المساعد الشخصي الرقمي

مشاهدة النسخة كاملة : قصيده حزينه

بدوووورري نت
29-01-2005, 05:15 AM
--------------------------------------------------------------------------------

قصيدة ....تقطع القلب..
واحد اسمه خالد جاه مرض وقالوله انه بيموت كتب الشعر لصديقه يقول فيه :
انه يحب حبيبته ويبي من خويه هذا انه يخليها تنساه
اسيبكم مع القصيدة تقرؤها لانها والله تستاهل،،،وحتلاقون فيها الحب الصادق ....

وصاتي لك من بعدي تموت فيها علشاني
ابيها تعيش وتحيا بك واظل بالذاكرة مفقود

وصاتي لك تنسيها ملامح وجهي وتنساني
وتعزفها قصيدة حب على عكس اللي عزفته بعود

وصاتي لك تبعدها عن اشعاري وقيفاني
تراها مغرمة بالحيل ويشهد لي عدد الردود

وصاتي لك تسايرها ترى فيها من احزاني
طلبتك لايضيق بالك طلبتك والطلب مردود

وصاتي لك تناديها حياتي،عمري،ازماني
انا عودتها دايم ادلعها وانا موجود

وصاتي لك تعاملها بطيبة قلب واحساني
تراها تذرف الدمعة ودمعتها بليا حدود

وصاتي لك تحفظها سور وايات قراني
وتخبرها عن الميت رحل لايمكنه بيعود

وصاتي لك ترسمها على قبري واكفاني
ابيها لوحة تبقى على طول الزمن محدود

وصاتي لك تمازحها وتشوف الضحكة باسناني
سعيتك ياضحك هالكون طلبتك لاتصير جلمود

وصاتي لك تقهويها من دلالي وفنجالي
تراها تعشق السمرا ويكفيها دخون العود

وصاتي لك تركبها على خيلي وعلى حصاني
وربي فارسة من قلب شهادة ماهي لشهود

وصاتي لك تسفرها بلاد الشام ولبناني
وتنسيها ندم غلطة انا فيها ترى المقصود

وصاتي لك تكرهها في تاريخي وعنواني
ابيها تلعن اللحظة وتلعن كل فرح موعود

وصاتي لك تكلمها عن المجني وعن الجاني
وتخليني انا الظالم وانا من حرق الاخدود

وصاتي لك تشبهني بدم احمر قاني
وانا هالقاتل السفاح مجرم من عصر نمرود

وصاتي لك تحلفها تتوب تحبني ثاني
ترى يكفيها ماعانت ويكفي حيلها مهدود

وصاتي لك تنسيها وصية قالها لساني
انا اخبرك رجل موقف وانت قدها وقدود

صديقي مالقيت غيرك يعرف وشلون تنساني
امانة ضمها بقلبك ترى خالد رحل مايعود

وسلامتكم


وتقبلو خالص تحياتي
أخوكم / بدوووورري نت
NEW
29-01-2005, 07:11 AM
الله عليك أخوي بدوووورري نت

فعلاً قصيدة محزنة لأبعد الحدود

الله يعطيك العافية على النقلة الحلوة

مشكور و ما قصرت

أخوك: New
بدوووورري نت
29-01-2005, 02:05 PM
هلا والله نيو
مشكور على المرور
kha_sa_ab
31-01-2005, 08:46 AM
وصاتي لك تقهويها من دلالي وفنجالي
تراها تعشق السمرا ويكفيها دخون العود



الله يعطيك العافيه أخوي
بدووورري نت

وقصيدة فعلا جميلة

وأسمي أمنور القصيدة <<< خالد
بدوووورري نت
31-01-2005, 06:20 PM
هلا والله خالد


مشكور عالمرور
خضراء اليمامة
07-02-2005, 03:21 AM
السلام عليكم ورحمة الله وبركاته ..

بصراحة قصيدة روووووووووووووووووعة ..

وأنا حطيت رد عليها وأتمنى يعجبكم ..


بداياتي بذكر الله يعلم السر وما باني .. أقول إن الشفا عنده وبامره لا ومر موجود ..

إلى صرت مريض فاطلبه لا تصير حيراني .. ترى مثلك شفاه الله وصارت حالته في زود ..

وخلك من تفاكيرك وتلقى الخير يا فلاني .. نصيحة قلتها واسمع كلامي وافهم المقصود ..

ترى من طاوع أهل الهرج يا ابن الناس غلطاني .. يخلّون الطريق اللي يفكر به يجي مسدود ..

وأقول إن الوساوس ساسها من راس شيطاني .. تصَدّق يا عميل الخير وكثر لا حصل مردود ..

كتاب الله ترى فيه الشفا معروف يا أخواني .. نصيحة قلتها واقره ثواني ما يبي مجهود ..

تعود لزوجتك مع صحة مع عز وإيماني .. أقول اللي حصل من ضربة فيها من البارود ..

أخوي بدوري ..

هالأبيات " حقوق الطبع محفوظة " ..

يعني مو منقولة ..

لكن أتمنى توصلها للمنتدى اللي خذتها منه ..

وأتمنى توصل لصاحب الأبيات ..

مشكوووووووور على ذوقك الحلو ..

يعطيك العافية ..
بليهان
07-02-2005, 03:40 AM
مشكور بدوري

وصح لسان الشاعر
دودي
10-02-2005, 03:27 PM
مشكوور بدوري نت على الابيات


دودي