المساعد الشخصي الرقمي

مشاهدة النسخة كاملة : حروف الشعر

أبوابراهيم
28-12-2004, 02:59 AM
السلام عليكم ورحمة الله وبركاته

مساكم الله بالخير جميعا ... هذي أول مشاركة لي بعد مرحلة انتقال السلطة ... :p

أتمنى تعجبكم ...


عيت حروف الشعر تفتح لي الأبواب=مدري حزن وفراق ... ولا غلا وحيره
جفت منابع روح ... وانقصت الأهداب=وغنى الهوى عشاق ... وثار الحبيب غيره
قلب وعظام وجوف ... وانعقدت الأسباب=راح العمـر أشـواق ... ما جبـت له سيره
عين تعاف النوم ... وتذكر سنا الأحباب=وقلب الفتى خفــاق ... كل يـوم له ديره
لا يا سنيني لا ... تمضي مع الأغراب=لا تتركيني اليـــوم ... نار الهوى سعيره
نادت عيون الليل ... صاحت على الأصحاب=قمرا ونجوم وغيم ... ويد اللقا قصيرة
حبل المحبة قصير ... وانطقت الأطناب=طعم السعادة غير ... علّ الأمر خيره!



على فكرة .... ترى المنتدى الجديد عقدني عشان اكتب هالموضوع ... جلست اسبوع احاول اغير لون الخط بس ما قدرت :mad:
أخوكم ... أبوابراهيم
صدوقة
28-12-2004, 03:23 AM
تسلم أخوي ابو ابراهيم على هذه الكلمات الشجية

فعلا ..

غالبا..حبل المحبة قصير

ولكنه يستمر مع الأمل


الأمل الذي نقوم نحن بعدم الإيمان بوجوده مجرد ما نتعرض لموقف يكاد يشل حياتنا

نتمنى أن تستمر منابعك في العطاء ويتجدد الأمل لديك بلقاء الأحبه

هل هي من تأليفك؟

إذا الإجابة بنعم

عيننا عليك باردة يابو ابراهيم
أبوابراهيم
28-12-2004, 04:04 AM
مرحبتين يا موومصدقة ... "الشهادة لله عندك موهبة في اختيار الأسماء!! ... رايحه فيها:D "


مشكورة على المرور ...


وليت كل الناس مؤمنين صدق! ... كان محد من البشر دخل النار ...



اشكرك مره ثانية على المشاركة ... وفعلا ازداد الموضوع جمال بكلماتك ...



اخوك ... أبو ابراهيم

على فكرة ... ترى ساعة المنتدى مخرفه!!! ... يبيلها تعديل يا ادارة ... شوفوا لها حل
صدوقة
28-12-2004, 04:12 AM
كلك ذوق ابو ابراهيم

الكل يعرف قدراتي الخااااااااااارقة في انتقاء الأسماء

ومشكووووور على ردك اللي أخجل تواضعي<< ماخذه مقلب
نهر الوفا
28-12-2004, 11:51 AM
،،

،،

،،
صح لسانك طال عمرك


عين تعاف النوم ... وتذكر سنـا الأحبـاب ***** وقلب الفتى خفاق ... كـل يـوم لـه ديـره


والله روعه روعه روعه



وان شالله الامر خيره ( وجه واحد يغمز )


دمت لنا سالماً



اخوكـ ( بــينو )
WOLF
28-12-2004, 12:53 PM
الله الله يااتحاد <<<< وييين مضييع الاخ هع هع

الله يا ابو ابراهيم ... بيوت من الشعر تساوت بماء الذهب

سلم قلمك .. سلم كيبوردك

واستمر في هذه البيوت المشجيه ..... المطربه للقلب قبل الاذن

استمر وانتج بارك الله فيك
و السلام عليكم
أبوابراهيم
28-12-2004, 03:43 PM
السلام عليكم ورحمة الله وبركاته


PINO

صح بدنك يا بعدهم ...

ويكفيني ... انك شرفتني بمرور ...

يعطيك ألف عافية


WOLF

الله يطرب قلبك واذنك بصوت الحور ... قل آمين ... "وحنا معاك .. انشالله"

وألف شكر على الكلمات الجميلة




أبوابراهيم
NEW
28-12-2004, 04:35 PM
يعطيك العافية أخوي أبو إبراهيم على هالأبيات..

و الله كلماتك روووووووووووووووووووعة

تسلم و ما قصرت.
الموظف
28-12-2004, 04:45 PM
يعطيك العافية على الابيات الجميلة

تحياتي لك
أبوابراهيم
29-12-2004, 12:38 AM
السلام عليكم ورحمة الله وبركاته


NEW

نورت الموضوع بزيارتك ... وشكرا على المدح ...


الموظف


شرفتنا بطلتك ... وحياك الله ضيف غالي على مشاركتي ...
أبوابراهيم
29-12-2004, 12:55 AM
السلام عليكم ورحمة الله وبركاته


صبحكم الله بالخير جميعا ...

أشكر جميع الإخوان ... اللي اتحفوني بردودهم الجميلة ... وكلماتهم العذبة ...

لكن أنا عندي سؤال ... وطبعا ما أقصد أحرج أحد ... لكن ودي اللي قرا القصيدة ... يحاول يقول لي وش فهم منها اذا سمحتم ...

طبعا الكلام هذا ينطبق على الجميع ... وخصوصا على اللي كتبوا لي ردود ...

"يستثنى من الموضوع الأخ PINO"

تحياتي
صدوقة
29-12-2004, 12:35 PM
أخي الفاضل .. ابو ابراهيم

شكرا لأنك أعطيتنا هذه الفرصة

فمنذ زمن لم تتحرك أصابعنا لمواضيع شبيهة

يحاول الشاعر تحديد السبب في عدم قدرته على كتابة بعض أبيات الشعر للتنفيس عما يجول بخاطره

وهذا التردد سببه هو بعد الحبيب.. وفي نفس الوقت قربه

(فهو بكل الحالتين الحبيب معه بقلبه.. ولكن بعد المكان هو الذي يؤلمه)

نسأل .. كيف يكون ذلك؟

سوف أصور لك صورة شخصية<<يعني مثال

لأن القصيدة لديك لم تكن مسترسلة بالمعاني

أي أن الشاعر لم يوضح تماما الأسباب

نبدأ..

قد يكون الشاعر أحب شخصا آخر وبادله ذلك الشخص نفس المشاعر ولكن بقي الزمن (والمكان) حدا فاصلا لهذه العلاقة التي لم تظهر للنور

وهنا يحتار الشاعر عن سبب عجزه عن البوح بما يؤلمه ولكن تردده في تحديد ما يضايقه هو ما منع قلمه من الكتابة

فالحبيب قريب بقلبه وهذا يزيد لوعة الفراق
و.....
وبعيد بمكانه
ولكنه محتفظ بمشاعره وهذا ما يزيد الحيرة والمحبة أو الغلا كما يقول

ويرى أن الأيام تمر ولم يسمح له بلقاء الحبيب ومضت هذه الأيام تزيد الشوق.. ولكنها لا تقدم في الوضع المفروض عليهما فرضا

وهذا ما أدى إلى حزن الشاعر وفقدانه لطعم النوم والراحة

ولكن....

البيت الخامس كأنه يوحي بفقدان الأمل

فالحبيب ابتعد لسبب من الأسباب << هذا ما فهمته

قد يكون بزواج أو مشاكل أو غير ذلك

ولما أنهى الشاعر القصيدة بآخر بيت ألقى آخر قنبلة

ألا وهي "حبل المحبة قصير"

مامعنى ذلك

أن العلاقة انتهت

أو تغيرت

وتغير معها طعم السعادة

وهنا يعجبنا إيمان الشاعر وتقبله للواقع<< ولو أني أشك أن ذلك حصل مباشرة بعد المواقف التي مر بها

ولكن تبقى الحياة لديه

بطعم آخر

بعيدا عمن أحب

وهنا نقول:

فعلا الحياة لا تنتهي
والأمل لا ينقضي

ولو لم نعش على هذا الأمل

لما عشنا أصلا




أتمنى أن أكون قد وضحت المعنى – كما فهمته أنا –
فكما تعلم .. الشاعر هو الذي عاش الموقف وليس نحن

ونحن ليس لنا إلا الظاهر بالأبيات<< مو زي بينو يعرف السالفة كلها هههههه


عاد لا أوصيكم

خذو وخلو
واستروا على ما واجهكم

وعذرا للإطالة
أبوابراهيم
29-12-2004, 11:54 PM
ماشالله تبارك الله ...

الله لايضرك ... والله لو راعي القصيدة يبي يتكلم عن قصيدتة ما قدر يسوي ربط بالطريقة اللي سويتيها ...

أعجبني خيالك الخصب ... وتكوين صورة من ملامح متناثرة لصور مختلفة ... ياسلام عليك ...

على فكرة ... من أجمل ما في الشعر ان معانية ليست حكر على الشاعر ... لذلك اذا خرجت القصيدة ... أصبح لكل انسان معناه الخاص فيها ..

أما بالنسبة للتفاصيل التي كتبتي ... وسيناريو العلاقة ... فأفضل أرد بقصيدة للبدر ...

(صحيح اني انسى الحوادث والملامح و الاسامي..
لما أكتب عن غرامي .. شعر ابعد ما يكون عن مجرد
جرح دامي ..
يمكن أقرب للجنـــــــــون...
من تفاصيل الحكاية..الاساور والمرايه..
عندي همــــــوم القصيده غامضه صعبه عنيده..
وانت عاشق للوضــــوح ..
ودك بسري ابوح..و انا اخر همي بــوحي
اعبر الشارع ... في الرصيف الثاني قهوه
فيها اربع طاولات ..وحده اجلس فيها وحدي ..وحده للي بيجي بعدي .. وحده لأغلى حرف عندي..أما اخر وحده دايم للي فات..
من هموم وذكريات ..زحمة لكن كل من في القهوه ربعي
كلهم دمي و دمعي ليه ما تجلس مكاني
وهذا شوفي وهذا سمعي اطلب اقلام ودفاتر ..وحاول اكتب عن شعور ..لاهو ظلما و لا هو نور ..
قلب مابين السطور .. وانا اكتب اغنيه مثل الرسايل كنت اكذب .. و الخيال العذب كذب ..
كنت لازم اخفي سري و ما اقول
ان هالمره قصيدي هو خيالات الحقــول تطرد اسراب الطيور عن حقيقه عن شعور ....
ما هو في ذهب السنابل .. انما تحت الجذور ..
كســـــروا العشـــاق بابي ...
قطعوا لحمي ثيابي.. وخلعوا الادراج ..
طاحت مزهرياتي الجميله شققوا جفني كتابي وسألوا
وين الجديله
ودمعة العين الكحيله مالقوا في بيتي الا .. وما لقوا في صدري الا .. وما لقوا في قلبي الا ..
امنياتي المستحيله ..
و اني احـــلم بـــس احلــــم ..)

أتمنى الفكرة تكون واضحة ...

أما الإطالة ... فإذا كانت في معاني جميلة فليست اطالة ...

تحياتي الجميلة

سلام عليكم ورحمة الله وبركاته
نواف
30-12-2004, 12:09 AM
يعطيك الف عااافية على الابيات الجميلة

كلمات ولا احلى

مشكور اخوي ابو ابراهيم
WOLF
30-12-2004, 04:31 AM
ما يبيلها شي يابو ابراهيم وانا اخوك ...

الشاعر يبي يكتب شعر او يالف شعر بس ما يقدر.. لانه عقله مهوب معه .. والي ماخذه يتهنا به :)

هذا بايجاز شديد ... ولك الشكر
أبوابراهيم
30-12-2004, 05:04 AM
نواف

مرحبتين ... نورتنا بمشاركتك ...


WOLF

حياك الله ثانية ...

طيب ... كونه يبي يألف شعر بس ما قدر ... اجل اللي جالسين نقراه فوق وشو :D

اما اذا كان قصدك ... مافيه معاني ... في القصيدة ... فهذا اللي جالس اسأل عنه ... اقول اللي فهم شي من القصيدة يقول وش فهم ...



قصد الشاعر نفسه ماله علاقة بالموضوع "في سؤالي طبعا"... الكلام انت وش فهمت ؟




قصيدة الرسايل المعروفة لبدر بن عبدالمحسن ... كل الناس كانوا يتوقعون ان قصد الشاعر واضح ... بس انت قريت فوق وش يقول هو عنها ... صح؟

خلاصة الموضوع .. انا ابي اللي فهم شي من الابيات المرصوصه فوق ... يقول لي وش فهم ...

مثلا: موو مصدقه ... فهمت من الابيات قصة جميلة وقالتها لنا ... يمكن كاتب الأبيات نفسه ماكان يقصد اللي فهمته ... مهب من حقه يقول لها ... لأ انا ماقصدت كذا ... افهمي زي فهمي ... :confused:



هذي قصيدة كل واحد ينزل معناها ... على فهمه ... وطبعا هذا ما يخرج عن كون الشاعر نفسه كان له معناه الخاص فيها ... بالضبط مثل مثال البدر



تحياتي ... لك


أبوابراهيم
WOLF
30-12-2004, 02:04 PM
ابو ابراهيم انا ردي كان بالابيات الي في الصفحه الاولى .. مو الي فوووق :)

اما يوم اقول ان الشاعر ما يدري وش يكتب ... فانا اقصد ان مافيه معاني .... يعني غامض :)

وحياك اللله :)
صدوقة
30-12-2004, 02:18 PM
احم احم

أخوي أبو ابراهيم

أخجلت تواضعي


بس عندي سؤال

ما مدى قربي في تحليلي للقصيدة من الواقع

لك أن تجيب

ولك ألا تجيب << يعني مارح أزعل هههههههه

بس أبغى أعرف محاولتي للقرب من المعنى الأصلي للقصيدة

وتسلم أخوي على الكلام اللي أكبر مني صراحة
أبوابراهيم
30-12-2004, 03:35 PM
WOLF

يا بعد كل غالي ... لما قلت اللي فوق .. أنا بعد أقصد أبيات المشاركة ... ما أقصد قصيدة البدر ... ;)

بالنسبة ... للغموض ياسلام عليك ... هذا اللي كنت أسأل عنه ... ويبدو انها بالفعل غامضة لدرجة عدم الفهم ... للبعض طبعا .. مب للكل ...


كل مره ترد علي ... تزيد مشاركتي نور بردك ....

تحياتي لك



موو مصدقة


انتي أكثر شخص تفاعل مع القصيدة ... عشان كذا لازم أجاوبك ... عيب ما أجاوبك :o


طيب ...


يحاول الشاعر تحديد السبب في عدم قدرته على كتابة بعض أبيات الشعر للتنفيس عما يجول بخاطره

ماشالله عليك ... كأنك جالسه مع الكاتب ... طبعا هذا المقطع هو أصدق شي في فهمك ... وهو السبب الفعلي للقصيدة ...


أما بقية القصة .. اللي كتبتيها ... فتبين الصدق ؟!!... أعجبتني ... :) ... وفعلا الكلام اللي قلته لك ... انا جاد فيه ... وهو ان خيالك جميل ... وخصب ...

وما أخفيك ... ان ملامح كثيرة من اللي تكلمتي عنها موجودة ... لكن يمكن تكون بشكل مختلف شوي ...

هذا ما يمنع وجود ملامح ثانية ... بعيدة جدا عن قصد الكاتب ... لكن جميلة جدا ... لدرجة ان الكاتب صار يحاول يفهم كلامه على اساسها ... هههههه


ألف شكر لك ... على التفاعل المميز ...
صدوقة
31-12-2004, 01:31 AM
أخي أبو ابراهيم

أشكر لك إجابتك لي

لأني توقعت أن أكون قريبة نوعا ما مما تقصده

ولكن جوابك أرضى ما أرغب في معرفته
بليهان
06-01-2005, 12:47 PM
الله الله

صح لسانك خيو

ماشالله والله وفيكم شعار

ابو براهيم ثالث شاعر أعرفه بهالمنتدى

الله يكثركم

وعلى قولتك تبي اللي فهمنا

نقول المعنى في كرشة الشاعر

يمكن حنا نفسر شيء ووانت تقصد شيء ثاني

بس القصيدة ما احس فيها غموض


وهي مهيب لغز تقول وش فهمتو منه والا وش هو حله

لأنك كذا تحرج اللي ردوا وقالو القصيده حلوه يمكنهم ما فهموشيء والا ما يدبرون

والله ذكرتني الدوريه يوم تطردني امس وتحجرلي

لكن احس انها في المنتدى واهله

اذا صاب ظني
أبوابراهيم
06-01-2005, 10:40 PM
حياك الله يا بليهان ... ونورت الموضوع


وبالنسبة لمعنى القصيدة ... مالك لوا مهب في المنتدى وأهله ... مع انهم يستاهلون ملحمة مب قصيدة ...

ويوم قلت وش فهمتوا ... بغيت اشوف فعلا هل الكلام واضح ... والقصد من القصيدة بين ... ولا ما يفهمها السامع ... لأن أكثر من واحد قرا القصيدة (مب من المنتدى طبعا) وقال انها مبهمة ... يعني ما تنفهم ...


وبالنسبة للإحراج ... ان شالله ما فيه احراج ولا شي ... وكان ودي تشاركوني برايكم بس :)



والشعر ... ماحناب اهله ... لكن نتطفل عليه شوي ...



تحياتي لك مره ثانية ... ونورت الموضوع
منصور
15-01-2005, 04:01 PM
الله يعطيك العافية أخوي
kha_sa_ab
16-01-2005, 02:02 PM
أبو ابراهيم

الله يعطيك العافيه

وبنشدك عن الأقواس وشصار عليها ( شكلك سمنت)
ابو ابراهيم : وشفهمت من الجملة السابقه <<<<<<< أمسوي فاهم
أبوابراهيم
17-01-2005, 05:07 AM
منصور

حياك الله وشكرا على المرور


kha_sa_ab

الله يعافيك ... ويبارك فيك ...

والأقواس والله ما أدري عنها ... لأني منب راعيها ان كاني فهمت وش تقصد

{أبوابراهيم} "البشت على قولة سوير":D

راعيها أبوابراهيم اللي جا عقبي ... الله يمسيه بالخير

وحياك الله ثانية
دودي
10-02-2005, 04:33 PM
يعيطك العافية اخوي ابو ابراهيم على الابيات


دودي
نهر الوفا
10-12-2005, 05:07 PM
http://www.asmilies.com/smiliespic/welcomepics/006.gif


ليت عينك تشوف وليت مسمعك يوحي=يوم أنادي ودمعي مثل وبل السحابه
:(

http://www.asmilies.com/smiliespic/FAWASEL/056.gif

بــــينو

http://www.asmilies.com/smiliespic/FAWASEL/033.gif

http://www.theholidayspot.com/valentine/graphics/rose.gif



.