ياجماعة الخير وش السالفة

[جرح الضمير]

السلام عليكم ورحمة الله وبركاته

بينما أنا اتجول في الانترنت وقعت عيني على صفحة قديمة في جريدة الجزيرة مفادها :

يتبع محافظة بقعاء عدد كبير من القرى والهجر يرتبط بعضها بالمحافظة مباشرة والبعض الآخر يرتبط بالمراكز المرتبطة ويتبع المحافظة تسعة مراكز حكومية وهي على النحو التالي:
1- مركز تربة فئة أ.
2- مركز الأجفر فئة أ.
3- مركز الخوير فئة أ.
4- مركز الشيحية فئة أ.
5- مركز المياه فئة أ.
6- مركز ضبيعة فئة ب.
7- مركز الحيانية فئة أ.
8- مركز الزبيرة فئة أ.
9- مركز أشيقر فئة ب.


يعني بالعربي فيه أشيقر غير أشيقرنا :(

دبرنا يالعكلاوي ..... أشيقر هذه تابعة لمدينة بقعاء .... وبقعاء تابعة لحائل

الخبر هذا مصدرة جريدة الجزيرة عدد رقم 10061 وبتاريخ السبت 10 ,محرم 1421

ورابط الصفحة للي مايصدقني هذا هو

أضغط هنا (http://www.suhuf.net.sa/2000jaz/apr/15/pi11.htm)

تحياتي لكم

جرح الضمير

[*سندريلا*]

اقول اخيي عادي ذا الخبر...

تصدق ان فيه قرية في ابها اسمها الفرعة...

بس استحاااااااااااااااااااااااااااله ياصلون للتطور اللي وصلته ديارنا ..صح والا لااااا؟؟؟

سلامي
س
ن
س
ن

[صقر نجد]

تشابه أسماء

وش جاب لجاب

حائل للوشم ..

[ابن عبداللطيف]

بالنسبه لفرعه فكان اسمها القرعه واظن ان الملك عبدالله حفظه الله قال سموها الفرعه وسموها الفرعه بناء على طلب سموه


اما اشيقر فانا ماادري وش السالفه


اول مرة اسمع ان فيه اشيقر غير اشيقرنا


مشكوور اخوي جرح الضمير على هالموضوع اللي يوسع ثقافتنا عن ديرتنا


سلملم

[NEW]

و عليكم السَّلام و رحمة الله و بركاته

أزيدكم من الشِّعر بيت

أنا سامع فيه أشيقر في العراق بعد :)

بس أشيقر عن أشيقر تفرق ;)


يعطيكم العافية

شكركر

أخوكم : NEW

[.. شـــوشـــو ..]

السلام عليكم ورحمة الله وبركاته ..،



هلا والله بأخوي جرح الضمير ..،


أنا قررت أترك المنتدى لأني اكتشفت إني مو منكم ..،


أنا من أشيقر حائل .. ولو سمحت يا سندريلا بلا سب !! :He-he:




من زين وشيقركم !! :110103_ig









هههههههههههههههههه .. لا صدق وش السالفة ؟!! :36_1_30[1


أنا بنتك ياأبوي ..،



صار فيه فرع ثاني لوشيقر ؟!!


نبي تفسير صاحي يا جماعة الخير ..،


وش سالفة هالديرة اللي تحتك فينا ؟




مشكور أخوي جرح الضمير على هــ ( اللغز المحيّر ) ..،



وبانتظار السالفة الصدزية ..،



:t:




وخيتكم .. شـــوشـــو ..،

[الليدي عمشاء]

تلقونها ديرتن فيها بيت ومزرعة لواحدن اسمه أشيقر وسمّوا هالبيت باسمه .. وشرا له من محل أبو ريالين لوحتن رزّها في الشارع وحط عليها " أشيقر " ..

أقوووووول مافيه غير أشيقر وحدة .. لا هوّنت أشيقرين ثنتين ..

أشيقرنا ذي الله يحفظها .. وأشيقر الثانية السوق الشعبي اللي في الرياض :36_9_2[1]

أبد أبد يا جرح الضمير .. حط في بطنك جحة صيفي << عسى ماشر نقول بطيخ واسمه عندنا جح !!

وارقد وآمن .. محد يقدر يوصل مواصيل ديرتنا ..

حتى لو حطّوا استراحات في الجبل :cup-of-mi




يا الله .. فتتتتتكوا بعافية ،،

[جرح الضمير]

هلا بالجميع ..... وين العكلااااااااااااااوي

سندريلا :
=====

وش اللي عادي ..... ماعلينا من الفرعة .... حنا نتكلم عن وشيقر .... وبعدين أنا أعترض على التسمية

وشيقر هذي قديمة جداً جداً ..... لكن حقت حايل واضح أنها توها جديده

وبكره اذا قلنا لاحد من وشيقر بيحسب اننا من هذيك المناطق وبعدين اي شيء يكتب في الجرايد عن وشيقر ودنا يكون خاص فينا

ماقول الا ...... هذا حالي :(

--------------------------

صقر نجد :
=====

هذ اللي طلع معك ..... وش جاب الجاب

أبيك تحشد جيوشك تعترض تقول رآيك ....

------------------------

ابن عبداللطيف :
========

ماعلينا من الفرعة ولا القرعة على قولتك .... وأدري انك اول مره تدري ان فيه وشيقر غيرنا لاكن ابيك تعصب مثل ماعصبت انا


----------------

نيو :
==

أشيقر العراق ماعلينا منها ..... بس انا اقصد السعودية مانبي فيها الا وشيقر وحدة .....

------------------

شوشو :
======

عاد شف اللي بدت تتطنز ..... على فكره أردى لك تتنازلين عن الجنسية العكلاوي :) <<< شفتوا ماعاد اقدر اقول وشيقرية لان فيها عدة أحتمالات :(

ايه ايه طلعي الحماس الي عندك ..... قوليها ثاني مرة .... أنا بنتك يابوي أنا بنتك يابوي

ليتها فرع من وشيقر هذي كان نقول ميخالف ..... لكنها ديرة مستقله وتابعة لحايل

العفو ياشوشو ..... ونبغى حل اللغز على قولتك من العكلاوي

------------------

الليدي عمشاء :
=========

اييييييييييييييييييه يالليدي حتى أنتي انصدمتي من الكلام هذا ..... مالومتس

بس ترا هذا واقع ..... وفيه وشيقر ثانية .... شوفي حاط رابط فوق لمصدر الخبر وانا تأكدت من منتديات حايل ان فيه ديرة اسمها أشيقر تابعة لهم :(

وبعدين انا داري انها ماراح تاصل مواصيل وشيقرنا الله يحفظها ..... لاكن ويييييييييييين حقوق التسمية هااااااااااااااه <<< معليش بداء يعصب


انا هنا ومن قبة برلمان منتديات أشيقر ..... أنااااااااااااشد الله الكريم ثم من المسؤولين ثم من العكلاوي توضيح هذا الأمر


وختاماً

خلوني بقرب كرتون المناديل على شان أمش دموعي :(:(:(

[قمر عكل]

جد والله ولا تستهبلون انتم ؟؟؟؟؟؟؟؟؟؟؟

خير ان شاء الله هذا اللي ناقص بعد ياخذون اسم ديرتنا لاااااااا والف لاااااااااااا

يعني نقصت الاسامي حلالهم اسم اوشيقر ولا عشان ياخذون الشهره يعني

لا صراحه مالهم دااعي قسم بالله

راس مالنا ذا الديره نفتخر فيها هذا اللي ناقص بعد اذا قلنالهم من اوشيقر قال اي وشيقر حايل ولا اللي عند شقراء

<<< ارتفع ضغطها من جد

شوفولنا حل بهالمصيبه هذي يغيرون اسم ديرتهم ولا يحذفونها من الاساس

[عيون البشر]

ههههههههه

والله اكتشفنا التعصب الوشيقري عند العاالم ذي

ياهوه ترى فيه أشيقر بعد ثلاثه في السعوديه

تراها في الحساء لا بعد لوتدرون وش فيها غسلتو يتيكم مره

مافيها الا شارع ومتكسر ومازفلت فيه الا الي راايح اما الجاي ماسفلت

وفيها بقاله ماتبيع ببسي يقولون حرام

وفيها بعد عشرين شخص اذا بغو يتقضون يروحون للهفوف بسيارة وحده تكفيهم

بس وشيقرنا وشيقر هي باريس نجد

وبعدين يقول المثل اختلفت الأسباب والموت واحد

يعني ياكثر وشيقر بس باريس نجد وحده هي وشيقرنا الي في العراق آآآقصد الي في بقعاء يؤؤؤؤؤؤؤؤؤؤه اقصد الي في الوشم

[مــ ص ــرقــ ع]

لا تـــــــــعليق

[العكلاوي]

هلا بك اخي جرح الضمير

في البداية اسف على التأخر في الرد على الموضوع

ايه نعم يوجد في المنطقة الشماليه من المملكة قرية صغيرة اسمها أشيقر
والتي تعاني منها جميع الدوائر الحكومية بأشيقر
حيث أن البريد الخاص بقرية أشيقر الشماليه ياصل بالخطأ لأشيقر والعكس كذالك
وقد قام رئيس مكز أشيقر بمخاطبتهم وتم بعدها تغيير الرمز البريدي كي تكون أشيقر مميزه بهذه الخاصية

وللمعلومية يوجد في العراق الشقيقة محافظة أسمها أشيقر

لاكن في الختام أقول للكم وش جاب لجاب أشيقر نجد هي باريس نجد وبس

[Mr.HishamX]

بالإضافة إلى مركز أشيقر الذي لا يزال في طور الإنشاء.


لاتعليق