لأهل أشيقر فقط

[أوشيقري]

السلام عليكم ورحمة الله وبركاته
انا راح اسالكم سوال بس بالسوال هذا راح يبين من منكم من اهل اشيقر ومن لا




س/ كم منارة مسجد في اشيقر؟

[ملاك]

مرحبا أخوي الوشيقري


أي مسجد بالضبط

منارتين ان كنت تقصد الجامع

[فتى أشيقر]

انا اتوقع تسع والعاشره حقت الصناعيه و11 بالرطيق مسجد جديد شمال اشيقر بالاراضي الجديده اللي فوق





وشكرا ,,,

[أوشيقري]

تبون الجد انا والله ما عديتها علشان اعرف الاجابه

بس حلوه اجاباتكم

[ابن عبداللطيف]

والله مدري تصدق
لاني من زمان ماجيت لاشيقر


وبعدين حتى لو كنت باشيقر ابقعد اعد مناراتها ههههههه


مشكور اخوي واسئل مره ثانيه سؤال زين


سلملم

[أوشيقري]

اخوي ابن عبداللطيف

اذا كنت تروح لاشيقر بتقدر تعرف الجواب لان فيه 19 مسجد لكل مسجد مناره وحده

وللمسجد الجامع 3 مناراة

يصير عدد المنارات 22 مناره

السؤال سهل بس انت ما تبي تفكر

اخوك... اوشيقري

[فتى أشيقر]

الجامع الله يخليك منارتين ومن وين جو 19 مسجد عد زين !!

[أوشيقري]

اقول اخوي عد زين بعدين تعال تكلم

اذا تبي تعدهم صح اطلع فوق الضلع وقت الاذان علشان تشوف الي في الصناعيه وتتأكد


اخوك...اوشيقري

[ابوراشد]

بسم الله الرحمن الرحيم

بجوابك هذا يا أوشيقري تبين لنا انك ما عندك ما عند جدتي واسمعوا كلكم الكلام اللي يجمد على الشارب
ابعطيكم الجواب بتفاصيله:
1_مسجد الجامع 2 مناره .
2_مسجد عبدالله اباحسين 1مناره .
3_ مسجد الباحسين 1 مناره
4_مسجد الجامع بالديره 1 مناره
5_مسجد الشمال (التراث) 1 مناره
6_ مسجد اللهيب 1 منارة
7_ مسجد الناصر 1 مناره
8_مسجد اليحيى 1 مناره
9_ مسجد العقيلي 1 مناره
10_مسجد الضويان 1مناره
11_ مسجد الحويطه 1 مناره
12_ مسجد المفيلقيه 1 مناره
13_مسجد المنتزه (الجبل) 1 مناره

المجموع:13 مسجد و 14 مناره

كما ان هناك مساجد لا تقام فيها الصلاة منها :

الغبيه والعلا والسديس والجفر................الخ


اخوكم: ______________________ ابوراشد ______________.

[أوشيقري]

مشكور اخوي على هذا الجواب والظاهر انا يبيلي البس نظارات

اخوك...اوشيقري