من وين جبت إيميلي .. ؟؟؟

[صدوقة]

السلااااام عليكم ورحمة الله...


كانت جالسه أم الشباب تتصفح الانترنت طبعا الماسنجر شغال وفجأة جاءتها رسالة عبارة عن إضافة..؟؟

ما كذبت خبر على طول اختارت.. موافق !!

ويطلع لها واحد لزقه..

على طول أون لاين الظاهر ساكن في مقهى انترنتhttp://www.asmilies.com/smiliespic/psmilie/150.gif

وكل يوم نفس السؤال تسأله؟؟

من وين جبت ايميلي؟

ويقول لها : وصلني عن طريق إيميل من إيميل


وما صدقته وكل يوم تتطاق هي وياه : قلي من اللي مرسلتك علي ؟

وهو يحلف: والله محد أرسلني لك يابنت الناس وعلى هالحالة كل يوم ..


طبعا هي تقدر تصلح له بلوك بس ماتبي..

بعدها بفترة حست بالملل من تكرار نفس الطريقة معاه وقالت ليه ما أشوف وش وراه ؟؟



وردت عليه السلام لأن بالعادة كل يوم هو يسلم وهي تطنش ..

المهم مع الوقت اكتشفت إنه ولد أخلاقه عالية ومحترم لآخر درجة


صارت هي وياه سوالف كل يوم وأنواع الهبال

وصار يعرف عنها كل شي ..


ويوم من الأيام اختفى عن الماسنجر وماجا ؟

غريبة وينه مو من عوايده..

هو عليه شبكه عنكبوت من كثر ماهو مرابط على الجهاز

!!وبعدين ماعطاها خبر انه بيسافر أو بيغيب لظرف

بعد فترة طلع لها على الماسنجر وقال: أنا كنت تعبااان وما قدرت أفتح النت

قالت له البنت : وليه ما حاولت ترسل لي؟.. أنا تعبت من التفكير

وقامت الهواجيس تلعب براسي ..

قال: تبين الصدق يا بنت الناس ؟

قالت: أكيد ؟


قال أنا لا تعبان ولا هم يحزنون..

كنت أبي أشوف غلاتي عندك وأنتي بتفتقديني أو لا ؟

البنت ضاق صدرها من طريقة تفكيره ...

وقالت: ما توقعتك كذا .. تستهبل علي؟؟


وزعلت عليه وهو يراضيها ويحلف لها إنه يحبها ومو قصده يزعلها http://www.asmilies.com/smiliespic/sad/057.gif

^


^


^

وحتى انه ناوي يتقدم لها

طارت البنت من الفرحة يوم درت انه بيتزوجها .. http://www.asmilies.com/smiliespic/new/020.GIF

بس قال لها: أنا عندي مشكله ؟

قالت : وشي ؟

قال: وشلون أقول لأمي عنك ؟

خايف تسألني وشلون عرفتها ومنهي بنته ؟ وقتها وشلون أتصرف ؟ ..

قامت تفكر وتعصر مخها وقالت: مافيه إلا إني أتعرف عليها شخصيا ألين أخليها تعجب فيني


وهي بنفسها اللي تخطبني لك

قاموا يفكرون وشلون تتعرف على أمه ؟ http://www.asmilies.com/smiliespic/happy/231.gif

طرى على بالها إن أبوها وأمها بيحجون هذي السنة..

قالت: وش رايك تودي أمك للحج بنفس الحملة اللي بيروحون فيها أهلي وأنا ابقنع أهلي إنهم يودوني معهم....؟

ومن يومها وهي تحن على أهلها أبي أحج معكم.. أبي أحج معكم.. ؟

قالوا لها: ما عندنا مانع والحج فريضة على كل مسلم وودنا انك تروحين وتقضين فرضك..

انبسطت وقالت له إن أهلها بيودونها للحج معهم

والدور عليه الحين عشان يخلي أمه تروح للحج .. وهذا اللي صار..

أول ما وصلوا لمكة وهي تتشوف لها في السكن اللي هم ساكنين فيه..

وكل وقت وكل صلاه وهي جنبها..

وبالليل تساعدها بقراءة الدعاء...

ولما جاء يوم عرفه راحت تجمع لها الحصى

وتقول لها هذي الحصاة أكبر وتعور إبليس وتعطيها ..

ولما راحوا يرجمون كانت معها بكل خطوه من خطواتها...

ولما جاء آخر يوم من أيام الحج ..

وكانوا بيطوفون الوداع راحت تسلم عليها وتحضنها..


وتقول لها والله إني أحبك زي أمي واني ارتحت لك يا خاله وتهل من دموع التماسيح ..


وراحوا للمطار عشان يرجعون لديرتهم ..http://www.asmilies.com/smiliespic/happy/050.gif


ولما وصلوا استقبل الولد أمه وأبوه من المطار..

وقعد يسألهم عن حجهم وعسى ماتعبتوا ومن هذا الكلام ..


وبعدها قال: يمه عسى ارتحتي بحجك ؟

قالت يا ولدي والله انه أحسن حج ذا السنة الله يخليك لنا

قال :عسى الناس اللي معك طيبين وارتحتي لهم؟

قالت: والله ماعليهم ناس اجاويد..

بس والله ماضيق صدري إلا بنتن كانت معنا نشبت بحلقي هناك


الله يعيين اللي بياخدها http://www.asmilies.com/smiliespic/sad/142.gif


منقووووووووووووووول بتصرف ..

ملاحظة ..

إيراد هذه القصة لا يعني أبدا تأييد علاقات الإنترنت .. بل على العكس من ذلك .. والله الموفق


****************************

[NEW]

و عليكم السلام و رحمة الله و بركاته

موو مصدقة

شكركر على القصة و شكلها واقعية 100%

يعطيك العافية مشكورة و ما تقصرين

أخوك: New

[أبو جراح]

وعليكم السلام ورحمة الله وبركاته



ههههههههههه


اذا راح التعب بلاش


مشكورة اختي

[صدوقة]

هلا والله أخوي نيو .. وحياك الله في موضوعي ..



والله ما أدري عن صحتها بس أنا أعجبتني وحطيتها..


يسلموو على التعليق

[صدوقة]

هلا والله بابو جراح ..

منور ..


شفت عاد ..


ياليت من يشوف وجه الولد بعد كلام امه ,,

والا البنت ..

هههههههههههه


منور أخوي

[kha_sa_ab]

http://www.mamarocks.com/trluv5.gif


وتقول لها هذي الحصاة أكبر وتعور إبليس وتعطيها ..

ههههههههههههههههه

والله رايقه هالبنت
وعزيمتها قويه بالمرة ..

لكن الله ستر عليها وعليه

الله يعطيك العافيه

وتسلين على القصه الرايقه


http://www.mamarocks.com/trluv5.gif

[صدوقة]

هلا والله خالد ..


منور ..

أي عزيمة واللي يعافيك .. إلا أحس انها عقب كل هذا طلعت نشبه << هالحريم ماينفع معهم شي ..


مشكور على مرورك ..

[جمعت الشووق]

حلوووه

بجد شي والله مشبه هذي الظعيفه وهي مجتهده ويعور راس بليس يحياتي البنيه مجتهده بس مشكوره مو مصدقه على هيك موزوع

[ملاك الحب_16]

هههههههههههههههههههههههههههههههههاهاهاهاهاههاهاهها ههاهاي
ههههههههه

اللله يررجك يسلمووو عالقصه الحلوووه

تحيتي ملاك

تشاوووو

[*عروس مضيعه الصاله*]

ومن يومها وهي تحن على أهلها أبي أحج معكم.. أبي أحج معكم.. ؟ ..<..لحووول ياذا الاهل يترجونهم
وشووله ماتخلونها تروح خليها تبي تخربها نيهههههههههههههههههههههههههاي

يسلمووووووووووووو قلبوووووووووووو على القصه الحلوه

برررررررررر مطوله رررررررب

[صدوقة]

جمعت الشوق ,,

ملاك الحب ,,

عروس مضيعة الصالة ,,



هلا بكم ومشكورين على مروركم الكريم ,,

[خضراء اليمامة]

مرااااااااااحب ..

ههههههههههااااااااااااااي .. http://www.asmilies.com/smiliespic/happy/074.gif

يا عمرييييييييي .. وربي رحمتها .. http://www.asmilies.com/smiliespic/happy/067.gif

والله ما تسوى عليها تتعب معها .. وفي الأخير تقول عنها " نشبه " .. http://www.asmilies.com/smiliespic/happy/079.gif

لو أنا مكان هالبنت تدرون وش بأسوي ..

بأسوي له حظر .. وأروح لبيتهم وأقول لأمه " كش .. وما أحبك " ..

<< هذا اللي أقدر عليه .. http://www.asmilies.com/smiliespic/happy/061.gif

ما أحد قال لها تتعرف على واحد ما تعرفه ..

أنا ما أدري هالناس كيف يفكرون ..

بالله عليكم بترتبط هي والا بيرتبط هو بأحد ما يعرف عنه إلا كتابات في منتدى أو تشات أو ماسنجر ..؟ http://www.asmilies.com/smiliespic/happy/032.gif

ولو إنها استمرت على " من وين جبت إيميلي " أبرك لها من إنها تسترسل معه .. http://www.asmilies.com/smiliespic/happy/030.gif

لا وتصير في الأخير " نشبه " ..

يسلموووووو موو مصدقة على موضوعك الرايق ..

ويعطيك العافية ..

همسة :

جملتك الأخيرة " إيراد هذه القصة لا يعني أبدا تأييد علاقات الإنترنت .. بل على العكس من ذلك .. والله الموفق " ذكرتني بدعايات الدخان ..

يسوون دعاية .. وإعلان وتعب ..

ومكتوب تحت : " الدخان أحد أسباب سرطان الرئة .. "

هههههههههههههههههههههه .. http://www.asmilies.com/smiliespic/happy/035.gif

خضراء اليمامة ..

[دودي]

هههههههههههههههه الله يرجك بصراااحة قصة ولا ارووووع

يعطيك العافية

[صدوقة]

هههههههههههههههههههههههههههههااااااااااااااااااااا ااااااااااااااااااااااااااي

خضراااااااااااااا

الله يرجك أنت وردك ,,


ويقولون عني مرجوجة ,,


ياحبني لي أنا ورجتي ,,



صراحة ردك ياخضرا موتني من الضحك ,,



بس من جد إذا بغيتي تروحين تقولين لها كش خذيني معك علشان أنا بعد أقول لها كش<<صدقت ان السالفة صايرة لك,, بسم الله عليك ,,


بس قبل لا أقول لها كش باقول للبنت كشيييييييييين علشان تتعود لها ,,


أما سالفة الدخان الله يرجك ,,


مقارنة موفقة ,,


بس من جد منسمة وما تطلع إلا من منسمين ,,


إنفقعي << يعني انقلعي بس علشانك حطيتي هالأيقونة صارت انفقعيhttp://www.asmilies.com/smiliespic/happy/035.gif


مشكورة على ردك الحلو ,,



دودي ,,

هلا أخوي ومشكور على قراءتك للقصة وأحسن شي انها أعجبتك ,,


تسلم أخوي ,,

[دحومي]

حلوة


كل ذا في النهاية ماصار الهدف<<<هدف ولا قول


مشكورة اختي موو مصدقة

[جرح الضمير]

خخخخخخخخخخخخخخخخخخخخ

والله أقلاع من جد

لكن تستاهل ماجاها

بس والله ماضيق صدري إلا بنتن كانت معنا نشبت بحلقي هناك


الله يعيين اللي بياخدها

ههههههههههههههههههههههه

قصة رائعة مقلعه

الله يعطيك العافية يامو مصدقه

[صدوقة]

أخوي دحومي ..


إي والله المسكينة ما جاها اللي بغت ..

هلا بك أخوي ومشكور على مرورك ..



أخوي جرح الضمير ..


إي والله تستاهل ماجاها ..

وتستاهل اكثر .. وتحمد ربها ان السالفة وقفت على كذا ..

مشكور على مرورك المنور اخوي ..