تشيز كيك بالسنيكرز بالصور..........

[*سندريلا*]

السلام عليكم و رحمة الله و بركاته



والله انا لقيت هذا الموضوع في منتدى وجربته من كم يوم و عجب الكل و الكل مدحوه الحمدلله ،، و قلت عاد ما ببخل عليكم باجيب الطبق مع الصورو ترى المقادير مضبوطه 100% إن شاء الله


بسم الله الرحمن الرحيم

نبدأ

http://www.w6w.net/upload2/24-12-2005/w6w_2005122421212008525774.jpg


المقادير

16 قطعة بسكوت دجستف Digestive ( بسكوت نخاله ) .

2 مغلف دريم ويب .

زبدة أصبعين(قالبين) الحجم اللي بالصورة

نصف كوب حليب سائل ـ و ربع كوب حليب سائل ( لشغلة ثانية )

علبتين قشطة .

8 قطع جبن كيري .

ليمونه .

6 حبات سنكرز

الطريقة

1-- قومي باخراج المقادير و تجهيزها .

http://www.w6w.net/upload2/24-12-2005/w6w_20051224212251479c3b11.jpg

كسري البسكويت حتى يصبح ناعماً او قومي بطحنه حتى يصبح ناعم .

ضعيه في وعاء و أضيفي له الزبدة
http://www.w6w.net/upload2/24-12-2005/w6w_2005122421241554f9eb2f.jpg

- قومي بـفرك البسكويت بالزبده حتى يختلطا تماما .

4- رصي الخليط في صينيه جيدا ثم ادخليه الثلاجة .

http://www.w6w.net/upload2/24-12-2005/w6w_2005122421252010165253.jpg

5- الان نقوم بتحضير الطبقة البيضاء ..

ضغطي علبتين من القشطة في وعاء للخلط .
6-اضيفي عليها الدريم ويب

http://www.w6w.net/upload2/24-12-2005/w6w_20051224212713ec698d14.jpg


7- اخلطيهما جيدا بالخلاط الكهربائي

http://www.w6w.net/upload2/24-12-2005/w6w_2005122421281937907ce5.jpg

8- اضيفي الان نصف كاس الحليب ( النصف فقط ) للخليط و اكملي الخلط

http://www.w6w.net/upload2/24-12-2005/w6w_20051224212907b0f972c1.jpg

9- اضيفي الان حبات الكيري للخليط واكملي الخلط

تاكدي انه لم يبقى للحبات الكيري اي اثر وانها اختلطت بالخليط تماما

http://www.w6w.net/upload2/24-12-2005/w6w_20051224212944743f07e2.jpg


10- اعصري الليمونه و انتي تخلطين ...

http://www.w6w.net/upload2/24-12-2005/w6w_20051224213038faef3f7c.jpg
11- اسكبي الخليط على قاعدة البسكويت ببطئ ( شوي شوي عليها )

http://www.w6w.net/upload2/24-12-2005/w6w_20051224213126fc08e88c.jpg


12- تاكدي انها توزعت تماما على السطح بعدها ادخليها الثلاجه على الاقل ساعه واحده

( اذا كثرتي يكون احسن )


http://www.w6w.net/upload2/24-12-2005/w6w_200512242132284883eb03.jpg



13- في حمام مائي قومي بتذويب الزبدة في وعاء طريقة الحمام المائي

تحطين قدر فيه ماي مثل ماهو موضح بالصورة و بعدين تولعين عليه النار

و تحطين داخله قدر ثاني و تشتغلين فيه يعني يصير مب مباشر على النار .

http://www.w6w.net/upload2/24-12-2005/w6w_20051224213458ef2322c7.jpg


14- قطعي اصابع السنكرز و اضيفيها للزبدة في الحمام المائي + ربع كوب حليب >>

هذا الي خليناه لبعدين .


http://www.w6w.net/upload2/24-12-2005/w6w_200512242135583b4cee4f.jpg

15- تجانس المزيج السابق مع بعض واصبح مزيج واحد مثل ما هو مبين بالصورةِ

http://www.w6w.net/upload2/24-12-2005/w6w_2005122421375577c455b2.jpg


16- ابعديه عن النار و اتركيه جانبا حتى يبرد قليلا .

http://www.w6w.net/upload2/24-12-2005/w6w_200512242139278d47aebd.jpg

17-اسكبي المزيج على الطبقة العلوية للتشيز كيك ، ببطء ..

ثم ادخليها للثلاجة مدة ساعتين على الاقل ..

http://www.w6w.net/upload2/24-12-2005/w6w_20051224214001eeb62262.jpg



و أخيراً تعطيكم هالشكل


http://www.w6w.net/upload2/24-12-2005/w6w_2005122421212008525774.jpg


وألف صخه وعافيه عليكم

ملاحظه:
لاتحطين ذا الحلا مع الغداء لان ماحد ماكله<<<<<متعقده بالقوه

[قبون صحصح]

هم هم يمي يمي


شهويتيني يالدوبيه


ولاعزمتينا ولا شيء وش دعوه


<<< انت وش دخلك كل كلمه آخرها ياء


مهوب ذنبي اني دب وخشمي هو اللي يمشيني


بس الصراحه شكلها اممممممم يشهوي


بعدين يالدرجه في أحد يحط حلا على الغداء


:)



الله يعطيك العافيه


وكثري من هالأشياء


مشكوره يالغاليه



سلملم

[خضراء اليمامة]

وعليكم السلام ورحمة الله وبركاته ..

هلا والله بسندريلا ..

وش عندك صايرة سنعة ..؟

<< تحطيمة .. ههههههههههههههههه ..

لا والله جد ..

الطريقة روعة .. وشكلها سهلة التنفيذ .. << لا تفوتكم التنفيذ ..

والطعم عااااااد .. شكله يذووووووب ..

بس ما لك إلا اللي يسويها .. لكن مو الحين .. بعد الاختبارات إن شاء الله .. << عاد لا شغل ولا مشغلة ..

يعطيك العافية ..

ومشكوووووووور ..

خضراء اليمامة ..

[*سندريلا*]

هلا قبيبين ..ها الله الله في اهلك اذا جاء يوم من الايام صلحه لهم..




بعدين يالدرجه في أحد يحط حلا على الغداء

لولا العزيمه ان كان ماسويته...


وكثري من هالأشياء

أخاف اكثر وتجيك تخمه واكون انا السبب


مشكوره يالغاليه

العفو بس ماادري ماحطوا علي خصم<<<تستهبلين انتي ووجهك

[*سندريلا*]

هلا والله بخضيره هلا باميرة المنتدى واميره قلوبنا



وش عندك صايرة سنعة ..؟

ماادري عني ...بس المشكله اني يوم صرت سنعه مااحد كلها..بس يله اهم شي انهم قالوا انها حلوه ورفعوا من معنوياتي



الطريقة روعة .. وشكلها سهلة التنفيذ ..


لا والله مهيب سهله ..الا ترفع الضغط مافيه قدر وصحن الا مطلع بس مادام الشغاله موجوده فهي سهلة التنفيذ


بس ما لك إلا اللي يسويها .. لكن مو الحين .. بعد الاختبارات إن شاء الله

ياربيه عندك اختبارات الله يعينك..الا ماتبيني اسويها واروحها لك<<<<<تحب تقهرها لان ماعندها امتحانات

[الليدي عمشاء]

يامي يامي .. إنننننننننننه لذييييييييييييييذ << ماذكرتك بسبيس تون خويّك

والله شكلها جنااااااااان .. وإن شاء الله إني بسوّيها ..

بس إن سوّيتها بسوّيها لأهلي مهوب للضيوف .. خصوصا إني انكويت منهم مرة وتبت ..

تخيلي سنسن كانت عندنا عزيمة ذاك اليوم .. وطلبت مني أمي أسوي كم نوع من حلى للغداء >> اسمع يا قبون للغداء عندك مانع ؟

ومن قمت من النوم ـ كان يوم خميس يا خسارة على النوم اللي راح ـ وأنا أدّهر في المطبخ ..

وطبعا كنت مجهزة المقادير من أول عشان ما أتوهّق .. وسوّيت ثلاث أنواع من الحلى اللي كل واحد أحلى من الثاني << أكيد بعد حلى

ولما حطيناه في السفرة كنت أقول كود إن شاء لله يبقّون لنا شوي ناكله << عاد الرجال معروفين ما شاء الله ما يبقى عقبهم شي .. مو مثل هالحريم الخكاريا اللي يتركون عشان الأتيكيت ..

المهم وأجيك طايرة يوم خلصوا .. يوم إني دخلت المقلّط و .......

<< البقية الحلقة القادمة ..

>> يا مصلك كمّلي ..

إيه أقول لك عاد .. يوم إني دخلت المقلّط إلا ألاقي الحلى مثل ماهو ..

وكانك أنتي يا سندريلا ماكلة منه .. فهم ماكلينه ..

حتى مافيه .. حتى ملعقة .. لحسة مافيه .. ولااااااااااااشي ..

ومير إني أرفع يديتي وأقول حسبي الله عليهم << عاد أمزح لا دعيت ولا شي ..

بس والله من جد ضاق صدري .. يعني جهد وقلق وآخرتها ولا تشجيع ..

لو إنهم ذايقينه وماجاز لهم أهون .. بس يخلونه .. حرام والله ..

أشوى إن عندنا شغالة والا كان أبتحسّب عليهم صدق .. عاد أنتي عارفة الحلى مواعينه ما تنتهي ..



يا الله خلاص تعبت من الحكي .. عوّرني حلقي .. << ما ينلام والله بلى من كثر الهذرة

مع السلامة ..



أوه نسيت أقول الله يجزاك خير .. وما ننحرمش يختي ..

وبإذن الله أبسوّيه ..

[خالتا عمتا]

السلام عليكم ورحمة الله وبركاته
الحلىىىىىىى شي شكله خطير
بجربه بس اذا ماضبط ياويللللللللك

[سحله]

انا بذوقه من خالتا عمتا :36_11_20[
وبعدين فيه أحد يحط ليمون في منديل؟؟ ياختي كان حطيته في صحن خخخخخخخخخخ

[منتهى السعاده]

http://www.ushiqer.net/vb/mwaextraedit4/extra/80.gif