قصة وقصيدة <=== ما لقالها عنوان

[نواف]

هذا كان فيه واحد شمالي شاعر كان يحب له وحده حب خيالي قوي وانعرف بحبها وكانوا متفقين يتزوجون بس

للأسف مالله قسم ولا تزوجوا زوجوها اهلها واحد ثاني غيره ..

وراحت سنين وانقطعت علومها وهو كان يدرس وتخرج وعينوه بديره بعيد بالجنوب وراح الرجال وداوم

واول يوم دخل الصف ثاني ابتدائي اللي كان يدرسه وهو يشوف كل الأطفال يتليقفون ويلعبون ماغير واحد

شد انتباهه جالس لحاله وهادي ومؤدب .. من ناظر له الأستاذ الشمالي اعطاه نظره وابتسم له يوم شافه الأستاذ

ابتسم وناداه وسأله عن اسمه قال انا فلان بن فلان

وهذي كانت المفاجأه قال الأستاذ امك فلانه ؟؟؟

قال ايه

طلعت الحبيبه السابقه

سبحان الله عمر ولدها سبع سنين وتذكر الأستاذ الماضي وهلت عبرته وحضن الولد وكتب له هذيك القصيده

الراااااااائعه واعطاه قال ودها لامك


والقصيده كانت تقول ,,,,





غابت ثمان سنين حل وترحال

.....غابت ثمان كلها مدلهمــــــــــه

غابت سنين وشهور وليـــــــال

.....مافيه قطر غير وجه يمــــــــه

وعقب الثمان اللي تعبها برى الحال

...... جاب الزمان الكارثه والمطمه

جاني ولدها مبتسم بين الأطفـــــــال

......ومن بسمته ذكرت انا بسمة امه

ركضت له ودمعي على الخد همال

......من كثر شوقي قمت بلحيل اضمه

ساعة حظنته والطفل في يدي مـــــال

....... شميت ريحها على اطراف كمه

واليوم بنت الناس في بيت رجـــــــال

......... حب على غير الشرف لي مذمه

مجبور اعود واشتكي لكل الأجيـــــــال

..... بنفس حزينه تايهه مستهمـــــــــــــــه

برجع غريب سكنه بر ورمـــــــــــــــال

....... يحيا يموت ويندفن مايهمـــــــــه

[دودي]

مشكور على الموضوع اخوي نواف والموضوع رائع

دودي

[دودي]

مشكور على الموضوع اخوي نواف والموضوع رائع

دودي

[نواف]

العفوا
ومشكور على المرور المنور

[دودي]

العفوا اخوي نواف وانت الي منور والله

[نواف]

يا هلا واللله فيك مرة ثانية

[أبو جراح]

مشكور على نقل القصيدة وياليتك أدرجت اسم الشاعر

لنعرف هل هو الحقيقي أم السارق.

وقد كثر النقاش حولها وكل شخص ينسج قصة للقصيدة من خياله

أو ان من سرق القصيدة من شاعرها ونسبها اليه نسج لها قصة

المهم أن القصيدة المذكورة للشاعر محمد البلاهدي الحارثي

ولم يذكر الشاعر أي قصة للقصيدة لأن القصيدة بذاتها قصة

والقصة لا تحتاج الى قصة لتقديمها

وجميع ما ذكر من قصص لهذه القصيدة منسوجة وليست صحيحة

شاكرا لك مشاركتك عزيزي نواف

[نواف]

العفووووا

والف شكر لك على المرور والتوضيح