بشرى ((تجديد الاستمارات بدون فحص)) في شقراء

[العكلاوي]

تقديراُ لجهود الصحفيين في محافظة شقراء وما صاحبها من متابعات مستمرة وعرض مشكلات المحافظة علن طريق الصحافة ومشاركة كتاب لمشكلات تكبد عناء السفر للمجمعة فقد صدرت توجيهات خاصة بتجديد الاستمارات ونقل الملكيات في مرور شقراء بدون فحص اعتبارا من السبت القادم

فشكرا لكل غيور على هذه المبادرة التي نجني ثمارها نحن أبناء المحافظة

[خضراء اليمامة]

السلام عليكم ورحمة الله وبركاته ..

يا هلا والله أخوي العكلاوي ..

شي حلو إنهم يخففون من هالمطالب اللي يطلبونها ..

أنا أشوف اللي حولي يشيلون هم التجديد ..

بس يالله ..

أعتقد هالشي في صالحهم ..

خبر حلو ..

والله يعطيك العافية على تجدد الأخبار ..

خضراء اليمامة ..

[أبو جراح]

ما شاء الله تبارك الله

وأخييييييييييييييييييييرا

الله يبيض وجه من كان السبب

وعافاك الله على هالبشارة يالعكلاوي

وعقبال ما تبشرنا إن شاء الله بتجديدها بدون رسوم

بيض الله وجهك



ـ

[NEW]

و عليكم السلام و رحمة الله و بركاته


أنا أشوف اللي حولي يشيلون هم التجديد ..

بس يالله ..

أعتقد هالشي في صالحهم ..

أكيد في صالحهم إن شاء الله :)




وعقبال ما تبشرنا إن شاء الله بتجديدها بدون رسوم

^
^
^
اغسل يدك :D


لكن نقول لعلَّ و عسى :)




أخي العكلاوي

أشكرك على البشرى السَّارة :)

و الله يعطيك العافية

ما تقصِّر



شكركر

أخوكم : NEW

[منصور]

السلام عليكم...

جزاك الله خير اخي العكلاوي

والله يبشرك بالجنة...

وجزى الله من كان السبب في هذا القرار

تجديد الاستمارة صراحة شي متعب تخيل تروح المجمعه 140كيلو

ولا الرياض 300 كيلو علشان التجديد



شكرا لك



.

[صقر نجد]

خبر سار جدا


شكرا لك

[المطر]

ياعكلاوي انت وين تشتغل كل الأخبار عندك ماشاء الله

الله يعطيك العافية

[جرح الضمير]

:)

أستمارتي منتهيه من رمضان

كله على شاني شايل هم الفحص ..... وتسديد القسايم

الحين بروح هواء اسددها .... وبجدد الاستماره في شقراء

الله يعطيهم العافية الصحفيين وكل من ساهم في الأمر هذا

الله يعطيك العافية يالعكلاوي لجلب الاخبار الي تفتح النفس

مهوب مثل بعض الناس الي منزل موضوع تجديد الاستمارة كل سنة :O

أشكرك اخوي

أخوك

جرح الضمير

[ابو عراده]

والله ما عندكم سالفه ما فيه شي من هالكلام من قال لكم انا رحت ولا فيه شي جب الفحص ما فيه :36_11_7[1
قال ازلب وجيهك وعطنا مقفاك