يمتنع الدببة

[Omar]

يمتنع الدببة، والدببة جمع دب،
والدب هو الشخص اللذي هو كبير، وفي أغلب الأحيان منسم،
ويعيش هذا الدب بين الناس كشخص عادي،
ولكنه يكثر عند المطاعم :s21:، وخاصة اللي فيها دهن،

والدببة أنواع:

1.الدب الذوق:وهو دب يختار فريسته بتمعن ويتلذذ فيها،
عشان كذا تلقى ذوقه بالمطاعم توب.

2.الدب الدب:s48::وهو دب لأجل الدبابة، ووفاءً لها،
فتلقاه ياكل كل شي، الأخضر واليابس،
إلى درجة إني مرة كنت مع واحد من هالنوعية، وكان الظهر ووقفت السيارة تحت شجرة ونزلت لمحل،
يوم رجعت لقيت سيارتي بالشمس، قلت له وراك وخرت السيارة عن الظل، استحى ولارد علي مسيكين،
واكتشفت إنه يوم صار فاضي استخدم الشجرة كـ "سناك"، إبه أكلها.

ياكثر ما استرسل على غير سنع:110103_bi،
مهوب هذا موضوعنا،
موضوعنا لغز، واللي جاب طاري الدببة،
إن اللغز عن السمن، والمنع من مصلحتهم،
فإلى اللغز:

كان فيه شخصين بالصحراء، وكان معهم 10 كيلو سمن،
واتفقوا إنهم يقسمونه بينهم،
فمر من عندهم واحد، وقالوا له قسم السمن بيننا بالتساوي،
يعني كل واحد يصير معه 5 كيلو بالضبط،
وكان معهم 3 أواني،
واحد سعته 10 كيلو،
وواحد سعته 7 كيلو،
وواحد سعته 3 كيلو.

الشخص اللي مر من عندهم،
بدا يصب من كل إناء على الثاني حتى وصل إنه كل واحد من الاثنين معه 5 كيلو بالضبط،
كيف قدر بهالأواني إنه يقسم السمن بالتساوي؟؟؟

[جرح الضمير]

تحليل جميل ورائع عن الدببه :)


بس فيها جرح مشاعر :( لاني واحد منهم <<<<< أسئلوا دكتور المنتدى :)

أما عن اللغز أصبر .... لي رجعة بالحل ان شاء الله

[ابن عبداللطيف]

والله مشكله هالدببه


الحمد لله اني منيب دب واسئلوا الناس عني وخاصه اللي معي بالمنتدى وقد شافوني

تراني مثل البرصي ..افهم يابعض الناس

المشكله الحين مشغول شوي


ان شاء الله اذا فضيت ابحله


لاتنسى اني تخصص رياضيات


سلملم

[.. شـــوشـــو ..]

السلام عليكم ورحمة الله وبركاته ...،


مراااااااااااحب أخوي عمر ..،



وجدتها .. وجدتها ..،



وإن شاء الله تكون الإجابة ( صح ) ..،


* نعبئ الإناءين ( 7 – 3 ) ..

* نسكب الإناء 3 في الإناء 10 ..

* نسكب الإناء 7 في الإناء 3 ..

أصبح الآن الترتيب : 3 – 4 – 3 على الترتيب ( 10 – 7 – 3 ) ..



* نسكب الإناء 3 في الإناء 10 ..

* نسكب الإناء 7 في الإناء 3 ..

أصبح الآن الترتيب : 6 – 1 – 3 على الترتيب ( 10 – 7 – 3 ) ..



* نسكب الإناء 3 في الإناء 10 ..

أصبح الآن الترتيب : 9 – 1 على الترتيب ( 10 – 7 ) ..



* نسكب الإناء 1 في الإناء 3 ..

أصبح الآن الترتيب : 9 – 1 على الترتيب ( 10 – 3 ) ..



* نسكب الإناء 10 في الإناء 7 .. ( بحيث لن يستوعب إلا 7 فقط ويتبقى 2 ) ..

أصبح الآن الترتيب : 2 – 7 – 1 على الترتيب ( 10 – 7 – 3 ) ..



* نسكب الإناء 7 في الإناء 3 .. ( بحيث لن يستوعب إلا 2 فقط لوجود 1 مسبقاً ويتبقى 5 ) ..

أصبح الآن الترتيب : 2 – 5 – 3 على الترتيب ( 10 – 7 – 3 ) ..



* وفي النهاية نسكب الإناء 3 في الإناء 10 ..

وسيصبح الترتيب : 5 – 5 على الترتيب ( 10 – 7 ) ..



أتمنى يكون الجواب صح ..


وبالتوفيق للجميع ..،


وخيتكم .. شـــوشـــو ،،،

[.. شـــوشـــو ..]

السلام عليكم ورحمة الله وبركاته ..


مراااااااحب أخوي عمر ..


نسيت أشكرك على هاللغز الحلو .. :UFO-dog:


بس وش أسوي ( عجلة أهل وشيقر ) ، أخاف ينط أحد قبلي ويحله ..


مثل ما نطت قمر عكل في لغز أخوي صقر نجد !! :110103_po




ونسيت أقول لك إني حليت اللغز رغم إني دبا .. :s21:


ووالله ما خذت شي من هالسمن .. :t (20):


افتكيت منهم وعطيتهم حقهم النص بالنص .. :t (34):


حاولت أسرق بس ما قدرت .. :t (21):


والشكوى لله تحملت جوعي وقتها .. :s19:



يالله بأروح آكل .. :s48:



تسلم أخوي مرة ثانية على هاللغز الحلو ..،


نشوف ردودك على خير ..




وخيتك ... شـــوشـــو ..،

[يكفيني غــ ـرور]

شوشو ,, شوشو

نايس نايس

ايش الحركات هذي

والله انك شي .. بس تبين الصدز

شكلك نحفتي وانتي تشوفين السمن قدامك ..

يله يا حلوة

سلام

ما خليتي لنا مجال

( تراني ما فهمت الاجابه ) :)

[Omar]

عزيزي جرح الضمير:
شكرا يا بعدي على مرورك، وأعتذر عن هالتحليل، والدعوة كلها مزح، بس ما قلت لي أي نوع منهم أنت؟؟

وشكرا لك يا عزيزي..


ابن عبداللطيف:
أشوه منتب دب، ولا كان طبيت في بطني، وبعدين وين التخصص؟؟
آخرتها جت شوشو وحلته قبلك، وشكرا على مرورك يالغالي..


شوشو:

أولا:
وجدتها .. وجدتها
ترفقي يا شوشو بنت أرخميدس الله يهديك

ثانيا:
هلا والله وغلا، وشكرا على تفاعلك..

ثالثا:
حلك للغز صحيح مية بالمية ما شاء الله، وأتمنى إنك استمتعتي وانتي تحلين..


شوشو:<--للمرة الثانية
الله يسلمك، وما يحتاج تشكريني، أنا المفروض أشكركم على التفاعل، فشكرا لكم جميعا.
وبعدين انتي من أي نوع من الدببة؟؟


همسة في آذان العوااال*1:
فشلتونا الله يهديكم، سبقتكم المره، راااحوا الرياجيل*2.


*1:العوال = الشباب
*2:الرياجيل = الرجاجيل

ولكن بلغة بعض الناس D-:

[ابن عبداللطيف]

افااااااااااااااااا

يوم فضيت ودخلت ابحله لقيته

محلول .. مهوب مركب <<<< فاهم بالكيم ههههههههه


اخوي عمر

انا قايلك اني اذا فضيت ابجي احله بس للاسف يوم فضيت لقيته محلول وش اسوي اذبح عمري اذبح اللي حله قبلي<<< ترى الذبح مايعوق معه


يالله بانتظار لغز جديد وان شاء الله احله اول واحد بشرط اني اكون فاضي طبعا


سلملم

[جرح الضمير]

ياااااااااااخسااااااااااارة

كنت متولم للحل .... لاكن البركة في شوشو الي حلته

بس تعال ياعمر بقولك شيء على شان ماتقول عوال ورياجيل .... ياخي انت قلتها حنا رجال وورانا أشغال

مهوب مثل شوشو فاضية في هالبيت ..... حتى المطبخ الله يبارك في الوالدة والشغالة :)

يعني بعذرهم يحلون الالغاز قبلنا ..... حتى مسابقة الليدي لو تلاحظ ان البنات يحلونها قبلنا

ماسئلت نفسك ليه :) ..<<<<< حطها قضية

مبروووووووك ياشوشو ...... بصراحة أنتي ذكية بس من وشيقر وعجلة ياليتك عطيتينا فرصة على الاقل نثبت لكم اننا ماأحنا أغبياااااااااء :(

[Omar]

إخواني ابن عبداللطيف وجرح الضمير:

والله عندكم وجهة نظر، ونظرة ثاقبة، وهذا موضوع مطروح للنقاش بقوة، وسيتم نقل الموضوع لساحة النقاشات العامة<--مثبت عمري مراقب D-:

ولا يهمكم، إن شاء الله كل لغز يجيني بحطه وبسمي الموضوع "يمتنع البنات" p-:


والله إني أعجز عن شكركم على مشاركاتكم معي، وكم أسعدتني هذه المشاركات،،


أخوكم/عمر (-: