معرفة الطريق

[المغترب]

السلام عليكم ورحمة الله وبركاته

اللغز يقول :

واحد يمشي في طريق وجاه مفترق طرق واحد يوديه لبيتهم وواحد يوديه لجماعه بيقتلونه وعند المفترق فيه شخصين واحد على الطريق اللي يودي لبيتهم وواحد على الطريق اللي يودي للجماعه اللي بيقتلونه واحد منهم صادق بمعنى ان اللي يقوله كله صدق والثاني كاذب بمعنى ان اللي يقوله كله كذب
السؤال كيف يعرف الطريق اللي يودي لبيتهم بسؤال واحد فقط لواحد من الشخصين
لا يشترط معرفة الكاذب والصادق

اتمنى يكون اللغز واضح

الحل يكون في نفس الموضوع

وسلامتكم

[خضراء اليمامة]

وعليكم السلام ورحمة الله وبركاته ..

هلا والله أخوي المغترب ..

أنا عندي حل .. وإن شاء الله يكون صح ..

يجي هذا الشخص ويسأل أي واحد فيهم " سواء الصادق أو الكاذب " .. لأنه ما يعرف أي واحد فيهم الصادق ..

ويسأل هالسؤال :

" لو سألت الثاني تتوقع وش يقول ..؟ "

إذا كان الصادق بيقول إن الثاني بيقول رح مع الطريق هذا .. فتروح مع الطريق الثاني ..

وإذا كان الكاذب بيقول إن الثاني بيقول رح مع الطريق هذا .. فتروح مع الطريق الثاني ..

يعني في كل الحالات أروح مع الطريق الثاني اللي ينافي قول الأثنين ..

لأن الصادق بيكون صادق .. والكذاب بيكذب ..

صح وإلا خطأ ..؟

يعطيك العافية ..

ومشكووووور على هاللغز الحلو ..

خضراء اليمامة ..

[المغترب]

الله يعافيك

ما شاء الله عليك الحل صحيح ميه في الميه

كذا تضطريني اصعب الاسئله مادام اول رد وجا الحل

[يكفيني غــ ـرور]

وعليكم السلام والرحمة

ماشاء الله يا خضوره

ما شفنا الا غبارك في هالسؤال ,, ويوم لهينا بالكحكحه .. حليتيه :)

مـــــــــــــاشــــــــــــــاء اللــــــــــــــــــه

<< الشرهه على اللي درا عنه من أول
:)

اخوي المغترب

ننتظر الجديد من اسالتك