حبا حبا باللي جاا باللي جاا

[فتاة أشيقر]

السلام عليكم ورحمة الله وبركاته


عندي لكم اليوم لعبة جديده


وإن شاء الله انها تعجبكم

طبعا هي عباره عن مجموعة من الألغاز أضعها وأنتم تحلونها

والشاطر اللي يجمع نقاط أكثر وكل مره راح نودع شخص لين يجي ويبدع عندنا واحد أو وحده



ولهذه المسابقة شروط
1- من غشنا فايس منا وهذا يعني البحث عن طريق قوقل أو أي شي غيره أنت/ي وثقافتك..

2- راح أنزل مجموعة من أسئلة كل فتره وكل واحد يحل اللي يقدر عليه

3- الفتره غير محدده يعني أنت/ي وحظك ولاأحد يجي ويقول ليش

4- اذا جيت أحط الدفعه الجديده راح أنزل قبلها الدرجات ومافيه أي أحد يقول نسيت أحل أو أي شي ثاني

5- اللي عنده رصيد وجاوب سؤال خطأ راح يروح من حسابه نقاط بعدد الأخطاء



متى تتوقف هذه المسابقه..؟؟؟
عند حصول أحد المتسابقين على 100 درجه بالموجب أو 50 درجه بالسالب



أتمنى ان الفكره تعجبكم

وطبعا نسيت

لازم يكون عندي مجموعة من الأشخاص يسجلون أسمائهم وماراح أقبل أي زياده

طبعا الأولوية للمشتركين الخمسة عشر الأوليين


اتفقنا

يالله من أسجل ومن أخلي

ونسيت يوم السبت الجاي ((الله يحيينا))
هو أخر يوم للتسجييييييييييييل


انضموا ولن تندموا


تحيتي::فتو,,,

[يكفيني غــ ـرور]

وعليكم السلام يا معلمة ..!

سجليني .. أول وحده .. وبلا فخر .. :make-fun:

وحبا حبا .. بفتو ,,
وافكارها الجهنمية ..

الله يبارك بها العقل اللي يجيب لنا هالسنع

:UFO-dog:

[الليدي عمشاء]

وأنا ثاني المشاركات ..

ما تلاحظين يا غرور إنّي ألاحقك .. خخخخخخخخخخخخ

فكرة رائعة فتّو .. عاد لا أوصّيك خويّتك في مسابقة خضراء .. الله الله فيها ..




يسلمووووووووووووو فتو .. وبانتظار أسئلتك ،،

[ولد الضيعة]

انا الثالث ..

ومشكـورة

[ملاك]

نمبر ثري

8
8
8

والله ماظنيته مادام هالرّبعات اللي فوق شرّفو ..

[ملاك]

خلاص.. نمبر فور

ماانتتبهت لرد اخوي ولد الضيعة ..

[الرزيزاء]

انا الخامس

[فتاة أشيقر]

هلا بكم والله

وحياكم

وان شاء الله تعجبكم مسابقتي


اذن معنا
يكفيني غرور
اللليدي عمشاء
ولد الضيعه
ملاك
الرزيزاء
سؤالي لكم
هل قرأتم الشروط؟؟
هل أنتم موافقون عليها
هذا هو أهم شي...

وعقبال الباقين

تحيتي::فتو,,,

[هايدي]

وانا السادسه

[خضراء اليمامة]

وعليكم السلام ورحمة الله وبركاته ..

هلا والله فتو ..

طبعاً أنا سابع مشاركة .. ويا ليت تحكيني مع المجموعة ..

بس باسألك :

كيف طريقة الإجابات ..؟

كل واحد يجي ويحط الإجابات هنا ..؟

طيب إذا أحد غش من الثاني ..؟

يا ليت توضحين الطريقة ..

ويعطيك العافية ..

خضراء اليمامة ..

[فتاة أشيقر]

مرحبا

هلا بك هايدي وخضوووره

والطريقة
ان كل واحد لما أنزل الأسئله يحل اللي يقدر عليه ويرسلها لي على الخاص


وكذا راح نستمر لين يبقى العضو الذكي وهو أحد المشتركين


اذن
يكفيني غرور
اللليدي عمشاء
ولد الضيعه
ملاك
الرزيزاء
هايدي
خضراء اليمامه

يالله مين رقم 8

تحيتي::فتو,,,

[فتاة أشيقر]

وينكم يانااااااااااااااااااااس

مالكم داعي


يعني ماأحد راح يشارك..؟؟؟


تهئ تهئ تهئ تهئ


تحيتي::فتو,,,

[*قمر ّالعكلّ *]

أنــــــــــــــــــــــــــــا أبي اشاااااارك..
بس مدري كيف نحط الاجابات وكيف. وكيف....... و وو ياليت توضحين اكثر..

سجليييييييييييييييييييييييييني

[ابن عبداللطيف]

انا رقم 9


سلملم

[مزاجي]

أنا .. أنا ... أنا

أنا ( وأعوذ بالله من كلمة أنا )

أنا العاشر
(على الفصل : ههههههه )

بس متى الدفعة الأولى ؟

[فتاة أشيقر]

أشوى به أحد عبرني ياربي وش كثر أعاني>>حست انها سخيفه



قمر العكل
المسابقه اني راح أحط مجموعه من الأسئله كل فتره (( والفتره على كيفي أقل شي لها 3 أيام)) وأنتم تجاوبون على الأسئله وترسلونها برساله خاصه,,,

اذا جاوبتي صح على أي سؤال لك درجه أما اذا جاوبتي خطا ناقص درجه,,,

طبعا أنا ماأحلل أي أحد يرجع لأي مرجع مهما كان من قوقل أو كتاب أو شخص غيره,,,


ان شاء الله تعجبك,,,

اذن
1- يكفيني غرور
2- اللليدي عمشاء
3- ولد الضيعه
4- ملاك
5- الرزيزاء
6- هايدي
7- خضراء اليمامه
8- قمر العكل
9- ابن عبد اللطيف
10- DESPERADUS

عموما
راح أبدى أول أسئله يوم الاربعاء ان شاء الله

من الحين بلغتكم

واللي بيشارك الباب مفتوح

لين ذاك اليوم



تحيتي::فتو,,,

[يكفيني غــ ـرور]

ويتنق

:)

[ابن عبداللطيف]

جآآآآآآآآآري الإنتظار

سلملم

[فتاة أشيقر]

مرحبا بالجميع

يالله نبدأ بأول مجموعه


اللي عليكم انه تحلون الأسئلة وترسلونها لي على الخاص ثمين تكتبون رد هنا يدل انكم رديتوا



يالله بسم الله نبدى

وبالتوفيق>>امتحاااااااااانااااااااااااااات



1-من هو مخترع سماعة الطبيب؟


2-ما هو الشيء الوحيد الذي يراه الاعمي


3-ما المسافه بين اول حرف واخر حرف من كلمة جميل


4-هل تستطيع ان تذكر خمس ايام من الاسبوع عدا الاثنين والثلاثاء والاربعاء والخميس والجمعه والسبت والاحد


5-ما الشيئ الذي هو اصغر منك ويحني ظهر امك


6-ما الشيء الوحيد الذي يستطيع ان يحققه الانسان بدون ان يبذل اي مجهود


7-نصفه ضعف العدد سبعه.....كم؟


ولاتنسون

أنا ماأحلل أي أحد يستعين بالانترنت أو أحد غيره

أنت وثقافتك


تحيتي::فتو,,,

[يكفيني غــ ـرور]

مرحبا بك ,,

تم الارسال

شقرن فيري مشت .. :)

[ابن عبداللطيف]

لازم أجاوب عليها كل ؟؟!؟!؟

الأسئلة كلها ألغاز ولا فيه بعضها تعتمد على المخزون الثقافي لدينا ؟؟

مثل سؤال مخترع سماعة الطبيب

أبحاول إن شاء الله أحلها بنفسي

ومنيب غااش


سلملم

[فتاة أشيقر]

مرحبا ومسهلا

سوري على التأخير بس الامتحانات وماتعمل


يالله
غرور:: 3
DESPERADOS:::ك2
ابن عبد اللطيف:: 1
الليدي عمشاء:: 2
خضراء اليمامه :: 5


ووين الباقين

على العموم
المرة الأولى والأخيره اللي بدلعكم فيها وأقول لكم اني راح أنزل الأجوبه بكره أو بعده

فاللي ماشارك يشارك والا بتروح عليه نقاط,,,


تحيتي::فتو,,,

[فتاة أشيقر]

السلام عليكم للمرة الثانيه

الأجوبه::

من هو مخترع سماعة الطبيب؟
واحد فرنساوي اسمه ليناك رينيه أو العكس

ما هو الشيء الوحيد الذي يراه الاعمي
الحلم

ما المسافه بين اول حرف واخر حرف من كلمة جميل
ميل

هل تستطيع ان تذكر خمس ايام من الاسبوع عدا الاثنين والثلاثاء والاربعاء والخميس والجمعه والسبت والاحد
خمس ايام من الاسبوع هي: قبل امس، أمس، اليوم ، غدا، بعد غد

ما الشيئ الذي هو اصغر منك ويحني ظهر امك
المكنسة

ما الشيء الوحيد الذي يستطيع ان يحققه الانسان بدون ان يبذل اي مجهود
الفشل

نصفه ضعف العدد سبعه.....كم
7
------------------------------------------

اذن الدرجاااات::
من ( 7 ):::

غرور:: 3
DESPERADOS:::2
ابن عبد اللطيف:: 1
الليدي عمشاء:: 2
خضراء اليمامه :: 5
ولد الضيعه:: 0
ملاك:: 0
الرزيزاء::0
هايدي::0
قمر العكل::0
-----------------------------------------


والجزء الثاني::

وقاض قد قضى للناس عدلا

له كف وليس له بنان

رأيت الناس قد قبلوا قضاه

ولانطق لديه ولا لسان !!
----------

يتسع لمئات الألوف ولا يتسع للطير المنتوف؟؟؟
---------

يد و عود، و بطنه جلود، و رأسه في جهنم ممدود؟ ؟؟
--------

يسمع بلا أذن ويتكلم بلا لسان فما هو ؟ ؟؟
--------

إننا أربعة إخوة ، لنا رأس واحد فما نحن ؟؟؟
-------

شيء عظمه فوق جلده ماهو ؟؟؟
-------

مااسم الشجره التي لاظل لها ولا ثمار ؟؟؟
------

وبالتوفيق,,,

تحيتي::فتو,,,

[خضراء اليمامة]

السلام عليكم ورحمة الله وبركاته ..

تمت الإجابة ولله الحمد ..

شكراً حبيبتي فتو ..

ويعطيك العافية ..

خضراء اليمامة ..

[*قمر ّالعكلّ *]

هلاااااا فتو
الحمدلله جاوبنا وان شاء الله نفلللللللللللللللح..
وه احسني متوترة توني مخلصه اخيباراتي تجي اختبارات ثاااااانيه..

نبي النتايج سريييييييييييييييييييع..

مشكوووووووووووووورة فتوته..

[يكفيني غــ ـرور]

تمت الاجابه .. بس لي باك اعتراض

:(

[يكفيني غــ ـرور]

2-ما هو الشيء الوحيد الذي يراه الاعمي

الحلم صحيح .. لكن الظلام برضوه صحيح ,, بدليل ان الأعمى لما يسألونه وش تشوف ..؟
يقول ظلام ..!

والزبدة ,, ان هالسؤال يحتمل كذا اجابه ..

5-ما الشيئ الذي هو اصغر منك ويحني ظهر امك

موب على كل حال المكنسه ..!
ممكن تكون عصاها طويله وبالتالي ما تحني الظهر :)

بعدين الطفل اجابه منطقيه ..
لانه اصغر مني ,, والام لازم تنحني عشان تاخذه ..


7-نصفه ضعف العدد سبعه.....كم؟

على اي اساس صار الجواب سبعه ..؟
حوليها لمعادله وشوفي ..
لنفرض العدد المطلوب بـ س ..
نصفـ (س) = ضعف العدد سبعه << لان الهاء تعود على الـ س المصونه ..
1/2 س = 2 × 7
1/2 س = 14
[1/2س = 14 ] × 2 << عشان نتخلص من الكسر
س = 28

والدليل .. ان نصف الـ 28 = 14 اللي هي ضعف السبعه ..!
صح ولا لا ..؟
الا اذا كان قصدك .. نصف ضعف العدد سبعه ,, وفي هالحاله بيصير سبعه ..!

فتو ,,
آسفه على هالرد .. ويمكن أنا نفسي غلطانه ..!
وكل اللي اتمناه انك تتقبلينه بصدر رحب ,, وبيني وبينك .. أحس ماله داعي هالكلام لأني عارفتك ,, بس ابسوي فيها برستيج قدام الاعضاء :)

يقطع بليسك وين كتبي << خرب البريستيج :)

سلاميشن

[الليدي عمشاء]

يعطيك العافية فتاة أشيقر على هذا الجهد المبذول وهالمسابقة الجميلة ..
تم حل الجزء الثاني ..
ولدي اعتراض على بعض إجابات الجزء الأول أرجو أن تفكّري بها جيّدا ..

3-ما المسافه بين اول حرف واخر حرف من كلمة جميل ؟
على إنّي جاوبته صح .. بس المفروض تكون الكلمة " جميلة " مو " جميل "
لأن أول حرف هو الجيم .. وآخر حرف اللام وشلون يصير ميل ؟

4-هل تستطيع ان تذكر خمس ايام من الاسبوع عدا الاثنين والثلاثاء والاربعاء والخميس والجمعه والسبت والاحد
جوابي كان : الاثنين والثلاثاء والأربعاء والخميس والجمعة من الأسبوع اللي بعده ..
وهو منطقي نوعا ما .. بس مثل هالنوع من الأسئلة تتطلب أكثر من إجابة .. ومن الظلم أن يتم اختيار الإجابة التي في الكتاب أو في الذاكرة فقط ونتغافل عن الأجوبة التي يحتمل أن تكون صحيحة ..

5-ما الشيئ الذي هو اصغر منك ويحني ظهر امك
قلت : أخوي الصغير أو أختي الصغيرة إذا جت بتشيلهم أمي ..
نفس تعليقي السابق .. وكما ذكرت غرور ..

7-نصفه ضعف العدد سبعه.....كم؟
28 ..
أنا أوافق غرور تماما على ماكتبته ..
تكون الإجابة كما ذكرت سبعة إذا كان السؤال هو : نصف ضعف العدد سبعة ..
ولكن كما هو مكتوب " نصفه ضعف العدد سبعة "
نصفه أي العدد المطلوب هو يكون ضعف للعدد سبعة ..
وضعف العدد سبعة هو 14 .. وبما أنّ نصفه هو 14 فإن العدد يكون 28 ..

الرجاء الرجوع مرة أخرى لتعديل النتائج ..

شكرا فتو ،،

[فتاة أشيقر]

مرحبااااا ومسهلاااا

اطلعت على ماقلتوه

وبصراحه

منطقي جدا

عموما

بأرجع ان شاء الله وأتأكد منها وأعدل النتايج ان شاء الله

وبعدين غرور

أولا: مابيننا شي بلا برستيج بلا بطيح
البرستيج بالعزايم بس

وثانيا:: كتبس الله لايهينس ابجيبها لس
ووالله اني مستحيه مره وذاك اليوم نسيتها في البيت وش أسوي,,


اليوم ان كان ربي كاتبه


تحيتي::فتو,,,

[مزاجي]

يعطيك العافية فتاة أشيقر ..

بس حبيت أقول مثل الليدي عمشاء

بصراحة الأسئلة مش مظبوطة

ياليت تردين في أقرب وقت ..

تحياتي ...

[ابن عبداللطيف]

<< جاي يبي يهوش

<< مدرس رياضيات ما يعرف يحسب

مهوب معقولهـ

انقهرت بصراحهـ يوم ما حسبتيه


يالله عطيني كم نقطهـ لا تفشلينا

بإنتظار تعديل النتائج

وجاري ارسال اجابات الجوله الجديده

سلملم