..





هلا والله أختي حلا أشيقر ..

الله يعافيك ..

وبتصير اللعبة أحلى إذا شاركتي فيها .. http://www.asmilies.com/smiliespic/psmilie/000.gif (http://www.asmilies.com)

يعطيك العافية ..





هلا والله بـ Blue ..

صحححححححححححححح عليك ..

وأنا باحسبها لك .. http://www.asmilies.com/smiliespic/psmilie/003.gif (http://www.asmilies.com)

وألف مبروووووووووووك الباونتي ..

<< أنظر طريقة الحصول عليه أعلاه .. قصدي في الصفحة السابقة .. http://www.asmilies.com/smiliespic/psmilie/006.gif (http://www.asmilies.com)

وأنا أشهد إن الليدي هي ليدي ليدي بنت جورج راسل .. بس فيه ليدي ثانية هي ليدي أوسكار صديقة آندريه ..

<< وربي اللي ما شاف هالمدبلج إنه خسراااااان ..

يا ربيييييييه .. << اشتاقت لهم .. http://www.asmilies.com/smiliespic/psmilie/001.gif (http://www.asmilies.com)

يعطيك العافية ..




يالله أنا حطيت شي الحين ..

وبانتظاركم ..

متأكدين ما أحد شاف ..؟ http://www.asmilies.com/smiliespic/psmilie/008.gif (http://www.asmilies.com)

خضراء اليمامة ..
قبون صحصح
04-12-2005, 03:17 AM
الورد ياعيني عالورد

طيب الورد يصير للتسليه وعادي يستخدمه الصغار

<< بيتحررررش


عالعموم مبروووكـ لعموشه


:)




أنا شفت بس لا تخافين منيب معلم أحد

وبسوي نفسي ماشفت وأبسأل




يستخدمه الكبار أو الصغار ؟؟
خضراء اليمامة
04-12-2005, 03:24 AM
هلا والله بقبون صحصح ..

للتسلية أجل ..؟

ليش أنت تلعب فيه وإلا تتسلى به ..؟

وبعدين قد شفت واحد يرضع وماسك وردة ..؟

صدق إنك راعي حرش ..

:) << عشان جرح الضمير قال دايم استخدموها ..



عموماً ..

الله يبارك فيك ..

وإن شاء الله هالمرة أنت تجيبها ..

تراه باونتي مو أي كلام ..

وإذا أنت فزت بأدعمك ببلونة مع الباونتي .. << من قدك ..؟ :)



المهم ..

شكلي مرة ثانية بأشتري طول قماش وأربط عيونكم .. عشان ما تشوفون ..

جوابي :

يستخدمه الكبار والصغار ..

وطبعاً الصغار طالع من إطارهم اللي يرضعون .. لأن ذوليك ما يسوون شي .. :)

يعطيك العافية ..

خضراء اليمامة ..
الليدي عمشاء
04-12-2005, 02:23 PM
له ألوان والا لون واحد ؟؟؟؟؟؟؟؟؟؟


<< مسوّية ثقل عشانها فازت ..












لا داعي لا داعي للتصفيق ..


شكرا على تبريككم لي ..


وعموما هذا شي عادي .. متعودة أصلا على الفوز >>>> مصختها بس من حقها خخخخخخخخخخ
*حلا أشيقر*
04-12-2005, 04:37 PM
ألف مبروووووووووووووووووك اختي الليدي عمشاء..
خضراء اليمامة
05-12-2005, 12:07 AM
ياهووووووووه يا عميشاء ..

أقوووووول المواقة واضحة على وجهك .. لا تحاولين تخفينها ..

ومثلك مثل أي أحد فاز ..


معلومة :

المسابقة لا تعتمد على الذكاء .. << سمعتي يا عمشوووووه ..؟

عموماً جوابي :

له ألوان .. وكثيرة بعد ..

يعطيك العافية ..




هلا والله أختي حلا أشيقر ..

حياك الله ..

خضراء اليمامة ..
الليدي عمشاء
05-12-2005, 12:48 AM
تسلمين يا حلا وشيقر على الترحيب ..


وعلى شانك أبتبرّع بالباونتي حقّي لك .. بس مرّي على خضيروه وخذي منها الريالين ..




خضيروه انطقّي .. وش مواقته ذا اللي تقولين ..


أصلا مثل ما قلت أنا ملّلللللللللليت من الفوز ..


عشان كذا أخربط في بعض الأجوبة عشان يفوز غيري ..


يعني ذكيّة ورحومة بعد .. الله يحرسني باسمه ..






وصلت المعلومات عند :


إن النساء والرجال والأطفال يستخدمونه ..

وله ألوان متعددة ..




طيب سؤالي هو :

من الأدوات المدرسية ؟
خضراء اليمامة
06-12-2005, 12:11 AM
هلا بعميشاء ..

لا تمرون علي ولا أشوف وجيهكم ..

يا حبيبتي الريالين يفيدوني في اليوم الأسود ..

جوابي لسؤالك :

لا مو من الأدوات المدرسية ..




" المعلومات اللي توصلنا لها "

النساء والرجال والأطفال يستخدمونه ..

له ألوان متعددة ..

مو من الأدوات المدرسية ..

يعطيكم العافية ..

خضراء اليمامة ..
الليدي عمشاء
06-12-2005, 12:27 AM
يستخدم للزينة مثلا ؟
b l u e
06-12-2005, 06:32 PM
سـاعه ؟؟



سؤالي لو كان جواب خطأ

للتسليه ؟؟ ولا للحاجه ؟؟
خضراء اليمامة
07-12-2005, 06:18 PM
مرااااااااااحب فيكم كلكم ..

يالله كلكم قولوا لجهازي الحمد لله على السلامة ..

لأنه جته صخونة .. وقل صِح ..

وننتظر هدايا المباركة بالشفاء على أي شي .. بس أهم شي نشوف هدايا ..

وش أخباركم ..؟




هلا بعميشاء ..

وش هالحركتات ..؟

ألوان بعد ..؟

بس جوابي :

ما يستخدم للزينة ..

يالله انقلعي ..





هلا بـ Blue ..

للأسف خطأ .. مو الساعة ..

وجوابي على سؤالك :

للحاجة .. مو للتسلية ..





" المعلومات اللي توصلنا لها لحد الآن "

النساء والرجال والأطفال يستخدمونه ..

له ألوان متعددة ..

مو من الأدوات المدرسية ..

لا يستخدم للزينة ..

استخدامنا له للحاجة ..


يعطيكم العافية ..

خضراء اليمامة ..
b l u e
08-12-2005, 07:13 PM
وين نلقاه ؟؟

بالمطبخ ؟
خضراء اليمامة
08-12-2005, 10:33 PM
هلا والله بـ Blue ..

ايه نلقاه في المطبخ ..

<< كأنك عرفت .. صح ..؟

يعطيك العافية ..

خضراء اليمامة ..
b l u e
09-12-2005, 01:35 AM
عرفته لوول

الحين تجي عميشاء


صدقيني انا اقول

دام الصوره اللي حاطتها بتوقيعك جايه من طرف عميشا أكيد انها احلى بكثير لوول <<اكيد العكس

يمه

شكلك يخرع من جد

من جد تقل شغالتنا ونسي يومي صغير

كانت تمسكني والا بالغصب اشرب حليب لوول

كنت اشوف وجها واصيييييح واشرب الحليب وانا خايف منها
لووول















المهم نرجع حق جوابنا



المره هذي براوغ واحط اجابه

<<اموت على المراوغه الا ماتعرف وشي


المهم


فوطه ؟؟
منشفه يعني

مدري

بس فكره لول

لو كان خطاء

أقول

استخدامنا له وقتي ؟؟
خضراء اليمامة
09-12-2005, 11:31 PM
هلا والله بـ Blue ..

تصدق عاد .. أنا كل ما دخلت المنتدى .. وحطيت مشاركة .. وطلع لي توقيعي .. أفزّ فزة مو طبيعية ..

لدرجة صرت أقرا المعوذات قبل لا أدخل ..

عموماً ..

هذي عميشاء حلفت لأرد لها هالمصالة ..



المهم يا أبو المراوغات ..

جوابك للأسف خطأ ..

حاول مرة أخرى .. طووووووط ..



أما جوابي على سؤالك :

كيف يعني وقتي ..؟

بس باجاوبك .. نستخدمه شوي ونتركه .. وبعد فترة نستخدمه ونتركه ..

وهكذا ..

يعطيك العافية ..

خضراء اليمامة ..
الليدي عمشاء
10-12-2005, 01:15 AM
نحط فيه مويه ونشربها ؟


نقدر نقول إنه الكاس أو الكوب ؟
خضراء اليمامة
10-12-2005, 09:58 PM
http://www.asmilies.com/smiliespic/sport/016.gif (http://www.asmilies.com) صححححححححححـ ـحححححححححححح يالدوبية .. http://www.asmilies.com/smiliespic/sport/016.gif (http://www.asmilies.com)

من علّمك ..؟ http://www.asmilies.com/smiliespic/sport/012.gif (http://www.asmilies.com)

عندي شك في الموضوع ..

يالله من قدك ..؟

صار في رصيدك باونتيين .. http://www.asmilies.com/smiliespic/sport/025.gif (http://www.asmilies.com)

يعطيك العافية ..

وإجابتك صح وهي " الكأس " .. http://www.asmilies.com/smiliespic/sport/028.gif (http://www.asmilies.com) << بس مو اللي في الصورة .. :)

بس وش قصدك قزاز وإلا بلاستيك .. << لازم تعلميني وإلا سحبنا الباونتي وعطيناك كيت كات ..

يعطيك العافية ..






يالله اقلبوا وجيهكم ..

http://www.asmilies.com/smiliespic/sport/035.gif (http://www.asmilies.com)


خلاص فتحوا ..

خبّيته ..

بانتظار أسئلتكم ..

يعطيكم العافية ..

خضراء اليمامة ..
الليدي عمشاء
11-12-2005, 03:07 AM
هيه هيه هيييييييييييييييه


ظهر الحق ظهر الحق ظهر الحق << جاية من محكمة !! http://www.alb7ri.net/s/b990.gif


ما قلت لكم .. محد قدّي ؟


صار الحين في ذمتك لي 2 باونتي ..


ازرعيهم في الجنينة تبعتكن الله يخليك كود يكثرون خخخخخخخخخخخ













الحين نجي للشي الثالث :

نقدر نقول شكل وحجم واحد أو أشكال وأحجام مختلفة ؟
*سندريلا*
11-12-2005, 06:06 AM
اهىىىىىىىىىىىىء ياويلكم من حسيبكم حاطين مسابقه ولا احد يعزمني افااا ماهقيتها منك بس يله





ماعلي منكم جيت اشارك لعل وعسى احصل على باونتي بس ماادري ياخضراء معه عصير الربيع ابو ريال <<<<<<<عزالله الي جاها تعطل في البنكرياس



يله هذا سوعالي :

يستخدم والا للزينه؟؟؟؟؟؟؟


سنسن
صقر نجد
11-12-2005, 09:52 PM
أشوف الليدي حفظها الله ورعاها وأثابها تزحف نحو اللقب


:D


س / هل يستخدمه الرجال دون النساء ؟


الف تحية
خضراء اليمامة
11-12-2005, 10:34 PM
هلا والله عميشاء ..

من قدك ..؟

أكيد من قدك .. تحصلين 2 باونتي .. لا ومني بعد ..

المهم ..

جوابي على سؤالك :

أحجام وأشكال مختلفة ..

بس الحجم اختلاف بسيييييط مرة ..

يعطيك العافية ..





هلا والله سندريلا ..

نوّرت المسابقة بحضورك يالغالية ..

وأبشري بالباونتي إذا عرفتيه ..

بس أهم شي تستمرين معنا ..

لا وأعطيك " داناو " مو بس عصير الربيع ..

<< خلي إذا جاء تعطل في البنكرياس يجي مرة وحدة ..

بالنسبة لجوابي على سؤالك :

معليش ..

بس سؤالك اللي من شقين .. << ما يمديكم عليها ..

جوابهم كلهم " إيه " ..

يعني هو يستخدم .. وللزينة بعد .. :)

يعطيك العافية ..

وحيااااااك الله ..





هلا والله أخوي صقر نجد ..

شفت عاد ..؟

وأي لقب ..؟

لقب الدجة والدلاخة .. :) << يا ويلي منها ..

أما جوابي على سؤالك :

هو يستخدمه النساء والرجال ..

بس النساء بكثرة ..

لكن الرجال نادراً ما يستخدم منهم ..

يعطيك العافية ..




" المعلومات اللي وصلنا لها "

* أحجام وأشكال مختلفة ..

* يستخدم للزينة ..

* يستخدم من النساء أكثر من الرجال ..

يعطيكم العافية ..

خضراء اليمامة ..
الليدي عمشاء
11-12-2005, 11:22 PM
صقير نجد

<< تم التصغير للتقليل من الشأن

>> يا ويلك منه

<< ينطق هو اللي بدا

>> خلاص كيفك !!

يا شين الغيرة ..

يعني عشانك فزت مرتين تبغى تحافظ على اللقب ؟

نسيت إني موجودة في المنتدى << صورة فيها وجه مغرور ؟

يعني دا بعدك !! << صورة فيها وجه مغرور بس غير الأول



وانتي يا خضيروه لقب الدجة والدلاخة .. حصّليه أنتي ووجهك !!

يا الله بس لا تعطليني يجي أحد ويسبقني ..

وتفرّحين فيني العذّال !! << ما تقصد ترى صقر نجد !!



سؤالي هو :

نقدر نلبسه في اصابع اليد مثلا ؟

يعني نقدر نقول إنه الخاتم ؟


بس تخمين ترى ..
خضراء اليمامة
12-12-2005, 12:47 AM
والله غشششششش ..

لحظة لحظة ..

أنتي غاشة الإجابات صح ..؟

يا قووووووووم ..

أنا حاطة الاشياء اللي في الصندوق عندي ..

وتراها غشتها وحفظتها ..

<< تراني صادقة وربي ..

عميشاء اعترفي .. أنتي ماخذتها ..؟

أنتظر الرد يالدوبية ..

خضراء اليمامة ..
الليدي عمشاء
12-12-2005, 01:00 AM
http://www.alb7ri.net/s/___.gif


أقسم أقسم أقسم بالله إني ما غشّيت ولا شفت شي من الصندوق !!


http://www.alb7ri.net/s/___.gif


والله إني معتمدة على نفسي .. وحلّلت المعلومات وجبتها


ليش يا خضيروه تشكّين في ذكائي وصحّتي في تحليل المعلومات وتخمينها ؟


أنتي أدرى ببراعتي في حل الألغاز الحسابية والمسابقات يوم كنّا في منتدانا الأول ..


ليش تستغربين حلولي ومعرفتي هنا ؟


أكرهك يا خضروه .. هذا بدل ما تهنّيني وتباركين لي تقولين كذا ؟


والله أحس إني زعلت << أحس بس .. وممكن يصير الإحساس حقيقة ياتلحقين يا ماتلحقين !!


انقلعي هناك .. وأنا من اليوم ورايح أبسحب عضوية صداقتي منك


http://www.alb7ri.net/s/___.gif
*سندريلا*
12-12-2005, 04:07 AM
يؤ يؤ يؤ يؤ يؤ
بنات وش فيك تهاوشتوا اعقلوا يله لاعلم المدير<<<<<<<لاااااااااا تذكرت ايام الابتدائيه




شوفي ياخضراء اهقى انوه خويتم <<<<<<<<<يعنني انها ماقلدت




سلامي
س
ن
س
ن
الليدي عمشاء
12-12-2005, 04:11 AM
صح عليك يا سندريلوه << قلبت عليك !!


هو الخويتم على قولك .. والباونتي خذيه أنتي ..


ما أبي شي من هالخضيروه .. أخاف أطرّش !! << أحس إني وسخة


قصدي أخاف أستفرغ !! << إيه أحسن شوي


أبد حلالك والله سندريلا .. وخلي الفوز لك خلي بعض الناس ينبسطون
خضراء اليمامة
13-12-2005, 02:59 AM
عميشاء لا تلوميني ..

عشان ذكائك فوق المعهود استغربت وشككت في إجابتك .. http://www.asmilies.com/smiliespic/sport/012.gif (http://www.asmilies.com)

بس صدق .. شييييييييييييييييييييي ..

وهذي رقصة عشانك ..

http://www.asmilies.com/smiliespic/sport/042.gif (http://www.asmilies.com) << أبوك يالرقصة ..

:)

لا هذي هي الصدقية ..

http://www.asmilies.com/smiliespic/sport/016.gif (http://www.asmilies.com) http://www.asmilies.com/smiliespic/sport/016.gif (http://www.asmilies.com) http://www.asmilies.com/smiliespic/sport/016.gif (http://www.asmilies.com) http://www.asmilies.com/smiliespic/sport/016.gif (http://www.asmilies.com)

مبروووووووووووووووووووك ..

ويعطيك العافية ..




سندريلا حبيبتي ..

حياك الله ..

ولا تخافين .. ما من زعل إن شاء الله ..

يعطيك العافية ..




يالله غمضوا ..

http://www.asmilies.com/smiliespic/sport/035.gif (http://www.asmilies.com)

فتحوا .. خلاص ..

يالله حطيته .. وهاااااتوا أسئلتكم ..

خضراء اليمامة ..
*سندريلا*
13-12-2005, 03:34 AM
هلا والله خضيره


يعني من الي فاز انا والا عميشه بسرعه لاني مشتهيه باونتي





يله خذي سوعالي يامال العافيه

هو كبير والا صغير؟؟؟؟؟؟



سلامي
س
ن
س
ن
خضراء اليمامة
14-12-2005, 01:39 AM
هلا والله بسندريلا ..

أكيييييييييد أنتي ..

لأن فيه فرق كبير بين " خاتم " و " خويتم " ..

عموماً ..

جوابي على سؤالك ..

هو صغير ..

يعني بحجم قبضة اليد تقريباً .. أو أكبر بشوي ..

يعطيك العافية ..

خضراء اليمامة ..
*سندريلا*
14-12-2005, 03:41 AM
يعني انا الي فزت بالباونتي ..... ياحظي ... خلا ص عطينياه الحين علشان وانا في طريقنا للف....قصدي اشيقر >>>هعهعهع<<< اكله <<<<<<احس اني رحمتني تذكرت ايام اولى ابتدائي.....اييييييييه يازمن



على العموم كان جوابك صغير صح


طيب...

له لون واحد والا عده الوان؟؟؟...



سلامي
س
ن
س
ن
خضراء اليمامة
15-12-2005, 01:40 AM
هلا والله بصندريلا ..

ايه يا وخيتي .. الباونتي لك ..

وإذا ما تدلين البقالات ترى فيه توصيل بدبابات .. << تطورنا بعد السياكل .. :)

عموماً ..

جوابي على سؤالك :

له ألوان متعددة ..

يعطيك العافية ..

خضراء اليمامة ..
b l u e
18-12-2005, 12:44 PM
ريموت ؟!!


< فاهم غلط


طيب ينمسك ؟ ^_^
خضراء اليمامة
18-12-2005, 11:19 PM
هلا والله أخوي Blue ..

الله يرفع قدرك ..

أخيراً أحد رد ..

بس خطأ مو ريموت .. << ودي أقول صح عشان تخلص اللعبة ..

وجوابي على سؤالك :

ايه ينمسك ..

يعطيك العافية ..

خضراء اليمامة ..
b l u e
20-12-2005, 02:11 AM
الله يسلمك خيتوو



طيب صحن ؟؟




واذا غلط

استحداكه للضروره ؟؟
صقر نجد
20-12-2005, 02:23 AM
امممم


عدنا :D


مبروك للفائزين


س / هل يستخدمه جنس معين ؟
خضراء اليمامة
21-12-2005, 01:40 AM
هلا والله أخوي Blue ..

لا مو صحن يالدوبي ..

وجوابي على سؤالك :

ايه .. هو متعلق بشي .. وما نقدر نستخدم هالشي إلا بذاك الشي ..

<< فهمتوا ..؟

حتى أنا لا .. :)

يعطيك العافية ..




هلا والله أخوي صقر نجد ..

ويا مرحبا ألف العودة ..

وعقبال ما نبارك لك ..

جوابي على سؤالك :

يستخدمه كل الجنسين ..

يعطيك العافية ..

خضراء اليمامة ..




المعلومات اللي وصلنا لها :

حجمه صغير ..

له ألوان متعددة ..

ينمسك .. :)

استخدامه ضروري ..

يستخدمه الجنسين ..

ويعطيكم العافية ..

خضراء اليمامة ..
b l u e
21-12-2005, 06:45 PM
هلا ولله


علبه مناديل؟؟؟

لوول


<< يبي منديل ولا لقى شي

خخخ

اذا كان هو بالله مديلي كلينكس فيني عطسه


هاتشو


طلع جوابي خطاء خخخخ

ولله مدري

الرائي رايك

والشور شورك
<< تقل وحده مخطوبه تقول لابوها لووول


اذا كان غلط


سلميلي على الاجابه

وقلي ولله لو بلو ما عند اختبار بكره ولا فتحه كان يمكن يجاوبك

يله


تعالي

باقي سؤال اذا كان غلط


السؤال يقول



نمسح فيه خشومنا؟؟ خخخخخخ

تشاااو
خضراء اليمامة
22-12-2005, 01:25 AM
مراااااااااااحب ..

هلا والله أخوي Blue ..

لا مو علبة مناديل ..

ولا أنت حولها ..



( مقاطعة )

يرحمك الله ..


( عدنا )

جوابي على سؤالك :

لا ما نمسح فيه ..

يالله رح ..

خضراء اليمامة ..
الليدي عمشاء
23-12-2005, 03:54 PM
يا خضروه .. المفروض تكتبين المعلومات اللي توصلتي لها مع كل رد ..


كم مرة أقول لك ؟


ترى أببطل .. سامعة ؟


وبعدين المفروض إن لكل عضو فرصة وحدة بس يقول فيها الحل ..


وإذا صار غلط تصير له فرصة أخيرة وبعدها ما يحق له يجاوب ..


مش هيك أحسن ؟





يا الله بانتظار المعلومات << زولة ما تبي تدور !!



يسلمووووو خضراء ،،
خضراء اليمامة
24-12-2005, 08:28 PM
عميشاء ..

انطمي ..

جاية تتأمرين ..؟

وعشان ما فيه سؤال اقتراحاتك بأرفضها ..








وبيني وبينك :

لو بنطرد كل واحد يخمن إجابة من بيبقى ..؟

هم كلهم ثلاثة .. إذا طردناهم أقعد هنا أنا أقابل الجدران والشياطين ..؟

إلا خليهم ياخذون راحتهم .. ويوسعون صدورهم .. احنا وش ورانا ..؟



والمعلومات في ردي اللي قبل هذا ..

ويالله روحي .. << يعني انقلعي ..

خضراء اليمامة ..
الدب الداشر
24-12-2005, 09:25 PM
هههههههههههههههههاااااااااااي عرفت الاجابة ...


.
.
.
.
.
.
.
.
.
.
.
.
..
.
.
.
.
.
.
.
.
.
..
.
.
.
.

الاجابة هي : كيس اسمنت
قبون صحصح
24-12-2005, 09:59 PM
اما كيس سمنت بحجم قبضة اليد

ياحبيلك يادبدوبي

كيف الحال ؟؟!!

:)



سؤالي:

يستخدم يوميا ؟؟!!




وعشان ماتزعل عميشه


المعلومات اللي وصلنا لها:

حجمه صغير ..

له ألوان متعددة ..

ينمسك ..

استخدامه ضروري ..

يستخدمه الجنسين ..

وماينمسح فيه ..



يعطيك العافيه خضخض

وعساك عالقوه
خضراء اليمامة
25-12-2005, 12:52 AM
قبون ما شاء الله عليك ..

وش رايك تمسك المسابقة عني ..؟ << تراني جادة ..



أخوي الدب الداشر ..

للأسف خطأ وأنا أختك ..

حاول مرة أخرى .. وشكراً ..

طِن طَن طُن ..

يعطيك العافية ..






أخوي قبون ..

جوابي على سؤالك :

بإمكاننا نستخدمه يومياً .. وبإمكاننا لا ..

يعطيك العافية ..



المعلومات اللي وصلنا لها :

حجمه صغير ..

له ألوان متعددة ..

ينمسك ..

استخدامه ضروري ..

يستخدمه الجنسين ..

ما نمسح فيه ..

نقدر نستخدمه يومياً ونقدر لا ..

يعطيكم العافية ..

خضراء اليمامة ..
الليدي عمشاء
25-12-2005, 02:15 PM
طيييييييييييب .. نقدر نقول استخدامنا له ضروري نافع ؟


يعني مثلا مثلا فرشاة الأسنان نقدر نستعملها ونقدر لا ..

بس المفروض إننا نستعملها عشان أمي تقول إن اللي ينظف أسنانه كل يوم يصير شاطر ..

حتى الدعاية تصدقون جايبين لنا جراثيم تحفر في الأسنان

عشان نعرف إن تفريش الأسنان مفيد ومهم ..

ويقوي الأسنان ..

و ....



خخخخخخخخخخخخخخخخخخخخخخخخخخخخخخ




تراني أتميلح والا ودي أقول فرشاة الأسنان بس عشان اقتراحي الماضي ما أبي أقلل من فرصة الفوز خخخخخخخخخخخخخخ


خضروه .. ضحكني ردك والله .. الله يغربل شيطانتس ..

يا الله انقلعي أنتي ووجهك ،،
خضراء اليمامة
26-12-2005, 05:19 AM
هلا والله بعميشاء ..

وأنت بس تدخلين وتردين على هالموضوع .. والموضوع حق قبون وتطلعين ..؟

وش هالحالة ..؟



المهم ..

ضروري في حالات معينة ..

يعني مو كل ما استخدمناه انتفعنا به ..

بعد عليك مثل ما أدري وش يبي ..؟

ههههههههههههههههههههه ..

الله يرجك ..

وإلا ما تفرشين أسنانك إلا إذا قالت أمك ..؟

وإذا راحت عنك وش بتسوين ..؟

تخيسين ..؟

خخخخخخخخخخخخخخخ ..

المهم ..

تخمينك خطأ يا وخيتي ..

وبانتظار الحل ..

تراه سهل .. بس أنتو ما عطيتوا ذا العقول فرصة ..

يعطيكم العافية ..

خضراء اليمامة ..
الليدي عمشاء
26-12-2005, 06:04 AM
بسم الله علي منك .. وشلون دريتي ؟


عندك كاشف ؟




طييييييييييب .. نقدر نقول إني أقدر أحطه في أي مكان في البيت ؟ والا في المطبخ بس ؟:D

وبعدين يا خضيروه أنتي متى تتعلّمين ؟

قلنا لك حطي المعلومات اللي توصلنا لها مع كل رد لك ..

إلا وش رايك تحطينه في توقيعك عشان ترتاحين من النسخ واللصق ؟

على الأقل أحسن من هالوجه اللي مدري وش يبي ..




يا الله خلاص روحي << روحي أي انقلعي وليست هنا للثناء بمعنى كياني وقلبي ...
Sniper wolf
26-12-2005, 11:30 AM
الجوال >>> وين داخل وممخمن الاجابه من دوون تنحنح ولا شي <<< متعووب عليها

طيب له الوان مختلفه >>> وده يكملها ويقول يوجد بالعالم وله اشكال والوان واحجام مختلفه

لاامزززززززززززززززززح مو هذا سوالي


يصنع بالسعوديه والا برا بالدوول المجااااوره

ــــــــــــــــــــــــــــــــــ
ترى اللي فى متل قير ماتقربلي بس تشااابه اسماء وهي اللي مسمينها علي بسم الله علي لاني ماشاء الله علي <<<اقوول انثبر بس>>> مبكر توك ترد على السوال << عاد الشكو لله تبين الرد والا هاتيه
خضراء اليمامة
26-12-2005, 11:36 PM
عميشاء ..

طقي أحسن ..؟

مو معقول كل ما قلت كلمة رزيت ذا المعلومات كلها مع كل رد ..

وبعدين يالعجازة مو ضارك تطلعين شوي فوق وتقرينها ..

بعد DSL وتحكي بعد ..؟

يالله انقلعي أنتي ووجهك ..





هلا والله بـ Sniper wolf

هلا والله باللي أصابت " ميرل " وهبّلت بـ " سنيك " ..

أنا أذكر في " يوم ما " رديت على ترحيبك وسألتك عن اسمك ..

توك الحين ترد ..؟

خخخخخخخخخخخخخ ..

عموماً .. ما يخالف ..

وجوابي على سؤالك : << عليك سؤال بعد ..؟

وربي ما أدري إذا يصنعونه هنا .. بي ما أتوقع ..

لأنه دايم مكتوب عليها " ميد إن تشاينا " .. :)

يعطيك العافية ..



المعلومات اللي وصلنا لها :

حجمه صغير ..

له ألوان متعددة ..

ينمسك ..

استخدامه ضروري ..

يستخدمه الجنسين ..

ما نمسح فيه ..

نقدر نستخدمه يومياً ونقدر لا ..

ضروري أحياناً ..

" أعتقد " لا يصنع في السعودية ..



يعطيكم العافية ..

خضراء اليمامة ..
صقر نجد
27-12-2005, 03:50 AM
والله المعلومات اللي توصلنا لها مو راضية تركب على بعض معي :(

لكن نخمن ونقول

المحفظة - البوك - ؟

ما أدري ليش حاس انه هو

وإذا غلظ ياخضراء نقدر نشارك مره ثانيه <<< خايف من الليدي :D
خضراء اليمامة
28-12-2005, 07:00 PM
مرااااااااااااااحب ..

هلا والله أخوي صقر نجد ..

حتى أنا ما ركبت معي .. :(

يعني يوم رجعت لقيت معلومتين ما أدري وش يبن .. << نون النسوة .. :)

بس أنا قصدي في " استخدامه ضروري الأولى إن استخدامه ضروري ..

لكن الثانية وهي إجابتي على عيشاء .. كان سؤالها : " استخدامه ضروري ونافع " ..

وجت إجابتي : " ضروري أحياناً " وأنا قصدي " نافع أحياناً " ..

فهمت ..؟

نعتذر لهذا الخلل الفني ..


المهم ..

تخمينك للأسف خطأ .. << طبعاً خطأ أنتي حستيه .. :)

وبما إنه خطأ .. أنا شخصياً أصرّح لك بعشرين طعش محاولة ..

<< وهذا العدد عندي عدد لا نهائي .. يعني ما يخلص أبد ..

بس عاد مو مع كل رد تخمنون شي ..

لا تقولون شي إلا واثقين منه .. عشان لا تزعل عميشاء ..

يعطيك العافية ..

خضراء اليمامة ..
b l u e
29-12-2005, 06:57 PM
ووك مان ؟؟

سيدي بلاير ؟؟

لوول

بس مو مهم


اذا غلط


له دخل بالاكترونيات ؟
الليدي عمشاء
01-01-2006, 02:17 AM
طيب نقدر نقول نحط فيه بطاريات ؟ >> حجر لغير الناطقين بالسنغالي



وش رايك ؟


أقدر أقول إنه :

مقص الأظافر ؟ << تراه تخمين بس عشان أخلي الوضع إيزي عند صقر نجد ..

اللي مخليني شريرة يا ويله من الله !!




إن كان غلط لا تردين عشان ما تحسبين لي إني مخمنة !!

يا الله إذهبي << بمعنى انقلعي .. وليس : الألف زائدة .. وذهبي أي جواهري وحللي ..

>> كنك مصختيها

<< عادي .. أهم شي الأخلاق ،،
صقر نجد
01-01-2006, 05:28 AM
تبا لك أيتها العميشه

وصدق أنك شريرة


بس بقهرك وبتوقع شي ويارب غلط عشان اشارك مره ثانيه واقهرك


<<< عنده واسطه :D


لكن قبل التوقع بسأل سؤال ما أدري وش سنعه لكن بسأل


س/ هل يستخدم في المطبخ ولأي غرض ؟
خضراء اليمامة
02-01-2006, 07:12 AM
مرااااااااااااااااااااحب ..

هلا والله فيكم كلكم ..

Blue ..

ووك مان ..؟

يصير لـ " بات مان " .. وإلا لـ " سبايدر مان " .. وإلا لـ " بزنس مان " .. << ضرب الفيوز ..

بس جوابك خطأ ..

وبالنسبة لسؤالك :

طبعاً له دهل بالإلكترونيات ..

يعطيك العافية ..




عميشاء ..

لا ما نقدر نحط فيه بطاريات ولا حجر ولا حتى حصى ..

وبعدين تعالي يالمفهية ..

بطاريات ومقص أظافر ترى ما تركب ..

يالله روحي .. << نفس معنى حقتك ..

يعطيك العافية ..




صقر نجد ..

إيييييييييه ..

عليك بها .. :)

بس ما اتفقنا على ذا السؤال ..

عموماً جوابي ما له دخل أبد في المطبخ ..

يعطيك العافية ..





المعلومات اللي وصلنا لها :

حجمه صغير ..

له ألوان متعددة ..

ينمسك ..

استخدامه ضروري ..

يستخدمه الجنسين ..

ما نمسح فيه ..

نقدر نستخدمه يومياً ونقدر لا ..

نافع أحياناً ..

" أعتقد " لا يصنع في السعودية ..

له دخل بالإلكترونيات ..

ما نحط فيه بطاريات ..

ما له دخل بالمطبخ ..


يعطيكم العافية ..

خضراء اليمامة ..
*سندريلا*
03-01-2006, 07:48 AM
اتوقع انه قلم
صقر أشيقر
03-01-2006, 11:47 AM
أنا أتوقع انه المفتاح
الليدي عمشاء
03-01-2006, 02:15 PM
طااااااااااااااااااااااااااايييييييييييييب


يستخدم داخل البيت والا خارجه ؟


يعني له مكان محدد .. والا صايع ضايع في أي مكان ؟







صقر نجد .. ممكن لو سمحت






































































خلاص هوّنت ما أبي أقول شي

ضف وجهك ،،
b l u e
03-01-2006, 03:17 PM
شرييييط فيديو

لووول




عميشا

ماذا اتى بكِ الى هنا

هيــا ناقلعي لوول

صقر نجد

ماذا حل بك يا غلام

الم تعرف الاجابه الصحيحه ؟؟ فقمت تتفسلف على من يطلق عليها الليدي عمشا <<< امووت على اللغه ههههههه
صقر نجد
04-01-2006, 04:15 AM
خخخخخخخخخخخخخخ

جاك الثاني يتحرش


أتريد الموت أنت على يدي ؟


أن لم تصمتا سأشهر السيف في خشيتكما ..


يالله انقلعو بس ما أبي أجاوب
خضراء اليمامة
04-01-2006, 06:56 AM
مرااااااااااااحب ..

هلا والله بـ سندريلا ..

يا وخيتي أنتي مثل اللي يصوم يصوم ويفطر على بصل ..

تغيبين تغيبين وتجيبين إجابة مثل وجهك .. << يعني حلوة .. :)

كان أرسلتي لي رسالة خاصة .. وإلا دقيتي علي وأعطيك الإجابة .. ول يطيح وجهك كذا قدام الأعضاء ..

خطأ عليك للأسف ..

حاولي وبتجيبينها ..

يعطيك العافية ..




هلا والله بـ صقر أشيقر ..

ردي عليك مثل ردي على سندريلا ..

تغيب وتغيب .. وتجي على إجابة خطأ ..

<< يقال لها حسّنت الأسلوب ..

هههههههههههههههه ..

بس للأسف مو المفتاح ..

حاول وبرضو بتجيبها ..




هلا والله بـ عميشاء ..

جاية بقوة بعد ..

بس جوابي على سؤالك :

يستخدم جوا البيت أو المكتب أو المدرسة غالباً .. ونادراً ما يكون برا برا ..

يالله انقلعي ..




هلا والله بـ Blue ..

خطأ عليك مو شريط فيديو ..

احمد ربك إنك مو غايب عشان لا أقول لك مثل سندريلا وصقر أشيقر ..

وبعدين أنا أفضّل إنك تبقى على نجديك أحلى بكثيييير من الأوردو .. سوري قصدي الفصحى ..

يعطيك العافية ..



هلا والله بـ صقر نجد ..

تبي سلف سيوف عطيتك يا هذا .. << ضرب فيوزها ..



يعطيكم العافية يالدلوخ ..

معقول ما بعد عرفتوا الإجابة ..؟




عموماً ..

هي هي المعلومات اللي توصلنا لها ..

وإذا يأستوا قولوا لي وأعلمكم ..

" حجمه صغير ..

له ألوان متعددة ..

ينمسك ..

استخدامه ضروري ..

يستخدمه الجنسين ..

ما نمسح فيه ..

نقدر نستخدمه يومياً ونقدر لا ..

نافع أحياناً ..

" أعتقد " لا يصنع في السعودية ..

له دخل بالإلكترونيات ..

ما نحط فيه بطاريات ..

ما له دخل بالمطبخ ..

يستخدم داخل البيت ..

يالله مشكورون يا هؤلاء وهي .. << الـ هي لعميشاء لأنها غير عاقل .. وما يصير نجمعها معكم ..

خضراء اليمامة ..
صقر أشيقر
07-01-2006, 07:08 PM
إجابتى : الأفياش حقت الكهرب
يكفيني غــ ـرور
07-01-2006, 07:20 PM
تصدق يا صقر اني فكرت فيه

بس انه يصنع بالسعوديه .. والدليل شركة الناصر للافياش

ولا تقدر تمسكه .. بس تلمسه يعني

وفكرت باشياء غيره

قلت العطر .. بس ما ادري وش دخله بالالكترونيات

يمكن انا بغيت الفيش يقبس .. ترشه عليه

قلت الصابون .. بس استبعدته للسبب السابق

فكرت بالماوس (الفارة ) << قولي ق

(قصدي فارة الكمبيوتر .. بس ما جاز لي الجواب )

وحده من صديقاتي قالت الاستشوار .. خخخخخخخخخخخخخخخخ ..

بس من جد عجزت

وسؤالي

هل هو عندي << تبي توهقك ؟؟
*سندريلا*
08-01-2006, 02:00 AM
اقووووووول

ترى خضراء تبجخ عليكم

والله اني جالسه اركب الي توصلت له خضيره ولا ركب ماادري احس وانا جالسه اركب حسيت كااني هنديه



طيب بيجـــــر<<<<كحكحكحكحكح
يكفيني غــ ـرور
08-01-2006, 03:15 AM
تهقين يا سندريلا

سوتها خضخوضه فينا

بس تعال انتي

وش البيجر

انا اخبر لونه اسود .. الا ان كان في فضي وانا ما ادري

روحي بس

جوابك غلط

........
صقر نجد
08-01-2006, 05:42 AM
ياجماعة أنا أشتكي على المدعوة خضراء اليمامة :mad:

جابت لنا شلل نصفي الله لايبلانا من كثر التفكير !!

كل ماقريت ( ماتوصلنا له ) جأني صداع من عدم التوافق في المعطيات !!

شوفو لكم حل خخخخخ
خضراء اليمامة
08-01-2006, 06:43 AM
السلام عليكم ..

هلا والله أخوي صقر أشيقر ..

للأسف خطأ عليك ..

تمنيتك تجاوب بس راحت عليك ..

يعطيك العافية ..




مهاوي .. وإلا أشيقر يا بعد تسبدي ..

وربي توني أدري عن ذا الشركة اللي قلتيها ..

على العموم أشوى إنها خطأ ..

لكن تعالي ..

إذا واحد من إجاباتك صح .. وش أسوي ..؟

بس تدرين ..

عشاني طيوبة وقلبي كبير بأعطيك على الإجابة الصح صح .. وبأطلع اللي في الصندوق ..

بس اصبري أرد على اللي بعدك ..





سندريلا ..

أفاااااااااااااا ..

ما هقيتها منك يالدوبية ..

أنا أبجخ عليهم .. << مع إني وربي ما أعرف وش هي .. بس أعتقد إنها سبة بمعنى " تلعب " صح ..؟

بس مو مشكلتي إذا عقولكم ما ركبت الحل صح ..

:(

مااااااااااا أحبك ..

:( :( :( :( :(

وما هو بيجر .. ولو هو بيجر بأقول خطأ ..

يالله روحي يالدوبية ..





صقر نجد ..

وش دعوى ..؟

هذا وأنا شادة فيك الظهر .. كذا تقول عني ..؟

وش اللي مو مقتنع فيه وأنا أختك ..؟

وخل الموضوع بيننا تكفى .. ما له داعي يوصل للمحاكم ..

طلبتك ..

عموماً ..

أشوى إني اللي في الصندوق عرفته مهاوي .. وأنا بأهج اليوم لأشيقر .. وإلا كان علوم ..

يالله رح ..





http://www.asmilies.com/smiliespic/gefts_m/Gif0405_031.gif (http://www.asmilies.com) أشيقر يا بعد تسبدي .. http://www.asmilies.com/smiliespic/gefts_m/Gif0405_031.gif (http://www.asmilies.com)

من بين إجاباتك السبعطعشر جت ـ ولله الحمد ـ إجابة منهم صح ..

وهي :

" الـفـــــارة " أو برواية أخرى " الـمـــــاوس " ..

ولو إنك مو مقتنعة فيها ..

بس أنتم شوفوا المعلومات .. وطبقوها على الجواب ..

:( :( :(

زعلانة عليكم ..

يالله روحوا ..






تراني ما حطيت شي ..

ولنا عودة مرة ثانية بإذن الله لنفس الموضوع ..

بس بعد العيد إن شاء الله إذا ما ربي خذ عمري ..

يعطيكم العافية ..

وباشتاق لكم حييييييل ..

خضراء اليمامة ..
صقر نجد
08-01-2006, 06:48 AM
ايه والله

أثرنا أغبياء وأنا ما أدري :D


الا أقول ياخضراء الله يطول بعمرك

سنبقى هنا ننتظرك إلى بعد العيد

في أمان الله :D
يكفيني غــ ـرور
10-01-2006, 01:39 AM
أقول يا صقر

توك تدري انك غبي << يا ويلها منه

خضيرا .. واخيرا ربحنا باونتي

والله ما ودي اعنيتس عشان تجيبينه لبيتنا .. بس ابعطيتس رقم البقالة اللي جنبنا .. ارصدي جوالتتس << ناوية تحوحل عيونها << يعني تخليها حولاء

خلاص لا احد يحاتسيني .. ولا ما اعطيكم باونتي << مستانسة به

الا ابسال .. هالشي اللي حطيتيه .. كبير ولا صغير

يله روحي
قبون صحصح
10-01-2006, 07:46 AM
يوم جيت ومتحمس توقفون اللعبه

حرام وظلم وقهر واجحاف << ماادري وشي الاخيره


عالعموم مبروك للي فازوا
واللي مافازوا مهوب مبروك محد قالكم ماتفوزون


ويعطيك العافيه خضوره


وعساك عالقوه


وكل عام وانتم بخير


وسلملم
خضراء اليمامة
20-01-2006, 08:56 PM
السلاااااااااااااااااام عليكم ..

عــــــــدنـــــــــــــــــــــــا ..

ولله الحمد ..

أبشركم .. رجعت للموضوع .. وما مت قبل لا أرجع ..

والحمد لله أهلي ما غلطوا فيني يحسبوني غنمة وذبحوني ..

<< يعني ماهنا فرق .. نفس الشوشة .. :)

مشكورين كلكم على الحماس ..

والحين بنرجع لموضوعنا " وش في الصندوق ..؟ "

وأتمنى تفاعل حلو منكم مثل ما عودتوني ..



أخوي صقر نجد ..

مشكور وأنا أختك ..

بس وش دعوى أغبياء ..

محشومين وأنا أختك ..




أخيتي أشيقر يا بعد تسبدي + شقراوي + ميو + أم شوشة .. << والقائمة تطوووول ..

تراني ما بعد حطيت شي في الصندوق ..

يعني سؤالك عيديه .. << تعجيييييييز ..





أخوي قبون صحصح ..

ولا يهمك هذاني رجعتها وأنا أختك ..

بس الله الله بالتفاعل ..

ولازم تاخذ باونتي حالك حالهم ..




تغييرات في اللعبة ..

الهدية غيرناها من باونتي لتويكس .. لواحد مش لاثنين ..

يعني النص نستفيد منه .. :)



يالله ..

اقلبوا وجيهكم ..

شاطرين ..

وابدوا بأسألتكم .. تراني حطيت الشي في الصندوووووق ..

يعطيكم العافية ..

خضراء اليمامة ..
*سندريلا*
21-01-2006, 12:01 AM
هلا وغلا واخيرا شغلتي اللعبه من زماان وانا مشتهيه باونتي وبما انتس حولتيه على التويكس باحاول خلال هذي الايام اني اشتهي التويكس



طيب ابدأ بالسسوعال...


ملون والا ساده>>>يعني لون واحد<<<



سلامي
س
ن
س
ن
صقر نجد
21-01-2006, 12:44 AM
س / يستخدمه الرجل ولا الجنسين كلهم ؟
وشيقراوي
21-01-2006, 06:53 PM
يستخدم في الحياة اليوميه كشي ضروري ولا شي تكميلي ؟؟؟؟
الليدي عمشاء
24-01-2006, 01:50 AM
طيييييييييييب .. نقدر نقول :

له دخل بالكهرباء ؟

يستخدم لوحده وإلا معه شي .. ؟

يصنع من القماش ؟ الورق ؟ الحديد ؟ البلاستيك ؟

في المطبخ ؟ في البيت بشكل عام ؟ في الشارع ؟ في السيارة ؟




يا الله مليون سؤال في رد واحد .. !!
صقر أشيقر
24-01-2006, 05:26 AM
والله بصراحه الليدى عميش <=== تصغير عمشاء


ما خلت شى إلا وسألت عنه


سؤالى هو يدخل فيه الألكترونيات ؟
خضراء اليمامة
24-01-2006, 07:17 AM
السلااااااااااااام عليكم ..

كيفكم ..؟

أعتذر على التأخير .. بس نسيت الموضوع ..

ههههههههههههههههه ..



هلا والله بسندريلا ..

يالله بسرعة حلّوه وإلا غيرناه لجالكسي .. << عاد متى تتأقلمين عليه ..؟

أما جوابي على سؤالك :

هو اللون السائد لون واحد .. بس ما يخلى من بعض الألوان ..

يعطيك العافية ..





هلا والله بصقر نجد ..

جوابي :

يستخدمه كل الجنسين ..

يعيطك العافية ..





هلا والله بوشيقراوي ..

هو تكميلي مو ضروري ..

يعطيك العافية ..





هلا والله بعميشاء ..

ما لك دخل .. هو كهرباء وإلا لا ..

<< الأخت شايشة ..

كذا .. طنقرت وبكيفي ..

بس باجاوبك هالمرة .. رحمتك لأني شفت براطمك وصلت الأرض ..

وش هالأسئلة حرم عليك ..

بس ولا يهمك باجاوب عليهم كلهم ..



له دخل بالكهرباء طبعاً ..

ما يستخدم لوحده .. يعني معه شي .. أو بالأصح هو يجيك كامل .. بس من عدة أشياء ..

يصنع من كم شي .. يعني فيه بلاستيك .. وفيه حديد .. بس مو قماش ولا ورق ..

يستخدم في البيت بشكل عام .. وممكن يكون في المطبخ بس مو مكانه ..

ولا ينفع نستخدمه في السيارة ولافي الشارع .. << مهبّل الظاهر ..

على فكرة .. ممكن يستخدم في السيارة كتقنية جديدة .. بس تخلّف ..

يالله يالدوبية انبح حلقي من أسئلتك ..

يعطيك العافية ..




هلا والله صقر أشيقر ..

شفت عاد ..؟

بس مو مشكلة ..

أصلاً أسئلتها سهلت عليكم المهمة ..

وجوابي على سؤالك :

إيه .. يدخل في الإلكترونيات ..

يعطيك العافية ..





مشكووووورين ..

وبانتظاركم ..

خضراء اليمامة ..
خضراء اليمامة
24-01-2006, 07:27 AM
المعلومات اللي وصلنا لها :

لونه السائد واحد .. وفيه شوية ألوان ..

يستخدمه كل الجنسين ..

تكميلي مو ضروري ..

له دخل بالكهرباء ..

ما يستخدم لوحده .. يعني معه شي ..

مصنوع من البلاستيك والحديد ..

يستخدم في البيت بشكل عام ..

يدخل في الإلكترونيات ..

يعطيكم العافية ..

خضراء اليمامة ..
*سندريلا*
24-01-2006, 07:52 AM
هلا والله خضيره

اهقى انه جوال والا
خضراء اليمامة
24-01-2006, 08:49 PM
مراااااااااااحب ..

هلا والله سندريلا ..

كيفك ..؟

بس ياوخيتي خطأ عليك مو الجوال ..

يعطيك العافية ..

خضراء اليمامة ..
الليدي عمشاء
25-01-2006, 01:28 AM
أحوووووووووووووول


طيب .. نقدر نسأل أسئلة ثاني ..

أكيد نقدر ..

أقدر أدخّل فيه شي ؟

يشتغل إذا شبكته بالكهرباء .. والا بحجر عادي .. والا الاثنين ؟

تولّع لمبه إذا اشتغل ؟

يستخدم للترفيه .. ؟

فيه صوت إذا اشتغل ؟

هو عندي وأستخدمه والا لا ؟ << معليش سؤال خاص .. بس أنتي خابزتني وعاجنتني .. يعني تعرفين الإجابة !!

اللي عندي هو نفس اللي عندك .. نفس اللي عند الناس كلّهم .. والا يختلف من بيت لآخر << تلمّح لشريط الفيديو ..!!




خضيروه .. في بالي شي ودّي أحطه في صندوقك .. بس أبيك تعطيني المفتاح .. ودّي أهبّل بك شوي ..

أتعبتينا .. وغثّيتينا .. وحستينا .. وأبي أردّها لك ..

هاه .. تعطيني المفتاح ؟ << أحرجتها .. ماتقدر تقول لا .. خخخخخخخخخ
الليدي عمشاء
25-01-2006, 01:32 AM
وبعدين وش تبين يومك تطنقرين علي ؟

وش أنا مسوّيه ؟

مو هذا جزاي اللي متحمّسة عشان أنجّح برنامجك قصدي موضوعك ؟

ترى ما همّني باونتيّك اللي أنتي تمنّين علينا به << إيه هيّن



يا الله انقلعي هناك .. أنتي وصقير نجد << صقير للتصغير وللتقليل من الشأن ..
صقر أشيقر
25-01-2006, 06:30 AM
أتوقع أنه التلفيزيون


إذا كان الجواب خطاء

فسؤالى : وزنه خفيف أو ثقيل ؟


عميش وشفيك على صقر نجد ما لقيتى فى هذا المنتدى كله إلا هو حاطه راسك فى

راسه أنتبهى لنفسك أوكيه
يكفيني غــ ـرور
25-01-2006, 07:29 AM
عرفته عرفته



اكيد هو ..

ولا اقول

هونت

دام الهدية تويكس

ما اقول الا الله يديم النعمة

اعرفك يا خضيروه

هذي مؤامره منك

ماتبغيني افوز

اكرهك

اكرهك
*سندريلا*
25-01-2006, 10:52 AM
افاااااااااا وراه صار خطأ :050103hm_


طيب اقدر اقول انه قيم بوي
الليدي عمشاء
25-01-2006, 06:44 PM
وش يبي ذاااا ؟
هيه يا صقير أشيقر << أنظر التفسير في ردّي أعلاه
كم القطّة يا الأخو ؟
الحين تشوف وش انا أقول فيه ولا تشوف هو وشلون يغلط علي ؟
والا عشاني بنت بتتسلّطون علي ؟
شوفي يا خضيروه ربعك وش يسوون بخويتك ؟
يا الله انقلع يا ( نجد ـ أشيقر ) أس صقر



أم شويشة << أدلعك من قدك !!
أثاري الهدية صارت تويكس ؟
وش هالحالة ؟
وأنا من اليوم أدّهر عشان أحلّه !!
والله إنك نذلة يا خضيروه
تدري إني مرشّحة للفوز .. وقريبة لفتح الصندوق
وغيرت في الهدية عشانها تدري إني ما أحبه وبالتالي أبعطيهياها
لكن والله لو أعطيها القطاوة ماأتنازل عنها لك
معي يا أم شوشة ؟
صقر نجد
25-01-2006, 07:27 PM
لووول


وعصبو البنات وعصبو البنات :36_11_6[1


صقر أشيقر .. تدري ليه هي تحاول تحتك فيني وتوصل لمعاليي :36_1_34[1

لأنها مو راضية تصدق واقعها المر :36_6_3[1]


وأنا أكرهها لأنها أخذت جائزة افضل عضو مني :36_1_42[1

<<< وش دخلك أنت :36_11_18[

طيب خضوره

لاتجحدينا هالمره تكفين

نقول :

فيديو
خضراء اليمامة
26-01-2006, 05:55 AM
مرااااااااااااااحب ..

إلا لا مراحب ولا شي ..

وش أنتوا حايسين في الموضوع ..؟

ما ودكم نفتح لكم تشات ونرتاح ..؟ http://www.asmilies.com/smiliespic/happy/033.gif (http://www.asmilies.com)

ناس تمون ..

<< يا شين ثقالة الدم .. http://www.asmilies.com/smiliespic/happy/119.gif (http://www.asmilies.com)






عميشاء ..

أصلاً ما عطيتيني حتى فرصة أعطيك الضوء الأخضر ..

على طول تسألين ..

وعشاني قلت إن ذيك المرة آخر مرة أجاوبك بأنفذ كلامي .. http://www.asmilies.com/smiliespic/happy/067.gif (http://www.asmilies.com)













يالله هذي آخر مرة .. << ما لها شخصية .. http://www.asmilies.com/smiliespic/happy/109.gif (http://www.asmilies.com)

الأجوبة .. الله يصبرني عليك ..

إيه تقدرين تدخلين فيه شي .. يعني ما تستخدمينه إلا إذا دخلتي فيه شي ..

يشتغل بس إذا شبكناه بالكهرباء ..

إيه تولّع لمبة إذا اشتغل .. << عليك سؤال بعد .. هههههههههههه ..

يستخدم للترفيه ..

فيه صوت ..؟ مو منه .. من شي ثاني ..

هو كان عندك .. بس شلحته منك عشان ألعب ميتل قير وريزيدينت إيفل .. << دلاخة ..

واللي عندي هو مثل اللي عندك وعند الناس كلهم .. << للي يبون بس ..




يالله روحي يالدوبية ..

أهلكتيني بذا الأسئلة ..

وبالنسبة للمفتاح .. أفكر .. << خليني أذلك شوي ..

بس تعالي تعالي ..

وش دخّل صقير على قولك ..؟





هلا والله بصقر أشيقر ..

خطأ عليك للأسف ..

وجوابي :

هو خفيف .. يعني ينشال ..

بس مو مثل خف الريشة ..

بس تدري ..

ودي أقول لك صح .. عشانك رديت على عميشاء ..

خخخخخخخخخخخخخخخخ ..

يممممممه منها .. تجي تطنقر علي ..

يعطيك العافية ..





هلا والله بأم شوشة ..

يا بكااااااشة ..

وبعدين أي مؤامرة ..؟

يعني بتبيّنين لهم إنك ما تاكلين التويكس ..؟

أقوووووووول ..

أنتي لو يعطونك " بك ون " ما قصرتي ..

لحستيه .. وعلكتي قصديرته ..

خخخخخخخخخخخخخخخخ ..

يعطيك العافية ..





هلا والله بسندريلا ..

الشكوى لله وأنا أختك ..

بس برضو خطأ عليك ..

مو قيم بوي ..

يعطيك العافية ..





عميشاء ..

مرة ثانية إذا بغيتي تردين مرة ثانية وثالثة استأذني ..

وإلا ترى ..

<< كأنها قلبت ..

أقووووووووول عاااااد ..

كل شي ولا عميشاء حبيبتي ..

لا تمسونها ولا تجونها ..

خلوها تاخذ راحتها بالكلام ..







هاه عميشاء ..

كم تعطيني ..؟

خخخخخخخخخخخخ ..






هلا والله بصقر نجد ..

شفت عاد ..

بس تعال ..

وش اللي عصبوا البنات ..؟

قل عصبت البنت .. << يعني عميشاء ..

أنا مو معها ..



لا تضمنوني .. تراني أم وجهين ..

أنا مع اللي يدفع أكثر ..

بس يؤسفني أقول لك إنه خطأ ..

مو الفيديو ..




المعلومات اللي وصلنا لها :

لونه السائد واحد .. وفيه شوية ألوان ..

يستخدمه كل الجنسين ..

تكميلي مو ضروري ..

له دخل بالكهرباء ..

ما يستخدم لوحده .. يعني معه شي ..

مصنوع من البلاستيك والحديد ..

يستخدم في البيت بشكل عام ..

يدخل في الإلكترونيات ..

يدخل فيه شي ..

يشتغل بالكهرباء ..

تولّع لمبه إذا اشتغل ..

يستخدم للترفيه ..

ما منه صوت ..

كان عند عميشاء بس شلحته منها ..

عند الناس كلها بنفس الشكل ..

مو ثقيل حيل ..



وربي تبردون القلب ..

يعطيكم العافية ..

خضراء اليمامة ..
صقر أشيقر
26-01-2006, 09:29 AM
طيب وش رايك لو أقول البلاى ستيشن اللى هو السونى
صقر أشيقر
26-01-2006, 09:29 AM
طيب وش رايك لو أقول البلاى ستيشن اللى هو السونى
الليدي عمشاء
26-01-2006, 02:51 PM
بطلت بطلت

والله يا خضيروه كنت بقول البلاي ستيشن ..

صقير وشيقر مهيب حالة .. أنا اللي أسأل وأسئلة في الصميم .. وأنت تجيب الحل باردة مبرّدة ..

لا ومن الحماس بعد راد مرّتين بسم الله علي ..

بس والله ماعلي منك .. إذا فزت أنت تعطيني نصف الباونتي .. والا والله لآخذه كله ..

وأنت كيفك

وأنتي يا خضيروه .. البلاي ستيشن يجي منه لون ثاني .. وحجم ثاني بعد .. يعني غلط عليك ..

<< بس تبي تقهر صقر أشيقر ..
b l u e
26-01-2006, 03:08 PM
^
^
^
^
^
اتوقع انه البلايستيشن :) :)
b l u e
26-01-2006, 03:18 PM
مدري

<< تراجع



صح سبقنيي صقر اشيقر


بس ما ادري اللون سائد ؟!


كيف الحال ؟

هييه يا بنت العم << كح كح كح من زمان ما قالها

وش ذا الخرابيط اللي تقولينها ؟؟؟؟؟؟؟

هذا لغز ولا قله حيا ؟!


< بدا يهوش ههههه


يله روحي

ننتظرك
خضراء اليمامة
27-01-2006, 07:39 AM
ههههههههههههههههههااااااااااااااااي ..

بصراحة أنتم دلوووخ إذا ما عرفتوه ..

يعني وش غير إني قلت " ميتل قير و ريزيدينت إيفل " ..؟ << أحسن لعبتين عندي ..

وربي لو إنكم ما عرفتوا لأوريكم شغلكم ..



صقر أشيقر ..

تعقبني يا رااااااقل .. http://www.asmilies.com/smiliespic/sport/002.gif (http://www.asmilies.com) << فكوا الشفرة ..

مين أدّك ..؟ مين أدّك ..؟ http://www.asmilies.com/smiliespic/sport/001.gif (http://www.asmilies.com) << برضو فكوها ..

http://www.asmilies.com/smiliespic/sport/016.gif (http://www.asmilies.com) كونقراتولييييييييييييشن http://www.asmilies.com/smiliespic/sport/016.gif (http://www.asmilies.com)

مبرووووووووووووووك بالعربي ..

إيه كذا الناس .. مو شهور على ما يعرفون الحل ..

الحين أنتم تعجبوني ..

يالله .. هذا تويكس لك حلال بلال ..

http://dallolah.jeeran.com/twix111.jpg





عمييييييشاء ..

أقول لك بصراحة ..

من بعد أسئلتك هذي أنتي اللي تستاهلين التويكس .. << مو الباونتي لو سمحتي ..

بس هذا القانون .. والقانون لا يحمل مغفلين .. << لها دخل ..؟

ههههههههههههههههههه ..

:)

وبعدين تعالي يالدوبية ..

أي لون ثاني ..

أنا قصدي بلاي ستيشن تو .. وما منه إلا لون واحد ..

واعقلي لأفقع وجهك ..

:)




Blue ..

يووووووووه ..

من جد زمان عنها ..

بس تدري .. ودي أقول أنت صح ..

لكن سبقوك المرجج ..

وبعدين أي لغز قصدك ..؟

ياله رح ..

يعطيكم العافية ..





اقلبوا وجيهكم شوي .. http://www.asmilies.com/smiliespic/psmilie/010.gif (http://www.asmilies.com)

عشاني باحط شي في الصندوق ..

صقر لفّ وجهك لا تستهبل .. وبعدين شل آثار التويكس اللي على لحيتك وخشمك .. بعد التلعيط .. http://www.asmilies.com/smiliespic/happy/030.gif (http://www.asmilies.com)

ههههههههههههههههههههههه ..

لفيتوا أكيييييييييد ..؟




يالله .. تراني حطيته .. وحدوا شيلكم .. قصدي شدوا حيلكم .. http://www.asmilies.com/smiliespic/happy/022.gif (http://www.asmilies.com)

يعطيكم العافية ..

خضراء اليمامة ..
وشيقراوي
27-01-2006, 08:07 AM
ياسلام انا وخشتي اول واحد في وجه المدفع


طيب بأبدا اسئلة وبحطها كأنه ورقة امتحان << يطالع بالردوود عمشا كاتبه صفحه اسئلة يعني الوضع عادي



هل يستخد في الحياة اليوميه ؟؟ الوان ولا لون واحد ؟؟ يصنع في السعوديه ؟؟ الكهرباء لها دخل فيه ؟؟ وشلون ؟؟

يعتبر من الالكترونيات ؟؟؟ ضروري في كل بيت ولا لا ؟؟؟

<-------- احس انك بتقولين لاعاد يخش هالمستخدم للمووضوع ابد هههههههههه :)
يكفيني غــ ـرور
27-01-2006, 08:43 AM
أم شويشة << أدلعك من قدك !!
أثاري الهدية صارت تويكس ؟
وش هالحالة ؟
وأنا من اليوم أدّهر عشان أحلّه !!
والله إنك نذلة يا خضيروه
تدري إني مرشّحة للفوز .. وقريبة لفتح الصندوق
وغيرت في الهدية عشانها تدري إني ما أحبه وبالتالي أبعطيهياها
لكن والله لو أعطيها القطاوة ماأتنازل عنها لك
معي يا أم شوشة ؟

بسم الله الرحمن الرحيم .. وش دراك اني قاصه شوشتي .. بسم الله

شفتي وش لون يا عميشاء << ادلعك .. وش زودك

خضراء ما تحبنا ..

انا اخبر ان الاقرباء اولى بالمعروف .. وهي تروح للبعيد

انا بصراحة ما ارشحها تكون مدرسه .. عندها تمييز عنصري << تها شايفه فيلم على تو

وبالنسبه لتويكس .. حرام تجدعينه للقطاوة .. ما هيب داريه عنك

انا من رايي تروحين لبيتهم ومعك ترمس قهوه .. اقعدي قبال خضراء

واسكبي القهوة في صحن عميق << صاره مرق ..

وانطلي التويكس بوسطه .. اعرفها تحب هالحركات .. خليها لين تذوووووووووووووب معه ..

وبالنهاية .. امسكيه وكبيه

تراني بغيت اجربها بوحده .. بس رحمتها .. والفرق هنا .. ان خضير ما تنرحم

وش رايك .. اصلح يعينوني بدل شارون << بسم الله علي ..

مانيب سائله .. عناد

يالله طسو

خاست اخلاقي
صقر أشيقر
27-01-2006, 11:02 AM
:36_1_27[1:36_1_27[1

:l40a:


شفتى عاد والله من اللحم اللى كلوه فى العيد ما أحد صار يجمع


بس يا خضراء ناقص شى مع التويكس لو تحطين معه حمضيات يا سلام عليك <=== والله طرار ويتشرط بعد


بعدين انتى وضحتى الحل بس ما فيه احد له خلق يفكر والله انكم زوله من جد


بس متى عاد يجى التويكس الباونتى إلى اللحين ما جاء أجل هذا متى يجى يالله بالصيف


وش رايك ترسلينه على DHL <=== بينتهى تاريخه ما وصل


يالله أنا أبغمض وأنتى حطى فى الصندوق


المشكله أن كل يومhttp://www.ushiqer.com/vb/images/smilies/020104_emM5_prv.gif بس ما طاع يروح يبى لى عمليه تجميل





عميش


هذى مو مشلكتى تسألين ألف سؤال فى الدقيقه بس ما تفكرين


:36_6_3[1]:36_6_3[1]:36_6_3[1]


وبعدين من اللى قال لك إنى أخذت الحل بارده مبرده هذا بعد عنا وتمحيص وتدقيق و قراءت الكتب والمراجع


أستنتجت الأجابه تدرين أنى قاعد أسبوع ما أطلع من البيت عشان أحل الأجابه


أى باونتى اللى تبين أنا اللى أحل وأتعب وأنتى اللى تأخذينها


وبعدين ما فيه باونتى اللحين فيه تويكس تبين تويكس بس أنا أخبر أنك ما تحبينه


بعدين أنتى تقهرينى ما تهزينى فينى شعره <====== كيف القوه مسيطر على الوضع تمام


( هذى أخره اللى يتابع الدعايات )


عميش :110103_po لا تفكرين أنك راح تاكلين عيش معى ترى أنا ألعب :110103_bo


يالله يالدوبيه والوعد الحل الثانى




blue


إذا نفسك فيه والله ما يغلى عليك ولا تأخذه عميش :36_6_3[1]



وأخيرا وليش أخر أدعوكم ونفسى بتقوى الله <===== صارت خطبه الجمعه
صقر أشيقر
27-01-2006, 11:22 AM
طيب اللحين جاء وقت الجد وجاء وقت الأسئله وأنا جاهز http://www.ushiqer.com/vb/images/smilies/040104_emI5_prv.gif


بس عمشاء هى اللى تسأل كثير حتى أنا أبسأل <===== الله يعينك عليه ترى ما ينعطى وجه


س1 : هل وزنه خفيف أم ثقيل ؟


س2 : هل له حجم واحد أو عدة أحجام ؟


س3 : كلا الجنسين يستخدمانه أو جنس واحد فقط ؟ ملاحظه : الرجاء تحديد الجنس


س4 : هل يستخدم فى السياره ؟


س5 : هل يحمل فى اليد ؟



أنتهى والله الموفق
د. صقر أشيقر


متعقد من الأختبارات


يالله عاد أبى الرد بسرعه عشان عمشاء ما تاخذ التويكس <=== والله من زين الأخلاق
خضراء اليمامة
28-01-2006, 05:07 AM
السلااااااااااااام عليكم ..

هلا والله بوجه المدفع .. وشيقراوي ..

أقوووووول ..

كأنه جاز لكم الوضع ..

بدل ما أنا ألعب عليكم وأمسخركم صار العكس ..

بس مو مشكلة .. ذنبي على جنبي .. ما أحد قال لي أحط هالموضوع ..



لحظة شوي ..

أنا قلت لعميشاء هي تمسك اللي في الصندوق هالمرة ..

بس هي ما شرّفت ..

عشان كذا أنا بامسكه هالمرة وأنتي المرة الجاية ..

:)


عدنا ..

إيه يا وشيقراوي .. وش بغيت ..؟

قصدي جوابي على أسئلتك :

يستخدم في الحياة اليومية ..

لو ألوان متعددة ..

يصنع في السعودية ..

والكهرباء ما لها دخل فيه ..

وشلوووون ..؟ وش تبي أنت ..؟

مو من الإلكترونيات ..

ضروري أحياناً ..



بس بعد كل هالأسئلة .. وبعد ما نشفت ريقي ..

باقول لك :

بانتظار المزيد ..

يعطيك العافية ..





أم شوشة جعلك شعرك يكش في يوم رطوبة .. وما تلقين سشوار .. وعندك امتحان مهم .. وآخر يوم لك .. وكل صديقاتك بيجون .. وكل وحدة فيهم بتجيب أختها ..

<< أقسى دعوة ..

خير إن شاء الله ..؟

يعني عشاني أحب طريقة تغميس التويكس في القهوة سويتي لي سالفة ..

بس تدرين ..

الأيام أطول من أهلها ..

وبتشوفين وش باسوي لك في الجامعة ..

يالله روحي ..

ومن قال لك إني أبيك تسألين ..؟






صقر أشيقر ..

ولا يهمك ..

الهدية صارت :

تويكس .. لواحد مش لاتنين ..

حمضيات .. كلك حركات ..

وش تبي بعد ..؟

أنتوا بس حلّوا ..

ولا تتذمر من تأخر الهدايا ..

تعرف هي مو موجودة في السعودية .. ونطلبها طلبية من برا ..

<< عشان تعرفون إنكم غالين .. وما أعطيكم أي شي ..

:)

وباجاوبك والله يصبرني .. أصيبعاتي أوجعنني من كثر الكتابة :

وزنه خفيف حيل ..

له أحجام متعددة ..

يستخدمه كل الجنسين ..

يمكن يستخدم في السيارة .. بس مو فيها .. يعني تدخله معك في السيارة ..

يحمل في اليد .. بس مو على طول ..

يالله يعطيك العافية ..

على فكرة .. ترى آخر جوابين مو واضحين ..

مشكورين كل أبو جد جابكم .. :)

خضراء اليمامة ..
صقر أشيقر
29-01-2006, 10:33 AM
أتوقع الأجابه : المنديل أو الكلينيكس


تبين عمشاء تذبحنى أثنين وما يكفيها وشلون لو هو واحد عز الله بتاكلنى أنا


بس يبى يجيك داء السكرى <====== إلا أنواع المصاله


يالله أنا أبتنازل لها على التويكس وأنا لى الحمضيات


وإذا كان على الطلبيات اللى من براء ترى عندى وكاله نقل إذا ودك تجيبين شى من براء


حاضر وأحط لك أحسن سياره عندى توصلها للبيت <====== هايلكس 1976


ترى عندى مرهم أصابع وحده بوحد يخليك تكتبين على الكيبورد 12 ساعه
الليدي عمشاء
29-01-2006, 05:43 PM
هيه يا الأخو يا صقر وشيدزر ..

أشك في إنك مندوب مبيعات ؟

بس كم نسبتك من ورا هالشغلة ؟

وكم تعطيني إذا حرّجت على البضاعة معاك ؟ << عاد تعرف أفضل عضو والطلبيّة على اللي ببيعه أكثر منك ..

>> تراك ذلّيتينا بهالأفضل عضو .. ما صارت ترى ؟!!

<< أبد لا ذلّيتكم ولا شي .. من حقّي أولا .. وثانيا كلها كم يوم وينشال منّي لواحد ثاني

>> مير متى حوّمتي تسبودنا !!


عُدنا ..

كنّك داري إن عيني في تويكسك هاللي جاك بالحرام ..

إيه بالحرام .. أخذته منّي بالخدعة .. وقال إيش قال محد قال لك ما تربطين المعلومات وتعرفين الحل ..

لعنبوا شيطانك .. هو أمداني ؟

معسكرن في المنتدى أنت ووجهك تحتري خضراء تجي للموضوع وماصدّقت تحط الحلول خضيروه إلا هوااااااااااا وهات يا حل !!

لكن جعلك ما تحدّره قل آمين ..

المهم ما علينا ..

تويكسك لك .. ما أبي منّتك << والله ماجابت خبر هالمنّة خايفة من الدعوة إنها ما تحدّره خخخخخخ



بانتظار خضروه عشان تقول إن جوابك خطأ << ياااااااااااااارب

والا تقول صح .. << ياااااااااااااااارب << وش تبي ذي ؟

رحمتك .. خلاص يا الله رح ،،
يكفيني غــ ـرور
29-01-2006, 07:12 PM
طيب صقر وش رايك

تهاوش انت والليدي وعطوني الحمضيات
وشيقراوي
29-01-2006, 08:51 PM
المفتـــــــــــــــآح <--- احس انك بتقولين وش يبي ذاا لاعاد يجاوب هههههههههههههههههه


الــمحفظة [[البوك]]


<--- تراني اجاوب عشان ماتقولين ان هالغثيث يسأل ويطس ماعاد يجي :)
وشيتزريه ابن عن عم
30-01-2006, 05:56 AM
اقوووووووووووووووول:110103_pi


وش السالفه:020104_em
خضراء اليمامة
30-01-2006, 09:06 AM
مرااااااااااحب ..

هلا والله ..

كيفكم ..؟

هلا بصقر أشيقر ..

للأسف خطأ عليك مو المنديل ..

وتكفى ساعدني وعطني هالـ " مرهم " وأكون لك شاكرة ..

لا .. وأعلمك الإجابة قبل لا أعطيهم المعلومات .. http://www.asmilies.com/smiliespic/evil/105.gif (http://www.asmilies.com)

يعني " ديلفري " ..

يعطيك العافية ..





هلا بعميشاء ..

لا حول ولاقوة إلا بالله ..

أنتي لازم تسوين انقلاب سياسي كل مرة تدخلين فيها هنا ..؟ http://www.asmilies.com/smiliespic/evil/103.gif (http://www.asmilies.com)

وراك حاقدة ..؟ http://www.asmilies.com/smiliespic/evil/117.gif (http://www.asmilies.com)

كل هذا عشان تويكس ..؟

أجل لو حطيت الهدية سيارة وش بتسوين ..؟

ولو حطيتها شباصات .. الظاهر بتقلبينها مناحة لو ما عرفتي الحل .. http://www.asmilies.com/smiliespic/evil/109.gif (http://www.asmilies.com)

أقووووووول ..

أنتي أشك إنك صاحية .. http://www.asmilies.com/smiliespic/evil/103.gif (http://www.asmilies.com) وعلى قولة PINO الظاهر تحششين قبل ما تدخلين ..

يالله انقلعي فيذاك .. ولا عاد تردين إلا وأنتي مصحصحة ..

حتى يعطيك العافية حسوفتن عليك .. http://www.asmilies.com/smiliespic/evil/058.gif (http://www.asmilies.com) << تنوين .. :)





هلا والله بأم شوشة ..

هلا بصقيقتي اللي عزمتها على سنكرز ولا بغته .. << فشلتني ..رايحة للكافيريا مخصوص أشتري لها وما خذته .. قال إيش " السيارة لها ربع ساعة واقفة عند الباب " ..

<< بأغايركم إني أشوفها يومياً وأنتوا ما تشوفون بعض .. http://www.asmilies.com/smiliespic/evil/061.gif (http://www.asmilies.com)

يالله روحي ..





هلا والله بوشيقراوي ..

خطأ عليك للأسف .. http://www.asmilies.com/smiliespic/evil/110.gif (http://www.asmilies.com)

وبعدين وش دعوى أقول : " هالغثيث يسأل ويطس ماعاد يجي " ..؟

يكفينا ذا الضحيكة اللي ترزها في كل رد ..

يالله رح .. ولا تصدق ..





وشيتزرية أبا عن عم ..

هلا والله ..

السالفة ..؟

أبد يا وخيتي .. اقري الموضوع من الأول .. وبلا عجز .. وبتعرفين وش السالفة .. http://www.asmilies.com/smiliespic/evil/119.gif (http://www.asmilies.com)

حياك الله ..

ونور الموضوع ..

وأتمنى مشاركتك .. :)

يعطيكم العافية ..

خضراء اليمامة ..
صقر أشيقر
30-01-2006, 10:05 AM
أتوقع أن الأجابه هى القلم




عميش والله وما قالت


وش لحست المخ هذى وشى اللى مندوب مبيعات هذا أنتى اللى تبيعين


فى سوق الثلاثاء 10 شبصات 1 ريال أنتى وكشتك


وبعدين ترى سالفه أفضل عضو جاتك بالغلط لا تصدقين نفسك


أى حرام يالدوبيه لا أخذته بالخدعه ولا شى والكل شاهد


وأنا أعسكر فى المنتدى من حبى له مو عشان التويكس اللى مسويه لنا زحمه


فيه بعدين أذكرى ربك ترى ما وصلت الأمور لها الدرجه نتفاهم وصلنا الدعاوى


ترى والله ما تسوى خلاص ابشترى لك كرتون تويكس وشتبين بعد عاد أنتى


دعوتك والقبر أمس أوجعنى بطنى ما قدرت أنام وأنا واقف <===== خذرف


وبسم الله تونى ما فتحته حسبى الله على عدوك عميش


بس تبين تويكس ما فيه :040104_em لو تحبين السماء


يالله أقلبى وجهك خلينى أتمتع فى التويكس :36_6_3[1]




أم شوشه


أبطلب منك طلب أنتى غيرى أسمك اللى يجيب المرض وأعطيك اللى تبين


مو حمضيات بس <==== ترى امزح




وشيتزريه ابن عن عم


أنتى أطلعى فوق فى السطح وأدعى ربك


لا تطيحين مع الساحره عمشاء




خضراء اليمامه

أنتى بس علمينى الأجابه وما عليك ما يمديك تضغطين ENTER إلا وهو عندك
الليدي عمشاء
31-01-2006, 08:17 PM
سوق الثلاثاء ؟
قل سوق البطحاء .. ممكن .. لكن بتمشورنا ساعتين عشان نبسط في سوق الثلاثاء ؟

وبعدين وش قلت ؟
هاه ؟
سالفة أفضل عضو جت بالغلط ؟
سمعتها كذا والا لا ؟
صقيروه .. الوعد عند باب المنتدى .. بس اطلع لي !!
بعد بعد .. يسرق تويكسي .. ويخادع عينك عينك .. لا وبعد يبي ينافسني على أفضل عضو ..
أنت الظاهر ما تبت من الدعاوي وتبي دعوة معتبرة
وحلو إن دعوتي جابت نتيجة .. بس بشّر عساك استفرغت ؟ خخخخخخخخخخخخخخخخخخخخخ

وتتوقع إنك بتشيّش وشيتزريه ابن عن عم علي ؟
لا يا شاطر .. هذي من خويّتنا .. ويكفي إنها بنيّة .. وبتنضم إن شاء الله لعصابتي اللي ناوية أسوّيها في المنتدى ..
بس اصبر علي شوي ..
عموما تراني عطيتك وجه ..
يا الله انقلع هناك .. ولا تنسى تنتظرني عند باب المنتدى ..
بتلقاني في الددسن حقّي أركّب جنوط لكزس خخخخخخخخخخخ


خضيروه .. يقول صقير وشيقر إن الجواب القلم ؟
ردي عشان أسأل أخاف أخسر حبر على الفاضي ..
وهالصقير مهوب ناويها على بر !!
خضراء اليمامة
01-02-2006, 06:46 AM
مرااااااااااحب ..

صقر أشيقر ..

للأسف مو القلم ..

بس تعال ..

تراني أنا بعد أعرف أدعي .. عطني كرتون تويكس ..

:)

ويا ليت ترسله مع الكريم ..

وترى الإجابة هي ..

هاااااه ..

" شي في الملابس " << هذي بداية الرشوة ..

خخخخخخخخخخخخخخ ..

يالله لا يسبقك أحد ويقول الإجابة ..





عميشاء ..

يا أم جنوط اللكزس ..

وش فيك على صقير ..؟

ليش مرة متساهلة معه ..؟ http://www.asmilies.com/smiliespic/happy/067.gif (http://www.asmilies.com)

المهم ..

بتسوين عصابتك شي راجع لك ..

بس ما تقلبين الموضوع هوشة أنتي وصقر ..

وبعدين تعالي ..

أنتي من بقى ما تهاوشتي معه ..؟

الظاهر عندك حساسية من اسم " صقر " ..

صقر نجد .. صقر أشيقر .. ويا ترى مين النومينيه الثالث ..؟

انقلعي ..

خضراء اليمامة ..
*سندريلا*
01-02-2006, 11:18 AM
اهلين
اموت وافهم عميش ليش شياطينتس طايره فضحتينا عند المنتدى الاسلامي

اعقلي يامال العافيه ...واعطيتس ان بغيتي كيسة فش فاش<<<هذا اغلى ماعندها



..................

نعود الى خضيره ..

اتوقع انا انه كبكات



سلامي
س
ن
س
ن
صقر أشيقر
01-02-2006, 05:30 PM
يالله نقول الأجابه : الزرار



عميش


أنتى وكشتك بتفرق عليك ساعتين أنتى كل يوم فى ديره :36_1_19[1


صايره رحاله أنتى ووانيتك وش تقرب لك وضحى :36_11_6[1


وبعدين سالفه افضل عضو عطوكيها عشان تسكتين :lllolll:


أعوذ بالله تقول مسجل بدون كاسيت


كاسيت = شريط عارفك انتى ووجهك بتسألين وش الكاسيت :dance:


يالله أنا أبستناك عند الباب أنتى ووجهك خايف منك يعنى :36_6_10[1


وبعدين مين اللى قال ان التويكس لك أنتى حدك حلاو أبو بقر ويخب عليك :36_6_3[1]


وعلى سالفة الدعاوى الحمد لله انى ما غلطت عليك ولا ودى أنزل نفسى لك


وأنا ما شيشت وشيتزريه ابن عن عم عليك أنا أحذرها منك :36_1_15[1


أنتى اللى مثلك ما أحد يقرب منها كلن يخاف منك يالدوبيه


أنتى لحالك عصابه تنضمين عصابه ليه


يالله فارقى يالدوبيه :050104_em





خضراء اليمامه



وأنتم وش شايفنى شارون كل وحده ودها تدعى على :s11:


قولى ابى كرتون تويكس بدون دعاوى طيب :36_17_7[1


والكريم أرسلته لك على البريد المستعجل ما وصلك


خضراء ما عندها حساسيه ولا شى هذى أصلا من الغل اللى فى قلبها


على انا وصقر نجد تبينا نعطيها وجه بس أحنا مطنشينها :36_6_3[1]


وإذا شفنها فى السوق ما نشترى من بسطتها نأخذ من اللى جنبها :36_1_19[1
خضراء اليمامة
01-02-2006, 06:00 PM
مرااااااااااااااحب ..

هلا والله بصقر أشيقر ..

برااااافو عليك ..

الزراااار .. بس من علمك ..؟ http://www.asmilies.com/smiliespic/happy/010.gif (http://www.asmilies.com)

<< بريئة مررررة .. http://www.asmilies.com/smiliespic/happy/033.gif (http://www.asmilies.com)

وأنت الصادق ..

عموماً .. لا تدخلني معها ..

أنتن الحين صقيقي .. وهي لا .. << السالفة فيها تويكسات .. http://www.asmilies.com/smiliespic/happy/022.gif (http://www.asmilies.com)

عموماً ..

لا وصلني لا كريم ولا غيره .. بس جاني مايونيز وكلته .. بس كأنه متغير طعمه ..؟ http://www.asmilies.com/smiliespic/happy/030.gif (http://www.asmilies.com)

يعطيك العافية ..




يالله اقلبوا وجيهكم شوي ..

صقر أشيقر .. عادي أنت شف .. بس للحين أبي الكريم .. << آي يا بطني .. يعورني .. تتوقعون من وشو ..؟ معقولة من المايونيز اللي جاني عن طريق البريد ..؟ http://www.asmilies.com/smiliespic/happy/026.gif (http://www.asmilies.com)

أكيد قلبتوا ..؟





يالله .. تراني حطيته ..

وبانتظاركم ..

يعطيكم العافية ..

خضراء اليمامة ..
صقر أشيقر
01-02-2006, 06:25 PM
:36_1_34[1:36_1_34[1:36_1_34[1


شكرا على التصفيق الحار :clap::clap::clap::clap:



ما أحد علمنى أنا اللى جاوبته من نفسى



أى ما يونيز الله يهديك هذا الكريم


انتى الله يهديك ما تفكرين إلا فى بطنك بس




وينك يا عميش :110103_po:110103_po


أنقهرى أنا اللى فزت بالتويكس :bleh:
الليدي عمشاء
04-02-2006, 02:37 AM
سندريلا الشكوى لله ياوخيّتي .. بلاني مالقيت سند منكم يا رفيّقاتي ..
مخلّيني لحالي مع هالوحوش ..
ومهيب شينة هالفش فاش جيبيه .. بس أهم شي إنتبهي ليّاه دنماركي



صقير وشيقر ..
الأفضلية عطونيّاها عشان أسكت ؟
الأولى يعطونكياها أنت عشان بربرتك هاللي ما تخلص
وأنا على كلامك مالي صوت أبد .. والدليل التشبيه اللي قلته لي : مسجل بدون كاسيت ..
يعني ما يتكلم ..
اعرف تحكي مرّة ثانية .. وإن بغيت تمثّل على كثر الحكي قل رادو .. تلفزيون .. هم اللي ما يسكتون أبد .. مو مسجّل اللي يضرب به المثل في ترديد الكلام .. بس أنت قلت بدون شريط يعني الله يخلف على أم جابك ..

عموما مبروك على معرفة الحل .. << روح رياضيّة
بس الوعد بعدين .. يا أنا يا أنت في هالمسابقة .. ماشي ؟



خضيروه ..
شكل صقر وشيدزر هو المموّل وأنتي بالمقابل تعطينه الحلول ..
أسئلتي :
صغير والا كبير
يستخدمه الصغير والكبير .. والمرأة والرجل .. ؟
له ألوان والا لون محدد
في كل مكان في البيت والا له مكان محدد ؟ ـ يرجى تحديد المكان ـ
يدخل في صناعته البلاستيك ؟ الحديد ؟ الورق ؟ القماش ؟ القطن ؟
ضروري ؟
للترفيه ؟
يوجد في المدارس ؟


وإن ذكرت أسئلة غير رجعت لك ..
صقر نجد
04-02-2006, 03:23 AM
^
^

على فكرة عميشه ترى بنده حقت أبو صقر أشيقر :D
الليدي عمشاء
04-02-2006, 03:39 AM
إيه قل كذا ..

وأنا أقول وشلون يعرف الحلول .. أثر الدعوى رشاوي في رشاوي ؟

يا ويلكم من الله يا خضيروه أنتي وصقيروه .. << مو أنت يا صقر نجد أنت اسمك صقر خخخخخخخخ

وتوني أعرفك أثاري اسمك : صقر أشيقر بن الوليد بن طلال ؟

يا الله انقلع .. وإن كنت ولد الوليد بن طلال .. أنا صديقتي تصير بنت جيران الملك عبدالله << تنرحم المسيكينة ..




شكرا صقر نجد على هالمعلومة ..

تصير صديقي ؟
صقر نجد
04-02-2006, 03:44 AM
وأنتي تحللين كلامي على كيفك ؟؟؟


أنا أقصد أن خضراء موظفة كاشير عندهم وتسرق وهم مايدرون مو رشاوي أعوذ بالله :dance:
خضراء اليمامة
04-02-2006, 06:17 AM
مرااااااااااحب ..

هلا والله صقر أشيقر ..

العفو وش دعوى ..؟

حق وواجب ..

بس وش نسوي وأنا أختك ..

أنا أهم شي في حياتي بطني .. :110103_hl

هذا بطن مو أي كلام .. :050103nbh

يعطيك العافية ..



هلا والله عميشاء ..

ما دريتي ..؟

الكريمات اللي أول كنت آكلها عرفت إنها كريمات أدهن فيها يدي ..

والحمد لله صايرة يديّاتي الحين تهبل .. :040104_em

<< قولوا ما شاء الله ..

بالنسبة لأسئلتك وأجوبتي : :110103_za

صغير ..

يستخدمه الكبير يمكن .. والرجل بس ..

لو ألوان .. بس اللون السائد واحد ..

أنتي تقدرين تستخدمينه في البيت .. بس هو مكانه مو في البيت .. يعني مو أثاث مثلاً ..

صناعته من حديد ..

ضروري أحياناً ..

مو للترفيه ..

ما له دخل بالمدراس .. بس تقدرين تجيبينه معك ..

يالله روحي ..

باروح أدهّن أصيبعاتي .. :110103_hi

يعطيك العافية ..



هلا والله صقر نجد ..

ليش تعلمها ..؟

الحين وش بيسكتها ..؟

أكيد بتدري إني أروح هناك وأتوزى في الربعة .. ويغطي علي صقر .. وأستقعد على الكت كات والفشارات ..

الله يصلحك بس ..

:)

وبعدين تعال ..

أنا موظفة كاشير ..؟ :Uhh.:

كوشرك البين .. طيب يالدوبي .. :cow:

الوعد في المقابلة اللي عيّت تجي .. :36_6_3[1]

يعطيك العافية ..




وأخييييييييييييييييراً اتفقتوا ..

ميتٍ من الجن عشرة .. :36_1_15[1

أول مرة أشوف عمشاء تشكر صقر نجد .. :020104_em

الدنيا فيها شي ..؟ :020104_em

عمشاء ..

متأكدة إنك كنتي بكامل قواك العقلية .. وإلا شربتي القارورة اللي عطيتها لك ..؟ :110103_ma

يالله روحوا كلكم ..

ما أحبكم ..

خضراء اليمامة ..
صقر أشيقر
04-02-2006, 12:10 PM
بااااااااااااااااااااااااااااااااااااك



:36_11_18[ أبله خضراء عندى سؤال صغيرون مررره



السؤال الأول : يدخل فيه الألكترونيات ؟ الكهرباء ؟



السؤال الثانى : يستخدم فى السياره ؟ فى المكتب ؟



السؤال الثالث : وش لونه ؟



السؤال الرابع : من كم حرف يتكون ؟



:l40a:
*سندريلا*
04-02-2006, 03:14 PM
اهلين خضيره

ممكن اسال

وش اول حرف وآخر حرف منه؟؟
خضراء اليمامة
04-02-2006, 11:56 PM
مرااااااااااااحب ..

هلا والله أخوي صقر أشقر ..

ياهوووووووه يالمؤدب ..

أنا ما أقوى ..

بس باجاوبك أنا برضو بكل أدب ..

ما يدخل في الإلكترونيات ..

ما له دخل في السيارة ولا في المكتب .. يعني مو مكانه .. بس ممكن تحطه فيه ..

لونه الأساسي فضي أو ذهبي .. بس يدخل معه ألوان ثانية .. << ترى بأمشي لك هالسؤال عشانك مؤدب ..

يتكون من 3 حروف ..

يعطيك العافية ..





هلا والله سندريلا ..

هو كله 3 حروف .. لو قلت الحرف الأول والأخير .. وش بيبقى ..؟

تسلمين .. :)

يعطيك العافية ..




المعلومات اللي جمعناها :

صغير ..

يستخدمه الكبير .. والرجل بس ..

له ألوان .. بس اللون السائد واحد .. << أو اثنين ..

مكانه مو في البيت ..

صناعته من حديد ..

ضروري أحياناً ..

مو للترفيه ..

ما له دخل بالمدراس .. بس تقدرين تجيبينه معك ..

ما يدخل في الإلكترونيات ..

ما له دخل في السيارة ولا في المكتب .. يعني مو مكانه .. بس ممكن تحطه فيه ..

لونه الأساسي فضي أو ذهبي .. بس يدخل معه ألوان ثانية .. << ترى بأمشي لك هالسؤال عشانك مؤدب ..

يتكون من 3 حروف ..


يعطيكم العافية ..

خضراء اليمامة ..
b l u e
05-02-2006, 12:29 AM
قلم !!!! قلم ديوور خخخخخخخخخخ
صقر أشيقر
05-02-2006, 11:44 AM
:36_11_18[ أبله خضراء أنا أبجاوب




أنا أقول الجواب : كبك




:t (75): يالله وأبغمض عيونى إلين تقولين الإجابه
قبون صحصح
05-02-2006, 12:12 PM
ماشاء الله عليكم ماسكين خط

وانا مادريت عنكم

:)


مالها الا الكبك

بس سبقك بها عكاشه


الله يعطيكم العافيه


مشكوره خضوره
الليدي عمشاء
05-02-2006, 01:51 PM
حسبي الله ونعم الوكيل عليك يا صقير وشيقر ..

والله إني عارفته .. وكلّمت خضيروه قبل حتى لا ترد بردها الأخير اللي فيه عدد الحروف وقلت هو الكبك ؟

وقالت : منيب قايلة حطي الرد وأجاوبك هو صح والا غلط >> مسوّية أمينة

وقلت خلاص أبرد .. بس نمت هيء هيء هيء هيء ..

ومن صحيت رحت أبجاوب مير لقيت سي السيد راد ..



عموما هذا يوسّع من دائرة التحدّي .. ومازالت المنافسة موجودة ..

وبانتظار خضروه عشان تحط شي ثاني ،،

انقلعوا ،،
خضراء اليمامة
10-02-2006, 11:54 AM
مرااااااااااااااحب ..

هلا والله Blue ..

سووووري .. بس للأسف خطأ عليك ..

مو قلم ديور ..

يعطيك العافية ..




هلا والله أخوي صقر أشيقر ..

هلا بالطالب النجيب .. الشاطر الشطور الشطرطر .. :UFO-dog:

:mouse: :mouse: :mouse: :mouse:

كونقراتوليييييييييييييشن ..

:laughter:

:dance: براااااااافو علييييييك :dance:

وربي شييييييي يالدوبي ..

صح عليك .. :lllolll:

من قدك ..؟

بس قل لي وشلون عرفت ..؟

تسلم والله ..

ويعطيك العافية ..





هلا والله قبون صحصح ..

طبعاً الكبك ..

وقصدك : ما لها إلا صقرها " .. :050103big

بــُـــل عليه ذا الدافور .. :36_11_18[

في كل لعبة هو اللي يفوز ..

لا إله إلا الله ..

ذكرني بمصرية كانت معي في الفصل .. ومرة طلعت من الامتحان تصييييح .. جيت أنا لها " صاحبة القلب الحنون " وقلت : تفيدة .. ما لك ..؟ :cup-of-mi

قالت : :UFO-stuff دا أنا بعيّط لأني كنت ححل المسألة خطأ .. :dazzled: << كاااانت .. أجل لو حلّتها خطأ وش بتسوي .. :cow:

<< لا تصدقون .. تراها مقتبسة من نكتة .. :)

يعطيك العافية ..




هلا والله بعميشاء ..

أنا أعتذر ..

نسيت أسوي اللي قلتي لي عليه .. << بس عشانهم رجّوني وسكرت النت ..

بس تدرين ..

عشان أكفّر عن خطأي لك خيارين :

1. إنك أنتي تحطين شي في الصندوق وتهبلين بصقر .. :He-he.: << وبي أنا طبعاً ..

2. أنا أحطّه .. وتتحدين صقر أشيقر .. :020104_em

يالله يالدوبية بانتظارك ..

ويعطيك العافية ..

خضراء اليمامة ..
الليدي عمشاء
10-02-2006, 03:35 PM
يا الله سامحتك يا خضروه .. بس عشانك هالمرة ..

ودام إنك حلفتي .. فمارح أرد لك طلبك وترجيك لي في إني أمسك هالموضوع عند وأحط شي في الصندوق ..

ويا الله تراني حطيته ..

وينك يا صقيروه .. أنا وراك والزمن طويل ..

خضراء .. حتى أنتي أتحداك .. خليني أهبّل بك مثل ما تسوّين بنا ..




إليّ بأسئلتكم ،،
خضراء اليمامة
11-02-2006, 03:48 AM
مرااااااااااااااااحب ..

قبل لا أدخل الموضوع قمت أحمّي .. http://www.asmilies.com/smiliespic/sport/008.gif (http://www.asmilies.com)

تعرفون هالمرة أنا مو الحكم ولا المعلّق ولا حتى اللي يجيب الكور .. أنا لاعب حالي حالكم .. http://www.asmilies.com/smiliespic/sport/012.gif (http://www.asmilies.com)

والله يكون في عونك يا عميشاء دام الكورة معي .. http://www.asmilies.com/smiliespic/sport/013.gif (http://www.asmilies.com)

هذي أسئلتي :

يستخدمه الرجال وإلا النساء وإلا كلهم ..؟

يستخدمه الصغار وإلا الكبار وإلا كلهم ..؟

له ألوان وإلا لون واحد ..؟

حجمه صغير وإلا كبير ..؟

مصنوع من إيش ..؟

وين مكانه ..؟

له دخل بالإلكترونيات ..؟

يستخدم لحاله أو معه شي ..؟

نقدر نشيله وإلا ثقيل ..؟


يالله ..

هذي أسئلة مبدئية ..

ويا ويلك من الباقي .. http://www.asmilies.com/smiliespic/sport/011.gif (http://www.asmilies.com)

يالله انقلعي ..

خضراء اليمامة ..
صقر أشيقر
11-02-2006, 05:06 AM
لالالالالالالالالالالالالالالالالالالالالالالالالا لالالالالالالالالا



أما عمشاء اللى ما سكه الموضوع أجل أنا أبطلع إجازه


وين والله لو أجاوب صح بتقول لى غلط


من كثر ما تعزنى طبعا <===== إلا تبى تذبحك


طيب أنا أسألتى على النحو التالى :

س 1 : يستخدم فى السياره ؟

س2 : له رائحه ؟

س3 : من كم حرف يتكون ؟ مع تحديد الحروف ؟ <==== ورى ما تجاوب لك أحسن

س4 : يدخل فيه الكهرباء ؟


بس هذى أسألتى ما أبى أتعب صديقتى

الأخت العزيزه الفاضله الليدى عمشاء
صقر نجد
11-02-2006, 05:33 AM
ما أقول إلا الله يعينك على خضراء وصقر وأسئلتهم اللي ذكرتني بأختبار الأحياء :D


لي رجعة بعد إجابتك أن شاء الله


أحب التذكير : تعتبر الليدي من أفضل نساء الكرة الأرضية :He-he:


لذى جرى التنويه :dance:
*سندريلا*
11-02-2006, 05:42 AM
لالا يوووووووووه اما عميشاء تمسك زمام الموضوع ..اول يوم خضيره وصوتها وهواشها واصل للقسم الاسلامي اجل الحين وين يبي تاصل له مااقول الا الله يعين العيال عليها لان على حد علمي انها تكره شي اسمه تمساح......

على العموم بسأل اساله وان كان جاني هواش والا تهزيئات فانا باسحبها.....


7
7
7
7
وجع وجع كل الاسئله قايلينها مابقى الا (وش اسمه) ان كان قلتوها وريحتونا ...




يله لي رجعه مره ثانيه اذا ردت الحلوه عميشاء ...

سلامي
س
ن
س
ن
ملاك
11-02-2006, 02:22 PM
لعبة حلوة ..

تشكر خضراء اليمامة عليها << تبي تحتك بعمشاء

عندي سؤال واحد :

له أشكال .. والا شكل واحد ؟

وبانتظار الليدي عمشاء لتصفية الحلول



يعطيكم العافية جميعا ..
الليدي عمشاء
11-02-2006, 03:00 PM
نياءاءاااااااااااااااااا

والله وطحتوا وماحدّش سمّا عليكو ..
نبدأ فيك يا عمدة خضورة

يستخدمه الرجال و النساء
يستخدمه الكبار وممكن يستخدمه الصغار
له ألوان
حجمه صغير و كبير
مصنوع من إيش ؟ لا ياحبيبتي أنا مو مخفّة مثلك .. أنتي قولي مصنوع من كذا أقول لك إيه والا لا ..
فهمتي ؟ << شخصية بسم الله علي !!
وين مكانه ..؟ << أنظري الرد أعلاه ..
ماله دخل بالإلكترونيات
يستخدم لحاله
نقدر نشيله

يا الله روحي ..
تعرفين ماعندي وقت المعجبين ينتظرون ردي خخخخخخخخخخخخ
الليدي عمشاء
11-02-2006, 03:01 PM
صقوووووووووووووووور << أدلّعك من قدّك

وش دعوى يا أخوي ؟

تشكك في أمانتي الصحفيّة ؟ << ماتعرف إلا هالأمانة من المسلسلات خخخخخخ

وأنت بتشوف هالأمانة الحين :

أجوبتي على أسئلتك كالتالي :
س 1 : يستخدم فى السياره ؟
لا يستخدم في الصاروخ بس
س2 : له رائحه ؟
مثل رائحة الأمونيا
س3 : من كم حرف يتكون ؟ مع تحديد الحروف ؟ <==== ورى ما تجاوب لك أحسن
له عشر أحرف .. وأحيانا ثلاث .. وأحيانا سبع
س4 : يدخل فيه الكهرباء ؟
ويدخل فيه المويه بعد

هاه .. وش رايك بأجوبتي ؟
تحوس زود والا ؟
خخخخخخخخخخخخخخخخخخخخخخخخ

وش فيك فغرت فاك << ما أقوى أنا على هالإنقليزية ذي ووووه بس !!
رحمتك خلاص أبجاوب على قدّك عشان تفهم زين .. أهم شي في النهاية ما تعرف الجواب ..

س 1 : يستخدم فى السيارة ؟
ممكن يستخدم في السيارة
س2 : له رائحة ؟
لا ماله رائحة
س3 : من كم حرف يتكون ؟ مع تحديد الحروف ؟ << قل والله ؟
ماودّك بعد أقول وش أوّل حرف ؟ يا الله اسأل زي الناس .. أيام دلع خضورة راحت ..
س4 : يدخل فيه الكهرباء ؟
لا ما يدخل فيه الكهرباء ..

يا الله رح .. هذا وجهي إن عرفته ..

صديقتك العزيزة والمخلصة / الليدي عمشاء ..
الليدي عمشاء
11-02-2006, 04:47 PM
وش هالصقور اللي ابتلشنا فيهم
هاه يا صقر نجد وش عندك بعد ؟
وش اللي الله يعيني على خضراء وصقر وشيقر وأسئلتهم ؟
أنا كلّي لهم وش دعوى ؟
أنت اطلع منها بس وإحنا بخير << خخخخخخخخخخ
وبالنسبة للتذكير اللي تكرّمت وقلته من كوني أفضل نساء الكرة الأرضية ..
فهذي مايبغالها تذكير الله يهديك .. الكل عارفها .. فماله داعي هالرشاوي عشان أقول لك اللي في الصندوق ..
يا الله انقلع وبهدووووء عشان ما تتعب أعصابي ..
وراك ناس أبرد عليهم ،،
الليدي عمشاء
11-02-2006, 05:08 PM
جتنا الثانية يا اللللللللللله
وش تبين أنتي الثانية ؟
أنا صوتي وهواشي يوصل بعيد ؟
الله يسامحك بس .. أنا صوتي أنا نفسي ما أسمعه << أذاني صاحية لا الحين ينط واحدن منكم يقول إني صقها !!
وصحيح إني أكره التماسيح .. لكن في نفس الوقت أكره السحالي إذا كان فيهم وحدة مثلك << غايرة عشانها خذت أفضل عضو منها خخخخخخخخخخ
والحلوة أمن جابتك أنتي ووجهك يابنت الحلوة << أهم شي إنها صيغة سب !!
يا الله روحي .. مارح أجاوب على أسئلتك << لحست مخّها خخخخخخخخخخخخ
الليدي عمشاء
11-02-2006, 05:10 PM
هههههههاااااااااااااااااي يا حليلك يا ملاك .. وش انتي مهببة فوق ؟
عسى مهوب سبّ فيني بس ؟
خلاص مارح أفشّلك زود على فشيلتك .. وكونك أوّل مرّة تشرّفين الموضوع حقّي << عندك مانع خضيروه ؟

بالنسبة لسؤالك .. فجوابي هو :
تقريبا تقريبا هو شكل واحد إلا من اختلافات بسيطة ..

يعطيك العافية أختي ملاك ..
وشرّفتي صندوقي القرنبعي ،،
الليدي عمشاء
11-02-2006, 05:47 PM
المعلومات اللي توصلتوا لها :

يستخدمه الرجال و النساء
يستخدمه الكبار و يستخدمه الصغار
له ألوان
حجمه صغير و كبير
ماله دخل بالإلكترونيات
يستخدم لحاله
نقدر نشيله
ممكن يستخدم في السيارة
ماله رائحة
ما يدخل فيه الكهرباء
تقريبا هو شكل واحد مع اختلافات بسيطة



يا الله شدّوا حيلكم ،،
يكفيني غــ ـرور
11-02-2006, 09:38 PM
الله يرجك بلا

اشوا ان خضراء هي اللي ماسكه الموضوع

عليها اسئله مدري وش تبي

وايوه يا عميشوه

ترى انا احبك

سؤالي

هل شكله مدور

اذا لا

هل هو مربع

اذا لا كملي الاشكال
انا اشيقري وافتخر
12-02-2006, 12:48 AM
هااااااااااااي عموشهhttp://www.3z.cc/sml/10/36_3_11[1].gif (http://www.3z.cc/sml)
الي في الصندوق هل يعتبر وسيلة من وسائل الراحةhttp://www.3z.cc/sml/42/f695144aceb13887adc6832f334609ab.gif (http://www.3z.cc/sml)
ممكن ناخذه معنا للبران
هاه عساني قربت<<<تكفين لا تصدميني بالاجابةhttp://www.3z.cc/sml/12/4bb7efec0654c4d1638c4f2c2ada287d.gif (http://www.3z.cc/sml)
الليدي عمشاء
12-02-2006, 01:13 AM
هلا والله وغلا أم الشوشة كلّها << ذكّرتيني بوحدة الله يذكرها بالخير ..
حلوة .. بس شعرها شوشة ..
إذا أنتي تحبّيني .. فهذي مشكلتك .. وش دخّلني أنا تقولينها لي ؟
والله حالة ..
بس منشان خاطرك .. أنتي سألتي هل هو مدوّر .. والا مربّع ؟
يا شيخة مو يصير مربّع ومدوّر إلا يصير مخروطي الشكل بعد .. أهم شي تكونين راضية ..




المهم بس .. وبعيد عن الخنبقة ..
لا هو مدوّر .. ولا هو مربّع .. وبالنسبة للأشكال الثانية ..
لا هو ........ ولا هو ...........
أنا فاضية لك أعددهم ..
اسألي وأنا أجاوب إيه والا لا .. واحمدي ربّك بعد ..


يا الله روحي يا أم حب من طرف واحد ..
مسيكينة ،،
الليدي عمشاء
12-02-2006, 01:18 AM
أهلين أخوي " أنا أشيقري وأفتخر "
<< الله يذكر "أشيقر يا بعد تسبدي" بالخير ..
>>أنا ما أدري وش قصّة هالتعبير اللي على أعضائنا ..
إن بغيت تنادي على واحدن منهم كنّك تقول قصة حياة

حيّاك معي أخوي في موضووووووعي << سمعتي يا خضيروه ..
ودامها أول مرة تشارك فيها فأبشر بالخير .. مارح أصدمك ..

اللي في الصندوق :
ما يعتبر وسيلة من وسائل الراحة ..
وممكن ناخذه معنا للبرّان ليش لا !!

يسلمووووو خيّو ..
وإن شاء الله إن شاء الله تفوز ..
تابع معي الإجابات .. وإن شاء الله تعرف الحل ..
الليدي عمشاء
12-02-2006, 01:22 AM
آخر المعلومات :

يستخدمه الرجال والنساء
يستخدمه الكبار ويستخدمه الصغار
له ألوان
حجمه صغير وكبير
ماله دخل بالإلكترونيات
يستخدم لحاله
نقدر نشيله
ممكن يستخدم في السيارة
ماله رائحة
ما يدخل فيه الكهرباء
تقريبا هو شكل واحد مع اختلافات بسيطة
لا هو مدوّر .. ولا هو مربّع
ما يعتبر وسيلة من وسائل الراحة ..
وممكن ناخذه معنا للبرّان ..


بالتوفيق ،،
خضراء اليمامة
12-02-2006, 03:06 AM
انطمي يالدوبية ..

عليك إجابات بعد ..

من جد الله يحللني مية حل ..

بعذرك تعرفين الإجابة بسرعة ..

المهم أسئلتي هالمرة غير :

مصنوع من جديد وإلا بلاستيك وإلا ورق وإلا قماش ..؟

يستخدم في المطبخ وإلا المكتب وإلا غرف النوم وإلا الصالة ..؟

يوكل وإلا يشرب وإلا نحطه في جسمنا وإلا نمسكه في يدينا وإلا نسحبه وإلا نخليه ما نحركه ..؟ << كم سؤال هذولي .. بس كلهم جاوبي عليهم ..

عندي مثله وإلا لا ..؟ وإذا ما عندي عند مين ..؟

يالله جاوبي على هالـ " كم " سؤال .. والباقي جايك بالطريق ..

يالله انقلعي ..

خضراء اليمامة ..
يكفيني غــ ـرور
12-02-2006, 03:40 AM
كني اسمعتس تسبيني

اذني تحكني

بعدين وش دخلك باشيقر يا بعد تسبدي

هو انا ولا هو كان انا ؟؟

وياويلتس من ربي

مدري من وين جايبه هالقلب

شكلك طالعه على خضراء

صدمتي اخيي انا اشيقري وافتخر .. ايه ماي برذر << يعنني ابغير .. عرفتي وش علاقتنا بالتعبير

وبعدين حنا نسقط بالتعبير من كثر فلاحتنا فيه

وهاللي انتي موزيته ومانتن به << خربت

تحطينه على عيونتس

وتناظرين الاشياء البعيده

وممكن تدربلين فيه

يعني دربيل << ترا انا ما جاوبت .. بس افهمك << ياعيني على الكاف .. تطورت

يله انقلعي
انا اشيقري وافتخر
12-02-2006, 05:11 AM
عدنــــــــــــــــــــــــــــــــــــــا
لازم يتواجد في كل بيت؟
يستخدمه الخياط اكثر شي؟
نستخدمه كل يوم؟
نشوفه كل ساعة قدام عيونا؟
سعره غالي ولا رخيص؟
يتواجد في المكتبات؟
يله فصفصنا لك الاسئلة ونتحرى الاجابات
صقر نجد
12-02-2006, 05:19 AM
نعنبو بليسك

جاوبي مثل الناس

قسم بالله احس اني داخل على موضوع ما أعرفه


الله يذكرك بالخير ياخضراء :D
يكفيني غــ ـرور
12-02-2006, 10:07 AM
الليدي خضراء


ماودتس تطسين وتروحين فيذاك http://www.ushiqer.com/vb/images/smilies/to-sulk.gif

اقولتس احبتس تقولين واذا

مالت عليتس

مير انا زعلانه http://www.ushiqer.com/vb/images/smilies/110103_ign_prv.gif << حجه البليد مسح الصبوره
الليدي عمشاء
12-02-2006, 02:26 PM
خضروه :
ادخلي في الأسئلة على طول ..
أنا ماعندي وقت أناقش فيه هالتفاهات وهالنقاشات اللي على غير سنع ..
:36_21_4[1

أجوبتي على أسئلتك :
تقولين : مصنوع من حديد وإلا بلاستيك وإلا ورق وإلا قماش ..؟
لو سمحتي صيغي سؤالك بشكل آخر ..
اسأليني :
مصنوع من الحديد ؟
مصنوع من البلاستيك ؟
مصنوع من الورق ؟
مصنوع من القماش ؟
مثل كذا يعني .. أنا ما أجاوب إلا بكلمتين: إيه .. أو لا ..
أما إني اختار .. آآآآآآآآسفة
في هالموضووع ما تطلع إلا هالكلمتين بس ..
بانتظار تعديلك ..:36_11_18[

سؤالك : يستخدم في المطبخ وإلا المكتب وإلا غرف النوم وإلا الصالة ..؟
نفس الإجابة السابقة .. لا تخيريني .. غيري صيغة السؤال
ممكن ما يكون من هالاختيارات
يعني سؤالك خاطئ .. عدليه ..


أحس إني رحمتك .. أبجاوب الباقي وأتغاضى عن صيغة السؤال

يوكل ؟ لا مايؤكل ..
يشرب ؟ لا ما يشرب ..
نحطه في جسمنا ؟ لا ما نحطه في جسمنا ..
نمسكه في يدينا ؟ والا نسحبه وإلا نخليه ما نحركه ..؟
تقدرين تمسكينه .. تسحبينه .. تخلينه ما تحرّكينه ..
عندي مثله وإلا لا ..؟ ليش لا .. عندك مثله ..
وإذا ما عندي عند مين ..؟
<< احلفي ؟ بس ولا يهمّك عند صقر نجد مثله ..

يا الله .. شدي حيلك لا تفشّلينا ..
الليدي عمشاء
12-02-2006, 02:34 PM
أم شوشة :
وش دعوى أسبّك ؟
أنا أسب اللي يسبّك << خذي حكي .. والا فيه أحد يسب روحه ؟ << افهميها زين !!
وبالنسبة لـ " أشيقر يا بعد تسبدي " أحد قال إنها أنتي ؟ فففففششششر
وبالنسبة لأخوك في التعبير على العين والراس .. ماقلنا فيه شي ..

وبالنسبة لتخمينك هاللي مثل وجهك .. حطّيه أنتي في عيونك .. أنا ما أتجسس على خلق الله .. فاهمة ؟
وترى راحت عليك فرصة .. وباقي لك تخمين واحد .. وترى إن قلتي هو " كذا " وصار غلط .. بتطلعين برا المسابقة .. وأنتي جرّبي .. << راحت أيام العز والدلع ..
يا الله لا تضيعين وقتي ..
روحي هناك ،، << يا عيني على الكاف بعد أنا تطوّرت ماقلت هناس خخخخخخخخخخخ
الليدي عمشاء
12-02-2006, 02:37 PM
أهلين بأخو أم شوشة من التعبير .. " أنا أشيقري وأفتخر "
أحيي فيك روحك الرياضية << فيه ناس إلا بيطلّعوني مزعّلتك بالعافية ..

أجوبتي على أسئلتك :

لازم يتواجد في كل بيت : أكيد لاااااااازم
يستخدمه الخياط اكثر شي؟ يستخدمه الخيّاط .. بس مو أكثر شي ..
نستخدمه كل يوم ؟ أكيد كل يوم
نشوفه كل ساعة قدام عيونا؟ ممكن .. إذا بغيت ..
سعره غالي ولا رخيص؟ رخيص ..
يتواجد في المكتبات؟ أي مكتبات تقصد .. مكتبات البيع .. والا مكتبات القراءة ؟ عموما في كل الاثنين يتواجد
<< أبهبّل بك بس خخخخخخخخخ

يا الله بالتوفيق ،،
الليدي عمشاء
12-02-2006, 02:37 PM
صقر نجد :
وين أسئلتك ؟
تبي تسأل مثل الناس .. والا اطلع برااااااااااااااااااااااااااااااااااااااااا


استغفر الله والشكر .. ناس فاضية !!
الليدي عمشاء
12-02-2006, 02:46 PM
آخر المعلومات :

يستخدمه الرجال والنساء
يستخدمه الكبار ويستخدمه الصغار
له ألوان
حجمه صغير وكبير
ماله دخل بالإلكترونيات
يستخدم لحاله
نقدر نشيله
ممكن يستخدم في السيارة
ماله رائحة
ما يدخل فيه الكهرباء
تقريبا هو شكل واحد مع اختلافات بسيطة
لا هو مدوّر .. ولا هو مربّع
ما يعتبر وسيلة من وسائل الراحة
ممكن ناخذه معنا للبرّان
مايؤكل
ما يشرب
ما نحطه في جسمنا
نقدر نمسكه .. نسحبه .. نتركه مانحرّكه
يوجد عند خضراء اليمامة
يوجد في بيت صقر نجد
لازم يتواجد في كل بيت
يستخدمه الخياط
نستخدمه كل يوم
نشوفه كل ساعة قدام عيونا إذا بغينا
سعره رخيص


موفّئين ،،
صقر أشيقر
12-02-2006, 04:14 PM
والله العظيم أنك لحسة مخ



يا زين خضراء عندك إذا كانت هذى البدايه




الله وأعلم وشلون بعدين



وبعدين وش فيهم التماسيح من زينك



أنتى وخشتك حتى السحالى متبرين منك <===== ما يصلح نقول البنوتات



وبعدين جاوبى زي الناس وإلا رجعى العهده إلى صاحبها الأصلى



والله على كل ذى الأسئله ما أتوقع أن أحد بيعرفه



شكله ما فيه شى فى الصندوق



أنا أقول إن شاء الله



القلم



وإذا قلتى أنه صح أبعطيك كندر <==== يالله مين قدك



يالله لفى وجهك بس <===== سبه محترمه خخخخخخخخخخ
الليدي عمشاء
13-02-2006, 12:16 AM
هيه أنت يا الأخو ..
داخل موضوعي وتتهجّم علي بعد ؟
ومن تكون أنت عشان تهددني بإني أجاوب والا أرجّع العهدة لصاحبها الأصلي ؟
إذا كان موضوعك ذيك الساعة تعال تكلّم ..
فاهم ؟
وهالقلم اللي فرحان فيه دخّله في خشمك << آآآآآآآآآييييييييي تخيلته صدق وأوجعني ..
وللمعلومية .. لك فرصة ثانية بس مثل أم شوشة ..
إن عرفت كان بها .. والا برااااااااااااااااااا
ورشاويك ما تمشي علي ..
والرشاوي مشتغلة أجل هاه ؟
وأنا أقول وش خلاك تفوز في كل اللي في الصناديق اللي فاتت .. ألحين فهمت !!
خخخخخخخخخخ
يا الله .. ورّني عرض كتافك ..
ولا تجي مرّة ثانية تنافخ .. مفهوووووووووم ؟
خضراء اليمامة
13-02-2006, 12:30 AM
عميشوه ووجع ..

جعلك يا رب الحين تطيحين من الكرسي ..

لعنبو شيطانك وش فيك متسلطة علينا ..؟ :eggs:

وأنا المسالمة .. الطيبة .. بكل براءة أسّلمك الصندوق ..

عموماً .. لا تفرحين واجد ..

تراك تي تمسكينه هالمرة بس ..

يعني مجرد ما نعرف الإجابة بأمسكه أنا ..

يالله انقلعي .. :050103diz

إلا صح ما سألت .. :110103_za

تعالي ..

وش هالإجابات ..؟ :Whoa!:

تستهبلين أنتي ووجهك ..

أنا دارية .. الأسئلة اللي توضح الإجابة تلفين وتدورين عنها لين تتركينها .. << ترى لين يعني " لما " مو لين راسل ..

أسئلتي :


مصنوع من الحديد ..؟

مصنوع من البلاستيك ..؟

مصنوع من الورق ..؟

مصنوع من القماش ..؟

يستخدم في المطبخ ..؟

يستخدم في المكتب ..؟

يستخدم في غرفة النوم ..؟

يستخدم في الصالة ..؟



عموماً ..

أنا عندي إجابة ..

" الدفتر " ..

ويالله الحين انقلعي .. :Uhh.:

خربتي بريستيجس وخليتيني أعصّب .. :cow:
الليدي عمشاء
13-02-2006, 01:18 AM
يا الله هالعالم يا إنها قلق
ما عندها غير الهواش
صحيح عرب ما علينا شرهة

تدعين علي يا خضيروه ؟
هذي آخرتها ؟
وكل هذا عشان قرمبع موزّا في صندوقك القرمبعي
إيييييييييييييييه
الله يكفينا شر هالدنيا
اللي الصداقة صار ثمنها واطي لهالدرجة

خضيروه .. وجع يوجعك أنتي قولي آمين
وجعلك تطيحين من السطح .. مو من الكرسي

والصندوق بعد هالمرّة هو لك .. أنا اللي ماأبيه من زينه عاد ومن زين راعيته
أكثر ما كثّر الله أبو ريالين ياكثر الصناديق عندهم

نجي لأسئلتك اللي مدري وش تبي

مصنوع من الحديد ..؟ لا

مصنوع من البلاستيك ..؟ إيه

مصنوع من الورق ..؟ ممكن

مصنوع من القماش ..؟ ما أعتقد

يستخدم في المطبخ ..؟ إيه

يستخدم في المكتب ..؟ إيه

يستخدم في غرفة النوم ..؟ إيه

يستخدم في الصالة ..؟ إيه


وبالنسبة لإجابتك : بصراحة فاجأتيني ..
وشلون عرفتي الله يقطع شيطانك
آخر شي أتوقعه يصير تخمينك صح من غير ما أجاوب على أسئلتك
مبدعة بصراحة يا خضراء .. مارح أسمي عليك كود أنظلك
يا الله افرحي .. صندوقك ورجع لك ..
وش تبين بعد ؟
يا الله خذي صندوقك القرمبعي .. وطلّعي الدفتر منه ..
و


















ترى راحت عليك فرصة الحل .. باقي لك فرصة وحدة بس ..
إن خمّنتي غلط .. بتصيرين مثل الباقين بررررررررررررررررراااااااااااااااااااااااااا
وهالدفتر اللي تقولين .. حطي فيه محاضراتك .. أخبرك تدورين على دفتر تكتبينهم فيه


يا الله انقلعي ،،
يكفيني غــ ـرور
13-02-2006, 02:59 AM
توني ابزعرط واسوي عرس

(( كنت ما راح اعزمتس عليه ))

افا يا خضيرا

تحطينا تحت رحمه هالحيزبون

يله يا ليدي

له رجلين ؟؟

نقدر نشيله بيد وحده

يجيبونه في العزايم ؟؟

جاوبي لاصطرتس

يله طسي

ويا جعلنا ما ننحد لتس
انا اشيقري وافتخر
13-02-2006, 03:00 AM
مصنوع من القزاز؟
هو شي تافه يعني مهوب ذاك الاهمية؟
نشوفه قدامنا بس ما يشد انتباهنا؟
هو يستخدم في الكمبيوتر؟
هو اذا انكسر ما ينتصلح يعني مصيره الزبالة؟
اقول هو كيسة تخشخش لونها ازرق
صقر نجد
13-02-2006, 07:35 AM
أنا أناشد خضراء اليمامة بأيقاف المدعوه الليدي عمشاء عند حدها وأستلام اللعبه من جديد

عميشه مع احترامي : بصراحة أجوبتك لحست مخي :D

بشارك معكم بعد ماتحلون هذا لكن حاليا ماظنيت خخخخ
الليدي عمشاء
13-02-2006, 05:59 PM
ععععععععررررررررررررررس ؟
ويا أم الشوشة تهنّيتي .. طمبق طمبق ..
وعلى الليدي عمشا ما ونّيتي .. طمبق طمبق ..
ورا ورا ور

طلّعتي زيراني الله يرجك يوم جبتي طاري العرس ..

الحيزبون أنا يا أم شوشة ؟

صدق من سمّاك أم شوشة .. يا أم الشوشة ؟ >> الثانية سبّة ترى ..

له رجلين ؟ الحمد لله والشكر ..
وش رجلينه ذي ؟
ماعنده رجلين ولا يدين .. خلاص ؟

نقدر نشيله بيد وحدة ؟ إيه نقدر ..

يجيبونه في العزايم ؟؟ لا هو يا خزياه !!
هو عند الناس اللي عازمينكم .. بس ما تجيبينه

هذي أجوبتي عشان ما تصطريني ..
واقلبي خشّتك وشوشتك هاللي واصلتن مروحة غرفة قسم الصرقعة ..
الليدي عمشاء
13-02-2006, 08:59 PM
أخوي " أنا أشيقري وأفتخر "
ما شاء الله عليك .. طالب نجيب ..

إجاباتي على أسئلتك :

مصنوع من القزاز؟ لا
هو شي تافه يعني مهوب ذاك الاهمية ؟
تافه .. بس له أهمية وأهمية كبيرة بعد
نشوفه قدامنا بس ما يشد انتباهنا؟ إيه
هو يستخدم في الكمبيوتر؟ لا
هو إذا انكسر ما يتصلّح يعني مصيره الزبالة؟
انكسر ماتناسب له .. لكن إذا تلف ـ بشكل عام ـ مصيره الزبالة
أقول هو كيسة تخشخش لونها ازرق
هههههههههههه ياحليلك أنت وهالخشخشة ؟ وش كيسته هاللي تخشخش وزرقاء بعد ؟
أبمشّيها لك هالمرّة ومارح أحسبها إجابة مثل الباقين ..
الإجابة شي واضح .. مو مبهم ..
حاول تركز زين .. وتجاوب بتحديد اسم الشي اللي في الصندوق ،،

يسلموووووووووو على هالمتابعة الرائعة .. وعقبال ماتعرف الحل
الليدي عمشاء
13-02-2006, 09:18 PM
صقير نجد ..
ألحين أنت تناشد خضراء اليمامة بإيقافي عند حدّي واستلام اللعبة من جديد
عشاني كشفت للعالم إنك غبي ؟
هو صحيح إنها صدمة لك
وإنك تعاني من صراع المخ مع المخيخ لإيجاد نتيجة فعّالة لما في الصندوق
وهذا يفسّر هروبك من النقاش معي لحين استلام خضراء لدفّة الموضوع

عموما .. ترى فيه أمل في حالتك هذي ..
يقولون تشرب لك على فكوك الريق كاس موية دافية تذوّب فيها شووووووي حلبة .. شوي لا تكثر همّن تفضحنا في المنتدى بريحتك ..
جرّب هالوصفة .. وارجع للموضوع ..
إن مالقيت الحل .. ما أكون الليدي ..

شفت وش حليلي .. تسبّني وأنا أقدّم لك المساعدة ..
وووه بس أنا ما أدري حال هالمنتدى وأنا منيب فيه ،،
يكفيني غــ ـرور
14-02-2006, 11:34 AM
الليدي

طفح الكيل ووصلت الروح الحناجر

اضرموا النار واشعلوا النار << يعنني غيرت

لقد ان اوان الرحيل وابت نفوسنا الاستمرار

هلموا ايا ابطال الحرب

واعلنوها مجرده من كل احساس

عميش

انا استسلمت
الليدي عمشاء
14-02-2006, 03:30 PM
أنا وش دخلني يا أم الشوشة يومك تضرمين وتشعلين النار ؟ << عشان ماتتفشلين بالمعنى !!

وأنا اللي صرت الحين مجردة من كل إحساس وأنتم كل واحدن يدخل الموضوع يهزّئ فيني ويطلع ومع ذلك لاشكيت ولابكيت !!

وش ذنبي أنا إذا صرتوا أغبياء ..

عموما أحسن ما في السالفة إنك استسلمتي .. وعقبال الباقين إن شاء الله ..

يا الله روحي لاعاد أشوفك إلا إذا طلع الحل .. وأنا واثقة في أخوك في التعبير بإنه قدها ،،


آخر المعلومات :

يستخدمه الرجال والنساء
يستخدمه الكبار ويستخدمه الصغار
له ألوان
حجمه صغير وكبير
ماله دخل بالإلكترونيات
يستخدم لحاله
نقدر نشيله
ممكن يستخدم في السيارة
ماله رائحة
ما يدخل فيه الكهرباء
تقريبا هو شكل واحد مع اختلافات بسيطة
لا هو مدوّر .. ولا هو مربّع
ما يعتبر وسيلة من وسائل الراحة
ممكن ناخذه معنا للبرّان
مايؤكل
ما يشرب
ما نحطه في جسمنا
نقدر نمسكه .. نسحبه .. نتركه مانحرّكه
يوجد عند خضراء اليمامة
يوجد في بيت صقر نجد
لازم يتواجد في كل بيت
يستخدمه الخياط
نستخدمه كل يوم
نشوفه كل ساعة قدام عيونا إذا بغينا
سعره رخيص
ماعنده رجلين ولا يدين
نقدر نشيله بيد وحدة
هو عند الناس اللي عازمينكم .. بس ما تجيبونه
ليس مصنوع من الزجاج
شيء تافه ولكنه مهم
نشوفه قدامنا بس ما يشد انتباهنا
لا يستخدم في الكمبيوتر
إذا تلف مصيره الزبالة

بانتظار ردودكم إلا أم شويشة ،،
صقر أشيقر
14-02-2006, 04:54 PM
الليدى عمشاء



لاتزعلين منا ترى القصد كلها سعه صدر



وأى واحد يغلط عليك ما عليك أشرى بس عليه :36_22_23[ وينه بس



وما لك إلا طيبت الخاطر .



وبعدين يا شباب ويا شابات هدو الموضوع شوى



كلكم شابين فى الليدى عمشاء هانم



<===== مين قدك يا http://www.ushiqer.com/vb/images/smilies/050104_emM15_prv.gif



وترى المثل يقول من سبك حبك



أنا أقول إجابتى هى :



علبه المنديل أو المنديل نفسه ( المحارم )



وترى هذا أول مره يطول شى فى الصندوق



يعنى تساهلى معنا شوى



عشان ما أحد يمل من اللعبه
الليدي عمشاء
14-02-2006, 08:20 PM
ياناس شوفوا الذوق

الله مير يسلّمك يا صقر وشيقر << لاحظ ماقلت صقير يعني راضين أبشّرك

ووالله وأنا أختك ودّي أقول إن إجابتك صح
بس للأسف غلط << بالله عليك قد مرة صرت حليوة مثل كذا ؟ خخخخخخخخخخخخخ

وعلى التساهل تراني ما قصّرت .. أرد على الأسئلة بوضوح
صحيح إني استهبلت شوي مع خضراء اليمامة بس كنت أبهبّل بها مو قصدي أعقّدكم ..

عموما أخوي .. أنتم اسألوا .. وكثّروا أسئلة .. وأنا أبرد بأبسط ما يكون ..
وجرّبوا ،،
يكفيني غــ ـرور
15-02-2006, 04:16 AM
يا حليلك يا عميش

تعرفين تزعلين

مالك الا من يطب بيتكم الحين ويراضيتس ويحب راسك ويتفنجل معتس

كم ليدي عندنا .. بس انا ووحده

يله لا تطسي
ملاك
15-02-2006, 05:23 AM
مرحباً عمشا

رح ادخل في الأسئلة مباشرة وعاد الله الله بالتوضيح اللي يبرد الكبد

هو ضروري في المطبخ؟ يعني مكانه المطبخ

شكله مجسم==>>>>مكعب...مخروط....أسطواني....إلخ

يباع في البقالة؟

غالباً يتلف من أول استعمال ولا يستعمل كم مرة؟
خضراء اليمامة
16-02-2006, 06:01 AM
أنا أقول إن ملاك هي اللي بتحله ..

وقولوا ما قالته خضراء اليمامة ..

عموماً ..

لي رجعة بعد رد ملاك ..

ويالله كلكم اجلسوا إلا عمشاء ..

انقلعي وبقووووووة ..

خضراء اليمامة ..
صقر نجد
16-02-2006, 08:20 AM
دلة قهوة ؟؟


ترمس شاهي ؟؟
ملاك
17-02-2006, 05:37 AM
خضرووووووووووووووه===>> بديت أمون

قولي ماشا الله

شكل عميشا ماتت

عيت ترد على أسئلتي

وانا الإجابة تتدودل في براطمي

وحضرتك ياأستاذ صقر ماصدقت خبر

خضيرا تمزح والصندوق انفتح وطلٌعنا الي جواه

وماعاد فيه منتدى رح نم أحسن...


عموماً ياعمشوه

ياويلك وياسواد ليلك ان حله احد غيري......



مــــــلاك
يكفيني غــ ـرور
17-02-2006, 06:49 AM
يا جعلني اجاوب

مو عشان افوز


لااااااااااا

عشان توريك ملاكوه الشغل << وانا بعد بديت امون
صقر نجد
17-02-2006, 07:17 AM
ماتقدرون تتصورون سعادتي وأنا أحتفل بإنجازاتي المتتالية وهي بالترتيب كالتالي :

* قهر الليدي

* قهر ملاك

* قهر أم شوشة

من ضمن خططي المستقبلية لقهركم :

* التسبب بجلطة دماغية لليدي

* التسبب بأنتحار ملاك

* حرق الأستشوار عشان تبلش أم شوشة ولاتلقى شيء يستر على شوشتها

:D

س ل ا م
الليدي عمشاء
17-02-2006, 11:37 PM
أم شوشة تراني من أدخل هالموضوع وأنا :s19:





بس خلاص من راضيتيني وأنا أحاول أسكت :s16:





خلاص خلاص مافيني شي :s49:





ويا الله عشانك أببتسم لا يضيق صدرك هه : :t (84):





تسلمين الليدي أم شوشة على مشاعرك الجميلة


وتراني صرت أحبك عشانك حليوه :s25:
يا الله لا تنقلعين ،،
الليدي عمشاء
18-02-2006, 12:09 AM
أهلين ملوكة ..
أسئلتك حلوة ..
ضروري جدا في المطبخ .. بس مو مكانه لحاله المطبخ
شكله مجسّم ولا هو مجسّم .. صعب الشرح
مجسّّم بس مو ثابت التجسيم .. عاد افهميها على كيفك خخخخخخخخ
لا مكعّب ولا مخروط .. ولا أسطواني .. مدري وشلون شكله بس أهم شي إنه مفرّغ وبس
إيه يباع في البقّالة
و يتلف من أول استعمال ولا يستعمل كم مرة
يا الله تراك قرّبتي من الحل شدّي حيلك ..
الليدي عمشاء
18-02-2006, 12:17 AM
خضرووووووووووووه

على بااااااااااااااااااااااااااااالك ؟

الله لا يضرّك على هالذكاء ..

وأكيد ارجعي عشان تقولين الحقيقة للناس وتكشفين لهم إن ذكائك غش تجاري ..

أقول انقلعي هناك ،،
الليدي عمشاء
18-02-2006, 12:26 AM
دلة قهوة ؟؟

ترمس شاهي ؟؟

شكل راسك صاكك يا صقر نجد ؟

رح اشرب واحدن منهم وفكّنا من دخلاتك .. لأن فرصتك في الإجابة انتهت ..

يا الله أشوف وجهك بخير في صندوق خضيروه ..
ملاك
18-02-2006, 01:38 AM
عمووووووووووشة قلبي
أبشّرك عرفت إلا شوي
تكفين حتّى إذا كانت الإجابة خطأ قولي صح بس عشان أكيد العذّال

الإجابة :

كـ يـ س ا لــ ز بــ ــا لــ ــة

وأنتم يا سادة أم شوشة وصقير زي مايسمّونك النواعم
الله لا يسلّطنا ولا يسلط علينا
وش عندكم شبّيتوا فيني
على الأقل احترموني عشاني جديدة
وبعدين جعلي أنا اللي أقهرك وتنتحر يا صقير
وأنتي يا أم شوشة فال الله ولا فالك
تنتقمين من خضراء بالدعاء علي ؟
إلا جعلي أنا اللي أحلّه أقهركم كلّكم




مــــــــلاك
الليدي عمشاء
18-02-2006, 02:16 AM
:s10: :s10: :s10: :s10: :s10: :s10: :s10:

:s66: :s66: :s66: :s66:

طمبق طمبق طمبق طمبق

ومباركين عرس الاثنين ليلة ربيعن وقمره

واللي جمع بين قلبين الله يطووول بعمره

:t (7): :t (7): :t (7):

هلا هلا هلا هلا

عااااااااااااااااااااااااشششششششششششششوا

وووووووووه أخيرا .. ما بغى أحد يحلّه

جتني الغلقة من هالصندوق واللي فيه

الله يعظّم أجرتس يا خضيروه

ياهو تعب بأعصابي

وخصوصا إن أعدائي كثروا إلا أم شوشة صارت وش حليلها

هي وصقر وشيقر الله مير يسلمه

صح صح صح

الإجابة :

كيس الزبالة

خضيروه راحت عليك

صقيروه القهر رجع لك أنت وأنا اختك

أم شويشة ما عاد ينفع تقهرين خضيروه .. بس قهرتها أنا ولا يضيق خلقك

ملووووووووكة إنتي كذا .. براااااااااافو عليك ..

ما شمّت فيك الأعداء

إجابتك مية المية

فرحت لك من كل ألبي

الباقين ..

وعلى هذا المنبر .. أشكركم على متابعتكم ..

واعطي المايك للمدعوة خضراء اليمامة لمواصلة المشوار

ووووووووووه فكّة منكم ومن حنّتكم

انقلعوووووووووووووا ،،
يكفيني غــ ـرور
18-02-2006, 02:21 AM
ههههههههههههه

حتى ايميلي متضامن معي

ما دري الا وهو دازلي رساله

يقولي طلعي برع

ملاكوه حالتاه << قاعده اتصفح موقع عماني

عمش يا مال النمش

يوم ان اخوي يقول كيس يخشخش

ورا ما قلتيله قربت

لا وعليك اجوبه

بس من جد استانسنا معك

ويا ليت الصندوق وياك دوم >> لاتصدقين
انا اشيقري وافتخر
18-02-2006, 05:28 AM
عمشوووووووووووووووووووووووووووووووووووووووهhttp://www.3z.cc/sml/33/156cc517af78d689db0321b2233c4228.gif (http://www.3z.cc/sml)
اقول تعالي تعالي هنا<<<<<< ناوي يتطاق http://www.3z.cc/sml/13/3ffe8168e7fedd3f3197fcb02e97778a.gif (http://www.3z.cc/sml)
يوم اني اقولك كيستن زرقاء تخشخش وش تفرق عن كيسة الزبالة ترى فيه اكياس زبايل لونها ازرق
وبعدين تعالي ما بعد خلصت كلامي يوم انك تقولين هو مصنوع من الورق ردن على سؤال خضراء مدري وشلون تجي ذي .
انا خلاص ابنفجر http://www.3z.cc/sml/18/029.gif (http://www.3z.cc/sml)
واخيراً اقول كما تقول اختي ام شوشة بله طسي
ملاحظة الرجاء عند الرد اضافة تاء التانيث وقول اختي بدل اخي
لاني اناhttp://www.3z.cc/sml/4/039.gif (http://www.3z.cc/sml)موhttp://www.3z.cc/sml/1/07.gif (http://www.3z.cc/sml)
بس تصدقين هشو انك مقلتي صح عاد اتوهق بها الصندوق وش احط فيهhttp://www.3z.cc/sml/8/65feefa3889db737a61bf9b60a9de7a4.gif (http://www.3z.cc/sml)
صقر نجد
18-02-2006, 06:32 AM
:Uhh.:

:to-sulk:

:110103_bo
الليدي عمشاء
18-02-2006, 02:20 PM
أم شويشة
الظاهر إن أبو طبيع ما يغيّر طبعه
الخشونة والعربجة لازقة فيك لزق
ومافيه أمل تصيرين حليوة على طول
وأخوك على قولك اقري ردي له عشان تعرفين الحقيقة كاملة
<< اخس يا مقتل الحريري


يا الله انقلعي يا أم الشوشة ،،
الليدي عمشاء
18-02-2006, 02:58 PM
ارفق علي يا أخ " أنا أشيقري وأفتخر " << ترى أخ ذي قبل لا أشوف باقي الرد خخخخخخخخ

أنا أقول كل واحدن منّا يصلّح سيّارته .. والا ننتظر المرور

يومك تقول كيستن تخشخش الأكياس كثيرة وأنا أختك

منها كيس الزبالة << وهذي رفيقتنا

ومنها كيس اللحم << اللي نوزّع بها الأضاحي للناس يوم العيد

ومنها كيس اللحم << وهذي غير اللي فوق .. والمقصود هنا هي اللي نقطع فيها اللحم قطع صغيرة عشان تحفظ في الفريزر ..

ومنها أكياس الصامولي << وهذي نستخدمها بعد ما نفرّغ الصامولي لأغراض أخرى مثل نحط فيها ساندويش المدرسة ، ومنها نحط بقايا الفصفص ... وأشياء كثيرة لا مجال لحصرها هنا ..

ومنها أيضا أكياس السوق << وهذي يا كثرها كثراه .. وتستخدم كشنط إضافية لوضع الخلاقين والأغراض المنزلية التي لا تتسع الشنط لها .. وتأتي كحل سريع وعاجل للظروف العويصة ..

ومنها أكياس الهدايا << وهذي حسافة فيها ورود ودببة وشغلات تتحسّفين تحطين فيها أي شي .. وتبقى للذكرى ..

شفتي وشلون وش كثر الأكياس ..

واللي أبوصل له وأنا اختك .. إنك حددتي كيسة تخشخش ولونها أزرق ..

ولو رجعتي لطريقة سؤالك قبل لا تقولين الكيس اللي يخشخش كان :

" هو اذا انكسر ما ينتصلح يعني مصيره الزبالة؟ "

يعني حددتي إن هالشي مصيره للزبالة .. ولا جبتي طاري إن الكيس هو كيس زبالة

ومو معنى إنك قلتي كيس يعني يصير صح .. لا .. فيه فرق ..

وخصوصا لما تقارنين المعلومات الأخيرة بكيس الزبالة .. أو بأي كيس .. تلاقين إن المعلومات تنطبق أكثر على كيس الزبالة .. وبس ..

وعلى إنه مصنوع من الورق .. فيه والله وأنا اختك أكياس الزبالة البسيطة والصغيرة واللي غالبا ما تحط في السيارات هذي مصنوعة من الورق وأقصد به الورق الثقيل مو الورق الخفيف << عندنا هالورق .. تبين منه حاضرة ..


وعلى اللي في الصندوق .. أبد لا تشيلين همّه اللي بيحط شي في الصندوق صاحبة الموضوع خضيروه

بس تصدقين والله فكرة حلوة اللي يعرف الحل هو اللي يحط شي في الصندوق .. وش رايك خضروه ؟

منها عشان ترتاحين .. ومنها عشان تتنوع الطريقة .. ومنها عشان تنبسطين في الموضوع وتتفاعلين مثلنا ..

عموما الموضوع موضوعك وأنتي حرة .. بس لو حصل وصار أوكي .. اشرطي على اللي بتحطه إنها تدخل على الموضوع كل يوم عشان ما يخيس .. والا أنتي تتولّينه << مجرد رأي !!



عموما أختي " أنا أشيقري وأفتخر "

أول شي شوفي لك صرفة مع أسمك وغيريه لـ " أنا أشيقرية وأفتخر "
والا غيريه من الأساس لإسم بنوتي من كلمة وحدة ترى حامت كبدي منك أنتي وأختك

وثاني شي ما أنكر إنك طرف الخيط للوصول للحل .. وتفكيرك كان رائع وفي محله ..

وثالث شي .. أبصير أحسن منك ولا رح أقول لك طسّي

بس بقول :

يعطيك ألف ألف ألف عافية .. وأسعدني والله مشاركتك وحماسك ..

وإن شاء الله إن شاء الله إن شاء الله لأرسل لك باونتي .. ولا هو لعب مثل حركات خضيروه .. لا جد ..

و تحرّيه منّي في القريب العاجل ..

يسلمووووووووووووو للكل

وسامحوني واعذروني على تهبيلي بكم ،، << الحلقة الأخيرة صرت حليوة خخخخخخخخ

وإلى اللقاااااااااااااااااااااااااااء
صقر أشيقر
18-02-2006, 06:37 PM
:36_1_25[1:36_1_25[1:36_1_25[1



بسم الله علينا الرحمن الرحيم خضراء أنتى ساحره :36_6_6[1]



وش دراك أن ملاك هى اللى بتحله .




ألف ألف مبــــــــــــــــــــروك يا مـــــــــــــــــــــلاك :mouse:



والله أنك تستاهلين وأنا أخوك من :s23:



وبعدين أنتى يـ أم شوشه ويـ أنا أشيقرى وأفتخر



مو أنكم ما عرفتو تحلون الأجابه تحطون الحره فى الليدى عمشاء



وبعدين أنتى يـ أم شوشه ما لك دخل فى السالفه



السالفه كلها عند أنا أشيقرى وأفتخر



يعنى أطلعى برى الموضوع لو سمحتى ترى الليدى أختى



وما أرضى عليها واللى يرشها بالماء أرشه بالدم :36_6_10[1




الليدى ما تبى تعطى أنا أشيقرى وأفتخر الهديه




كيفها هديتها وهى حره فيها :36_6_3[1] <===== ترى الدعوه مزح




يالله بسرعه أنا أستنا الصندوووووق بفارغ الصبر
الليدي عمشاء
18-02-2006, 08:31 PM
وينك يا صقر وشيقر ؟
خلّيت أختك عند هالوحوش لحالها ؟
عموما .. تراني قبلت أخوّتك .. ومن اليوم وطالع تراني أختك .. وأنت أخوي
وما نرضى لأي أحد يغلط علينا << كننا بزران خخخخخخخ

وبالنسبة لخضورة لا هي ساحرة ولا شي .. خلّها تجي وتقول لك وش السالفة ..

تسلم والله .. وأنا معك بانتظار الصندوق واللي فيه ..
اخلصي علينا يا خضروه أنا وأخوي ننتظرك
<< إلا بتجيب سالفة هالأخو باللي هي به خخخخخخخخخ
ملاك
19-02-2006, 03:50 AM
ألف الصلاة والسلام عليك ياحبيب الله محمد

كلللللللللللللووووووش



آآآآآآآآآآآآآآآآآآآوييييييييييييهاااا

وحلٌيته وكدت العذال


آآآآآآآآآآآآآآآآآآويييييييييييييهااااا

وبدل ما يقهروني قهرتهم


آآآآآآآآآآآآآآآآآآوييييييييييييهاااا

وصلووووووو علىىىىىىىىىىىىىىىى محممممممممممد

خزييييييييت العييييين


ومدري وش الباقي

وهييييييييييه




ويله كل واحد ووحده يعترفوووون بالهزيمه ويباركولي
صقر نجد
19-02-2006, 06:17 AM
:36_11_18[

ألف مبروك ومن جد تستأهلين
صقر أشيقر
20-02-2006, 01:51 AM
السلام عليكم ورحمة الله وبركاته



هلا والله بوخيتى عموشه <===== بدا يدلعها مسوى يمون



والله أنى أفتخر بهذى الأخوه طال عمرك



وهذا شرف كبير لى أن وحده مثلك تكون أختى



بس مو تتحرشين فى العالم وأنا اللى أتوهق معهم



تبينهم يذبحونى .




خضراء بسرعه ترانى مليت يدى تحكنى ودى أحل



من زمان ما حليت شى .



ملاحظة :- ليه ما تحطين نقاط مثل أخوى قبون



عشان يعرف الواحد وش اللى له واللى عليه



وعشان أحسب كم باونتى لى عندك وإلا بتاكلين حقى



ترى أنا ما أرضى لك وعشان أزكى عنها هى كملت سنه بس .



أنا ودى أعرف وش تحطين فى ذا الصندوق لو تحطين



سياره كان دخلت .
صقر نجد
20-02-2006, 01:07 PM
أنا أقول خلونا كذا غامضين بدون نتائج

استرو علينا حنا يالضعيفين :(
خضراء اليمامة
23-02-2006, 03:46 PM
يا قووووووووووم ..

إني أناشدكم ..

ترى ملاك أخت عمشاء من أمها وأبوها ..

هالشي ما يخليكم تشكون في الموضوع ..؟

أه أه آآآآآآي .. << هذي ضحكة جديدة ..

حاولوا تطلعونها بصوتكم .. والله حلوة وتبرد القلب ..

احم احم .. عدنا للمناشدة ..

أنا بتصير عندي روح رياضية .. وباقول لك يا ملاك :














انـطمـــــي يالـدوبيـــة ..





المهم ..

وش رايكم في الفكرة الجديدة ..؟

إذا تبون إن اللي عرف اللي في الصندوق يمسكه ما عندي مانع ..

إلا بالعكس عشان تتنوع الشخصية ..

وأنا أنتظر رأيكم .. بس هالمرة الصندوق علي .. وبعدها على راحتكم ..

وعلى النقاط ..

أبشر يا صقر أشيقر ..

خن نشوف من أكثر من حل .. << لا تفوتكم خن ..

يعطيكم العافية ..

عموماً ..

رجعت لكم من جديد .. وهذي يبي لها سجود شكر http://vb.arablocale.net/smile/images/111.gif من بعد اللي هبلت فيكم عميشاء .. http://vb.arablocale.net/smile/images/056.gif

ويالله اقلبوا وجيهكم .. http://vb.arablocale.net/smile/images/132.gif

<< مو كذا .. كذا .. http://vb.arablocale.net/smile/images/045.gif

خلاص .. خلاص .. غمضوا عيونكم .. http://vb.arablocale.net/smile/images/138.gif

يالله يالدوبيين .. تراني حطيته ..

وبالتوفييييق ..

خضراء اليمامة ..
الليدي عمشاء
25-02-2006, 10:46 AM
بصراحة ..

أررررررررررررررررررررررررحمك

مسيكيييييييييييييييييييييييييينة

يا الله .. فضحتيني .. أنا وين أودّي وجهي بين الناس

إهيء إهيء إهيء إهيء إهيء

وااااااااااااااااااااااااااااااااااااااااااااااااا ااااااااااااااااااااااااااااااء

ليه تقولين إن ملاك أختي ؟

صراحة فشلتيني !!




هيه يا خضيروه ..

أنا أتشرّف إن وحدة مثل ملاك تصير أختي ..




يا الله انقلعي .. ومير عناد لك مارح أسألك شي ..

والله يعظم أجرهم هم اللي رجعتي لهم ،،
صقر نجد
26-02-2006, 08:47 AM
<< وصل أبو شرين :D


المفروض نشنق الليدي وملاك ؟؟ الغش حرام ولا مايدرون ؟؟ وش الكلام هذا ؟؟

خلاص خلاص أنا بطلت ..

وأنا أوريك ياملاك جالسه تغششك الليدي ومافضحتيها ..

اللحين نجي لخضراء

أقتراح حلو .. بس الله يستر لاتفوز الليدي مره ثانيه خخخخخ

أنا ماعندي مانع


نجي للأسئله :

1- كم عمرك <<< ياثور مو هي :D

قصدي .. يستخدمه الجنسين ؟

يؤكل ؟

هل هو أداءة للطبخ ؟


وبس خلاص :)
الليدي عمشاء
26-02-2006, 02:15 PM
صقر نجد ..

ورب الكعبة ما غشيت ولا غششت ..

أنا أكبر من إني أسوي هالشي ..

ولو الود ودي كان فوزت " أنا أشيقري وأفتخر " لأنها تستاهل من كثر ماهي متحمسة ومتابعة ..





لكن .. الظلم ظلمات يوم القيامة .. وإذا بيستمر أحد يخونّي فالله لا يسامحه .. وبس ،،

<< قلبت جد .. إلا الظلم يا أخواني حراااااااااااااام





خضيروه ..

له استخدام محدد .. يعني في مجال واحد بس ..

يستخدم للخياطة ؟

يوضع في السيارة ؟

يستخدم داخل المنزل وخارجه ؟

له أسلاك ؟

له أحجار ؟

حجمه صغير والا كبير ؟

يستخدمه الجنسين ؟

خطر الاستخدام ؟

للتسلية ؟

مهم وجوده في كل بيت ؟

مصنوع من القماش ؟

من الحديد ؟

من البلاستيك ؟

من الورق ؟

من المطاط ؟ << حددت عشان ما تردينها لي .. خخخخخخخخخخخ حاسبة لك حساب لا تخافين !!

كيانه واحد والا مكون من أجزاء ؟

ثقيل الوزن ؟



خلاص عاد استحيت من هاللي ينتظرون سرا وراي ..

أنتظر ردك ،،
صقر نجد
27-02-2006, 09:59 AM
محشومه يالليدي كنت عم امزح :)

حشا وش ذا الأسئله :D
خضراء اليمامة
27-02-2006, 08:57 PM
عميشاء ..

لا تكفبن اسألي ..

وهذا أنتي جيتي بعد صقر وسألتي ..

سبحان الله ما تستغنين عني ..

يالله انقلعي ..





هلا والله بصقر ..

خلاص أجل تثبت الاقترح .

ولازم ندعي ربنا إن عميشاء ما تفوز ..

نجي لأسئلتك ..

عمري ..؟

واخزيااااااه .. بس توني داخلة الحدعش ..

:)

يستخدمه الجنسين ..

ما يؤكل ..

ومو أداة طبخ ..

يعطيك العافية ..




عميشاء ..

وش تبين ..؟

باجاوبك بس عشان سياسة اللعبة ..

يستخدم في مجال واحد ..

ما يستخدم للخياطة ..

ما يوضع في السيارة .. بس ممكن يتواجد فيها ..

مو شي غريب إذا شفناه برا البيت أو جواه ..

ما له أسلاك ..

ما له أحجار ..

حجمه صغير ..

سؤال مكرر ..

مو خطر ..

مو للتسلية ..

مهم وجوده في كل بيت ..

مو مصنوع من القماش ..

مو من الحديد ..

مو من البلاستيك ..

مو من الورق ..

مو من المطاط ..

" كيانه واحد والا مكون من أجزاء ..؟ "

<< عليك سؤال بعد ..؟

مو ثقيل الوزن ..

يالله انقلعي ..



صقر نجد ..

شفت عاد ..؟





المعلومات اللي وصلنا لها :

يستخدمه الجنسين ..

ما يؤكل ..

ومو أداة طبخ ..

يستخدم في مجال واحد ..

ما يستخدم للخياطة ..

ما يوضع في السيارة .. بس ممكن يتواجد فيها ..

مو شي غريب إذا شفناه برا البيت أو جواه ..

ما له أسلاك ..

ما له أحجار ..

حجمه صغير ..

مو خطر ..

مو للتسلية ..

مهم وجوده في كل بيت ..

مو مصنوع من القماش ..

مو من الحديد ..

مو من البلاستيك ..

مو من الورق ..

مو من المطاط ..

مو ثقيل الوزن ..

بانتظاركم ..

خضراء اليمامة ..
ابن عبداللطيف
05-03-2006, 01:35 AM
يؤيؤيؤ


جا دوري وانا ماعرفته


بس انا اول اشارك واتمنى اني مااظهر كل ابداعاتي عندكم لان الاهل محتاجين شوي منها


المهم بلا حتسي فاضي


سؤالي

وش هالشي ؟

قصدي

يستخدمونه الكبار ولا الصغار ؟ ؟


وش بعد

نلبسه ؟

يجي منه الوان ؟ ؟


من اكثر استخدام له الحريم ولا الرجال ؟ ؟


وسلامتكم


سلملم
خضراء اليمامة
08-03-2006, 02:14 AM
السلاااااااااااام عليكم ..

هلا والله أخوي ابن عبد اللطيف ..

أجوبتي على أسئلتك يالمفهي : http://vb.arablocale.net/smile/images/469.gif

وش هالشي ..؟

شي من الأشياء ..

يستخدمه الكبار والصغار .. بس الأغلب الكبار ..

ما نلبسه ..

لونه واحد تقريباً ..

النساء أكثر استخدام .. << هذا الظاهر ..

يعطيك العافية ..

وبانتظار عودتك ..



المعلومات اللي وصلنا لها :

يستخدمه الجنسين ..

ما يؤكل ..

ومو أداة طبخ ..

يستخدم في مجال واحد ..

ما يستخدم للخياطة ..

ما يوضع في السيارة .. بس ممكن يتواجد فيها ..

مو شي غريب إذا شفناه برا البيت أو جواه ..

ما له أسلاك ..

ما له أحجار ..

حجمه صغير ..

مو خطر ..

مو للتسلية ..

مهم وجوده في كل بيت ..

مو مصنوع من القماش ..

مو من الحديد ..

مو من البلاستيك ..

مو من الورق ..

مو من المطاط ..

مو ثقيل الوزن ..

يستخدمه الكبار والصغار .. بس الأغلب الكبار ..

ما نلبسه ..

لونه واحد تقريباً ..

النساء أكثر استخدام ..

خضراء اليمامة ..
ابن عبداللطيف
21-03-2006, 01:26 AM
هاه عرفتوا هالشيء ولا لا


وراكم سكتوا ماعاد تسئلون


شكلكم عرفتوه ولا تبون تعلموني


قولولي ترى مااعلم احد



سلملم
صقر نجد
21-03-2006, 03:34 AM
المناديل ؟؟
خضراء اليمامة
22-03-2006, 02:40 AM
السلام عليكم ورحمة الله وبركاته ..

هلا والله أخواني ..

ابن عبد اللطيف ..

لسا ما عرفوه ..

أنت عرفته ..؟

يالله حاول وارجع لي .. http://vb.arablocale.net/smile/images/916.gif (http://www.arablocale.net/)

يعطيك العافية ..




صقر نجد ..

للأسف ..

مو المناديل ..

حاول مرة أخرى ..

وشكرن ..

طِن طَن طُن .. http://vb.arablocale.net/smile/images/930.gif (http://www.arablocale.net/)



المعلومات اللي وصلنا لها :

يستخدمه الجنسين ..

ما يؤكل ..

ومو أداة طبخ ..

يستخدم في مجال واحد ..

ما يستخدم للخياطة ..

ما يوضع في السيارة .. بس ممكن يتواجد فيها ..

<< ترى هوّنت يوجد في السيارة ..

مو شي غريب إذا شفناه برا البيت أو جواه ..

ما له أسلاك ..

ما له أحجار ..

حجمه صغير .. << وفيه أحجام كبيرة .. بس السائد صغير ..

مو خطر ..

مو للتسلية ..

مهم وجوده في كل بيت ..

مو مصنوع من القماش ..

مو من الحديد ..

مو من البلاستيك ..

مو من الورق ..

مو من المطاط ..

مو ثقيل الوزن ..

يستخدمه الكبار والصغار .. بس الأغلب الكبار ..

ما نلبسه ..

لونه واحد تقريباً ..

النساء أكثر استخدام ..

يعطيكم العافية ..


خضراء اليمامة .. http://vb.arablocale.net/smile/images/918.gif (http://www.arablocale.net/)
صقر أشيقر
22-03-2006, 08:27 PM
السلام عليكم ورحمة الله وبركاته



العطر



إذا كان جوابى خطاء


1 - يدخل فى الكهرباء ؟


2 - يدخل فيه الألكترونيات ؟

3 - أساسى فى حياتنا اليومية أو كمالى ؟

4 - من كم شى يتكون ؟

5 - من كم حرف يتكون ؟


راجع لكم وبقوه :fun:
ابن عبداللطيف
06-06-2006, 06:38 PM
هاه يا خضراء نسيتي المسابقه


سلملم
خضراء اليمامة
11-06-2006, 07:27 AM
وعليكم السلام ورحمة الله وبركاته ..

<< رد على صقر أشيقر ..

والله لك فقدة يالدوبي .. وأدري ردك هذا قديييييم .. http://www.3rbe.com/smiles/data/15/3rbe.com_024.gif (http://www.3rbe.com)

بس تدري .. نسيت الإجابة .. http://www.3rbe.com/smiles/data/15/3rbe.com_022.gif (http://www.3rbe.com)

يعني بصراحة ما أدري وش هي .. لأنها في جهازي الأول .. http://www.3rbe.com/smiles/data/15/3rbe.com_025.gif (http://www.3rbe.com)

بس إذا جبته قلت لكم .. http://www.3rbe.com/smiles/data/15/3rbe.com_029.gif (http://www.3rbe.com)

يعطيك العافية ..





ابن عبد اللطيف ..

شكلك متحمس للمسابقات ..؟!! http://www.3rbe.com/smiles/data/15/3rbe.com_027.gif (http://www.3rbe.com)

وشكلك بعد من متابعين " مواهب وأفكار " .. http://www.3rbe.com/smiles/data/15/3rbe.com_008.gif (http://www.3rbe.com)

صح ..؟!!

اعترفففففف .. http://www.3rbe.com/smiles/data/15/3rbe.com_002.gif (http://www.3rbe.com)

طيب ..

أنا ما نسيتها ..

بس الله يصلحك .. ما ذكرتني فيها إلا الحين .. http://www.3rbe.com/smiles/data/15/3rbe.com_003.gif (http://www.3rbe.com)

لكن ولا يهمك ..

إذا تبيها ترجع ترجع عشان خاطرك .. لكن مو الآن .. http://www.3rbe.com/smiles/data/15/3rbe.com_007.gif (http://www.3rbe.com)

إذا بتصبر لما أرجع أبشر بها ..

وإذا تبيني أوكّل أحد بدالي لما أرجع .. برضو أبشر بها .. http://www.3rbe.com/smiles/data/15/3rbe.com_000.gif (http://www.3rbe.com)

يعطيك العافية ..

ومشكوووووووور على الاهتمام ..

خضراء اليمامة ..
ابن عبداللطيف
15-09-2006, 11:19 PM
خضراء هانم


تحطين مسابقات وتروحين وتتركينها



يالله اخلصي



سلملم
خضراء اليمامة
16-09-2006, 06:01 AM
السلااااااااااااااااااااااااام عليكم ..

طبعاً ..

بعد ما رد ابن عبد اللطيف خلاني أقف على الأطلال .. وأتذكر هاللعبة ..

بس دام إنك رجعتها يا ابن عبد اللطيف .. أبشر باللي يبدا فيها من جديد ..

بس مو في هالموضوع ..

في هالموضوع :

http://www.ushiqer.com/vb/showthread.php?p=52191#post52191

http://www.3z.cc/sml/2/074.gif (http://www.3z.cc/sml)

يالله تعالوا بسرعة هناك ..

خضراء اليمامة ..