تغطية المنتدى للأمسية الشعرية ثالث أيام عيد الفطر المبارك لعــ1426ــام

[اللجنة الإعلامية]

http://www.ushiqer.com/ushiqer/pictures.3/DSCN6925.jpg

بسم الله الرحمن الرحيم

والصلاة والسلام على أشرف الأنبياء والمرسلين .. أما بعد :

نحييكم بتحية أهل الجنة .. السلام عليكم ورحمة الله وبركاته


نقدم لكم تغطية المنتدى للأمسية الشعرية الكبرى التي أقيمت في أشيقر في

3 / 10 / 1426 هـ .. على شرف الشاعر طلال السعيد ..

.
.
.
.

كلمه للدكتور / عبد الله الزازان .. وكانت تعريفيه بالشاعر طلال السعيد


http://www.ushiqer.com/ushiqer/pictures.3/DSCN6954.jpg


http://www.ushiqer.com/ushiqer/pictures.3/DSCN6929.jpg
http://www.ushiqer.com/ushiqer/pictures.3/DSCN6932.jpg



بعد ذلك بدءت الأمسيه .. بقصيدة



قالت تغزل



قالت تغزل ليش ساكت ومنظام=لا ياخذك صمتك ويطويك ظله
عطني قصيده حب من شعرك العام=قول وتغزل عنك الصمت خله
قلت ايه ماذقتي طعم مر الايام=شعب بدون ارضه يعيش بمذله
شيء جرى ماصار حتى بالاحلام=بالليل امان ونصبح الصبح ذله
جونا بغفله والمخاليق نيام=اهل الحسد والحقد من كل مله
لا تبحثين الي غدى قلبه اقسام=مشرداً يشكي ثمانين عله
وين اتغزل والبلد بيد صدام=وين اتغزل والبلد مستحله
ماهوب وقت اسرار واشعار واحلام=واقول احبك وانتي الحب كله
تبدلت امالـنا كلها آلام=وضاع الطريق الي من اول ندله
يابنت انا ماني على خبرك العام=هاتي بلادي واخذي العمر كله


ثم القى بعدها قصيدة يا صلاله خبريني يا صلاله والتي كانت قصيدة طويلة جداً وكانت الفية تحدث فيها عن دول الخليج وأهلها وحكامها ونظمها عندما كان في سلطنة عمان وقد كان لهذه القصيدة صدى كبيراً من الجمهور وشجع لها كثيرا

بعدها ألح الجمهور على الشاعر ألقى قصيدته المشهور المطلاع فقال :



المطلاع



مريت انا المطلاع والشـوق هزنـي=قبل المغيب وتوهـا الشمـس غايبـه
وفيضت في عالـي روابيـه عبرتـي=وكثرت على قلب المعنـى مصايبـه
تذكرت مـن نفسـي تمنـى مودتـه=لا القلب ساليهـا ولا النفـس طايبـه
لولا غلا ذكراه مارخصـت دمعتـي=لوكان عيني بـازرق الدمـع رايبـه
هذا المكـان اللـي جمعنـا وضمنـا=وهناك حاكتنـي وهـي تقـل هايبـه
هـذاك ماقفهـا وهــذاك ماقـفـي=يوم اشرت بالراس وارخـت ذوايبـه
لاعـاد يـوم عقـب الابعـاد شفتهـا=تجـدد الجـرح القـديـم بسبايـبـه
من عقب مانـي فاكـر انـي نسيتهـا=اول شـرارة حـب شبـت لهايـبـه
حفرت قبر الحب في وسط ضامـري=من عقـب ماهـي باليـات نصايبـه
قالوا ملكهـا الغيـر مالـك ومالهـا=بـرق بعيـد ولاتحوشـك سحايـبـه
يكفيـك دور فـات بيـنـك وبينـهـا=جنب وخل الحـب واتـرك نشايبـه
قلـت اتركونـي هرجكـم مايسرنـي=والميـت ماتحييـه دمعـة قرايـبـه
والنار ماتحرق سوى اللـي يدوسهـا=جرحي وانا ابخص في دواه وطبايبـه
ان كان روحي عقب الفـراق شيبـت=سود الليالي عقـب الاقمـار شايبـه
ولو كان يـدرون الجماعـة قصتـي=محد عذل روح مـن الوجـد ذايبـه
اول معرفـه بيـن عينـي وعينـهـا=كلام عيـن لعيـن نظـرات صايبـه
العشـق كـان لغيرهـا ليـن شفتهـا=ومن شفتها نفسي عن البيـض طايبـه
بالغصب فرت موجـة القلـب يمهـا=بالغصب قلبي طـاع وانكـر حبايبـه
قعدت اماري وافتخـر فـي جمالهـا=واقول هذا الزيـن شوفـوا عجايبـه
انا اندفعت وعشت في جـو عاطفـي=انـا بنيـت احـلام وآمـال خايـبـه
انـا مـع الايـام تكبـر مصيبـتـي=هذيـك أعدلهـا وهـذيـك عايـبـه
لو كان حرماني على النـاس ينشكـي=شكيت ميـر النـاس ماهيـب ثايبـه
أشكي على اللي قـادر انـه يحلهـا=يلهمنـي السلـوان فـي كـل نايبـه
وأصبر واخبي في حشى الصدر علتي=واظن تالـي الصبـر تحمـد عقايبـه
واحبها في صمت واخفي مشاعـري=وابكـي اذا دار الشـمـال بهبايـبـه
ولابـد ماعقـب التفاريـق نلتـقـي=انـا وانـت ياحـب دفعنـا ضرايبـه
وناقف على المطلاع في نفس ماقفـي=قبل الظلام وتوهـا الشمـس غايبـه


ثم تحدث عن قصائد الشباب وعبثهم بالجوال والبلوتوث وقال في ذلك قصيدة مطلعها


بلوى الغرام العالم اللي تدشه=لا صار في وقت اللوازم تردى


ثم القى قصيدة .. نعم يا حبي الأول نعم يا حبي الثاني ..

وبعدها قصيده قالها في مطلعها :


لا صار خلك مستحق المسبه =سبه ترا العشاق غيرك يسبون


وبعدها ختم تلك الأمسيه الجميله بقصيدته الشهيره :




وقالت بدو


وقالت بدو
وصدت وقالتها بقرف
بنت الأكابر والترف
متكبره .. متعاليه
يعني بدوي يقعد طرف !!

قالت بدو
والمعنى دون المستوى
ماحنا وياها سوى
احنّا بنظرها من نكون ؟
ريشة يطيرها الهوى

مفهومهما حنّا عدد
رقم ولا أكثر بعد
يعني مجرد تكملة
ولا فهي أصل البلد

قال بدو
تعني صفر على الشمال
هذا على أحسن احتمال
تصدر حكم ، ما تلتفت
تحكم ولا تترك مجال

قالت بدو
متصورتني باستحي
وأترك مكاني وانتحي
وتفاجئت ، تغيرت ، تلعثمت
ما تدري أني بافتخر
ولي الفخر !!

حنّا بدو
حنّا عمى عين العدو
حنّا البداوة وضعنا
وأهل الوفا هم ربعنا
حنّا نتفاخر بأصلنا
يا بنت هذا طبعنا

ماهي بداوة تلفزيون
ولا مسلسل أردني
بس بدوي بالميكرفون
ولا هد سيفه ينثني
ولا بدو بيت السدو

حنا البدو
حنا بداوتنا الأصل
بالقمة حنّا مو أقل
حنّا بداوتنا تراث
من جيل لي جيل انتقل
حنا معاني ساميه
نروي السيوف الضامية
نرد المنايا ما نهاب
لو هي سعاير حاميه

حنّا بدو

حنّا البداوة عيدنا
ما ناكل إلا صيدنا
ما نعيش عالة مجتمع
نموت .. ما نمد أيدنا

حنّا البدو

حنّا البداوة بدمنّا
ما نسمي أحدٍ عمنّـا
حتى ولو منهو يكون
لو هو زعل ما همنّا

حنّــا بدو

حنّـا البداوة عمرنا
ماحد بيصبر صبرنا
لأنها مصنع للرجال
نمشي وتمشي بأمرنا

حنّــا البدو
حنّا البداوة أصلنا
حنّـا البداوة فصلنا
حنّـا بدو متماسكين
وهذي نتيجة وصلنا

يا بنت ياللي تضحكين
قلتي : ابدوي تستهزئين؟
غرج لباسج الأجنبي
والمشكلة ما تعرفين
أن البدو أصل العرب
تبغين هالكلمة طرب
صارت نشب

يا آنــســة
يـا عانســة
يا ضايعــة ومستانســة
يا تارسة وجهج صبغ
يا تارسة عينج شدو
حنّــا البدو
ولو كان قلتيها بقرف
لنا الشرف
أنّــا بدو

حنّــا بدو
حنّــا بداوتنا شيم
ديــن وقيّــم
معنى كبيــــر
ما أظن مثلك يعرفه
لو تدعين المعرفه
شي عسيـــر
ما أظن مثلك ياصله
صعبه ولاهي حاصله

كلمة بدو !!
تعني التمسك بالجذور
ماهو التخلف والجهل
ولا بعد حب الظهور
ولا التنكر للأهـــل

كلمة بدو
تعني الشمم
فعل وكرم
مبدأ حضارات الأمم
حنّــا القمم
نارٍ على راس العلم
يشهد لنا سيف وقلم
وإن كان ما عندك خبر
لنا الفخر

لو عشنا ببيوتٍ شعر ..
عيشة ألم ..
عيشة فقــر ..
عيشة تعلمنا الصبر
ما نقترض لجل السفر
ونحسّب أيام السفر
ما نفترض
ونعيش واقعنا بحذر
وبالضيق نرخص بالعمر
نشرب من الماي الهماج
ونكحل نواظرنا بعجاج
وغسيلنا حفنة رمل
هــي الدوا
واهي العــلاج
عيشة رضــا
ماهي نكــد !!
ما فيها تعقيد أبد

ساعات ما نلقى ذرا
يكفي نتلحف بالنجوم
وفراشنا رمل الثرى
وسراجنا نور القمر
لا من ظهــر
وننام من عقب العشا
ونصحى قبل وقت الفجر
نؤمن بقضانا والقدر
ماهو كســل
ولا نعيش بلا أمــل
نملك طمـــوح
علــم وأمـــل
ونرعــى الإبــل
ونــرعى الغنم
ونعزف من الونه نغــم
ونتابع أخبار المطر
وندوّر الروض الخَضَر
ونسري ورا
برقٍ سرى
ولا نتراجع للورى
ونبحث عن المرعى العشيب
ومن شعيب إلى شعيب
ما نستقــر
عنواننا كل الديار
تجوالنا ليل ونهــار

نعيش عيشه هاديه
وهذي حياة الباديه
سنة الربيع ، سنة دهر
ورغم الفقر
نخاف من قولة أفا
ونتعب على قولة نِعِم
ونعيش عاليين الهمم
من فضل ربي ما نخون
نرعــى الذمم
ونركض ونتعب ما نمل

ماحنا مثلك لا شغل ولا عمل
ما غير بس أكلٍ ونــوم
ومن الشحم ضاقت عباتج والهدوم
يا أسمن أنواع الحريم
يا عايشه على الريجيم
يا آنــســة
يـا عانســة
يا ضايعــة ومستانســة
يا تارسة وجهك صبغ
يا تارسة عينج شدو
حنّــا البدو
ولو كان قلتيها بقرف
لنا الشرف
أنّــا بدو

ياللي تقولين ابدوي
أنا ابدوي
ولي الفخر أني ابدوي
عزمي قوي
ما أخون
ما أبوق الخوي
يبدأ نهاري بالصلاة
وأصارع أمواج الحياة
ما ضاقت الدنيا أبد
ولاني من أصحاب الحسد
أرفع ايديني للسما
وأطلب من الله واستخير
ما اقول يمكن ربما
ولا يصير .. أو ما يصير

محافظ على الخمس الفروض
واضح ولا أحب الغموض
ولا أتلون والتوي
لاني ابدوي
متمسك بأصالتي
ولا أغير لهجتي

أنا ابدوي
في فزعتي
وفي قومتي
وبقعدتي
وفي مشيتي
وفجلستي
وفي كلمتي
وبنخوتي
وحتى عقالي ولبستي

ولو قلتي عني فوضوي
ما ضرني
بالحيل يا بنت ابدوي

ويسرني أعرف .. من أنتي ؟
ومن أنا ؟
والفرق واضح بيننا

تدرين وأدري من أكون ؟
ويكفينا نعرف بعضنا

أنتي مثل عمر الزهور
مالك عمر
مالك سنين
شهرين ويجيك الجفاف
وتذبلين
وتصبح ألوانج باهتة
وأنا جذوري ثابته

ماخذ من الصحرا الهدو
وإن كان هذا يسعدج
حطي على راسك يدج
هالمرة لا قلتي بدو
يا تارسه وجهك صبغ
يا آنــســة
يـا عانســة
يا ضايعــة ومستانســة
يا تارسة وجهك صبغ
يا تارسة عينك شدو
حنّــا البدو
ولو كان قلتيها بقرف
لنا الشرف
أنّــا بدو


بعد ذلك كانت الدعوه مفتوحه للشعراء من الحضور فقام الشاعر طلال السعيد بدعوة شاعر الرديه الشهير خليل الشبرمي الذي كان بين الحضور لصعود المنصه وامتاع الجمهور بما لديه

http://www.ushiqer.com/ushiqer/pictures.3/DSCN6970.jpg

بعد ذلك عرض بالبروجكتر وكان للمنتدى .. تعريف بالمنتدى وأقسامه .. وقد حصل على رضى الجميع ..


أبراهيم المفدى كان له حضور جميل في تلك الأمسيه الرائعه

http://www.ushiqer.com/ushiqer/pictures.2/DSCN6858.jpg

عريف الأمسيه كان الأستاذ / أحمد بن عبدالمحسن المغيرة

http://www.ushiqer.com/ushiqer/pictures.3/DSCN6972.jpg

http://www.ushiqer.com/ushiqer/pictures.3/DSCN6953.jpg

http://www.ushiqer.com/ushiqer/pictures.3/DSCN6945.jpg
http://www.ushiqer.com/ushiqer/pictures.3/DSCN6956.jpg
http://www.ushiqer.com/ushiqer/pictures.3/DSCN6957.jpg
http://www.ushiqer.com/ushiqer/pictures.3/DSCN6961.jpg
http://www.ushiqer.com/ushiqer/pictures.3/DSCN6958.jpg
http://www.ushiqer.com/ushiqer/pictures.3/DSCN6962.jpg
http://www.ushiqer.com/ushiqer/pictures.3/DSCN6966.jpg

في النهاية تكريم للشاعر :

http://www.ushiqer.com/ushiqer/pictures.3/DSCN6979.jpg
http://www.ushiqer.com/ushiqer/pictures.3/DSCN6980.jpg

[line]

http://www.ushiqer.com/ushiqer/pictures.3/DSCN6952.jpg
http://www.ushiqer.com/ushiqer/pictures.3/DSCN6951.jpg

فريق عمل المنتدى .. ( اللجنة الأخبارية ) ،


[line]

تقبلو خالص الود من فريق العمل الذي قام بالتغطيه للحفل والذي كان مكون من :

* جرح الضمير
* العكلاوي
* صقر نجد
* العنقري
* عبد الرحمن
* azizo
* PINO
* NEW

إلى لقاء أخر بأذن الله

والسلام عليكم ورحمة الله وبركاته