ألغاز حسابية ...

[ملاك]

السلام عليكم ورحمة الله وبركاته

هذي مجموعة ألغاز حسابية بخليها في موضوع واحد بدل ما أحطها في أكثر من موضوع وكلما حليتو لغز

أحط لغز ثاني

اللغز الاول :

إذا صعدنا سلماً كل درجتين دفعة واحدة يبقى درجة واحدة ، وإذا صعدنا كل ثلاث درجات دفعة واحدة يبقى درجتان ، وإذا صعدنا كل أربع درجات يبقى ثلاثة ، وإذا صعدنا كل خمس درجات يبقى أربع ، وإذا صعدنا كل ست درجات يبقى خمس ، وإذا صعدنا كل سبع درجات لا يبقى شيء ... فكم عدد درجات السلم ...؟؟؟


وبالتوفيق للجميع

[ولد الضيعة]

الله انــا جربـــت طريقــة للحــــل ,,


وطلــع لـــي 119 الناتـــج ,,


تكفين قولي صــح


عشان اشوووف طريقة حلي صح ولا غلط ,,

>>>>>> بيتشقق لو طلعت الطريقة صح ,,



مشكورة على اللغز اختي ,,

[.. شـــوشـــو ..]

السلام عليكم ورحمة الله وبركاته ..

بـــطّــــلـــــــــــــــــــت ..،

صح عليك يا ولد الضيعة ..

يوم حليتها وخلصت لقيتك حالها :cry: ..

عموماً الحل :

* درجات المصعد أحد مضاعفات الرقم 7 طبعاً ..

* عدد الدرجات عدد فردي لأنه يبقى درجة بعد الصعود درجتين درجتين ..

العدد هو 119 ..

لأن :


2 × 59 = 118 ويبقى درجة ... (( 59 دفعة )) ...

3 × 39 = 117 ويبقى درجتان ... (( 39 دفعة )) ...

4 × 29 = 116 ويبقى ثلاث درجات ... (( 29 دفعة )) ...

5× 23 = 115 ويبقى أربع درجات ... (( 23 دفعة )) ...

6 × 19 = 114 ويبقى خمس درجات ... (( 19 دفعة )) ...

7 × 17 = 119 ولا يبقى ولا درجة ... (( 17 دفعة )) ...

وجع ..

وش كثر هالدرج !!!

ما فيه مصعد ؟؟؟ :UFO-dog:

مشكورة ملوكة على هالألغاز الحلوة ..

وخيتك .. شــــوشــــو ..،

[ابن عبداللطيف]

مشكلتي اني اجي والقى اللغز محلول


محلول ولا مركب .. كر كر كر


مشكوره خيتو على اللغز


سلملم

[ملاك]

أخوي ولد الضيعه

أختنا في الله شوشو أفتت بصحة إجابتك

وباقي شوي وتستلم الموضوع بدالي

إجابه موفقه وشد حيلك في اللغز الثاني وألف شكر

[ملاك]

شوشو هانم

تمونين ياأم الشباب

تعوديلها تردين على مواضيعي



ماشاء الله تبارك الله على هالإجابة النموذجية

وإذا فيك شده حلي اللغز الثاني

وموفقه إن شاء الله

[ملاك]

أخوي ابن عبداللطيف

حياك الله

ومافات الا الشر هاك اللغز الثاني وشد حيلك قبل الباقين

وألف شكر عالرد

[ملاك]

اللغز الثاني :

المزارعان حسن وحسين لهما مزرعتين متجاورتين ، جلس حسن وحسين على الحد الفاصل بين المزرعتين ، حسن قال لحسين : لو أنك بعتني سبع دونمات من أرضك لصار عندي أرض مساحتها ضعف مساحة أرضك ، ضحك حسين وقال لحسن : ذلك صحيح ولو أنك بعتني سبع دونمات من أرضك سوف تصبح مساحة أرضي بمقدار مساحة أرضك
بعد هذا الحديث لم يبع حسن أي شيء من أرضه ولم يبع حسين أي شيء من أرضه ، فما هي مساحة أرض حسن ، وما هي مساحة أرض حسين ؟؟؟

[ولد الضيعة]

حســـن = 49 ,,


حسيـــــــن = 35 ,,



اتمنـــى تطلـــع صح ,,,



" ملاك " مشكورة على هالالغاز الحلوة ,,

[.. شـــوشـــو ..]

هلا والله أخوي ولد الضيعة ..

بصراحة أنا ما فيني شدة أحسب مساحات وحوسة ..

لأني أكره الهندسة !!!

بس يا ليت يا أخوي لو توضح لي طريقة الحل ..

يعني ما شاء الله عليك تجيب لنا الجواب النهائي وبس !!

وش نبي به ؟؟؟

نبي نفهم يا وخيي ..

يعني ياليت تجيب الورقة اللي خربطت فيها إلين لقيت الحل وتحطها ..

هههههههههههه ..

بانتظارك ..


وخيتك .. شـــوشـــو ..،

[ولد الضيعة]

هههههههههههههههههههههههههههههههههههههههههههههههههه هههههههههههههههههههههههههه


والله يا شوشو السؤال الاول حليته بطريقة غير طريقتكم ,,

حليته بالـ c++ واذا تبين الكود حق البرنامج عطيتك اياه مب مشكله هههههههههههههههههههههههههه


والسؤال الثاني مدري هو صح علي ولالا ,,

بس ذا حليته بالرياضياات


تعوضين بالمعادلات ,,



يعني زي كذا .,,


حسن = س ,,

حسين = ص ,,

حطي معادلة :

س +7 = 2 (ص - 7)

ثمن معادلة ثانية :

ص + 7 = س - 7

ثمن عاد تجمعين المعادلتين ثم تعوضينها في وحدة من المعادلات ,,,

بيطلع لك ناتج الـ س اوالـ ص ,,

ثم تعوضين بالناتج بأجد المعادلات ويطلع لك الناتج الثاني ,,

مدري ترى هذا حلي كذا مدري عن صحته ,,

ننتظر ملاك وش تقول ,,

سي يو ,,

[ملاك]

أخوي ولد الضيعة

أولا .. أعتذر عن تأخير الرد

ثانيا .. عيني عليك باردة

جوابك صح للمرة الثانية

يله عاد شد حيلك في اللغز الثالث

وبالتوفيق

[ملاك]

اللغز الثالث :

حديقة مستطيلة الشكل أقيم فيها بناء مربع الشكل مساحته 225 متر مربع ، أوجد مساحة الحديقة إذا كان محيط القطعة الباقية 70 متر ، وضلع البناء يساوي عرض الحديقة ...؟؟؟

[ولد الضيعة]

طيب ,,


بما ان مساحه المربع = الضلع تربيع ..

اذاً نجذر الماسحه يطلع لنا الطول والعرض .. حلو ؟؟
جذر 225=15

يعني عرض الحديقه 15 .. حلو ؟؟

لازم نطلع الطول حق الحديقه عشااان نضرب الطول بالعرض ويطلع لنا المساحه ..


والطوول نطلعه من المحيط ..


بس للاسف قانون المحيط ما اعرفه ..


فيا ليت الاخوان يكملوون الحل اذا كانت بدايه حلي صحيحه ,,

ملاك الغازك حلوه بس لو تحطين القوانين مع السؤال كان تمام ههههههههههههههههههه

الله يعطيك العاافيه ,,

سي يو ,,

[ابن عبداللطيف]

محيط اي شكل رباعي = مجموع اضلاعه


ولد الضيعه صح عليك بس كمل الحل


سلملم

[ولد الضيعة]

محيط اي شكل رباعي = مجموع اضلاعه

طيب اذا كان كذا ؟؟

وكان عندنا العرض اللي هو طلعناه 15 ,,

يعني بيطلع عندنا ضلعين = 30 ,,

يعني 70 -30 = 40 ..


ونقسم على اثنين عشان نطلع طول القطعه ,,


40 /2 = 20 ..



يعني مساحه القطعه الباقية ,,


20 * 15 = 300 ..

وانتم تبوون مساحه الحديقه ,,

يعني مساحه البناء زايد مساحه القطعه يطلع لنا مساحه الحديقه .. حلو ؟؟

يعني 225 + 300 =525 ..



هذا الحل على كلامك يابن عبد اللطيف ...

وننتظر الاخت ملاك وش تقوول ..

ويعطيكم العافيه مرة ثانيـة ,,

سي يو

[ابن عبداللطيف]

لا تنشبها فيني

انا علمتك قانون المحيط بس


ولا حلك ماادري عنه



<< مهوب فاضي يحسب


يالله ننطر ملاك


سلملم

[ملاك]

أخوي ابن عبداللطيف

قطتك جابت نتيجه بس ليش ماكملت معروفك وحطيت الحل وقطعت على ولد الضيعه

الفوز الساحق

عموما ماقصرت



أخوي ولد الضيعة

ماشاء الله عليك حطمت الرقم القياسي وحليت الثلاث مسائل الحل النموذجي

أشكر لك تجاوبك وإلى الملتقى في ألغاز أخرى إنشاء الله

[ابن عبداللطيف]

<<< اكبر عجااااااز


مشكوره خيتو ملاك على الالغاز


ومبروك لك يا ولد الضيعه


عطني نسبه من الجائزه


يالله نحتري الغاز جديده


سلملم