راح ثلثين من الليل ما ادركت المبيت.....للمفدى

[أبو جراح]

بسم الله الرحمن الرحيم



هذه القصيدة للشاعر ابراهيم بن عبدالرحمن المفدى أبو عبدالسلام

اتمنى ان تحوز على اعجابكم

يقول ابو عبدالسلام:



راح ثلثينٍ من الليل ما أدركت المبيت=مشاوفٍ للنوم وأعجز واغبط اللي هجوع
عيوني ابيضت على كثر ما حزنت وبكيت=كن مرميٍّ بقربي مسيلات الدموع
علةٍ في الكبد عندي ومنها ما اشتفيت=والدوا ما فاد والكي واخثار النقوع
اشتكي لله بسرّي ليا مني اشتكيت=الولد ما فاد والبنت والحب الفزوع
من كثر صكات بقعا تعوّدت وضريت=مخطر انك ما تلاحظ علي اني جزوع
ضاع مالي قلت هانت مدام اني بقيت=الخسارة وان فقدنا معه زين الطبوع
حالفٍ لو يرحع الحال الأول ما بغيت=شلت حملٍ تعتدل منه جبرات الضلوع
احسب اني لا تقدم بي العمر اهتنيت=افرشو لي واخدموني وشبو لي شموع
خاب ظي في الموالين ضاع اللي رجيت والزمن ما فيه وقفة ولا عنده رجوع
واهنيك بارد الحس تسلى ما دريت=لو بكيت في الثلاثا ضحكت في الربوع
يا حميدان الشويعر لقيت اللي لقيت=رحمة الله لك ولي وش لقينا من الربوع




وسلامتكم

[دحومي]

هلا اخوي ابو جراح

بس ماطلع لي شيء

ياليت تتأكد

[صدوقة]

أخي الفاضل .. أبو جراح ..

ما هو الحِمل الذي يحمله الشاعر على قول مثل هذه الكلمات اليائسة ؟

يظهر التشاؤم واضحا في هذه القصيدة بدون وجود أي معنى للأمل فما الذي دفعه لذلك ؟

لم يوضح الشاعر سببا لذلك ؟؟ إلا إذا كنت بطيئة الاستيعاب ..

لكن ما فهمته بأن الشاعر يحمل هما ثقيلا لم يستطع من حوله أن ينسوه إياه ..

كما أنه يحسد غيره ممن ينسون بسهولة ..

القصيدة رائعة .. لكن هل هناك ما أشكل علي .. أرجو الإيضاح مع الشكر..

[أبو جراح]

دحومي هلا بك

وش اللي ما طلع؟؟؟

القصيدة وموجودة

.
.
.

مووومصدقة

حياك الله

والشاعر في قصيدته

أجاب على كل التساؤلات

ماالذي دفعه لقول ذلك قال :





علةٍ في الكبد عندي ومنها ما اشتفيـت=والدوا ما فاد والكي واخثـار النقـوع

اشتكي لله بسرّي ليـا منـي اشتكيـت=الولد ما فاد والبنت والحـب الفـزوع


أي انه أمر أثر فيه غاية التأثير ويشكوى لله جل وعلى منه


أما الحِمل الذي يحمله الشاعر على قول مثل هذه الكلمات اليائسة ؟




من كثر صكات بقعا تعوّدت وضريـت=مخطر انك ما تلاحظ علي انـي جـزوع
ضاع مالي قلت هانت مدام انـي بقيـت=الخسارة وان فقدنا معه زيـن الطبـوع
حالفٍ لو يرحع الحال الأول مـا بغيـت=شلت حملٍ تعتدل منه جبرات الضلـوع
احسب اني لا تقدم بي العمـر اهتنيـت=افرشو لي واخدموني وشبو لـي شمـوع
خاب ظني في الموالين ضاع اللي رجيت=والزمن ما فيه وقفة ولا عنده رجوع


اذن حمله:

كثرة المصائب(صكات بقعا)

ضياع المال و خسارته

كبر السن الذي صاحبه خيبة الأمل في الأصحاب الموالين الذين كان يؤمل فيهم الوفاء

خسارة ما فات معهم من وقتٍ وغيره





اتمنى ان أكون وضحت ما حزن عليك

[دودي]

مشكوور اخوي ابو جراح على القصيدة الرائعة

[بليهان]

مششششششششششششششكووووووووووووووووووووووووووووووووور

موضوع حلو

وتوضيح احلى

وشكل القصيدة من قلب صدق

يعني احساس صادق

مشكور ابو جراح

[أبو جراح]

دودي

بليهان

هلا وغلا .. شاكر لكم مروركم ومداخلاتكم .. نورتوا الموضوع

ويا هلا