المساعد الشخصي الرقمي

مشاهدة النسخة كاملة : كلمــة بلانجليــزية قد تكفر أذا نطقتها (ادخلوا ضرووووري)

ابو بندر
20-03-2005, 02:45 PM
السلام عليكم ورحمه الله وبركاته


صدقوني الموضوع اهم مما تتصوروا .

وبصراحه لفت انتباهي بشكل غير طبيعي.. وهو عبارة عن كلمه صغيرة

يمكن نقول عنها تافهه وهي كلمه (( باي ))

طبعا كلنا عارفين الكلمه هذي وعارفين مدى انتشارها اليومين هذي

وبدأنا نستعملها بشكل ملفت للنظر ومن شهرتها صارت ختام لكل مكالمه

وختام لأي محادثه صارت شي رسمي جدا وأساسي.

بس للاسف نستعمل كلمه مو عارفين ايش وأنا أولكم قاعد أستعملها

والا أعرف شنو معناها في الماسنجر وفي كل مكان

بس قاعد أحاول أني أنساها معناها نمشي مع التيار ولو

عرفتوا معناها صدقوني ما راح تستعملونها نهائيا ويمكن تستحقرونها

وتنبذونها لدرجه انكم راح تكرهوا سماعها وتمنعوا احد يقولها.

ومعناها للاسف

( في حفظ البابا )

نختم كلامنا بحفظ البابا الي ماهو قادر يحفظ نفسه

الافضل نقول في امان الله - في حفظ الله - هذي الكلمات الي يختم فيها

الواحد كلامه.


شفتوا الفرق وشفتوا ايش قاعدين نقول بدون ما ندري وشوفوا الفرق

بين الكلمتين .

المهم حبيت النصيحه لانه موضوع مهم في نظري وياليت نبدأ في



التطبيق من هذي اللحظه لا نتأخر .

انشرها ليعم الأجر انشاء الله
دحومي
20-03-2005, 02:52 PM
والله ماتوقعت من ذي الكلمة التافهة معناها كذا

لكن ما نقول إلا حسبنا الله ونعم الوكيل

وجزاك الله خير اخوي ابو بندر على المعلومة

وابشر باللي ينشرها
ابو بندر
20-03-2005, 03:02 PM
مشكور على المرور اخوي دحومي

والله يجزاك خير على النشر
tooty
20-03-2005, 03:33 PM
اخي ابو بندر يمكن يكون كلامك صح ...بس ابغى اعرف من وين عرفت ان معناها ....في حفظ البابا ...........

لان المعروف انها اختصار ل...good bye...و انا ما اقول هذا الكلام اعتراض على كلامك بس ابغى اعرف المصدر اللى يأكد كلامك ..

ومشكور على الموضوع ...وانا في انتظار الرد .............
نواف
20-03-2005, 09:00 PM
يعطيك العافية

وانا نفس كلام توتي
الموظف
20-03-2005, 10:41 PM
هلا وسهلا
ابوبندر
عفواً الموضوع مكرر
ومشكور على جهدك الملحوظ وماقصرت يالغالي
وتقبل تحيتي
ابو بندر
20-03-2005, 11:21 PM
توتي ونواف
ترا الموضوع منقول ومكتوب تحت انشر الموضوع
وهذاني نشرته وتراني دايم القاه في المنتديات
وايضا اخوي الموظف كتب مثل هالموضوع
اسئلوه عن المصدر<<<<<تورط الموظف:d


اخوي الموظف معليش اسف
ماانتبهت لموضوعك الاول
وقلهم من وين جبت موضوعك
الاول<<<<<ورطتك صح:d
tooty
21-03-2005, 12:51 PM
طيب يا ابو بندر عفيناك من الاجابه .....اي واحد يعرف هل هذا الكلام صحيح او لا يرد علينا ..................الموظف اذا كنت تعرف يا ليت تقول لنا .؟؟
kha_sa_ab
21-03-2005, 01:21 PM
http://www.mamarocks.com/trluv5.gif


السلام عليكم ورحمة الله

أدري

الموضوع مكرر

لكن tooty مداخلتها أظن بأنها غير مكرره

وبحثت عن الأتي في القاموس اللغوي " المورد ":

good bye , good by : أستودعكم اللَه ، وداعاً ،، الترجمة على التوالي
bye , by: جانبيَ ، فرعيَ ، ثانويَ .... بحسب إستخدامها

الحاصل أو خلاصة الكلام
أظن والله أعلم ، وهي مجرد خاطرة فقط لاغير

أن هناك من عامة أو أباء المسلمين من يحاول تربية بنيه على حب اللغة العربية ونبذ اللغة الإفرنجية
وبالتالي يبدع في إخراج الأكاذيب ،، وذلك بهدف إسقاط بعض الكلمات الإنجليزية الدارجة
على ألسِنة أبناء الإسلام.

هذا مابدر لي ونحن "الأعضاء" ننتظر الخبر الأكيد
وعن نفسي سأُحاول أن أبحث عن معناها


وأمر أخر ذكره أخي ابوبندر في عنوان موضوعه

لفظة " قد يكفر " <<<< سبحان الله هذه تعدت مسائل الإفتاء
وعلى حد علمي هذه الأمور لايمكن لأي أحد العبث بها ...


وقبل أن ننسى صاحب الموضوع المكرر أخي ابو بندر
فأقول
عافاك الله على نقلك المكرر ..

وباااااااااااااااااااااااااااااي <<<< حتى نتأكد من الخبر

وتقبل مني سلام الله <<< والله أحسن من بايكم


http://www.mamarocks.com/trluv5.gif
tooty
22-03-2005, 10:50 AM
جبت لكم الخبر الاكيد من <<<<<<<<<<برفسوره >>>>>>>> عندنا بالكليه وقالت ان هذا الكلام غير صحيح ..
وكلامك يا kha_sa_ab صحيح ,,لانها ان سبب اطلاق هذي الاشاعه هي محاوله لصرف ابناء المسلمين من استخدام المفردات الانجليزيه في حياتهم ....
وشكرا يا ابو بندر وارجوا انك ما تكون زعلت لاني عارضت كلامك ....يعطيك العافيه ...
دودي
22-03-2005, 01:52 PM
مشكور اخوي ابو بندر على النقل وابشر بالنشر اذا كانت صحيحة
أبو جراح
22-03-2005, 02:16 PM
الأمر المهم ليس ما مصدر الكلمة

وكيف أصبحت اختصار لما قيل

المهم هو هل أصبح التكفير عند البعض كشرب الماء؟؟؟؟؟؟؟؟؟؟؟
NEW
24-03-2005, 12:26 AM
السلام عليكم..

أنا سمعت هذا الكلام من قبل..

لكن ليس له أي دليل

و لذلك فلن أصدق مثل هذه الأشياء الغريبة جداً..

و أنا و الحمد لله لا أقول هذه الكلمة أبداً

و لكني أعرف أناساً كثر يقولونها و يختمون بها حديثهم


و فضلاً و ليس أمراً.. أريد مصدراً أو دليلاً على صحة هذا الكلام

و بعضكم قال أنها إشاعة لصرف نظر الناس عن قولها

أقول احتمال كبير.. لمَ لا


و لكن أعتب على صاحب الموضوع في وضعه كلمة "قد تكفر" في العنوان

و شكراً

و أعتذر على الإطالة

أخوكم: New