الي قد سمع بعجوز قريح ولا شافها يدخل هنا

[جرح الضمير]

السلام عليكم ورحمة الله وبركاته

كثيراً مانسمع عجوز قريح

أو في رواية أخرى عجوز شمطاء

ولا نعرف ماذا يعني هذا الأسم

بحثت طوال السنين التي عشتها عن هذه الشخصية الخيالية

وأبشركم وأخيراً وبفضل من الله ثم باحث القوقل وجدتها

وحبيت الكل يتعرف عليها

فما سمعناه من مواصفات لتلك العجوز أصبحت حقيقية

ولا فيها اي تلاعب أو تلفيق

أنظروا الى عجوز قريح (الشمطاء)

http://www.yabdoo.com/gallery/data/621461af90cadfdaf0e8d4cc25129f91/57_p13956.jpg

الله يكفيني وياكم شرها لاتطلع علينا في الليل هي وزقارتها :)

وأنا اقول وشوله نانسي عجرم تجمل نفسها بعمليات التجميل أثاريها خايفه من عجوز قريح لاتغطي عليها

خخخخخخخخخخخخخخخخخخخخخخخخخخخخخخخخ

تحياتي لكم

جرح الضمير

[الموظف]

ههههههههههههههههههههههههه
هذي عجوز قريح واخيراً شفتها

عقبال ما تاخذ وحده احلا منها بشوي يا جرح الضمير
ههههههههههههههههه

تسلم على الصورة الضريفة وماقصرت
وتقبل تحيتي

[خضراء اليمامة]

مرااااااااااااااحب ..

ههههههههااااااااااااااي ..

يا ربيه هالوجه مو غريب علي ..

هَـــــــو ..

كأنها البردقانة ..

إلا هي ..

الله يفشلك يا بردوقة ..

وش نشر صورتك ..؟ http://www.asmilies.com/smiliespic/happy/040.gif

هذا التنكلوجيا والبلوتوث اللي بلونا فيها ..

يسلمووووووو أخوي جرح الضمير على هالصورة الحلوة .. http://www.asmilies.com/smiliespic/happy/049.gif

بس بأسألك :

هذي عجوز قريح وشفناها ..

وين عوافي الله ..؟ << للحين تحسبها شخصية ..

ههههههههههههههههههههه ..

يعطيك العافية ..

وكثر من هالمواضيع السنعة ..

خضراء اليمامة ..

[جمعت الشووق]

يسلمو جرح الضمير على الصوره انا اخااف انها مو مصدقه


الا بااقي خرووف السله وينه تقدر تجيبلنا صورتها ههههه

[البردقانة]

أخوي جرح الضمير

صدق انك فتحت على نفسك باب ما منه فكة

وصاروا الأعضاء يسألونك عن عُقد الطفولة الله لا يبلانا .. " عوافي الله " .. " خروف السلة " ..



الا على طاري الطفولة .. بسألك .. ليه أمهاتنا أول إذا بغوا يسكتونا قالوا : " اعقلي واشرط لك " ..



الله يعينك على الأجابات .. أحد قال لك تفتح لنا المجال ..؟

يالله شد حيلك .. وارجع من جديد للقوقل .. واستمر بالبحث بقية عمرك .. يا تلحق يا ما تلحق ..!!

الله يعطيك طولة العمر جدو ..

وباين إن عندك ذوق وقدرة رائعة على انتقاء الحسناوات

أناقة وموضة وألوان واكسسوارات وتسريحة وأشياء ما نقدر نقاومها نحن الفتيات



يعطيك العافية جرح الضمير ..





وانتي يا خضراؤوه يالدبا ..

تضيعين صورتك وتوهقين بنات الناس؟ ترى هذا كلام ما فيه جين !!

ولو تكررت هالحركة – أنا أقول لو – فلا تلومين إلا نفسك ..

بعد ما بقى إلا خضرا مثلك تتبلى شقرا مثلي << شقرا والا وشيقر!!




فُتّكم بعافية ،،

بردووووووووووقة ،،

[دودي]

ههههههههههههههههههه الله يكافينا شرها اما الزقاااااارة تضحك الله يهاديك ياخضراء صرتي تدخنين<==لاتزعلين

[جرح الضمير]

لعنبوا بليسكم جميعاً

الي يقول عقبال ماتاخذ وحده احلى منها بشوي

والي يشبهها بوحده من المنتدى

والي يقول جب لنا صورة لعوافي الله

والي يقول جب لنا خروف السلة

أنا الحين لي سنين وأنا ادور صورة عجوز قريح ويوم اني جبتها وحبيت انكم تشوفونها

تسوون فيني كذا :(:(

على العموم كلامكم كله مردود عليه

بسم الله نبداء بالموظف

يالموظف انا مستعد آخذ الي احلى منها بشوي على قولتك بس على شرط انك تاخذ هالي في الصورة :) وبكذا نكون عرسان جدد في المنتدى هههههههههههههه

[جرح الضمير]

الحين دور خضراء اليمامة

أنتي وبردقانه تصلحون مع بعض مالي دخل فيكم

أما وين صورة عوافي الله هذي الي مالقيت لها حل

ولا أحب اشبه عوافي الله بأي صورة كانت على شان كذا فكيني من الموضوع الله يرحم لي والديك

وأما بالنسبة للمواضيع السنعة

أبشري انشاء الله ماراح تشوفون الا الي يعجبكم دام ردودكم تحمس الواحد

-----------------------------------

جمعت الشوق آآآآآآآآآآآآآآآآآآآه

أنت جبتها على الجرح وكنك مادريت

كان هذا مشروعي الثاني بعد نجاح عملية البحث المتواصل على عجوز قريح

وأبشرك على طول لقيته

بس ماني واثق من المصدر

http://www.hyperjump.de/pics/logo.gif

يقولون هذا هو خروف السلة ولقب بخروف السلة

لأنه شبيه بالخرفان هو وقرونه والصندوق الي معه يسمونها سلة المحذوفات حقته

تدري ليش لانه يحذفك من هالدنيا يقطعك قطعه قطعه بسم الله علينا ثم ينطلك في صندوقه اقصد سلته :)

على العموم لاتخاف تراه قبضوا عليه في الشريمي وهو ينط نط من حايط لحايط ومسكه أحد الشيبان ولعن ابو خامسة وحطوه في أحد القلبان ودفنوه

ومن ذاك الوقت لين الحين ماأحد شافه ويعتقد انه مات :) <<<< سواها سالفة

[جرح الضمير]

هلا بالبردقانه

حياك الله وتراني ماقلت شيء عنك وياليت تاخذين حقك من خضراء

<<< بيشبها بينهم :)

بس لاتخافين علي أنا كل شيء عندي بإذن الله له حل :)

أما عن كلمة أشرط لك

اذا تذكرين حلاو البقر

http://www.abuharon.com/halaw%20caw.JPG

كان أحسن شرط احصل عليه في صغري :)

------------------------------------

دووووووووووودي كلفت عمرك بالرد هههههههههههههههههههههههههه

دايم اشوف ردودك صغنونه :)

بس مع ذلك اقدر لك نشاطك وتواصلك مع المواضيع

والله يعطيك العافية والصحة


---------------------------------------

أشكر كل من رد على موضوع عجوز قريح

توزيع نسخ للجميع للفائدة

- صورة لمنتدى الصور
- صورة لجميع الاعضاء
- صورة لمحبي قرندايزر والقصص الخيالية
- صورة مع ابتسامة نرسمها على محياكم

والله يعطيكم العافية بصراحة حمستوني لموضوع آخر أفضل بكثير من هذا الموضوع

لذلك انتظروا قريباً قصتي في واشنطن مع معلمتي الفاضلة

جرح الضمير

[من الديرة]

هههههههههههههههههههههههههههه
ههههههههههههههههههههه
هههههههههههههه
ههههههه


الله يرجك يا جرح الضمير

اجل هذي عجوز قريح

عز الله اللي مسميها قريح ما كذب ابد

بس بيني وبينك مهتمه في نفسها حبتين ..... مناكير وحركات:D


المراد مهوب موضوعنا ذا <<<<==== اجل وشو


الخضره والشباب قلبوها ما يطلبه الاعضاء .....

وانا ياجرح الضمير وش زودي ابطلب بعد:D<<=== جايزتله هالخشه


انا اذا ماعندك مانع ياخلفهم ابسأل عن ..... حمــــار القايــــله:D
<
<
<
<
<
<

نرجع للموضوع /

الله يعينك يالموظف على قريحه <<<=== بدا يدلعها ... وش رايك فيني:D

يالله شـدحيلك ونبي قريح صغير يونسك <<=== والله ابفرح لك


فمان الله

[الموظف]

هلا بجرح الضمير

وراك زعلت انا مابي اعرس متنازل لك عنها هي لك ابلش بها
واتوقع اللي ماسك خروف السلة واحد قلبة قوي مثل عبود
ههههههههههههههه

انت ياللي من الديرة متى المعرفة
ههههههههههههههههههههههههههههههههههههههههه
اصبر شوي وبعدين قل اللي تبي خلنا نتعرف عليك اكثر
هههههههههههههههههههههههه

يالله في امان الله

[من الديرة]

افــا يالموظف ....

مهيب هي

ويقولون انك تتقبل كل شي بروح رياضيه ؟؟؟


على العموم اذا انت ما تعرفني .... انا اعرفك .... وانتك


فمان الله