ادخل وصوت سواء كنت كذا أو لأ...

[فتاة أشيقر]

السلام عليكم ورحمة الله وبركاته

انا أبغى أسوي تصويت لمعرفة سبب تغيير الجوال..

ماأحد فهمني.. انتبهوا..

نلاحظ انه عند بعض الناس الجوال يقعد معهم سنه أو أكثر والبعض الأخر مايكمل شهرين الا وهو مغيره..وش السبب..؟؟؟

ياليت كل من يدخل يصوت ويعلق بكم كلمه حلوه....


أ~~س~~ت~~ن~~ا~~ك~~م,,,,


تحيتي::فتو,,,

[ابن عبداللطيف]

ثانكس خيتو فتو على الموضوع


وشوفيني ابقول رايي


طيب


انا طبعا مااحب اغير جوالي


بس تخم علي فتره اقعد اسبوع ثم اغيره ثم اللي عقبه اغيره اليييييييين ارسي على وااااااحد


والسبب : آي دونت نو




سلملم

[صقر أشيقر]

السلام عليكم ورحمة الله وبركاته



أهلين فتاة أشيقر



مع الأسف هذا اللى نشوفه اليوم



أن الواحد ما يقعد معه الجوال فتره إلا وجاب واحد جديد



بس المشكله ما تدرين وش السبب



فيه ناس تقول حب التغيير


وناس تقول أنا أبى أكون غير الناس


وناس تقول أنا أحب الجديد


وناس تواكب التطور <====== تواكب مسوى لقاء صحفى :lllolll:



وما تدرين وش المشكلة الأساسية



ألف شكر فتاة أشيقر على هذا الموضوع الرائع واللى يستحق التقدير


ولك منى 5 نجوم

[فتاة أشيقر]

ابن عبد اللطيف..ثانكيو على مرورك..

صقر أشيقر..وعليكم السلام ورحمة الله وبركاته

شف أنا وحده أحب أكون مميزه بجوالي.. يعني ماأحب يكون اي أحد غيري معه نفس جهازي السبب::أي دونت نو..

ثانكيو ثانكيو صقر على النجوم<<بروح الونها<<حركات ابتدائي...


تحيتي::فتو,,,

[ابن عبداللطيف]

طيب وشو جوالك الحين يافتو ؟ ؟؟


<<<<<<<<<<<<< يموت في شي اسمه لقافه



سلملم

[خضراء اليمامة]

وعليكم السلام ورحمة الله وبركاته ..

هلا والله بوخيتي فتو ..

بدون لا توضحين فهمنا .. << يعني لا تكثرين قرق ..

بالنسبة لي ..

أنا أغير جوال أواكب تطورات الجوالات ..

يعني إذا طلع جوال هالسنة .. وجوال السنة اللي بعدها أكيد بيصير أكثر خدمات ..

ولاحظي معي على سبيل المثال " رسائل الوسائط " ..

أنا أعتبرها مهمة .. ومهمة حيل .. << وخصوصاً لي ..

لو بتلاحظين إن الجوالات القديمة ما فيها هالميزة ..

ولو شفنا " برج العرب " و " الفيصلية " وهالطقة فيها وسائط .. بس محدودة ..

عموماً ..

هذا رأيي ..

وبانتظار الباقين ..



همسة لك يا فتو :

لو بأكون مميزة في جوالي وما أبي أي أحد يكون مثلي كان توهّقت نوكيا والباقين في تصنيع الجوالات ..

أهم شي يكون الجوال فيه ميزات حلوة .. ومو معنى كذا إني ما أبي أحد يكون معه اللي معي ..

يعني ما رح أحرم نفسي من جوال عشانه مع فلانة .. ولا رح أضيق إذا دريت إن فلانة شرت نفس جوالي ..

يعطيك العافية ..

خضراء اليمامة ..

[صقر نجد]

طيب واللي من 3 سنين ماغير جواله الا قبل أسبوعين وش يختار أي خيار ؟؟


لكن غيرته بصراحة مواكبت(ن) للتطور لأني طفشت :(

[فتاة أشيقر]

ابن عبد اللطيف..

جوالي الحين هو

سامسونج.. أي نوع وأي شكل عاد مالك دخل...


ثانكيو عاى مرورك..



خضيرا..
أنا معك حبيبتي ان كل ماتتقدم الجوالات تطلع ميزات أحلى...

مشكوره على ردك ونصيحتك...



صقر نجد..
وش فيك وأنا اختك ماغيرت جوالك..
<<اللي يشوفها مايقول انها مخليه جوالها القديم معها وهو مكمل ثلاث سنوات..

على البركه الجهاز الجديد وعقبال مايقعد معك عشر سنوات,,,
تسلم على المرور..



تحيتي للجميع::فتو,,,

[Mr.HishamX]

انا بصراحه عن نفسي اغير جوالاتي مب علشان اكشخ عمرها الكخشه مانفعت احد

لاني انا ماافكر ورا الكخشه والالوان انا اافكر بالجوال اذا صرت بمكان واحتجت له

مايفشلني ودايم اعتمد على قوه الارسال والاستقبال لاني راعي خطوط وبر اما

كاميرا عسره بكشل ولا خمبقه ماتفرق عندي يعني انا عندي 3 ارقام اجهزتي الدمعه

مطور وبرج العرب والفارس ولا عمري ارتحت للجديده مثل ان سبعين ولا ابو كاميرتين

[*سندريلا*]

هلا والله اختي فتو..


بصراحة انا باقولك .. عمري ماغيرت جوالي تبعاً لموضة او اتكشخ به .. اهم شي عندي على قولة اخوي هشام قوة الارسال بالاضافة الى المميزات التكنلوجية مثل امكانية الدخول الى عالم النت او رسالة الوسائط الى ماذلك..


وانا حاليا املك جوالين واحد انتي تعرفينه N.gage والثاني كيوتك ..والثالث N 92 وهذا ان شاء الله في الطريق ...



سلامي
س
ن
س
ن

[هبوب]

بصراحة .. هذا الموضوع جيد في طرحه ، وبصراحة أكثر كل الإحتمالات وارده وأكــثـــر !
لكن أشوف أن كل ما كبر الإنسان (العاقل) عرف أن تغيير الجوال بشكل متكرر أمر غير مقبول
ولو عملنا إحصائية لوجدنا أن فئة الشباب اللي أعمارهم من 12 - 22 هم الأكثر تغييرا
ولا أنسى العنصر النسائي الذي يحب الكشخة وتقليد الغير
* وفي النهاية أقول :
الجوال وسيلة وليست غاية
واللي معه فلوس زايده وحب يتنعم فلا بأس مع عدم الإسراف قال تعالى : { وأما بنعمة ربك فحدث }
وأهدي لكم هذه القصيدة وهي من قصائدي :
رساله مع مهب الرّيح من الجوال للجوال
معاها كل نسمة شوق ونفحة حب جوّاله
على من هو فتح صندوقه الوارد يبي المرسال
تلهّف للحبيب اللي كتب له شوق مرساله
رساله من حروف الحب رساله كنّها الزّلزال
ولو ما هزّت الدّنيا كفايه هز نقّاله
رساله من صميم القلب رساله كنّها الموّال
رساله كنّها الصّرخه بصوت الود موّاله
رساله يا رفيق الدّرب قصر معْك الزمن أو طال
حبيبك قال لك كلمه وبكره قول ما قاله

[يويو مرات]

مشكوره يااختي فتو


انا جوالي ابوبصمه ......