¨¨™ ¯`·.·• ( الشاورما ) •·.·°¯

[*سندريلا*]

•·.·°¯`·.·• ( الشاورما ) •·.·°¯`·.·•

الشاورما من السندويشات المفضلة لدى الجميع دون استثناء .
لذا احببت ان يكون سندويتش الشاورما من صنع يديك.


http://love-m.com/images/sh1.jpg

المقادير :

كيلو لحم مدهنة بدون عظم ( هبرة )>> عاد اختاروا تبون دجاج والا لحم ..



عصير ليمونة ...
3 ملاعق كبيرة خل
ملح / فلفل اسود / بهارات / قرفة ( ملعقة صغيرة من كل صنف )
الطريقة :
ننظف قطعة اللحم ونغسلها ..
نضعها في قسم التجميد مدة 3-6 ساعات ( حتى يكون تقطيعها اسهل ) ...
توضع مقلاة واسعة على نار متوسطة حتى تسخن جيدا ( انا افضل استخدام التيفال )
في هذه الاثناء يقطع اللحم المتجمد بسكين حادة الى شرائح رقيقة
( هي بتطلع رقيقة غصب طيب لان اللحم جامد والسكينة تقطع اطرافه ...)
تصف رقائق اللحم في المقلاة السخنة حسب اتساعها ..
يرش فوقها نصف كمية التوابل ...

http://love-m.com/images/sh2.jpg

لاحظوا كيف اللحم صاير رقائق
وعندما يبدأ الدهن بالذوبان تقلب الشرائح بملعقة خشبية مسطحة ...
يضاف عصير الليمون و الخل فوق اللحم ...
ترش بقية التوابل فوق الشرائح و تترك على النار حتى تنضج


http://love-m.com/images/sh3.jpg

لاعطائها نكهة خاصة و حتى تتفوق على شورما المطاعم
سوي هذي الطريقة بعد ان تنضج الشورما تماما


http://love-m.com/images/sh4.jpg



الفحمة الي في النص تعطي نكهة الشواء اللذيذة ...

.............................
نجي للخبز الخاص اللي نلف فيه الشورما ..

المقادير :

3 كاس طحين ابيض
1 بيضة
1/2 ملعقة صغيرة خميرة فورية
1 ملعقة كبيرة سكر
1/4 و 1 كاس ما للعجن
1/2 ملعقة صغيرة ملح
تخلط المقادير الجافة ثم يضاف البيضة والماء بالتدريج للحصول على عجينة متجانسة ...
تغطى وتترك لترتاح لمدة 15 دقيقة ....
تقسم الى كور صغيرة .... تفرد كل كرة على شكل دائرة خفيفة
بعد ان ينثر بعض الطحين ( انا اكثر منه حتى تسهل عملية الفرد


http://love-m.com/images/sh5.jpg


يحمى صاج او تاوه حتى يصل الى درجة متوسطة
يسكب 1/2 ملعقة زيت عافية عليها ثم توضع الدائرة الخبز
وتحرك بحيث يصل الزيت الى جميع اطرافها ...
اثناء ذلك ترق الكرة الثانية ... تقلب الخبزة لليتحمر وجهها الاخر ..
ننتظر ثواني ثم نرفعها ونضع الدائرة الاخرى ...... وهكذا


http://love-m.com/images/sh6.jpg

خلصنا الخبز ... نلفه في كيس بلاستك حتى لا يجف ...
الحين دور اللف نكون مجهزين :
بقدونس مفروم
بصل شرائح رقيقة ومقلب في سماق
( انتبهوا للسماق لا يكون خشن الطحن لانه يخرب الشغل كله )
طحينية او
( طرطور )
وهو يتكون من: كوب شاي طحينية + عصير ليمون الكمية حسب الذوق ( 2- 4 ملعقة كبيرة ) + ثوم مهروس الكمية حسب الذوق ( من فص الى فصين ) + ملح + 1ملعقة كبيرة زيت زيتون + زبادي تقريبا كوب شاي الى كوب ونص ...
.يمزج اولا الثوم مع الملح حتى يذوب تقريبا ثم يضاف اليه الطحينية و الليمون ويمزج جيدا ...
نلاحظ ان المزيج مع الخلط يقسى ويتماسك يضاف ****ادي تدريجيا ...
ملعقة ملعقة ... ويخلط بعد كل ملعقة جيدا...لانه لو اضيف دفعة واحد فان الخليط يتكتل ..
.يضاف زيت الزيون في النهاية )
نفرش قرص الخبز .. ونضع : القليل من اللحم ... القليل من الطحينية ... بقدونس ... بصل بالكمية اللي نحبها

http://love-m.com/images/sh7.jpg

ثم نطوي وحتى نسطر عليها نغلقها بعود التزين ..
وهذا الشكل النهائي ....................... بالعافية

http://love-m.com/images/sh8.jpg

وبالهنا والشفا


وصلحوها يامال العافية وخلوا عنكم اكل المطاعم ..

سلامي
س
ن
س
ن

[خضراء اليمامة]

السلام عليكم ورحمة الله وبركاته ..

هلا والله سنسونة ..

والله وأنا أختك إنها طريقة منتازة .. http://www.3z.cc/sml/7/100.gif (http://www.3z.cc/sml)

ما شاء الله عليك .. ما خليتي شي ..

حتى الخبز حاطة لنا مقاديره وطريقة تصليحة ..

بس تدرين ..

سالفة الجمرة اللي في النهاية تعطي نكهة خطيييييرة ..

لا .. وحتى أهلك بيستغربون .. بيقولون مو معقولة هذا طبخك .. http://www.3z.cc/sml/7/088.gif (http://www.3z.cc/sml)

على العموم ..

أنا أذكر مرة سويت شاورما .. ويوم جاء دور الجمرة إلا أنا جوعاااانة ..

قلت كيفها .. أهم شي شي يدخل البطن .. http://www.3z.cc/sml/7/087edca725c07f84549f6c9211a36249.gif (http://www.3z.cc/sml)

وكلناها بدون جمر وطلعت تهبل .. http://www.3z.cc/sml/7/111.gif (http://www.3z.cc/sml)

خخخخخخخخخخخخخخخخخخخخخ .. http://www.3z.cc/sml/7/118f1238d12760d59a6b4753ed7131a7.gif (http://www.3z.cc/sml)

يا ملا العافية والله يا سنسونة ..

شكل الخبز طعمه خطير ..

بإذن الله باسويها قريب ..

بس باسألك :

وش نشرب معه ..؟ http://www.3z.cc/sml/7/133.gif (http://www.3z.cc/sml)

لبن وإلا حليب .. http://www.3z.cc/sml/7/109.gif (http://www.3z.cc/sml)

مشكووووووووووورة ..

خضراء اليمامة ..

[NEW]

و عليكم السَّلام و رحمة الله و بركاته <<< على مَنْ ألْقَت السَّلام



<<< ريحة الشَّاورما شاقِّةٍ خشمة :O

ما شاء الله ، ما شاء الله

وش ذا الزِّين تكفون؟ :)



و الله شغل مرتَّب ;)

شرح مفصَّل للمقادير ، و صور إيضاحيَّة جميلة

الله لا يضرِّك



أقول *سندريلا*

وش رأيك بالطَّلبات الخارجيَّة؟ يمدحونها هالأيَّام

كلٍّ قام يوصِّل ، حتَّى البقَّالة كسرة علك أبو طبعة يوصِّلونها! :|

مب لازم يسري العرض على كل النَّاس عشان لا نتعِّبكم ، بس بيتنا :D

و السَّوَّاق موجود لا تشيلين هم التَّوصيل :P



أهنِّيك على شرحك الرَّايق ، ما شاء الله عليك

:D ( بس لا تخافين ، ما يمديك على طبختي الشَّهيرة التي خطفت الأضواء ) :D

:P




يعطيك العافية على الطَّبخة الرَّائعة

و موضوع متعوب عليه ، بيَّض الله وجهك :)



شكركر

أخوك: NEW

[*سندريلا*]

وعليكم السلااام .. هلا فيتس خضورة ..


والله وأنا أختك إنها طريقة منتازة ..

منتازة وبس؟؟؟ الا وش زينهاااااااا .. بلا أكل مطاعم بلا خرابيط..

سالفة الجمرة اللي في النهاية تعطي نكهة خطيييييرة ..

لا .. وحتى أهلك بيستغربون .. بيقولون مو معقولة هذا طبخك ..

ايه والله لها نككككككه .. ذكرتني بمره حطيتها في المندي .. بس للاسف هاوشوني اهلي يقولون ماثر عليه بقوة ..

على العموم ..

أنا أذكر مرة سويت شاورما .. ويوم جاء دور الجمرة إلا أنا جوعاااانة ..

قلت كيفها .. أهم شي شي يدخل البطن ..

وكلناها بدون جمر وطلعت تهبل ..

زيييييييييين انتس احتريتي كل ذيك الفترة .. انا اذا خلصت الطبخة واستوت لاني قد شبعت..

يا ملا العافية والله يا سنسونة ..

الله يعافيتس يابعدي .. هاه وش رايتس اصير منافسة لحصة الجهني؟؟ (: ..


شكل الخبز طعمه خطير ..

جناااااااااااااااااان حطي معه عسل وحبة سوداااااء يطلع خطييييييييييير ..

بس باسألك :

وش نشرب معه ..؟

لبن وإلا حليب ..

يمدحون الكوكتيل واذا تبين خذي حليب اللي بالفراولة ..

يسلمووو يابعدي على هالمرور الطيب..

سلامي
س
ن
س
ن

[*سندريلا*]

و عليكم السَّلام و رحمة الله و بركاته <<< على مَنْ ألْقَت السَّلام


احم احم .. هو انا قلت السلام عليكم بس يمكن ماسمعتوني ..



<<< ريحة الشَّاورما شاقِّةٍ خشمة

ياامن الكذذذذذذذذذذذذذذب .. اصلا مولعين الشفاطة وصاكين باب المطبخ ..وشلون وصلتك الريحة ؟؟؟!!!


ما شاء الله ، ما شاء الله

وش ذا الزِّين تكفون؟

و الله شغل مرتَّب

شففففففففففت ولا واحد من بوفيهات التسالي يقدر يسوي مثلي ...
شرح مفصَّل للمقادير ، و صور إيضاحيَّة جميلة

الله لا يضرِّك

يااااااااااربيه وجعتني يدي .. ااااقصد كوميتري احترق ..
أقول *سندريلا*

وش رأيك بالطَّلبات الخارجيَّة؟ يمدحونها هالأيَّام

كلٍّ قام يوصِّل ، حتَّى البقَّالة كسرة علك أبو طبعة يوصِّلونها!

ايه والله بصراحة الطلبات الخارجية فكتلنا ازمة وخاصة البقالات >> تحسبها في قناة الاخبارية ..

مب لازم يسري العرض على كل النَّاس عشان لا نتعِّبكم ، بس بيتنا

ليش بيتكم على راسة ريشة .. والا تاج الاميرة ؟؟

و السَّوَّاق موجود لا تشيلين هم التَّوصيل

ياربيه وشذا رحمتك ..

خلاص باسوي لكم بس جب المقادير كلها وقبل ماتجي صلح الخبز لاني اخاف اصير طالعة واحمس البصل لانك تحب الحمس وقطع الحم واطبخه لانك بعد تحبه وافرم البقدونس لان ماعندنا قطاعة ولافرامة وجب معك صحن لان ماعندنا صحون وجب معك عود لان ماعندنا اعواد وجب ملعقة لان ماعندنا ملاعق >> شكلهم ساكنين في مقطعه ، ايه وش بقي بعد .. ايه صح ولاتنسى بعد زينها في بيتكم لان احتمال يصير عندنا ناس >> ختامها مسك ..


أهنِّيك على شرحك الرَّايق ، ما شاء الله عليك

ثاني مرة تنضلني .. اشوى ان مافيه طبخة ثالثة والا ان كان صرت مومياء ..

و موضوع متعوب عليه ، بيَّض الله وجهك

الله يبيضنا وياك >> وحده ماتدري وش السالفة ..

يعطيك العافية ياخ دكتور على المرور..

سلامي
س
ن
س
ن

[فتاة أشيقر]

وش ذا ياسنسن

كبريت والله

يالله ذوقيني ذا الشاورما بالجامعه

بس تكون من شغل يدك

موب ميد إن فلبين أو انديا

أوتسي


تحيتي::فتو,,,

[لبوة الريبال]

http://www.w6w.net/album/35/w6w2005041919345643d1e4f8.gif


ما شاء الله

وش الحركات

حتى شغلك شكله مرتب ونظيف

أتمنى لك التوفيك


http://www.w6w.net/album/35/w6w20050419194628ee72d18e.gif

[يكفيني غــ ـرور]

وعليكم السلام والرحمة ,,

منيب منيب مابي لحم << ما احبه ..

ابي شورما دجاج ,,
الا تفتحين لي موضوع جديد وتحطين دجاج بدل هبرتكم << مسكت معي

بس والله يشهّي

شكرا سنسونه
وتسلم يدياتك بنقولها بعد ما يشرفنا الدجاج :)

وخيتك

[فتى أشيقر]

ههههههههههههههههههههه

مشكووووور على الطريقه بس لو تفتحين بوفيه باشيقر ازين من انور

سلملمـــــــ

[ابن عبداللطيف]

تراني داخل ابذوق


الصور ما تكفي

وياليت وحده دجاج ووحده لحم


ولا تنسون البارد اخاف اغص


سنسن طبخه متعوب عليها

مدعومه بالصور وشغل مرتب

تسلم يمينس خيتو

سلملم

[*سندريلا*]

وش ذا ياسنسن

كبريت والله

كحم كحم كحم. .. ايه اصلا كل الناس يقولون انتس كبرتي وطلتي >> تواجه صعوبة في ذا الموضوع ..

يالله ذوقيني ذا الشاورما بالجامعه

اييييييييييييييه .. انتي خلينا نشوفتس وبعدين ذيك الساعة نعطيتس شاروما ..
بس تكون من شغل يدك

موب ميد إن فلبين أو انديا

خلاص موب ماخذين من ذا الماركة بناخذ ميد ان اندونيسي تراهم يمدحون ماركاتهم !! معليش ؟؟؟

يسلمو فتو حياتي على هالطله ..

سلامي
س
ن
س
ن

[*سندريلا*]

ما شاء الله

وش الحركات

حتى شغلك شكله مرتب ونظيف

احم احم .. يعني اصلح اشتغل في بوفيه يعني اصير نادله ..

أتمنى لك التوفيك

وياكي يارب ...

لاعدمنا مرورك يالغاليه ..

سلامي
س
ن
س
ن

[*سندريلا*]

منيب منيب مابي لحم << ما احبه ..

ابي شورما دجاج ,,
الا تفتحين لي موضوع جديد وتحطين دجاج بدل هبرتكم << مسكت معي

عادي يابعدي خذيها بروح طيبه انتي شوفي بس لاتاكلين .. وبعدين تعالي صفي معي انا مابي لحم وخلينا ننحتهم ..
بس والله يشهّي

وبدأت اول مرحلة في النظله .. عليهووووووووووم ياغرور ..
شكرا سنسونه
وتسلم يدياتك بنقولها بعد ما يشرفنا الدجاج

العفو حبيبتي .. ياختي حاطه لكم خيارات فوق كيلو لحم مدهنة بدون عظم ( هبرة )>> عاد اختاروا تبون دجاج والا لحم ..
<<<< شفتي ..


تسلمين غرغر على طلتك ..

سلامي
س
ن
س
ن

[*سندريلا*]

ههههههههههههههههههههه

مشكووووور على الطريقه بس لو تفتحين بوفيه باشيقر ازين من انور


ايييييييييه انا قايله باصير نادلة في بابا عبيد >> كشخة الاسم صح<< اللي في شقراء بس انتم تقولون لا وش اسوي لكم ..

ثانكس فتى على هالخفة ..

سلامي
س
ن
س
ن

[*سندريلا*]

تراني داخل ابذوق


الصور ما تكفي

وياليت وحده دجاج ووحده لحم


ولا تنسون البارد اخاف اغص


ماعندنا كل شي خلص .. وبعدين امي تقول لاتعطين احد منها بس وريهم ..

طيب ماعندنا بارد عندنا حار عادي يمشي؟؟
سنسن طبخه متعوب عليها

مدعومه بالصور وشغل مرتب



الله مير يسلمك .. وشذا بصراحة كل مادخلت لقيت مدحة .. شكلي باعتزل الفن >> وش دخل الموضوع !!!

تسلم يمينس خيتو

ليش يميني بس حتى يساري بعد مشتغلة ..لاتحقرونها الضعيفة >> عسى ماشر وش تبين ؟؟


ثانكيو طفطف على هالمرور..

سلاميي
س
ن
س
ن

[المطر]

الله يخليلي المدام تسويلي شاورما طعمها يطق في الراس
مهوب شاورما المطاعم الله يكرم النعمه

[منتهى السعاده]

http://www.ushiqer.net/vb/mwaextraedit4/extra/80.gif

[أبو أسامة]

http://love-m.com/images/sh8.jpg

وبالهنا والشفا


وصلحوها يامال العافية وخلوا عنكم اكل المطاعم ..

فعلا ما في أجمل من البيت و أكلاته